تجمع بنات مصر لنظافة البيت

يعنى مفيش حد رد عليا فحكاية الغسيل الابيض عيزاه بيبرق وانا عندى غسالة حوضين

katkooota_7aboooba;9223437:
يعنى مفيش حد رد عليا فحكاية الغسيل الابيض عيزاه بيبرق وانا عندى غسالة حوضين

بصي يا ستي انتي الاول تنقعي الغسيل الابيض بتاعك في الكلور شوية بتاع نص ساعة او اكتر شوية وبعد كده عادي تغسلي يعني قصدي في الغسالة هتلاقيه طلع ابيض واهم حاجة في الغسيل الابيض الزهرة اللي هتزهري بيها لازم يكون نوع كويس وحلو ونضيف لان في نوع زهرة بيخضر الابيض وبيديله لون مخضر مش امزرق والمطلوب لو مزرق وجربي كده الاول في البيت عندك وهتلاقيه ان شاء الله هيعجبك وربنا يتمم لك علي خير ان شاء الله وانا وكل البنات يااااااااااارب ان شاء الله

الغسيل الابيض
انا باعملة حلاركة كدة بتخلية بينطق وهو منشور











بصى بقى يا جميلة انتى خلاص نويتى انك تغسلى بكرة
تقوم جايبة بلاستيكية وحاطة فيها شوية مية والمسحوق اللى بتستخدمية
وتحطى معاهم الهدوم البيضة على بيات
وتقوم الصبح تعصريهم اى كلام كدة وتشتال المية بالاومو وتحطيها فى الغسالة وتحطى فوقها مية سخنة
عشان الهدوم


اة لو الهدوم عندك فيها بقع ولا حاجة
تحطى عليها شوية كلور
والله الهدوم عندى ما شاء نظيفة جداااااااااااااا

لالكلو ر تحطية بعدى ما تطلعيهم من الغسالة
عشان الهدوم الغامقة ما يتغيرش لونها


والزهرة زى ما مونى قالت لازم تكون نظيفة
لانى جبتها مرة واخدتها فيها مقلب ههههههههههه قلبتى الهدوم وبقى لونها اصفر

تخلصي من الدهون والشحوم على أسطح خزائن المطبخ، وذلك بغسله بالماء والصابون أو منظف للأسطح ، احتفظي بها نظيفة بعد ذلك عن طريق فرشها بورق جرائد وتغيير هذا الورق شهريا.
الاواني الزجاجية عادة ما يكون عليها ملصق للتعريف بالمنتج، وعندما ينزع هذا الملصق يبقى أثره وغالبا ما يجمع حوله الأوساخ، ولكي تتخلصي من بقايا هذه الملصقات يوصي باستخدام أي منتج لإزالة الماكياج على قطعة قطن، أو قماشة نظيفة وسوف تعكس هذه الأواني إشراقا وجمالا لا يضاهى.
نظفي الفرن من الداخل بمحلول من الماء الساخن والخل ثم اشطفيه، احميه بعد ذلك عن طريق تبطينه بورق الفويل وتغييره بين الحين والآخر.
لتنظيف آثار الأطعمة الملتصقة بالمبشرة مرري عليها قطعة من البطاطا أو الليمون أو قطعة خبز محمصة.
تخلصي من آثار الماء في الغلاية وذلك بوضع القليل من الماء بها إضافة على القليل من الخل، واتركيها طوال الليل ثم اشطفيها وستلاحظين أن ترسبات الكالسيوم قد اختفت ولم يعد لها أي أثر.
للحفاظ على لمعان الزجاج وتألقه اغسليه بالماء الدافيء والصابون ثم اغسليه بعد ذلك بالماء الدافيء المضاف إليه قليل من الخل.
نظفي فناجين القهوة بوضع مكعبات الثلج بها ثم أضيفي بعض الملح إليها مع رجها جيدا.
حافظي على لمعان التواليت وخاصة قاعدة الحمام، صبي زجاجة من الكولا في القاعدة واتركيه لمدة ساعة ثم اشطفيها.
حافظي على تجدد مراتب السرير وذلك بنثر قليل من بيكربونات الصوديوم عليها وتركها لبضع ساعات ثم تنظيفها بعد ذلك

إزالة بقع الدهون عن السجاد
ضعي كمية من النشا فوق بقع الدهن، التي تلطخ السجادة، اتركي النشا يتفاعل مع الدهون مدة 8 ساعات أو طيلة الليل، قبل أن تنظفي السجادة بالمكنسة الكهربائية.
فتح مصاريف المياه المنزلية
عند انسداد مصاريف المياه في المنزل، ضعي ربع كوب من البيكنغ صودا في المصرف المسدود، ثم أضيفي ربع كوب من الخل، أغلقي المصرف جيدا وانتظري انتهاء تفاعل المادتين. بعد ذلك، اسكبي دلوا مليئا بالماء المغلي.

منقول من مقهى الفتيات

شكرا لكل الى رد عليا بجد معلومات قيمة

أحلى دنيا;9218903:
بنات....المقلاة التيفال....اللون الاحمر اللي برة ده بقى لونو اسود من النار...خايفة ادعكها تبوظ...اعمل ايه...
ايه رايكو لو كل واحده تقول ازاي بتنضف كل مكان في شقتها بالتفصيل...عشان نستفيد يمكن في طريقة اسهل من اللي ممكن نكون عارفينها..

جربي التنر حلو اوى

انا جبت العملاق الاخضر منظف اردنى بس لسه مجربتهوش والبنات من الخليج بيشكرو فيه

[QUOTE=أحلى دنيا;9218903]بنات....المقلاة التيفال....اللون الاحمر اللي برة ده بقى لونو اسود من النار...خايفة ادعكها تبوظ...اعمل ايه...

اممممممممممم هاقولك انا عملت فيها اية بس مش عارفة اللى عملتة صح ولا غلط :(

انا حطيت المقلاية على النار لحد لما سخنت وجبت المعلقة الخشب ونزلت طبقة السواد اللى اتكونت
نزلت وبقى شكلها نظيف وكمان عملتلها كدة من جوة

كدة صح ولا غلط طب وامتى اغسل التيفال بعد ما يبرد
لانى سمعت انة غلط غسيلة وهو سخن
بس مش متاكدة من المعلومة دى

امتى نغسل التيفال وهو سخن ولا وهو بارد :o

katkooota_7aboooba;9224080:
شكرا لكل الى رد عليا بجد معلومات قيمة

العفو يا جميلة

ازيكم يا بنات أنا مبسوطة قوي بالتجمع دا وفكرة رائعة ياورد
وأحلى حاجه ان الواحد يحس ان فيه ناس بيشاركوه خبراتهم
وكمان أحلى حاجه ان كده هنشجع بعض أكتر ونبطل كسل

Nody.Mom;9144120:

ازيكم يا بنات انا لسه شايفه التجمع وحاسه انه معمول مخصوص علشانى

اصل انا بعيد عنكو خيبه فى التنظيف واتجوزت وطبعا الخيبه زى ما هى بس عندى امل استفاد منكم على الاقل اتشجع والتزم بالجدول بجد محتجاه جدا خصوصا انى لسه ام جديده ومحتاجه انظم وقتى

وبما انى متحمسه اوى دلوقتى قولولي الثلاجه بتتغسل ازاى وبايه ؟

فعلا يا بنات احنا محتاجين واحده كده شاطره تحطلنا جدول للتنضيف يكون حلو ومنظم بس ميبقاش مبالغ فيه
وبالنسبة لسؤالك يا أخت نودي التلاجه لازم تتغسل كويس في ناس بينضفوها من جوا من غير ميحطوا رفوفها تحت الماء الجاري ودا غلط ، وأنا بغسلها بماء وكربونات برده أو مية وجنرال الصابون السائل دا والحيطان من جوا بنضفها بعد كده بالماء فقط

pippo;9126448:
ازيكم يا بنات
عندى سؤال عجيب شوية
عندى شوز قماش بيعمل ريحة مش حلوة للرجلين.. حد حصتلته حاجة زى كده واتخلص منها؟

حطي فيه بيكربوناتو ( بيكاربونات صودا ) وسيبيها فيه لمدة يوم وبعد كده نفضي الشوز منها وبس كده مش هتلاقي أي أثر للريحة
ولا تكلفي نفسك ببودرة جزم ولا حاجه

الحب هو الحياة;9105988:
قوللى ياتوتى

مفيش فايدة والله ياكاسى بيبات لتانى يوم انا عايزة حل ما يكونش ضرار للصدر عشان كل حاجة بقيت ضارة دلوقتى

بصي يا أختي هو فعلا بيلبد في المكان بس لو انتي جيتي على المغرب كده قبل ما الدنيا تليل بشوية وفتحتي الشباك والدنيا لسه فيها شوية نور
هتلاقيه بيطلع على الضوء اللي برا وساب المكان عندك المهم وانتي فاتحه الشباك متنوريش النور بتاع المطبخ أو الحته اللي لابد فيها
وبلاش الحاجات بتاعة الدبان والفليت والحاجات دي لو في المطبخ علشان الأكل ميتشبعش بيها والحااجت دي بتبقى ضارة جدا على الصحة وكمان بتجيب السكر والعياذ بالله

عروسة نعومة;9155493:
أنا عاجبني أوي الموضوع ده يا بنات ، ربنا يكرمك يا ورد على الأفكار النيرة ... أنا متجوزة بقالي 8 شهور و كنت عايزة جوزي يجيبلي شغالة على الأقل كل اسبوعين مرة تمسح و تنفض و تعمل الشغل التقيل ده و أنا كفاية عليا يوميا أعمل الأكل و أروق و أغسل المواعين و الغسيل و المكواة بصراحة شايفة ده كفاية أوي بس هو مرضيش .. الحمد لله ، المهم أنا خيبة خالص في شغل البيت و نفسي أستفيد منكم و لو جربت حاجة حلوة أقولكم

التلاجة و الفريزر جوزي هوا اللي عملهم مرة من ساعة ماتجوزنا عادي بالمية و صابون المواعين .. انا باستخدم فيبا هوا مش قوي أوي بس شغال و رخيص

عايزة أقولك يا أختي أنا الأول كنت بجيب شغالة كل شهر مرة علشان الشبابيك عندي عالية قوي وبخاف أطلع أنضفها ودي كانت أكبر غلطة عملتها في حياتي كل ما واحده تيجي تطلب فلوس كل مرة أكبر ويتمرعوا عليا علشان كانواا شايفيني صغيرة ففاكرين انهم هيضحكوا عليا
وغير كده مسابوش حاجه مبوظوهاش والله حاجات كتير اتكسرت عندي وخربت مع اني كنت بقف معاها وغير كده كذا واحده سرقت مني وأنا كنت لسه برده عروسه واكتشفت ان لما الواحده بتنضف بيتها فعلا بينضف أما دول أكترهم بيكروتوا مش بينضفوا ولا حاجه

عايزة اسالكم على اسرع طريقة للتخلص من رائحة الثوم والبصل من الايدين والهدوم؟

الحب هو الحياة;9232970:
عايزة اسالكم على اسرع طريقة للتخلص من رائحة الثوم والبصل من الايدين والهدوم؟

من الايدين...كنت شوفت اسامة السيد بيقول طريقة حلوة اوي...افتحي الحنفية وهاتي طبق استانلس وحطيه تحت الحنفية وادعكي ايدك بالطبق وهو تحت المية...وشوفت ف ال تي في قبل كده ف برنامج تاني قطعة من الاستانلس شكل الصابونة بتدعكي بيها ايدك تحت الميه....يلا اللي يعجبها الطريقة دي تقييمني..

بنات انا عندي ليكم طريقة حلوة مووووووووووت لتنضيف المعالق والشوك الفضية انا جربتها ونتيجتها حلوة موووووت بصراحة انا قريتها هنا في المنتدي مش فاكرة مين اللي كانت كتباها المهم الاول قبل ما اقول الطريقة انا جربتها علي المعالق والشوك الفضية فقط يعني مش عارفة بئة اللي فيها مثلا خطوط كده او نقوش باللون الدهبي يعني معرفش ممكن بالطريقة دي ممكن تطلع ولا اية فا حبيت اقولكم واحذركم الاول وممكن بردوا تكون عادي ومش بتطلع المهم علشان ما اطولش عليكم ::::::



الاول تجيبي حله وتمليها مية وتجيبي من السائل او المنظف العادي اللي بتغسلي بيه المواعين وتحطي شوية حلوين كده وكمان نقطتين لمون وعادي تحطي المعالق والشوك وممكن السكاكين وتسيبيهم يغلوا وتطفي عليهم وبعد كده تسبيهم يبردوا وتشطفيهم بالمية وشوفي بئة اللمعة اللي تجنننننننننننن بجد ومنها كمان علي فكرة تنضيف للحلة نفسها لو كانت المونيوم

تسلم ايدكم يابنات على الافكار الحلوة

انا عندي سؤال

انا عندي درفة في الدولاب ليها ريحة مش حلوة خالص والريحة دي بتبقى في الهدوم جربت ارش فيها اي معطر او حتي بخور بردوا مفيش فايدة


محدش يابنات عنده حل فتاك لريحة الدولاب المكمكمة دي قرفتني

ناني فيبس;9237758:
تسلم ايدكم يابنات على الافكار الحلوة

انا عندي سؤال

انا عندي درفة في الدولاب ليها ريحة مش حلوة خالص والريحة دي بتبقى في الهدوم جربت ارش فيها اي معطر او حتي بخور بردوا مفيش فايدة


محدش يابنات عنده حل فتاك لريحة الدولاب المكمكمة دي قرفتني

بصي يا ستي في هنا البناويت الحلوين كانوا بيتكلموا عن مفارش بتكون لها ريحة حلوة بتحطيها وبعدين عادي تطبقي الهدوم وتحطيهم عادي يعني وفي كماني يا ناني كمفورت للملابس تغسلي بيه وبعد كده لما الهدوم تنشف وتحطيهم في الدولاب تجيبي بخور او لو ممكن حته فحمة كده وتحطي عليهم نقطتين من اي برفان عندك عادي جدااااااااا وتبخري الدولاب

وفي طريقة كمان وانا جربت دي والتبخير انك تجيبي ورق جرايد عادي جدا وتجيبه بستله وتحطي مية وزيت عطري كده وممكن الزيوت اللي بتيجي مع المسحوق عارفاها اللي بتكون لها ريحة دي وتحطي منها في المية وتحطي الجرايد وتشيلي وتسيبيهم ينشفوا وبعد كده تشري عليهم بردوا مثلا من برفان عندي كده الريحة هتمسك وتفرشيه وتحطي الهدوم ويارب اقدر اكون افدتك يا قمر

نانى انا كنت قريت هنا على المنتدى فكرة انك تجيبي بواقي الصابون بتاع الوش
كذا نوع وكذا ريحة
وهاتى برطمان وابشري بواقي الصابون دى وعبيهم في البرطمان واخرمى الغطاء كذ خرم وحطية في الدولاب
او نفس الفرة بس بدل البرطمان هاتى تل او اى قماشة مخرمة ضيق كدة وحطى فيها بشر الصابون بردو
بصي انا بشرت الصابون وحطيتو كدة من غير حاجة في الدولاب عمل ريحة حلوة بس وسخلى الدولاب طبعا

ناني فيبس;9237758:
تسلم ايدكم يابنات على الافكار الحلوة

انا عندي سؤال

انا عندي درفة في الدولاب ليها ريحة مش حلوة خالص والريحة دي بتبقى في الهدوم جربت ارش فيها اي معطر او حتي بخور بردوا مفيش فايدة


محدش يابنات عنده حل فتاك لريحة الدولاب المكمكمة دي قرفتني

لو حطه مفرش بلاستيك شليه هو سبب الريحه بجددددددد

فعلا المفرش البلاستيك بيعمل ريحه وحشه وبيلزق