تجهيزات قمرات مصر ...الجزء 119 يارب نتجوز بقه

شوفي اقولك فكرة حلوة انا استخدمت زهران غيري استخدم الدهان و طبعا فرق السعر ملحوظ خلي امكانياتك هي الفاصل في الموضوع ده

نغمة القمر;8917370:
ازيكم ياقمرات ممكن لو حد يعرف حاجة عن كوافير غادة سنتر اللي في عباس العقاد يقولي هي شاطرة ولا لا للعرايس المحجبات وعندها كل حاجة ولا ميكب ولف طرحه بس

بتعمل كل حاجه ب 1500 ده السنه ال فاتت
وان منزله شغلها علي موقع اسمهGhada Center انا كان فرحي السنه ال فاتت وكنت دافعلها عربون بس فرحي اتاجل للسنه دي وحجزت عند ايمي الكاشف
وسنتر غاده بيعمل مسكاتى وحمام كريم واستشوار وسويت وحمام مغربي وفير وهاي لايت تبع شغلها وهلاقي شغلها في مجله حجاب

ronyhuntes;8917937:
جيلان كانت عملت مكياج اختي وساعتها كان حسابها بلف الطرحة 1850 جنيه
بس مش هقدر احط صور اختي بس مكياجها جميل و ثابت

ميرسي اوي ع ردك واهتمامك بس هوه ده كان امته يعني الاسعار زادت ولا نفس السعر
ولو تعرفي نورا اللي فالسراج دي نظامها ايه شغلها حلو ولا لا وبتاخد كام بليز يابنات افيدوني افادكم الله

دا شغل جيلان عاطف
انا ظللته على قد ما اقدر

mnne;8917894:
بنات بليز قولولي بسرعه مين شغلو احسن جيلان عاطف ولا نورا اللي فالسراج والاسعار ايه ولو حد عنده صور لشغلهم يوريهولي بسرعه بليز صحبتي فرحها يوم13/3

جيلان عاطف احلي واحده فيهم بس سعرها غالي اوي بتاخد 1500 السنه ال فاتت ليها موقع علي النتJailan Atef
ونورا ال في السراج معرفهاش بس بنات لي المنتدي بيشكروا فيها,وبتاخد 1400 تقريبا معرفش

ميرسي اوي يابنات ع اهتمامكم ده متحرمش منكم ابدا

قولولي لبس الشتا بينزل شهر تسعه ولا عشره ؟

rola_86;8888840:

بنات بجد زعلانه منكو اوي مش بتدعولي وانا عيانه ومقولتوليش القشر اللي في وشي ده هايروح ازاي الكوافيره كان عندي حبايتين فضيتهم وحطيتلي عليهم توم


عاملين احمر جامد ومدياني زيت احطه عليهم عشان يعملو قشر بالله عليكو تقولولي هي عكت كده ولا ايه

بصى يا جميل هو التوم فيه أنتى بيوتك يعنى هى ممكن يكون قصدها وقايه وأكيد هتخف أن شاء الله هى أكيد مش أول مره تعملها مش ممكن كلنا بعد كده نعمل زيك متقلقيش ومبروك مقدما يا أحلى عروسه(f)

Bonbonaya15;8889435:
بنات دلوقتي خطيبي جابلي مكواة بيبي ليس الحمرا من برا ,ازاي بقي أعمل بيها في الاول و اصلا هيبقي في حموم كتييرر:o أعمل ايييييييييية مش عارفة :ss:

ممكن تقوليلنا يا عوستنا هوه جابها بكام وممكن تقوليلنا أول ما تجربيها أخبارها أيه لو سمحتى:)


صوت العيون
مبرووووووووك يا قمر ويارب تكونى أحلى عروسه

mnne;8918113:
ميرسي اوي ع ردك واهتمامك بس هوه ده كان امته يعني الاسعار زادت ولا نفس السعر
ولو تعرفي نورا اللي فالسراج دي نظامها ايه شغلها حلو ولا لا وبتاخد كام بليز يابنات افيدوني افادكم الله

الاسعار طبعا من سنتين ونص بالضبط بس واحدة صاحبتنا راحت تحجز عندها طلبت 2500 وبعدين على فكرة كلميها على الموبايل و خدي منها السعر اليقين

ronyhuntes;8917662:
هو المعرض السوري مفتوح دلوقتي والا معرض ايه
اعرف واحده جابت مفرش سوري من شهر 11تقريبا كان ب350 انا مشفتوش بس هي قاعده تحكي و تتحاكى بيه

في معرض السوري في حلميه الزيتون
وهو صاحبه واحد سوري وبيقولي ان هو نفس ال بينزلو في الرض المعارض بس ارخص وعنده كله منتجات سوريه اسمه المعرض السوري للعروس

جيلان صحبتي كلمتها وقالت لها 1500 ميك اب ولف طرحه بس
محدش يعرف بئه نورا دي نظامها ايه هيه بتاخد بردو 1500 بس يعني فيه حاجه تانيه غير الميك اب والطرحه ولا لا

miko85;8918087:

بتعمل كل حاجه ب 1500 ده السنه ال فاتت
وان منزله شغلها علي موقع اسمهGhada Center انا كان فرحي السنه ال فاتت وكنت دافعلها عربون بس فرحي اتاجل للسنه دي وحجزت عند ايمي الكاشف
وسنتر غاده بيعمل مسكاتى وحمام كريم واستشوار وسويت وحمام مغربي وفير وهاي لايت تبع شغلها وهلاقي شغلها في مجله حجاب

حلو اوي الشغل بتاع غادة يا قمر انا شفت موقعها و فعلا شغلها حلو بس انا لو عايزة بس طرحة و ميكب و سشوار و مسكات و حمام كريم تاخدلها كام كده و هل مكانه قريب من الزيتون او قريب من نادي شرطة الجزيرة يا قمر بالله عليكي تردي عليا لأن بره مصر و محتاسة على الآخر يا قمراية ؟؟؟؟؟؟؟؟

اللي غير لف الطرحة و الميكب مثلا حطت تل من عندها او زودت ورد في الطرحة كل حاجة بتمنها و غالي على فكرة

حبيبه مادو;8907061:
انا شوفتهم يا كتكوته حلووووين اوى يجننوا وعلقت عليهم وكنت بسألك التشطيب ياخدله كاااام بقى ؟؟؟؟؟
يعنى من اول المحاره لغايه الدهان والسيراميك والشبابيك والابواب لانك عيشتى تجررربه طبعا جااامده مع شقه الزوجيه اللى باسم الله ما شاء الله طلعت تجنن هههههههه وكنت بسألك كام هى شقتك دى فيين ؟؟

ميرسي يا قمراية بجد، معلش مشوفتش ردك خالص، بصي الشقة في عين شمس، احنا ابتدينا التتوضيب وشراء المستلزمات بتاعته من بعد العيد الكبير باسبوع كده بس يعني بقالنا شهرين اهو او اكتر بحاجة بسيطة وتقريبا خلاص خلصنا الحمدلله، يعني امبارح كان الكهربائي هنا بيركب النجف اخيرا كان نفسي اوي اشوف شكله وهو متعلق عندي، وهايجي تاني يظبطلنا الدش والتليفون ويوصل اسلاكهم بقي وتبقي دي اخر المهام بتاعته واخد 250 في الموضوع ده كله بس بصراحة هو عمل مجهود كبير وقعد اكتر من 12 ساعة هنا ولسه لما يجي تاني ولما جه في الاول خالص عشان يكسر ويعمل التوصيلات الأساسية اخد 350 باين والنقاشة خلاص واخد مصنعيته في النهاية 2500 من غير المونة والنجارة بردو خلاص بس النجار عمل جزء وعمو كمل الباقي فبردو مش هقدر اقيمها اوي بالفلوس والسباك كان متفق معانا علي 1000 مصنعيته هو بتوع السيراميك والصالون بقي الدهب لوحده اخد 1500 والمنجد واخد لغاية دلوقتي 900 ولسه معرفش هياخد تكملة كام بس هو خلاص احتمال كبير نستلمه اليومين دول ان شاء الله، هو عمله حلو اوي ومظبوط ما شاء الله بس نسي اني كنت عاوزة اعمل كرسيين عكس الباقي في القماش بس يلا قدر الله وماشاء فعل المهم النتيجة النهائية وبكده يبقي فاضل تركيب الطقم والحنفيات في الحمام وتركيب رخامة المطبخ ويبقي تقريبا التوضيبات خلصت بس حاسة اني نسيت اكتب حاجات كتير مش عارفة هي ايه التركيز عندي باظ خالص وبعدين نفضي بقي لتكملة التجهيز والشراء والدفع :D:D وربنا يستر من المصاريف دي.

اااه كنت ناسية بتاع المحارة شوفتي مش قولتلك هو اخد 650 او 700 مش فاكرة وبعدين جبناه تاني عملنا تسقية للشقة كلها وبعدين مرة بعدها للحيطة والسقف بتوع الحمام والمطبخ واخد طبعا فلوس تاني بس نسيت بردو ، يعني بصي تقريبا التوضيب لغاية دلوقتي قفل 15 الف ده اللي هو تجديد الشقة من غير الحاجات اللي انا بجيبها من نجف وقماش وكده طبعا انا اقصد التشطيب بتاع العريس يعني مع العلم ان الشقة اصلا كانت ساكنة قبل كده يعني معمولة بس احنا جددنا ونضفنا وغيرنا حاجات كتير.

ghadghoda;8912585:



كتكوتة هى شقتك دى فين وكام متر ؟؟؟؟؟؟؟؟؟؟؟؟

الشقة في عين شمس وهي 135 متر.

يا اجمل بنات كنت عايزه بس اسالكم على الفكره الى تحت الحوض دى حلوه بالخشب كده وياترى الالوميتال اصلا ارخص ولا الخشب

dandona we bas;8918258:
حلو اوي الشغل بتاع غادة يا قمر انا شفت موقعها و فعلا شغلها حلو بس انا لو عايزة بس طرحة و ميكب و سشوار و مسكات و حمام كريم تاخدلها كام كده و هل مكانه قريب من الزيتون او قريب من نادي شرطة الجزيرة يا قمر بالله عليكي تردي عليا لأن بره مصر و محتاسة على الآخر يا قمراية ؟؟؟؟؟؟؟؟

بتاخد 1100 بس ده علي السنه ال فاتت ممكن تغلي شويه السنه ممن 50 او 100 زياده
اه قربيه من الزيتون يعني تلت ساعه لان هي في شاره عباس العقاد في مدينه نصر
وانا كمان لينا شقه في الزيتون بردو كنت عايزه حاجه قربيه ه لو ممكن تفكري في ايمي الكاشف قربيه جدا من الزيتون وكمان تصوري في استوديو كادو جنبها علي طول
لو عايزه غاده اشستوديو كادو لي فرع تاني في مدينه نصر اخر شارع ال فيه غاده
كمان الاكسسوار ال بتحطه ال شوفتيه ده تاجيره 100 جنيه
او استفسار انا جاهزه

انا كان اسمي اميره فتحي 9 غيرت اسمي بmiko85 ابقوا حطينوا في الليسته باسمي الجديد 10\7
وكمان كنت عايزه اسالكم طلعولي من عند الكوافير الساعه 6 ونصف بدري اوي في الصيف والمشوار من الستديو والقاعه يعنيي الزحمه مش اكتر من نصف ساعه يعني اخلي ميعاد الزفه امتي في الصيف

حبيبه مادو;8917839:
DodyCat لا يمكنه استقبال رسائل خاصة جديدة لأن صندوق رسائله ممتلئ. يجب أن يقوم أولاً بحذف بعض الرسائل الغير ضرورية لإفساح المجال أمام المزيد من الرسائل الجديدة.

[blink]دودى[/blink] فضى الرسايل شويه عندك عشان جيت ابعتلك على الخاص مش رضى يا قمرررر

فضيت الرسايل يا قمر
بنات تفتكرو العربى اللى فى الرويعى يبقى فاتح النهارده وكمان هل الأسعار واحده فى كل الفروع؟؟

صحيح احنا طبعا نزلنا تاني شارع الكهربا من يومين عشان نجيب الوشوش وباقي حاجات رفايع كده عشان تقفيل الكهربائي، جبت لكل اوضة الوش اللي لونه يمشي معاها وحظي كان كويس الحمدلله وخطيبي كل ما انقي حاجة يقولي ااااه يا ارووووبة نشنتي صح واللون مظبوط، وجبت للريسيبشن بقي كله نحاس وشكل ولون واحد، وجبت كشاف اوتوماتيك نيون صغير عشان يتحط بردو في الريسيبشن عشان معموله مكان ومينفعش اسيب السلك كده من غير حاجة راكبة فيه :ss: بس جبته بردو من الحظ الحلو دهبي مط ماشي مع النجف ولون الحيطة وكده مع اني لفيت ودوخت عشان الاقي اللون ده في الحجم الصغير وكمان في فروق اسعار فظيعة لقتها فيه من محل لمحل يعني اقل سعر لقيته فيه كان 55 واكتر سعر ب 95 باين، انا بقي جبته ب 60
ورحنا رجعنا مقابض السفرة عشان مقاستها طلعت مختلفة عن الفتحات اللي في السفرة وملقتش حاجة بديلة لسه ورجعنا كمان الترباس عشان كنا هنضطر نقطع من البرواز بتاع الباب عشان يركب وجبت بداله واحد امتن وحسن بكتير نحاس وتقيل ب 28 ااااه عايزة اقولكم علي حاجة مهمة اوي عشان تاخدوا بالكم وانتوا بتشتروا الاوكر بتاعة الأبواب، بالنسبة لباب الشقة والحمام بس هما اللي ممكن يصادف فيهم اللخبطة دي بس عشان اوكرهم مختلفة عن باقي الاوض، يعني باب الشقة بيبق4ي ناحية واحدة بس وبيبقي فيه منه بيفتح يمين وفيه بيفتح شمال فشوفي انتي اريحلك ايه او ايه انسب مع فاتحة بابك وبردو للحمام عشان اللي جوا مختلف عن البرا في القفل ده، ممكن متخدوش بالكم وتجيبوه معكوس وساعة التركيب هتلاقيه القفل بقي من بره ومش نافع جوا عشان الاوكرا بس كده.
اوريكم الصور بقي.

miko85;8918206:
في معرض السوري في حلميه الزيتون
وهو صاحبه واحد سوري وبيقولي ان هو نفس ال بينزلو في الرض المعارض بس ارخص وعنده كله منتجات سوريه اسمه المعرض السوري للعروس

فين فى الحلميه بالضبط يا ميكو

بنات هو ماحدش عايز يساعدني ليه في موضوع تشطيب شقتي اللي في الفلكي في اسكندرية انا كنت بسأل على اسعار النجارة والكهربا منين وبكام