تجهيزات قمرات مصر ...الجزء 119 يارب نتجوز بقه

flower20009;8912877:

بياخد 3%
وبعتلك نمرة مأذون كتب للعيله كلها عندنا ودموا خفيف موت:D:D:D
وعلى فكره هو اللى كتب لكريزى انانس بردو اللى معانا هنا كنت قلتلها عليه بردو

السلام عليكم انا تابعت معاكوا من الصفحة دى بس اول حاجة

بنات كتيييييييير اوى عملت اوضة المعيشة هيا هيا اوضة الاطفال عقبال ماربنا يرزقهم ودا تفكير عملى حلو اوى ومريح لكل الناس

miss-law2010 صح بردو حطى السرير الصغير دا ومكتبة التليفزيون شفتها كتييييييير اوى بدل الركنة حلو بردو وعملى

القايمة للبنات انا برفعهالكوا

دى نماذج لأقتراحات بطاقات دعوة الزفاف للى هاتعمل وربنا يسعدكوا كلكوا انا مش فاكرة نزلتهم منين بس قولت يمكن يفيدوكوا

صيغ مقترحة لبطاقات دعوة الزفاف يارب تعجبكوا

((1)) عندما ترسم شمس الأصيل لوحة الشفق الجميل على صفحة السماء إيذانا
بدخول يوم الاثنين الموافق --/--/2007
تنطلق أضواء الفرح و السعادة لتملأ صالة ------ بفندق -------
بقدوم عروستنا --- ثم يزداد إلهنا عندما تدق الدفوف معلنة وصول عريسها -----
و تزداد الصالة بأبهى صوره بتشريفكم حفلنا حيث ينشر الفرح و المحبة و يطيب الحفل
في تمام الساعة -------
ملاحظة : جنة الأطفال منازلهم فنوما هنيئا

((2))
مع غروب شمس يوم _______الموافق_________ تعم البهجة وتنير الفرحة أرجاء مدينة _______ وذلك بمناسبة زفاف ابننا الشاب __ على كريمة _________ وستبدأ مراسم الزفاف إيذانا بوصول العروس لتزف إلى عريسها لتنير ساحة قاعة ___________وسط فرحة الأهل والأصدقاء
ونزداد فرحاً بتشريفكم لنا وتناول طعام العشاء
والعاقبة لديكم بالمسرات..

((3))
بالسلام نبدأ ونعلن فرحتنا ----------- لكل عزيز ينوي مشاركتنا
لعر يسنا .........دعوتنااا ------------ على ابنة ............ وفقنا
أهلا وسهلا بكم في ليلتنا ----------- بوجودكم تزداد فرحتناا
يوم .....ليله....موعدنااا ----------- وبحضوركم تحلي سهرتنا
في .....من أول شهرناا ------------ عام ......ه من هجرة سيدنا
ودعوتكم لحضور حفلتنا ------------ من العريس ووالده ووالد عروستنا

((4))
عندما تبدأ الشمس تجمع خيوطها معلنة الرحيل يسدل لجهة الغروب..عندها الليل إيذاناً بدخول ليله من يوم(------) الموافق / / 2007 القمر ستار
يسرنا دعوتكم للحفل المقام على تشريف ابنتنا في ( -------) وتكتمل سعادتنا بتلبيتكم دعوتنا


((5))
من يوم(-----) الموافق / / 2007م عندما يضرب الليل إطنابه على خيمة الأرض..ويفتح السهر أبوابه..نحتفل معاً في قاعة( ) بمناسبة زفاف ابنتنا ( ------)
وبتشريفكم تكتمل فرحتنا.
المدعوات.

(6)
في ليله من ليالي البدر تزداد أمانينا ويحلو اللقاء في صحبة أهالينا
ألا أيها الأحباب جودوا وزوروا في ليله من ليالي .......تشع تهانينا
نزف شموع موكب عروستنا على الشاب......... عريس ليلتنا
في ......من......... تقام حفلتنا بصالة ................تتلألأ فرحتنا
ويامن بكل الحب شارك مسرتنا فبوجودكم تطيب بهجة مودتنا
ولكم من............والد عروستنا شرف الضيافة ويأهلا بمن لب دعوتنا

miss_law2010;8912923:
بنات لو حد يعرف ينزلى صورة من القايمة اللى بيمضى عليها العريس يبعتهالى ضرورى لحسن مش لاقياها

دول يا جميل كانو موجودين فى الجزء اللى فات تقريبا حد منزلهم بس مش فاكرة هيا مين يارب اكون افادتك:)

...نوسي...;8908188:
بنات ايه رايكم دي اوضة الاطفال عندي في الشقة




ودي صورة رسم في واحد من الاوض في السقف

عشان البنات اللي كانوا محتارين ده ايه رسم او ورق جدران

نزلتها عشانكم بس وهمسحها (( غيرة الاستاذ نعمل ايه )) بس عشان خاطر البنوتات اخواتي نعمل كل حاجة

بس على فكرة هنا ماكنتش كملت لسه





ايه رايكم يابنات بجد ؟؟؟

[FRAME="15 70"]

ماشاء اللة واللة اكبر ياجميل تتهنى بيها يارب وتعيشوا فيها سعدا انتى وجوزك والنونو اللى هيجى ان شاء اللة كنت عايزة اسألك مهندس الديكور خد منك كام ولو ممكن لو مفيهاش تعب ليكى تبعتيلى التفاصيل بتاعة المهندس على الخاص ورقم تليفونة وميرسى ليكى ياقمراية :):)(f)(f)
[/FRAME]

حبيبه مادو;8908249:
لا يا شيرى يا قمر ما انا كنت بقول ههههههه لا الحمام واخد كيرف لورا شويه عن المطبخ عشان كده الشباك فى هذه المنطقه الغريبه هههههههه

انا مستنيه بقيه افكاركم الجميييله ومرسى لكل الاقتراحات الحلوه

انا عاوزه اسأل سؤال بس الغساله فيها حاااااجه لو اتحطت فى المطبخ هل المطبخ يأثر عليها فى حاجه الابخره وكده ولا عااادى؟؟؟؟؟؟؟

لا عادى احنا غسالاتنا فى شقة بابا فى المطبخ وماشاء الله عادى خالص

zozokah;8909707:
ازيكم ياعرايس انا عندي سؤال محرج شويه بس والله صارلي فتره بفكر بيه ومكسوفه اسال ماما ومعنديش حد اسالو ويقدر يفيدني غيركم يابنات انا عايزه اعرف هو لسه العادات زي زمان يعني لازم اهل العريس والعروسه يشوفوا دليل شرف البنت يوم الصباحيه ولا ده كان زمان وبس وربنا يباركلنا بزواجنا كولنا يارب

كان زمااااااااااااااااااااااااااااااااااااااان

donya eman;8913060:
ان قصدى اللشمع الى بيعمل شراره ده زى الى فى الافراح

بصى فى محل بعد المحمل اللى فى التجنيد متخصص فى حاجات الحفلات وعندو الشمع دا

نوسي بسم الله ماشاء الله علي شقتك ربنا يهنيكي وتتهني بيها يارب

ممكن تبعتيلي رقم تليفون الراجل النقاش عالخاص

هو الى فالصورة ده
ولا الى بيرسم حاجه والنقاش حاجه تانيه ؟

انا عملت المطبخ بتاعى االوميتال المتر اتكلف 500 وطالع تحفة بنى لو اقدرت اصوره ححطهولكم وعملت بتاعة كده اكسسوار للازايز اتكلفت 140 بس خلاص لو فيه حاجة جديدة حقولكم عليها

بنات هو الواحد يجيب كام بيجامة ستان

يارب أبقى عروسة;8913587:
انا عملت المطبخ بتاعى االوميتال المتر اتكلف 500 وطالع تحفة بنى لو اقدرت اصوره ححطهولكم وعملت بتاعة كده اكسسوار للازايز اتكلفت 140 بس خلاص لو فيه حاجة جديدة حقولكم عليها

بنات هو الواحد يجيب كام بيجامة ستان

افتكر بتجيبي اتنين يعني علي حسب ما انتي هتلبسي انا عن نفسي جبت اتنين يعني احس الستان مش عملي فالبس اوي

هى البيجمات الستان دية شتوى و لا صيفى

هوالغساله بتحط في المطبخ ولا في الحمام

yasmeen muhammad;8913722:
هى البيجمات الستان دية شتوى و لا صيفى

صيفي

هو مين ال بيحدد ميعاد الزفه احنا ولا القاعه
اصلا انا حجزت عند ايمي الكاشف وقالتلي اطلع الساعه 6 ونصف .بس ممكن اغير ميعادي اصلي هما دقيقين في الميعاد واصور في استوديو كادو ال جنبها والقاعه في دار الاسلحه والذخيره
يعني كده بدري اوي اطلع من عند الكوافير علشان الفرح في شهر 7 يعني في الصيف ايه رايكم

miss_law2010;8908835:
على فكرة يا جماعه ما شاء الله اسعار الشقق فى مصر حلوة اوى لكن عندنا هنا الشقق نار انا دخلت شقق صغيرة جدا 90 متر ب180 الف جنيه
بس الحمد لله شقتى جبتها ب138 باعجوبة هيا 105 متر بالمنافع بتاعها بس نظامها وحش شوية الشقة كلها مجروحة هيا حمام واحد على الريسيبشن والمطبخ جمب بابا الشقة والاوضتين اوصاد بعض وسطهم السفرة يعنى كلها مجرحة على بعضها الحمد لله ههههههههههههه بس هحلها ان شاء الله بباب برفان احطه اودام الحمام لما يكون فى ضيوف لان لو حد جه على سهوة وانا فى الحمام هتحبس جوة مش هعرف اطلع بقى

فبجد يا حبيبة مادو ما شاء الله شقتك حلوة وتقسيمتها حلوة سبيها كده متغيريش عشان متندميش بعد كده الا لو هتجيبى مهندس ديكور يظبطلك اللى انتى عايزاه

انا كمان يا قمر شقتي نفس تقسيمه شقتك بالضبط لما هتجنن بس الحمد لله
ومبروك يا حبيبه مادوانتي من كلامك حسيت ان انتي اخدتيها والله ربنا يجعلها من نصيبك

miss_law2010;8909309:

بنات رخام المطبخ انا اللى بشتريه ولا بتاع الالوميتال هوا اللى بيجيبو وبحاسبه عليه

لو انتي واثقه فيه خليه هو ال يجيبها غير كده هاتيها انتي

zozokah;8909707:
ازيكم ياعرايس انا عندي سؤال محرج شويه بس والله صارلي فتره بفكر بيه ومكسوفه اسال ماما ومعنديش حد اسالو ويقدر يفيدني غيركم يابنات انا عايزه اعرف هو لسه العادات زي زمان يعني لازم اهل العريس والعروسه يشوفوا دليل شرف البنت يوم الصباحيه ولا ده كان زمان وبس وربنا يباركلنا بزواجنا كولنا يارب

لالالالالالالالالالالالالالالالا ومليون لا دي حاجه بينك وبين زوجك انتي بس بطمني الاهل بكلمه الحمد لله

Didem;8911613:
بنات
ممكن سؤال
اصل خطيبى قاللى احتمال الجواز يتقدم شويه عن معاده ..فممكن يبقى بعد رمضان مثلا
ودلوقتى فى تخفيضات شتوي
انا نزلت جبت لحد دلوقتى 5 بيجامات شتوي
اجيب ايه تاني فى الشتوي
كام جلابيه وكام بيجامه وكام بلوفر للبيت وكده؟
سيبكوا من هدوم الخروج دلوقتى خالص
انا عاوزه اعرف للبيت ايه النظام؟؟؟؟؟

بيجامات كده كفابه هاتي 2 ترينج والجلاليب لو بتلبسيها ومتعوده يبقى 4 لو مش بتلبسيها كتير يبقى 2 كويس وروب او 2 شتوي وبلوفرات البيت 5 كده كويس

صوت العيون;8911636:
السلام عليكم ورحمه الله وبركاته

سؤال

هو الاستوديو بتاع التصوير بيتحجز برده ولو اه بيتحجز باد ايه ان شاء الله

ايه رأيكم فى كادو الى فى ميدان الاسماعيليه هو ولا كوداك الى فى ابن سندر ان شاء الله

اه يا مورو وخصوصا لو رايحه عند اسم مشهور يعني شهر قبلها وكادو ال في ميدان الاسماعليه انا مجربتوش بس بلاقي عنده عرايس كتيييييييييييير جدا جدا

yasmeen muhammad;8911991:
يا بنات كنت عوزة اسئل على حاجة انا عندى الشقة غرفتين و حمام كبير و مطبخ كبير و رسيبشن كبير و هيشيل قطعتين و زيادة كمان انا كنت عوزة اسئل انا اخترت الاودة الكبيرة للنوم و الريسبشن بقى متقسم حتيتين قولت حتة للسفرة المساحة تاخد سفرة مستريحة و الحتة التانية ليفينج انترية شيك و كبير كذا حتة عشان المكان كبير و مكتبة حلوة كدة و هجيب كمان تربيزيت تلفزيون عشان اخدو فى اى حتة انا عوزاها دلوقتى مش عرفى اعمل اية فى الودة الى فاضية و مش عوزة صالون حاسة انو مالوش لزمة عشان اصلا الريسبشن كبير و يخد الناس غير انو برة و مش هدخل لسة حد جوة فى اخر الشقة عشان يقعد فى الصالون و مكنتش عوزة اجيب اودة اطفال بردة كنت بفكر اعمل حاجة جديدة كدة بس مش عارفة اية يا اما هسبها فاضية و احت فيها مكتب كدة كان خطيبى عملو لما كان قاعد لوحدو مش عارفة اية رايكو

انا كمان اوضتين وان شاء الله تانيه تعمليها ليفينج بسيط مع مكتبه صغيره كده او تربيزه تلفزيون زتبقى تقعدي فيهاانتي وزوجك علطول علشان لو حد جالك متتلخبطيش وتقومي تجري لا يبقى الريسبشن جاهز للاستقبال علطول

miss_law2010;8912923:
بنات لو حد يعرف ينزلى صورة من القايمة اللى بيمضى عليها العريس يبعتهالى ضرورى لحسن مش لاقياها

http://www.3roos.com/uploaded2008/252515/01221557197.doc

yasmeen muhammad;8912939:
مرسى يا جميلة على الرد غالبا انا هاعمل كدة بس هو اية الانترية الركنة دة هو غير الانترية العادى

اه الركنه بيبقى حرف ال

donya eman;8913060:
ان قصدى اللشمع الى بيعمل شراره ده زى الى فى الافراح

ده في تسيباس

donya eman;8913102:
وانا كمان

http://www.3roos.com/uploaded2008/252515/01221557197.doc

يارب أبقى عروسة;8913587:
انا عملت المطبخ بتاعى االوميتال المتر اتكلف 500 وطالع تحفة بنى لو اقدرت اصوره ححطهولكم وعملت بتاعة كده اكسسوار للازايز اتكلفت 140 بس خلاص لو فيه حاجة جديدة حقولكم عليها

بنات هو الواحد يجيب كام بيجامة ستان

2 كويس ومش تكتري عند كده

yasmeen muhammad;8913722:
هى البيجمات الستان دية شتوى و لا صيفى

انا شايفه ان هي زي اللانجيري لا صيفي ولا شتوي
بنات اي استفسار عن الديكور يكون في ركن الديكور لان هنا مخالف وكده المخالفات اوفررررررررر جدا حرام عليكوا لو اتقفل هنحتاس يومين

miko85;8913726:
هوالغساله بتحط في المطبخ ولا في الحمام

في المطبخ ارحم حفاظا على عمر الغساله
كان فيه بنوته بتسال عن الفرح فين بيتعمل الطبيعي بيتعمل في البلد ال فيها الشقه لكن لو مفيش شقه وهتسافري يبقى في بلد العريس

pascotta;8913938:
في المطبخ ارحم حفاظا على عمر الغساله

ليه لو تحطت في الحمام بتبوظ يعني متبقاش في مكان الاكل

miko85;8913977:
ليه لو تحطت في الحمام بتبوظ يعني متبقاش في مكان الاكل

الحمام يا قمر بيقى الميه فيه كتير والسخنه والبخار بيساعد على ان الغساله تصدي وتاكلها البارومه لكن في المطبخ ومع الكوفر بتاع الغساله هتحافظي عليها اكتر بس المهم متحطيش اي حاجه عليها مبلوله او حاجه تخربشها وبس ياقمر وياسلام بقا لو عندك بلكونه في المطبخ تقوم مقفلاها وحاطه فيها الغساله وتتعمل زي اوضه غسيل صغننه

يا بنات كان فى بنت قالت ان معرض القاهرة اللى فى ارض المعارض فتح انا عايزة اعرف اى معرض بالضبط عشان انا رحت المعرض اللى بيتفتح كل سنة شهر3 ومكنش فتح اصلا وقالولى لسة بدرى
ياريت تقولى هى راحت فين

الجريدة امبارح كانت منزلة اعلان لمعرض in &out
المعرض دع في المهندسين في شارع عبد الحميد لطفي
ممكن حد يقولي اروح هناك ازاي لو هركب من الجيزة ؟؟
وهو الشارع ده قريب من شارع جامعة الدول ؟

صوت العيون;8905720:

فين بالظبط يا جميله كل الى اعرفه هناك محلات قماش ستاير واقله قماش تل استرتش صح ولا له اسم تانى ان شاء الله وهو بيبقا 2 متر للطبقتين ولا بتتحسب ازاى ان شاء الله

بصي يا مومرو انتى عارفه المحلات بتاعت الستاير و التنجيد اللي في اول الوكاله من عند الكورنيش هتلاقي بقي في شارع اللي هو بيدخلك علي الوكاله هتدخلي فيه و تمشي لحد اخره و بعدين تدخلي شمال في يمين هتلاقي بقي هناك شارع طويل مليان محلات قماش لبس و فيه كل حاجه اسالي بقي في المحلات على القماش اللي انتى عايزاه و هتلاقيه كتير لان ناس كتيره او بتشتريه دلوقتي

صوت العيون;8906139:
جزاك الله خير يا حبيبه مادو

ان شاء الله اشوف

طيب الى يعرف بقا محلات لبس سواريه حلوة يقولى تكون فى روكسى او ميدان اسماعيليه و مدينه نصر

وفين المحلات الى فى عباس العقاد للتاجير ان شاء الله

بصي انا اللي اعرفه و رحته كزا مره و اتنين من صحابي مأجرين فساتين تحفه منه هو سماره في اخر عباس العقاد خلاص مع تقاطعه مع مصطفي النحاس (تقريبا هو اسمه كده الشارع )

حبيبه مادو;8907284:
البلان اهو يا جمااااعه انا عملته يلا عاوزه الافكاااار كلها بقى تتنطط علييييييا

الف مبروك يا حببتي ربنا يهنيكي بيها
الشقه ماشاء الله مساحتها حلوة اوى
و متغيريش اي حاجه فيها عشان مش تبوظي الدنيا هى كده جميله خالص

cherry..;8908103:




معلش هنا ابقى حركى مدخل المطبخ لقدام شوية معل نسيت اعمله ...



http://www.3roos.com/uploder/uploded20080901/307904/11235228377.jpg

فى دى انا اخدت اوضة وعملتها مطبخ بس سيبتلك حبه للريسبشن .. وممكن تعملى شباك مناولة ..

طبعا صبااااااااح البوزان انا بهدلتلك كل حاجه ههههههههههه ... اتمنى يكون التأليف اللى ألفته دا فيه حاجة تنفع وتكون صح من اساسه .. بس يلا ادينا بنلعب حبه :D

بصي بصراحه انا حاسه كده انك بهديلتلها الدنيا اولا يعني الحمام المفروض ان بتبقي الارض بتاعته فيها سقوط شويه و كده انتى نقلتي مكان الحمام فبالتالي هيبقي عندها الحمامات عاليه عن الارض و هتبقي فيها زى درجه كده غير كده كمان لما هى تنقل مكان المطبخ هتضطر انها تعمل مواسير صرف و ميه من اول دور لغايه الشقه عنده و هتبقي تكلفتها عاليه اوى
انا اسفه لو كنت زعلتك بس انا اقصد بس المصلحه

حبيبه مادو;8908249:
لا يا شيرى يا قمر ما انا كنت بقول ههههههه لا الحمام واخد كيرف لورا شويه عن المطبخ عشان كده الشباك فى هذه المنطقه الغريبه هههههههه

انا مستنيه بقيه افكاركم الجميييله ومرسى لكل الاقتراحات الحلوه

انا عاوزه اسأل سؤال بس الغساله فيها حاااااجه لو اتحطت فى المطبخ هل المطبخ يأثر عليها فى حاجه الابخره وكده ولا عااادى؟؟؟؟؟؟؟

لا مفيهاش حاجه خالص بالعكس ناس كتير بتفضل كده

manafola;8909488:

علي فكرة الصورة الاول دي نانيس سليم طبعا غنيه عن التعريف و الاخيرة هي صورة لموديل جيلان عاطف برده معروفه جدا و اعلانها هو اول اعلان في مجله حجابي و التالته هي تتقريبا تبع ايمي الكاشف بس و الصورة التانيه جديدة مجهوله يعني
وحشتووووووووووووووووووووووووووني مووووت يا بنات

ازيك يا منافوله اخبارك ايه ايه الغيبه دي كلها كنتى لسه على بالي النهارده و كنت هسال عليكي البنات