تجهيزات قمرات مصر ...الجزء 119 يارب نتجوز بقه

ازاي اعمل اقتباس متعدد

miko85;8920280:
انتي ارفه مول خريشه طيب اطلعي من شارع ده بس مس من ناحيه محطه المترو من الناحيه التانيه هتلاقي علي الناصيه محل ستاير امشي باه علي طول علي جانب الشارع يعني علي خط محل الايس الكريم وعلي طول باه في نفي الخط

بصى يا صوت عارفه الشارع اللى فى وش ميدان الحلميه اللى بندخله وأحنا رايحين العزيز بالله هو ده

sweetyronaaa;8914425:

بصي يا مومرو انتى عارفه المحلات بتاعت الستاير و التنجيد اللي في اول الوكاله من عند الكورنيش هتلاقي بقي في شارع اللي هو بيدخلك علي الوكاله هتدخلي فيه و تمشي لحد اخره و بعدين تدخلي شمال في يمين هتلاقي بقي هناك شارع طويل مليان محلات قماش لبس و فيه كل حاجه اسالي بقي في المحلات على القماش اللي انتى عايزاه و هتلاقيه كتير لان ناس كتيره او بتشتريه دلوقتي



بصي انا اللي اعرفه و رحته كزا مره و اتنين من صحابي مأجرين فساتين تحفه منه هو سماره في اخر عباس العقاد خلاص مع تقاطعه مع مصطفي النحاس (تقريبا هو اسمه كده الشارع )



الف مبروك يا حببتي ربنا يهنيكي بيها
الشقه ماشاء الله مساحتها حلوة اوى
و متغيريش اي حاجه فيها عشان مش تبوظي الدنيا هى كده جميله خالص



بصي بصراحه انا حاسه كده انك بهديلتلها الدنيا اولا يعني الحمام المفروض ان بتبقي الارض بتاعته فيها سقوط شويه و كده انتى نقلتي مكان الحمام فبالتالي هيبقي عندها الحمامات عاليه عن الارض و هتبقي فيها زى درجه كده غير كده كمان لما هى تنقل مكان المطبخ هتضطر انها تعمل مواسير صرف و ميه من اول دور لغايه الشقه عنده و هتبقي تكلفتها عاليه اوى
انا اسفه لو كنت زعلتك بس انا اقصد بس المصلحه



لا مفيهاش حاجه خالص بالعكس ناس كتير بتفضل كده



ازيك يا منافوله اخبارك ايه ايه الغيبه دي كلها كنتى لسه على بالي النهارده و كنت هسال عليكي البنات

هههههههه مانا عارفه والله يارونا انا اصلا بضحك وانا ببعتلها الحاجة حاسه انها هتقول مش هاخد الشقه خااااااالص بسببك ... هههههههههه بس ادينى كنت رايقه وبلعب ..
اصل انا وحبيبة مادو لينا ماشى فى البحث عن الشقق مشترك .... يلا ربنا يباركلهم فيها وتكوف فتحه خير عليهم

Didem;8914930:


بنات بقى سؤال مهم الله يكرمكم
الكاسات وشنطه المعالق
شنطه المعالق مش عايزاها تعدي ال500 ده اخرها معايا اجيبها منين ومينضحكش عليا فيها ازاى؟ يعنى اعرف منين انها كويسه او لأ؟؟؟
والكاسات برضو اجيب منين؟؟؟؟؟؟؟؟؟؟؟؟؟
احط ايه اصلا فى دولاب الفضيه غير الكاسات؟كم كاس وكده؟

بصى هقولك حاجه اولاا كلمة جيرمانى اللى بتكون على ضهر المعلقه مش مقياس خاااااااااالص خاااااااالص ... لان جوز بنت خالى شغال فى الادوات المنزليه وبقولنا التجار بيعملوا ايه؟؟؟ الشنطة اصلا بتكون صناعه صينى بس مكتوب على المعلقة جيرمانى وكلمة صنع فى الصين بتكون موجودة استيكر كده بيتلزق جوه الشنطه بيكون مكتوب فيه المستورد ..كذا وبلد المنشأ الصين ...... ييجى البايع يقوم شايل الاستيكر دا ويقولك اهوه جيرمانى يعنى ألمانى ..

وزى ما ehan قالتلك يكون معاكى مغناطيس علشان تشوفى الاستانلس بتاعها بس بينى وبينك 500 جنيه دى يعنى شنطة معالق صينى مش هتلاقيها استانلس اصلى نقى انا مشوفتهاش قبل كده ولو حد جابها ياريت يقول .. بس دا ميمنعش فيه انواع صينى حلوة اوى نزلت شوفتها من كام يوم فى حمام التلات هى تقيله كده وشكلها حلو .. واعتقد ب 500 ل600 .. ونصيحه الانواع اللى ب 150 وازيد بسيط مش هتكون حلوة خالص ومش بعيد يا تطوس ياتسود .. ونصيحه لو هتجيبى شنطة ومش غاليه يبأه ابعدى عن الاطقم المدهبه لان مش كل انواعها حلوة فيه مدهب بيروح بسرعه اووى ... وبعدين اسألأى على الحاجة مرة واتنين وتلاتة فى كل المحلات ..

ehan;8914991:
ديدم انتى ممكن تنزلى ياوزة حمام التلات

وعلشان المعالق ماتتخدعيش فيها

موش لازم يعني تكون المانى المهم يكون المعلقه مكتوب علي ضهرها

استالس تيل 18/10 هو ده احسن خام فى الاستالس

وبالنسبه يابنات لكل الحجات الاستالس

بيبقي معاكي مغناطيس لان الاستالس النضيف موش بيمسك فيه المغناطيس

ولو مسك فيه بيبقي المونيا او اي نوع تاني واخد طبقة نيكل

كل ماتيجي تشتري حاجه قولي اللهم لا غلبة علشان ربنا يبقي معاكي وماحدش ينصب عليكي

ربنا يوفق الجميع

بصى هقولك حاجة كمان هتعقدك ..اصل انا ساكنة جمب حمام التلات وكتير ببنزل نجهز بنات خالى او اصحابى فتلاقينى فاقسه بعض التجار ..
دلوقتى التجار بيتحكموا فى البضاعه اللى جايالهم يعنى مثلا يطلبوا من المصدر انه يختم البضاعه بختم 18/10 أل ايه استانلس اصلى وتيجى تحطى المغناطيس تلاقيه كلبش فى الحاجه ... بجددددد الواحد فقد الثقة فى كل التجار .. يعنى متخليش كلام التاجر يثبتك ...المشكلة ان مثلا فيه معالق صينى نضيف وصينى وحش ييجى البايع يطمع ويبعلك الصينى النضيف على انه ألمانى هى الحاجة بتكون حلوة بس طبعا بيدفعك اكتر .. ودى اهون حالات النصب على الاقل هنكون جبنا حاجه نضيفه ..... ربنا يسامحهم ويهديهم

Botee;8917509:
بيقولوا الاستاليس بيحرق الاكل وانا عايزه اجيب زهران يعنى لو حرق الاكل مش هقدر ارميه وهفضل اعمل فيه واكل الاكل مفحوم حتى
كمان ايه رأيكم فالفرن الكهربه او التوسر علشان تسخين الاكل
متهيألى صحيه عن الميكروييف بس مش عارفه ايه نظامها بالنسبه لاستهلاك الكهربه؟
ياريت تردوا عليا علشان عايزه اخلص من الحاجات دى

بصى امى كانت جابتلنا من كذا سنه استانلس المصانع الحربيه اللى فى حلوان دا .. بجد رهييييييييييب الحله تقلها مش طبيعى ..وبمجرد ماتغسليها تلاقيها فل .. ومش بتشيط الاكل ولا اىىىى حاجه ...معرفش هل حالهم باظ ولا لسه محافظين على جودة منتجاتهم اصل امى جابتلنا الحاجات دى من 5 سنين ولا حاجه .بس لو عايزة حاجة انضف من زهران وغيره معلش اتعبى وروحى حلون ويبأ÷ اسمك بصيتى

miko85;8920121:
طيب هاسالك كده وارد عليكي كنت عايزه اي\سالك اعمل اقتباس متعدد ازاي علشان المخالفات

فيه زرار تحت جمب الرد السريع ورد باقتباس دوسى عليها هتنور احمر واقعدى علمى على كل المشاركات الللى عايزة تردى عليها وتعالى عند اخر مشاركة ودوسى رد باقتباس عادى اللى هى اول زرار

صوت العيون;8919943:
مش فهمت اوى بس انتى بوصفك كدا ابقا قربت مثلا من نادى 6 اكتوبر ولا ايه لو تعرفى توصفيلى من مول خريشه لو تعرفيه قوليلى ان شاء الله

وجدايل فى منه للتساقط وفى لتطويل الشعر وتقريبا ب 110 جنيه ان شاء الله

ونفس سؤالك بسأله عن رسميه الى فى روكسى الى اعرفه سنتر عنابه الى فى بطرس غالى ان شاء الله

بصى امى كانت جابتلنا من كذا سنه استانلس المصانع الحربيه اللى فى حلوان دا .. بجد رهييييييييييب الحله تقلها مش طبيعى ..وبمجرد ماتغسليها تلاقيها فل .. ومش بتشيط الاكل ولا اىىىى حاجه ...معرفش هل حالهم باظ ولا لسه محافظين على جودة منتجاتهم اصل امى جابتلنا الحاجات دى من 5 سنين ولا حاجه .بس لو عايزة حاجة انضف من زهران وغيره معلش اتعبى وروحى حلون ويبأ÷ اسمك بصيتى

احنا عندنا بردو استانلس المصانع الحربيه وتحفه جداااااااااا وجايبنوا من سنه وفعلا مهما يجرالها اول ما تتغسل بترجع زى الاول واحسن وهو اللى ايدوا لونها دهبى احسن نوع
لانو فى اللى ايدو فضى مش حلو وارخص من الدهبى

طب انا متشكره اوي ياشيري بجد ربنا يكرمك
بس انا عاوزه اعرف
انا قبل كده شفت مول للاستانلس بتاع 6 اكتوبر فى العباسيه تقريبا؟؟؟
او فين مكانه والله مافاكره ياريت لو حد يعرف مكانه يقوللي
ده اروح اجيب منه شنطه المعالق وصواني التقديم بتاعه الضيوف؟؟؟؟

بنات هيه ايمي الكاشف فييييييييييييييييين بالضبط

الاقى زى الستاره http://www.3roos.com/uploder/uploded20080901/299815/11235311518.jpg
دى فين وبكام

مرسي خالص للبنات اللى نزلولى فساتين سواريه
بسل هل من مزيد؟
سؤال كمان انا النهاردة نزلت سألت عن طقم العشا البورسلين المربع ال20 قطعة الراجل قال لى تمنه 500
أنا بصراحة اتخضيت هو سعره كده فعلا و لا انا اللى فهمت غلط؟

نونا سيما;8920650:
مرسي خالص للبنات اللى نزلولى فساتين سواريه
بسل هل من مزيد؟
سؤال كمان انا النهاردة نزلت سألت عن طقم العشا البورسلين المربع ال20 قطعة الراجل قال لى تمنه 500
أنا بصراحة اتخضيت هو سعره كده فعلا و لا انا اللى فهمت غلط؟

انا جايباه ب 190 و اختى جايباه ب 170 بيختلف على حسب حجم الرسمة اللى فية الراجل كده غالى اوى بيتهيالى

pussy22;8920720:
انا جايباه ب 190 و اختى جايباه ب 170 بيختلف على حسب حجم الرسمة اللى فية الراجل كده غالى اوى بيتهيالى

طيب جبتيه منين يا قمر

انا جبتة من حمام التلات ...بنات هو العفش المودرن بيتعمل معاه كرانيش فى السقف وللا لا

بنات ادعولي كتير عشان كل حاجه طلعت بايظه و مخنوقه و قرفانه


فين سنتر عنابه اللي ف روكسي؟
مارديني ليه فرع تاني ولا وسط البلد فقط؟

ازيكم يا بنات عاملين ايه ؟
كنت عايزه اسالكم كذا سؤال معلش استحملوني انا اصلي كان فرحي مفروض شهر 6 اللي فات بس والدي توفى وطبعا اتأجل ودلوقتي انا هاتجوز ان شاء الله على شهر 3 ولسه في حاجات كتير ماجهزتهاش فاممكن معلش اللي تقدر ترد عليه في حاجه يبقى كتر خيرها طبعا
اولا انا طبعا مش هاعمل فرح كنت عايزه مكان كويس اكتب فيه الكتاب ممكن حد يفدني عن المكان والاسعار وخطيبي بيقترح مسجد آل رشدان في مدينة نصر ممكن لو حد يعرفه يقولي هو كويس ولا ايه؟
ثانيا فستان الفرح انا هابقى محجبه وعايزاكوا تقولولي على اتيليهات بتأجر فساتين محجبات بس تكون سيمبل وستايل محجبات وياريت تكون قريبه من مصر الجديده والحدايق علشان تبقى قريبه انا ساكنه في حلمية الزيتون
ثالثا واهم حاجه الكوافير انا بفكر اروح لايمي الكاشف ياريت لو حد فعلا راح وعمل عندها ميكب ولف طرحه وممكن يبعتلي صوري يبقى ميرسي اوي انا قريت كتير ناس هنا بتشكر فيها بس انا عايزه حد فعلا يكون اتعامل معاها يرد عليه ويقولي الاسعار ونظام التعامل معاها ولو امكن يبعتلي صور على الخاص
معلش رابعا واخر حاجه الحذاء : عايزه محلات تكون بتبيع صابوهات للزفاف وقولولي كده المفروض يكون شكل الصابوا ايه يعني مقفول صندل معلش اصل انا مش خبره وماليش اخوات بنات اكبر مني وتقريبا كده انا اكبر بنت في العيله علشان كده ماليش خبره اوي.
معلش اخر حاجه لو حبيت اخرج بعد الفرح علشان اخواتي طبعا واصحابي برده مايبقاش اليوم ممل ممكن تقترحوا عليه مكان نكمل فيه اليوم غير اني اروح بيتي طبعا :)
انا بقول كفايه اسئله علشان ماتكرهونيش وانا مستنيه ردودكم

maro111;8920863:

ثالثا واهم حاجه الكوافير انا بفكر اروح لايمي الكاشف ياريت لو حد فعلا راح وعمل عندها ميكب ولف طرحه وممكن يبعتلي صوري يبقى ميرسي اوي انا قريت كتير ناس هنا بتشكر فيها بس انا عايزه حد فعلا يكون اتعامل معاها يرد عليه ويقولي الاسعار ونظام التعامل معاها ولو امكن يبعتلي صور على الخاص

بنات بالنسبة لإيمي الكاشف هيا بتاخد 600 جنيه طرحة و ميكب بس يا قمرات و مكانها في ميدان الإسماعيلية مصر الجديدة جنب استوديو كادو

و دي صور لشغلها يا قمرات و اللي عايزة رقم تليفونها و ايمليها تبعتلي على الخاص و انا من عنيا الاتنين

بالله عليكي مش هوصيكوا في الدعوات الحلوة و التقييمات السكر اللي زيكو يا سكرات
















أظن بأه مفيش تشكيلة صور أحلى من كده يا قمرات يلا مستنية الدعوات و التقييمات

miko85;8920280:
انتي ارفه مول خريشه طيب اطلعي من شارع ده بس مس من ناحيه محطه المترو من الناحيه التانيه هتلاقي علي الناصيه محل ستاير امشي باه علي طول علي جانب الشارع يعني علي خط محل الايس الكريم وعلي طول باه في نفي الخط

جزاك الله خير
يعنى اعدى كمان الكوبرى الى هلاقيه على الشمال صح وافضل ماشيه هلاقيه ان شاء الله

؟؟؟

miko85;8920296:
ازاي اعمل اقتباس متعدد

تحت كل رد فى على الشمال تلت مربعات الاول اقتباس للرد والى جمبه بتدوسى عليه دا بتاع المتعدد لحد ما تاخدى اخر اقتباس تدوسى على اول مربع وخلاص

DodyCat;8920368:
بصى يا صوت عارفه الشارع اللى فى وش ميدان الحلميه اللى بندخله وأحنا رايحين العزيز بالله هو ده

لا مش عارفه اصلى مش اعرف كتير هناك

mnne;8920593:
بنات هيه ايمي الكاشف فييييييييييييييييين بالضبط

فى ميدان الاسماعيليه ان شاء الله

mashimaro16;8920850:
بنات ادعولي كتير عشان كل حاجه طلعت بايظه و مخنوقه و قرفانه


فين سنتر عنابه اللي ف روكسي؟
مارديني ليه فرع تاني ولا وسط البلد فقط؟

ربنا معاكى يا جميله وربنا يفك كربك ويسعدك ان شاء الله وكل البنات يارب يارب يارب يارب يارب

سنتر عنابه فى شارع بطرس غالى تروحى الميدان وتمشى لحد اخروا وتكسرى شمال وتمشى خطوتين هتلاقى سلم تطلعيه هلاقى مكتوب سنتر عنابه ان شاء الله
وفى ماردينى فى صف المحلات الى فى الخليفه المأمون

معلش بقا انا كنت واللة عاملة اقتباس متعدد لحاجات كتير بس باين فى مشكلة المهمعايزة اقول لحبيبة مادو بجد الشقة حلوة جدا بلاش بقا تلعبى فيها وتبوظيها وبعدين انتى هتسيبى الاستاذ هناك مريح دماغة لا طبعا ابعتيلى البلان وارفية وطلعى عينى وزنى على دماغة يختار كل حاجة معاكى علشان بجد يشاركك فى كل حاجةبجد شقتك ما شاء اللة تحفة والنجف جااااااااااااااااااااااااااااامد ما شاء اللة مشمارو مالك؟ اية بس الى باظ ان شاء اللة بجد مفيش حاجة تبوظ ولا حاجة وكلة يبق زى الفلالبنوتة الى كانت بتسئل على اللبس الشتوى بصى عدد 3 ترنج شتوى عدد 3 بيجامة شتوى عدد 3 جلاليب شتوى+ واحد روبانا نزلت جبت بيجامة قطيفة 3 قطع من بولاق ب80 جنية بجد حلوة اوىاة صح وروحت طنان بجحد فى حاجات حلوة اوىاغلى اوضة نوم كانت ب8000 طبعا اول كلمة اغلى سفرة ب11000 عشان بالبوفية والى من غير بوفية4500والانتريهات بجد حلوة اوى من اول 1500 لحد 5000 بجد ظريفة جدااااااااااواى خدمة ومتنسوش تقيمونى

CuTie KaTkOoTa;8919259:
صحيح احنا طبعا نزلنا تاني شارع الكهربا من يومين عشان نجيب الوشوش وباقي حاجات رفايع كده عشان تقفيل الكهربائي، جبت لكل اوضة الوش اللي لونه يمشي معاها وحظي كان كويس الحمدلله وخطيبي كل ما انقي حاجة يقولي ااااه يا ارووووبة نشنتي صح واللون مظبوط، وجبت للريسيبشن بقي كله نحاس وشكل ولون واحد، وجبت كشاف اوتوماتيك نيون صغير عشان يتحط بردو في الريسيبشن عشان معموله مكان ومينفعش اسيب السلك كده من غير حاجة راكبة فيه :ss: بس جبته بردو من الحظ الحلو دهبي مط ماشي مع النجف ولون الحيطة وكده مع اني لفيت ودوخت عشان الاقي اللون ده في الحجم الصغير وكمان في فروق اسعار فظيعة لقتها فيه من محل لمحل يعني اقل سعر لقيته فيه كان 55 واكتر سعر ب 95 باين، انا بقي جبته ب 60
ورحنا رجعنا مقابض السفرة عشان مقاستها طلعت مختلفة عن الفتحات اللي في السفرة وملقتش حاجة بديلة لسه ورجعنا كمان الترباس عشان كنا هنضطر نقطع من البرواز بتاع الباب عشان يركب وجبت بداله واحد امتن وحسن بكتير نحاس وتقيل ب 28 ااااه عايزة اقولكم علي حاجة مهمة اوي عشان تاخدوا بالكم وانتوا بتشتروا الاوكر بتاعة الأبواب، بالنسبة لباب الشقة والحمام بس هما اللي ممكن يصادف فيهم اللخبطة دي بس عشان اوكرهم مختلفة عن باقي الاوض، يعني باب الشقة بيبق4ي ناحية واحدة بس وبيبقي فيه منه بيفتح يمين وفيه بيفتح شمال فشوفي انتي اريحلك ايه او ايه انسب مع فاتحة بابك وبردو للحمام عشان اللي جوا مختلف عن البرا في القفل ده، ممكن متخدوش بالكم وتجيبوه معكوس وساعة التركيب هتلاقيه القفل بقي من بره ومش نافع جوا عشان الاوكرا بس كده.
اوريكم الصور بقي.

بجد بسم اللة ما شاء اللة جامدة جدا شقتك يارب تبقى بجد احلى شقة وتبقى لية هيا فعلا احلى شقة واللة بجد ما شاء اللة والنجف بجد وهموالوشوش تحفة ولفت انتباهى انك مش عاملة كرانيش ومع ذلك الشقة جامدة اصل خطيبى مش راضى يعمل كرانيش تتهنى بيها يارب

*GOGO*;8865364:
بصي يا قمر انا تعبت في موضوع البراهات ده موووت كل شوية احرب نوع و انا صدري الحمدلله كويس يعني مش عاوزة حاجة تكبره بس كنت عاوزة حاجة تظبط الدنيا
جربت البراهان العادية اللي هي مش مبطنه عشنا كانو بيقولو المبطنه بتكبر بس مارتختش عشان الخياطة اللي بتبقي فيها ف النص دي ساعات بتبان تحت الهدوم
المهم بقي بعد تجارب كتيرة وصلت لنوع حلو اوي و مريحني و مش بلبس عيره اسمه بوش اب برا
هو عبارة عن برا مبطن بس هاف كاب و من جوه من تحت نحسي في جزء مبطن زياده مش عارفة فهمتي قصدي و لا لا
هو سعره مش غالي حسب المكان اللي هتجيبي منه يعني انا مرة حيبته ب 15 و مرة جيبته ب 7 و هو شكله شيك و حلو اوي و سوري طولت عليكي

ممكن اعرف جبتيهم منين ؟ واللي يعرف اماكن بتبيع براهات كويسه في روكسي يقولي

dandona we bas;8921005:
بنات بالنسبة لإيمي الكاشف هيا بتاخد 600 جنيه طرحة و ميكب بس يا قمرات و مكانها في ميدان الإسماعيلية مصر الجديدة جنب استوديو كادو

و دي صور لشغلها يا قمرات و اللي عايزة رقم تليفونها و ايمليها تبعتلي على الخاص و انا من عنيا الاتنين

بالله عليكي مش هوصيكوا في الدعوات الحلوة و التقييمات السكر اللي زيكو يا سكرات
















أظن بأه مفيش تشكيلة صور أحلى من كده يا قمرات يلا مستنية الدعوات و التقييمات

ربنا يكرمك يااااا رب وميرسي اوي على ردك ان شاء الله ينولك كل اللي في بالك

maro111;8921186:
ممكن اعرف جبتيهم منين ؟ واللي يعرف اماكن بتبيع براهات كويسه في روكسي يقولي

فى واحد فى روكسى بعد الشارة مع صف محلات لبس الخروج امشى هتلاقيه
وكمان فى واحد حلو فى حدايق الزيتون لو عاوزة الوصف بالمترو اقلك ان شاء الله
وفى التوحيد والنور فى برده وفى عيد لبيب كل الاشكال ان شاء الله