تجهيزات قمرات مصر ...الجزء 118 يارب نتجوز بقه

mashimaro16;8839784:
معلش يا بنات
فى حد طلب منى اوصف محل بيلى belly بتاع الشوزات فين بالظبط

مصر الجديده- الكوربه - قدام كلوب الدو فرع الكوربه - بجوار كوفى شوب سلانترو ...
لو عايزه وصف تانى ابعتيلى على الخاص يا جميله وانا اقولك اكتر او اديكى رقمى تكلمينى ومعلش انا اسفه مش فاكره مين بالظبط بس مش عارفه اوصل تانى لمين اللى كان بيسألنى ...


بنات عندى سؤال :
هوا الاطفال بنحسبهم فى الفرح ازاى؟
يعنى فى اطفال اقل من 4 سنين وبيقعدو على كرسى
دول بقى احسبهم انهم افراد واحسب على اساسهم البوفيه ولا اكلم الاداره بتاعت الحفلات عليهم ولا ايه
اصل كده فى اطفال كتير ومش عارفه اعمل ايه :(
وبصراحه حيبقى كتير انى احسبهم فرد :(


حد راح دارى فرع مدينه نصر - ذاكر حسين ؟ وهل فيه نفس الحاجات اللى فى فرع الهرم ؟
انا اتصلت بيهم وسئلت على حاجات قالولى فى فرع الهرم قولتله عايزه فرع تانى قالى ذاكر حسين بس عايزه اعرف نفس الحاجات بنفس التشكيله ولا الهرم اكبر؟
وهل فرع الهرم فى شارع فيصل ولا فى شارع الهرم نفسه؟؟وايه اقرب محطه مترو ليه ؟


:) المفروض اجيب كام شراب ؟ سواء فيليه او القطن العادى ؟

ازيك يا ماشيمارو يا قمراية (f)(f)

دارى الهرم فى شارع الهرم نفسه و ده الفرع الرئيسى و فاتحين كل يوم من 10 صباحا ل 10 مساءا مفيش يوم اجازة و ممكن تركبى المترو و تنزلى محطة الجيزة مش فاكرة و الله الجيزة او فيصل :ss:

هو على الناحية اللى على ايدك اليمين و انتى جاية من الجيزة ،
او ممكن من تركبى حاجة رايحة الهرم من الجيزة اومن قدام باب الجامعة الرئيسى احسن ( عشان الميكروباصات بتحمل من هناك و بتروح الجيزة مليانة اصلا) و تقوليلوا نزلنى عند دارى
هو مبنى كبير كده لونه بمبى فواضح اوى و مش يتوه خالص ان شاء الله :)

و فعلا الجرسونات هما الحل للأطفال :mad:

ghadghoda;8840655:
بصراحة معجبنيش خااااااااالص فى احلى منة بكتير فى اماكن تانية

عايزة اعرف ايه احلى حاجة فى الدهب يعنى احلى حاجة تتلبس وتبقى عملية وشيك ؟؟؟؟؟؟؟؟؟؟؟

بصي يا غادة يا قمر احلى حاجة في الدهب و تكون عملية سلسلة يكون طولها حلو و فيها دلاية حلوة زي ما انتي تحبي طبعا دي هتقدري تلبسيها على طول و في اي وقت و تكون عملية و في اشكال سلاسل و دلايات شييييييييييك جدا

روباز;8841816:
ميرسى ولله يا بنات تسلمولى صوت و اى حد و ماشيمارو و شوق لزمن الصحابه و قطة اخر الليل اللى شايفانى انا والفستان حكايه( معاكى حق حكايه فع بس حكاية من فيلم رعب هههه) و مرهفه و كل اللى ردوا عليا وانا وانت و ترارارارااااااااااااااااا
والله انتو هديتونى شويه انا كنت راجعه سخنه اوى بس عارفه ان المره الجايه برده هرجع سخنه مفيش فايده فيا و هظلع القطط الفطسانه..ربنا يستر
الفستان عند المدام اللى بعمل عندها فستان الفرح ان شاء الله ربنا يجعل كلامى حفيف عليه و معرفش والله بتاع كتب الكاب اتكلف كام لأنه كادو من طنط انا بس اشتريت القماش من الوكاله الشيفون المتر 100 بعد الفصال( شيفون طبيعى) و البطانه زى الستان كده ب 20 المتر بعد الفصال و هفصل الجزمه و الشنطه بس مش عارفه اللى بيفصلو فى بطرس غالى دول مكانهم فين و بكام و قماش قد ايه للشنطه و ايه للشوز؟؟؟حد عارف يا بنات و ليكم الجر و الثواب عند الله و هنيالك يا فاعل الخير و الثواب و هيييييييييه دنيا( لزوم الشحاته اللى انا عايشه فيها الأيام دى نظرا لسوء الحوال الماديه...ازمة امريكا سابت مصر كلها و جت بان اثرها عليا انا بس هههه)

ازيك يا روباز يا رب تبقى احلى عروسة (f)(f)(f) و فستانك جميييييييييل ما شاء الله (y)

فى محل بيفصل اسمه عبده صالح فى سور نادى الزمالك جامعة الدول ، صاحبتى فصلت الشوز بتاعت خطوبتها عنده و بتقول معاملته كويسه بس مش عارفة السعر

طيب بنات فعلا سؤال ماشيمارو مهم جدا لموضوع الأطفال يعني الأطفال مش بيتحسبوا افراد و لا ايه يعني مش نحسبهم و مش هندفع عليهم فلوس زيادة و لا لما يكون حد جايب اطفال معاه و يتجاب ليهم كراسي زيادة في الفرح ده هيكون بالفلوس الزيادة و لا هيكون ايه النظام انا ان شاء الله هعمل في نادي شرطة الجزيرة يا قمرات

عايزة اعرف كمان حد حجز عند إيمي الكاشف و يا ترى بتاخد اد إيه وقت الحجز و باقي الفلوس بتاخدها امته

mashimaro16;8840581:
ميرسى يا جميله ربنا يكرمك على ردك

طب الكيتشن ماشيين ماركه ايه؟ و هل ليه موديل معين ؟ اصل بابا يحب الدقه والا حلاقيه كل ما يدخل محل ويلاقى حاجه يكلمنى يقعد يوصفلى نص ساعه وفى االاخر مفهمش واقوله اللى تشوفه كويس يا بابا وخلاص ...
طب قوليلى برده الكحل ايه نظامه انا مش بحب الكحل السايل مش بعرف اتعامل معاه وبستعمل كحل قلم معين علشان عينى حساسه :( موتتتتتتتتتتتتت

قوليلى بقى بالله عليكى حاجات تانيه :confused:

وموضوع النجفه ملهاش حل لانها فى حته لازم ميتحطش تحتها حاجه لانها زى ما تقولى فى مدخل الصالون كده بعد ما تتدخلى بشويه وفى النص فمش ينفع احط كده مره واحده كرسى حيبقى شكله بايخ :( ومش عارفه اعمل ايه
:Dقعدوا يتريقوا عليا ويقولولى دخلى الناس بارقام الطويل قدام والقصير ورا وحاجات كده :D

وفكره الجرسونات دى هيا الفكره المنقذه الوحيده الى قدامى ... وحتى بفكر وبحاول ادبرها كده اعمل حتى دخول الفرح نفسه بالدعوه وبعدد الافراح علشان ميحصلش حركات

طب قوليلى معلش ... الاطفال دون الاربع سنوات بس بيقعدوا على كراسى عملتو فيهم ايه؟ جبتلهم كراسى ولا سبتوهم كده ولا ايه؟
وحاجه كمان
لو فى وسط الفرح وحد طلب كرسى زياده ... هل بيتجاب كرسى ولا ايه ؟ وهل فعلا اتحاسب عليه كفرد ولا ايه الشيستم ؟
حد يفهمنى بقى :confused: احسن انا مش فاهمه ومش عارفه ابطل تفكير
لان الموضوع ده ممكن يخلينى بدل ما اعمل فى مكان اعمل فى مكان تانى خااااااااااااااااااالص :confused:

هي المشكلة مش في انهم يعدوا على كرسي يا قمر .. انت بتتحاسبي على طبق العشا اللي بينزل .. و خللي بالك عشان ما تعتمديش انك دفعتي فلوس القاعة خلاص.. لانك بتيجي بعد الفرح ما يخلص و تيجي بقى تستلمي الفيديو بتاعك و صورك و كدا يقولولك عليكي مبلغ كذا (......)طبعا الافراد الزيادة اللي نزللهم عشا...:eek::Dحتى لو اطفال...لدرجة ان فيه ناس بتتفق مع القاعة انه لو فيه حد زيادة ينزللهم مثلا حتة من التورتة و خلاص بس ده بيزعل الناس طبعا و ممكن تيجي في حد معزوم أساسا فحتبقى مش لطيفة.. فأحسن حاجة تعملي حسابكم..و ماتخافوش بتتقضى و ربنا بيسترها..
و بالنسبة للأطفال كل الناس دلوقتي بتكتب في دعاوي الفرح (نتمنى لأطفالكم نوما هانئا)(a)و برده تروحي الفرح متخيلة بقى انك مش حتلاقي ولا طفل ... بس تلاقيه مليااااااااااااااان أطفال و لا حياة لمن تنادي..عشان كدا ابقي اكتبيه بالانجليزي يمكن الناس تفهم(y):tongue:و قرايبك المقربين طبعا اخت جوزك و كدا لازم يفهموا ان ده للمعازيم بس مش ليها خاالص..

magda 1;8840636:
يا عررررررايس يا قمراااات انتو مش بتردو عليييييا خاللللللص بس انا مش بتعب ولا بمللل باختصار:tongue:لانى بحبكم اووووووووى بجد والله المنتدى دة اهم حاجه عندى دلوقتى لازم اى حاجة اقول اخد رايكم الاول بس انتو قليل اوى لما بتردو عليا ...... المهم بقى سوال تعبنى اوى بقالى كتيررر :confused:هجيب ايه فى عيد الام ده كمان لحماتى طبعا انا جبت مفرش سفرة بس كنت عايزة اجيبلها حاجة كمان بعيداااااااا عن اللبس عشان السنه الى فاتت جبتلها عبايه جميله اوى وشيك جدااااااا بس للاسف تقريبا كده مش جات مقاسها عشان هى مليانه:wink: فقولت بقى السنة ديه مش هجيب لبس خالصصص .......يارب بقى تردو عليا المرة ديه ويارب الى ترد عليييا تتجوزززززز بسرعة اووووووى .......

هاتي شنطة شيك...أو برفان أو طرحة..

mashimaro16;8839869:
بنات
فى حد عمل ويندج انفيتشن كروت يعنى بتاعت الدعوه ؟ واتكلفت كام؟

أعرف ان أسعارها بتتراوح ما بين 4_8 جنيه..

موندانة;8835044:
السلام عليكن ورحمة الله وبركاته : ...... رديتو السلام يا حلوات .. ماشي ..

المهم : ازيكو يا أحلى عرايس فالدنيا كلها .. وربنا يسهل لكل البنات ، واللي مش اتخطبت تتخطب ، وكل المخطووبين يتجوزوا ، وكل المتجوزين يتهنوا ويجيبوا أحلى بيبي فالدنيا ..

أنا يا أحلى بنوتات مخطوبة ، وقربت اتجوز بس مش عرفة امتى لسه !! وطبعا بردوه بجهز !!

ممكن يا بنات أعرف من فين أجيب حاجات شتوي شيك وفالمعقول ؟؟

وياترى هو الشتوي قرب يمشي ولا لسه يا بنات ؟!

واللي عندها أي استفسار أنا حاضرة في حدود معرفتي طبعا !! وشكرا .

أنا زعلااااانة جدا منكم عشان محدش عبرني ولا رد عليا ؟!!!
اهئ اهئ اهئ

موندانة;8842280:
أنا زعلااااانة جدا منكم عشان محدش عبرني ولا رد عليا ؟!!!
اهئ اهئ اهئ

[FRAME="13 70"]

ماتزعليش ياقمراية انا ياستى هرد عليكى الحجات الشتوى لو لبس خروج فية عندك روكسى وجنينة مول بس من رايئ جنينة مول لانى لقيت فيها حجات كتيرة حلوة ولو على الاسعار ماتخافيش بس الحقى دلوقتى عشان الاوكازيون اللى شغال اما لو كنتى بتسالى على لبس البيت فحدث ولا حرج هتلاقى حجات فى الغورية والوكالة وفية حجات شيك اوى فى عيد ولبيب اللى فى الف مسكن واللى فى النعام
اما على سؤالك ان الشتوى هيمشى امتى يعنى الاوكازيون بيخلص على اول شهر 3 والمحلات بتبدى تنزل حجات خريفى شوية يعنى ولا تقيلة ولا خفيفة وبيبقى عندها شتوى بردة بس قليل جدا وفى محلات ومحلات كمان فلو عايزة تنزلى الحقى دلوقتى عندك من دلوقتى لحد اخر الشهر اللى احنا فية واى خدمة ياقمراية وماتزعليش:):)(f)(f)
[/FRAME]

صباح الخيرات على عيون القمرات

منال وحشتينى
دينا عايزة اقابلك
اميرة هاشوفك قريب
ديانا وهويدا ازيكم

انا هبت الى دمياط واليكم التقرير من الاخر
اولا هوة مشوار يتراح مرة واحدة بس
ثانيا ماتدخلوش البلد من جوة وتضيعوا وقت
ثالثا ركزوا على المعارض الكبيرة الى هيا كذا دور
رابعا شوفتوا المعارض الكبيرة الى فى البلد طيب اطلعوا بقة على طريق بورسعيد هاتلاقوا نفس الحاجات واعلى كمان

يعنى من الاخر اطلعوا على طريق بورسعيد هاتلاقوا كل الى تتمنوة
سالمون للصالونات
الشناوى سفرة ونوم
ابو رخا صالون وانترية
شنشن سفرة ونوم
ضياء الدين سفرة ونوم
ايزيس راجل مسالم وبيجيب من الاخر
هاميس عندة حاجات حلوة بس عايز معافرة تجار شطار

كل دول موجودين جنب بعض فى شارع واحد يمكن شنشن وسالمون هما الى فى شوارع جانية

منى ليكم ماتسمعوش كلام حد فى موضوع الاسعار لانى اكتشفت ان الناس اما بيكذبوا بالتهويل او بالتقليل
ونصيحة منى خذوا الاسامى دة بصوا عليها بس يمكن تلاقوا ذوقكم هناك انا بس بقول الى عندى
ومنى ليكم خدوا واحد من السماسرة الى هايحروا وراكم بالموتيسكلات اول ما تدخلوا البلد وخالوة هوة الى يدلكم على عناوين المعارض دة هاتوفروا الوقت جدا لانهم حافظين اماكن واسماء المعارض

وعلى فكرة السمسار دة بيكون لية نظرة فى شكل الحاجة الى بتعجبك من اول معرض وعلى اساسة بيوجهك للمعارض الى تلاقى ذوقك فيها

المشوار محتاج صحة حلوة وتركيز جامد علشان عنينك ماتزوغش على الحاجات
ومن كل معرض تبصى فية تاخدى كارت وتكبى الى عاجبك فية وسعرة كان كام علشان لا تتوهى ولو انك هاتوهى هاتوهى العرض كثير والحاجات الحلوة كثير ومختلفة


عايزة اعرف اجيب نجف استيل شغل نحاس قديم فين هوة كريستال منين ؟
واية اشهر المصانع والورش فى الموضوع دة ؟
ونجف مودرن منين ؟
ووشوش كهربا منين ولمبات وبس الجملة منين ؟

السوال بشكل ثانى اجيب نجف استيل منين ؟
واجيب نجف مودرن ولمبات منين ؟
كل واحد منين انزل فين
واية اشهر المحالات او الورش

اة نسيت اقول
روباز الفستان تحفة ماشاء اللة الوانة جميلة ولطيفة جدا مبارك عليكى
عايزلة طرحة حلوة ومكياج على روز وموف هاينطقة


صوت مبارك عليكى العفش

كان فى بنوتة قايلة على النايمر الى زى التايمر بتاع تعلية وخفت الاضاءة ممكن اعرف كان بكام دة ؟

مين اخر حد جاب نجف ينقلنا خبرتة ؟

سارة المزعورة;8842424:
صباح الخيرات على عيون القمرات

منال وحشتينى
دينا عايزة اقابلك
اميرة هاشوفك قريب
ديانا وهويدا ازيكم

انا هبت الى دمياط واليكم التقرير من الاخر
اولا هوة مشوار يتراح مرة واحدة بس
ثانيا ماتدخلوش البلد من جوة وتضيعوا وقت
ثالثا ركزوا على المعارض الكبيرة الى هيا كذا دور
رابعا شوفتوا المعارض الكبيرة الى فى البلد طيب اطلعوا بقة على طريق بورسعيد هاتلاقوا نفس الحاجات واعلى كمان

يعنى من الاخر اطلعوا على طريق بورسعيد هاتلاقوا كل الى تتمنوة
سالمون للصالونات
الشناوى سفرة ونوم
ابو رخا صالون وانترية
شنشن سفرة ونوم
ضياء الدين سفرة ونوم
ايزيس راجل مسالم وبيجيب من الاخر
هاميس عندة حاجات حلوة بس عايز معافرة تجار شطار

كل دول موجودين جنب بعض فى شارع واحد يمكن شنشن وسالمون هما الى فى شوارع جانية

منى ليكم ماتسمعوش كلام حد فى موضوع الاسعار لانى اكتشفت ان الناس اما بيكذبوا بالتهويل او بالتقليل
ونصيحة منى خذوا الاسامى دة بصوا عليها بس يمكن تلاقوا ذوقكم هناك انا بس بقول الى عندى
ومنى ليكم خدوا واحد من السماسرة الى هايحروا وراكم بالموتيسكلات اول ما تدخلوا البلد وخالوة هوة الى يدلكم على عناوين المعارض دة هاتوفروا الوقت جدا لانهم حافظين اماكن واسماء المعارض

وعلى فكرة السمسار دة بيكون لية نظرة فى شكل الحاجة الى بتعجبك من اول معرض وعلى اساسة بيوجهك للمعارض الى تلاقى ذوقك فيها

المشوار محتاج صحة حلوة وتركيز جامد علشان عنينك ماتزوغش على الحاجات
ومن كل معرض تبصى فية تاخدى كارت وتكبى الى عاجبك فية وسعرة كان كام علشان لا تتوهى ولو انك هاتوهى هاتوهى العرض كثير والحاجات الحلوة كثير ومختلفة


عايزة اعرف اجيب نجف استيل شغل نحاس قديم فين هوة كريستال منين ؟
واية اشهر المصانع والورش فى الموضوع دة ؟
ونجف مودرن منين ؟
ووشوش كهربا منين ولمبات وبس الجملة منين ؟

السوال بشكل ثانى اجيب نجف استيل منين ؟
واجيب نجف مودرن ولمبات منين ؟
كل واحد منين انزل فين
واية اشهر المحالات او الورش

بصى يا ساره يا قمر دمياط فعلا تحفه
وفعلا المحلات الكبيرة فيها احلى حاجه بس مش كلها انا معجبنيش العراقى خالص

انا جبت من الهلال السفرة ونزلناها من 21000 ل 16500 بس كان معانا ناس معرفته

بالنسبه للنجف الأستيل أنزلى درب البرابرة بصى فى محل على الشارع من برة ده فيه اشيك الحاجات حتى لو دخلتى جوه مش هتلاقيها وتعاملهم كويس جدا وممكن تفاصلى بس مش كتير . انا جبت من عنده نجفه نحاس للسفرة بس خليته يديها لون فضى بقت تحفه

[quote=DodyCat;8842515]بصى يا ساره يا قمر دمياط فعلا تحفه
وفعلا المحلات الكبيرة فيها احلى حاجه بس مش كلها انا معجبنيش العراقى خالص

انا جبت من الهلال السفرة ونزلناها من 21000 ل 16500 بس كان معانا ناس معرفته

بالنسبه للنجف الأستيل أنزلى درب البرابرة بصى فى محل على الشارع من برة ده فيه اشيك الحاجات حتى لو دخلتى جوه مش هتلاقيها وتعاملهم كويس جدا وممكن تفاصلى بس مش كتير . انا جبت من عنده نجفه نحاس للسفرة بس خليته يديها لون فضى بقت تحفه [/quote

ازيك يا هويدا
فين درب البرابرة دة انا خرى اعرف العتبة والتربيعة بتاعة القماش الى رحتها مع دينا ولسة القماش عندى
ولو فيها غلاسة اسمة اية المحل دة ؟

ومعدل الفصال قد اية يا هويدا؟

وعملتى اية فى الستائر ؟

دينا روحتى للخياطة وعملتى اية عندها ؟

DodyCat;8842515:
بالنسبه للنجف الأستيل أنزلى درب البرابرة بصى فى محل على الشارع من برة ده فيه اشيك الحاجات حتى لو دخلتى جوه مش هتلاقيها وتعاملهم كويس جدا وممكن تفاصلى بس مش كتير . انا جبت من عنده نجفه نحاس للسفرة بس خليته يديها لون فضى بقت تحفه

تقصدي المحل الكبير اللي فيه كمان تماثيل كده تحفة وفيها اضاءة علي شكل ستات رومانيات واحصنة وكده صح، لو كده يبقي فعلا عنده حاجات تحفة ومميزة جدا.

انا اكتشفت حاجة هناك لما روحت انا وخطيبي مرتين مرة يوم سبت ومرة خميس، المهم يوم السبت بيبقي يوم الجرد وتقفيل الحسابات بتاعتهم فتقريبا بيخفضوا الأسعار شوية عن الأيام العادية ويبقوا عايزين يمشوا الحال لكن لما روحنا تاني وسالنا علي حاجات كانت عجبانا المرة اللي فاتت لقيناهم بيقولوا سعر اعلي بس بردو طبعا فيه فصال فخلوا بالكم كويس من النقطة دي.

سارة المزعورة;8842499:

كان فى بنوتة قايلة على النايمر الى زى التايمر بتاع تعلية وخفت الاضاءة ممكن اعرف كان بكام دة ؟

مين اخر حد جاب نجف ينقلنا خبرتة ؟

عندك درب البرابرة زي ما قالت دودي كات ودي قريبة جدا من ميدان العتبة نفسها هتلاقيها عند بتوع حاجات السبوع وادخلي بقي الشوارع الجانبية جوا هتلاقيها مليانة وهناك النجف الكلاسيك كتير اوي، وفيه كمان شارع الكهربا وده متفرع من شارع عبد العزيز ورا المطافي عالطول وده المودرن فيه اكتر.

الفصال انتي وشطارتك بس المهم خدي الشارع كله فرجة الاول من اوله لأخره وبعدين شوفي اللي عجبك وارجعيله عشان في بيبقي عندهم نفس الحاجة بالظبط وفرق السعر كبير.

CuTie KaTkOoTa;8842663:
تقصدي المحل الكبير اللي فيه كمان تماثيل كده تحفة وفيها اضاءة علي شكل ستات رومانيات واحصنة وكده صح، لو كده يبقي فعلا عنده حاجات تحفة ومميزة جدا.

انا اكتشفت حاجة هناك لما روحت انا وخطيبي مرتين مرة يوم سبت ومرة خميس، المهم يوم السبت بيبقي يوم الجرد وتقفيل الحسابات بتاعتهم فتقريبا بيخفضوا الأسعار شوية عن الأيام العادية ويبقوا عايزين يمشوا الحال لكن لما روحنا تاني وسالنا علي حاجات كانت عجبانا المرة اللي فاتت لقيناهم بيقولوا سعر اعلي بس بردو طبعا فيه فصال فخلوا بالكم كويس من النقطة دي.

فين درب البرابرة من العتبة تتراح ازاى
ومعدل التخفيض قد اية ؟

قصـــة رائعــة

يقول مالك ابن دينار
بدأت حياتي ضائعا سكيراً عاصيا .. أظلم الناس وآكل الحقوق .. آكل الربا .. أضرب
الناس .......... افعل المظالم .. لا توجد معصية إلا وارتكبتها .. شديد الفجور ..
يتحاشاني الناس من معصيتي
يقول:
في يوم من الأيام .. اشتقت أن أتزوج ويكون عندي طفله .. فتزوجت وأنجبت طفله
سميتها فاطمة .. أحببتها حباً شديدا .. وكلما كبرت فاطمة زاد الإيمان في قلبي
وقلت المعصية في قلبي .. ولربما رأتني فاطمة أمسك
كأسا من الخمر ... فاقتربت مني فأزاحته وهي لم تكمل السنتين .. وكأن الله يجعلها
تفعل ذلك .... وكلما كبرت فاطمة كلما زاد الإيمان في قلبي .. وكلما اقتربت من
الله خطوه .... وكلما ابتعدت شيئا فشيئاً عن المعاصي..
حتى اكتمل سن فاطمة 3 سنوات
فلما أكملت .... الــ 3 سنوات ماتت فاطمة
يقول:
فانقلبت أسوأ مما كنت .. ولم يكن عندي الصبر الذي عند المؤمنين ما يقويني على
البلاء .. فعدت أسوا مما كنت .. وتلاعب بي الشيطان .. حتى جاء يوما
فقال لي شيطاني:
لتسكرن اليوم سكرة ما سكرت مثلها من قبل!!
فعزمت أن أسكر وعزمت أن أشرب الخمر وظللت طوال الليل أشرب وأشرب وأشرب
فرأيتني تتقاذفني الأحلام .. حتى رأيت تلك الرؤيا
رأيتني يوم القيامة وقد أظلمت الشمس .. وتحولت البحار إلى نار.. وزلزلت الأرض ...
واجتمع الناس إلى يوم ألقيامه .. والناس أفواج .. وأفواج .. وأنا بين الناس
وأسمع المنادي ينادي فلان ابن فلان .. هلم للعرض على الجبار
يقول:
فأرى فلان هذا وقد تحول وجهه إلى سواد شديد من شده الخوف
حتى سمعت المنادي ينادي باسمي .. هلم للعرض على الجبار
يقول:
فاختفى البشر من حولي (هذا في الرؤية) وكأن لا أحد في أرض المحشر .. ثم رأيت
ثعبانا عظيماً شديداً قويا يجري نحوي فاتحا فمه. فجريت أنا من شده الخوف
فوجدت رجلاً عجوزاً ضعيفاًً .....
فقلت:
آه: أنقذني من هذا الثعبان
فقال لي .. يابني أنا ضعيف لا أستطيع ولكن إجر في هذه الناحية لعلك تنجو ...
فجريت حيث أشار لي والثعبان خلفي ووجدت النار تلقاء وجهي .. فقلت: أأهرب من
الثعبان لأسقط في النار
فعدت مسرعا أجري والثعبان يقترب
فعدت للرجل الضعيف وقلت له: بالله عليك أنجدني أنقذني .. فبكى رأفة بحالي ..
وقال: أنا ضعيف كما ترى لا أستطيع فعل شيء ولكن إجر تجاه ذلك الجبل لعلك تنجو
فجريت للجبل والثعبان سيخطفني فرأيت على الجبل أطفالا صغاراً فسمعت الأطفال
كلهم يصرخون: يا فاطمه أدركي أباك أدركي أباك
يقول:
فعلمت أنها ابنتي .. ويقول ففرحت أن لي ابنة ماتت وعمرها 3 سنوات
تنجدني من ذلك الموقف
فأخذتني بيدها اليمنى ........ ودفعت الثعبان بيدها اليسرى وأنا كالميت من شده الخوف
ثم جلست في حجري كما كانت تجلس في الدنيا
وقالت لي يا أبت
(ألم يأن للذين آمنوا أن تخشع قلوبهم لذكر الله)
يقول:
يا بنيتي .... أخبريني عن هذا الثعبان!!
قالت هذا عملك السيئ أنت كبرته ونميته حتى كاد أن يأكلك .. أما عرفت يا أبي أن
الأعمال في الدنيا تعود مجسمة يوم ألقيامه..؟
يقول:وذلك الرجل الضعيف: قالت ذلك العمل الصالح .. أنت أضعفته وأوهنته حتى بكى
لحالك لا يستطيع أن يفعل لحالك شيئاً
ولولا انك رزقك الله بى ولولا أني مت صغيره ما كان هناك شئ ينفعك
يقول:
فاستيقظت من نومي وأنا أصرخ: قد آن يارب.. قد آن يارب, نعم
ألم يان للذين آمنوا أن تخشع قلوبهم لذكر الله
يقول:
واغتسلت وخرجت لصلاه الفجر أريد التو به والعودة إلى الله
يقول:
دخلت المسجد فإذا بالإمام يقرأ نفس الآية "ألم يأن للذين آمنوا أن تخشع قلوبهم لذكر الله"
ذلك هو مالك بن دينار من أئمة التابعين
هو الذي اشتهر عنه أنه كان يبكي طول الليل
ويقول
إلهي أنت وحدك الذي يعلم ساكن الجنة من ساكن النار، فأي الرجلين أنا
اللهم اجعلني من سكان الجنة ولا تجعلني من سكان النار
وتاب مالك بن دينار واشتهر عنه أنه كان يقف كل يوم عند باب المسجد ينادي ويقول:
أيها العبد العاصي عد إلى مولاك .. أيها العبد الغافل عد إلى مولاك ..
أيها العبد الهارب عد إلى مولاك .. مولاك يناديك بالليل والنهار يقول لك
من تقرب مني شبراً تقربت إليه ذراعاً، ومن تقرب إلي ذراعا تقربت إليه باعاً،
ومن أتاني يمشي أتيته هرولة.
أسألك تبارك وتعالى أن ترزقنا التوبه...لا إله إلا أنت سبحانك .. إني كنت من الظالمين

منقوووووووووووولة للامانة
حبيت تشوفوها معى

الستاير من الوكالة ولا الازهر مين الاحسن من الاخر
مين نزل قريب ؟

سارة المزعورة;8842661:
[quote=DodyCat;8842515]بصى يا ساره يا قمر دمياط فعلا تحفه
وفعلا المحلات الكبيرة فيها احلى حاجه بس مش كلها انا معجبنيش العراقى خالص

انا جبت من الهلال السفرة ونزلناها من 21000 ل 16500 بس كان معانا ناس معرفته

بالنسبه للنجف الأستيل أنزلى درب البرابرة بصى فى محل على الشارع من برة ده فيه اشيك الحاجات حتى لو دخلتى جوه مش هتلاقيها وتعاملهم كويس جدا وممكن تفاصلى بس مش كتير . انا جبت من عنده نجفه نحاس للسفرة بس خليته يديها لون فضى بقت تحفه [/quote

ازيك يا هويدا
فين درب البرابرة دة انا خرى اعرف العتبة والتربيعة بتاعة القماش الى رحتها مع دينا ولسة القماش عندى
ولو فيها غلاسة اسمة اية المحل دة ؟

ومعدل الفصال قد اية يا هويدا؟

وعملتى اية فى الستائر ؟

دينا روحتى للخياطة وعملتى اية عندها ؟

بصى يا ساره درب البرابرة فى العتبه بردو شارع الجيش هتلاقى هناك تسيباس عدى بقى قدامه الناحيه التانيه هتلاقى بتوع النجف اسم المحل بحاول اجيبه من خطيبى بس هو مش بيرد عليا هاوريه .
بصى عموما هم أرخص من المحلات اللى برة فى مدينة نصر وكده

الستاير انا روحت عند أحمد أنور راتكس زى ما البنات قالو هو فعلا احسن حد فى الأزهر وجبت قماش تركى بس هم مقرفين فى الفصال خدناه من 65 المتر ل 50 بالعافيه المهم اتفقت معاه هيفصل وهايجى يركب
التفصيل بياخد 5 جنيه على المتر بس خلى بالك لو فيه براقع بيضاعف عدد الأمتار
التركيب احنا فى مدينة نصر فهياخد 80 جنيه نقل وتركيب

ساره الوكاله حرمين قوى فى الستاير

CuTie KaTkOoTa;8842707:
عندك درب البرابرة زي ما قالت دودي كات ودي قريبة جدا من ميدان العتبة نفسها هتلاقيها عند بتوع حاجات السبوع وادخلي بقي الشوارع الجانبية جوا هتلاقيها مليانة وهناك النجف الكلاسيك كتير اوي، وفيه كمان شارع الكهربا وده متفرع من شارع عبد العزيز ورا المطافي عالطول وده المودرن فيه اكتر.

الفصال انتي وشطارتك بس المهم خدي الشارع كله فرجة الاول من اوله لأخره وبعدين شوفي اللي عجبك وارجعيله عشان في بيبقي عندهم نفس الحاجة بالظبط وفرق السعر كبير.

أنت قصدك اللى واخد ناصيه يبقى لأ انا قصدى اللى قبل الشارع الرئيسى لدرب البرابرة بمحلين

CuTie KaTkOoTa يا قمر ربا يباركلك فى حاجتكك فعلا فى الجرد بيرخصو الأسعار

بنات معلشى بليييييييز محتاجة حاجة ضرورى دلوقتى حالا

كان فى موضوع فيه كل ألوان الدهانات و ارقامها ممكن حد يبعتلى اللينك دلوقتى؟؟؟

من فضلكم بسرررررررررررعة