magda 1;8840636:
يا عررررررايس يا قمراااات انتو مش بتردو عليييييا خاللللللص بس انا مش بتعب ولا بمللل باختصار:tongue:لانى بحبكم اووووووووى بجد والله المنتدى دة اهم حاجه عندى دلوقتى لازم اى حاجة اقول اخد رايكم الاول بس انتو قليل اوى لما بتردو عليا ...... المهم بقى سوال تعبنى اوى بقالى كتيررر :confused:هجيب ايه فى عيد الام ده كمان لحماتى طبعا انا جبت مفرش سفرة بس كنت عايزة اجيبلها حاجة كمان بعيداااااااا عن اللبس عشان السنه الى فاتت جبتلها عبايه جميله اوى وشيك جدااااااا بس للاسف تقريبا كده مش جات مقاسها عشان هى مليانه:wink: فقولت بقى السنة ديه مش هجيب لبس خالصصص .......يارب بقى تردو عليا المرة ديه ويارب الى ترد عليييا تتجوزززززز بسرعة اووووووى .......
بصي يا حببتي طالما جبتي مفرش سفره خلاص كفايه و لو مصممه اوى يعني هاتي شنطه و شوز معاهم او ازازه برفيوم شيك او ساعه
razminia;8840869:
هاى على احلى عرايس انا عايزة أسأل سؤال عايزة اجيب زيوت لشعرى عشان هنبتدى الحملة القومية للعناية بالشعر قبل الجواز ليا هو فاضل 4 شهور ان شاء اللة بس يعنى عشان يجيب نتيجة عايزة اجيب زيت خروع وزيت لوز اجيبهم منين عشان مش اتخم يعنى وياريت لو حتة قريبة من مصر الجديدة يبقى كتر خيركوا اوى ياريت يابنانيت تردوا عليا ضرورى عشان بجد لازم ابتدى الحملة دى قريب جدا:):)(f)(f)
احسن حاجه هاتى زيت جدايل لشعرك من عبد الصمد القرشي اللي في ستي ستارز
روباز;8841816:
ميرسى ولله يا بنات تسلمولى صوت و اى حد و ماشيمارو و شوق لزمن الصحابه و قطة اخر الليل اللى شايفانى انا والفستان حكايه( معاكى حق حكايه فع بس حكاية من فيلم رعب هههه) و مرهفه و كل اللى ردوا عليا وانا وانت و ترارارارااااااااااااااااا
والله انتو هديتونى شويه انا كنت راجعه سخنه اوى بس عارفه ان المره الجايه برده هرجع سخنه مفيش فايده فيا و هظلع القطط الفطسانه..ربنا يستر
الفستان عند المدام اللى بعمل عندها فستان الفرح ان شاء الله ربنا يجعل كلامى حفيف عليه و معرفش والله بتاع كتب الكاب اتكلف كام لأنه كادو من طنط انا بس اشتريت القماش من الوكاله الشيفون المتر 100 بعد الفصال( شيفون طبيعى) و البطانه زى الستان كده ب 20 المتر بعد الفصال و هفصل الجزمه و الشنطه بس مش عارفه اللى بيفصلو فى بطرس غالى دول مكانهم فين و بكام و قماش قد ايه للشنطه و ايه للشوز؟؟؟حد عارف يا بنات و ليكم الجر و الثواب عند الله و هنيالك يا فاعل الخير و الثواب و هيييييييييه دنيا( لزوم الشحاته اللى انا عايشه فيها الأيام دى نظرا لسوء الحوال الماديه...ازمة امريكا سابت مصر كلها و جت بان اثرها عليا انا بس هههه)
بصي يا قمر معظم المحلات اللي في بطرس غالي بتفصل جزم و شنط و بتبقي تقريبا الجزمه من 30 ل 50 و الشنطه الحقيقه مش عارفه بس لما تروحي تسالي هما هيقولولك و ممكن كمان هما اللي يجبولك القماش
DodyCat;8842891:
أنت قصدك اللى واخد ناصيه يبقى لأ انا قصدى اللى قبل الشارع الرئيسى لدرب البرابرة بمحلين
فعلا المحل ده تحفه و سعره اقل من الناس اللي جه في الشارع احنا جبنا نجف اخويا من هناك
DodyCat;8843894:
بنات انا عندى مشكلة دلوقتى خطيبى عايزنى أودى حاجتى الشقه وهو قاعد فى الشقه حاليا وكمان أخته معاه عشان هو أصلا مش من القاهرة ومش عندهم مكان تانى فى مصر
المهم انا مش عايزة أودى الحاجات الشخصيه ولا رفايع المطبخ غير فى أخر وقت فى يوم الفرش مثلا
مش حابه ان حد يتفرج على حاجتى قبل الفرش انا غلط ولا ايه ؟؟ قولولى أعمل ايه
لا طبعا انتى مش غلط و لا حاجه حقك طبعا ان محدش يشوف حاجتك و لا يلعب فيها و كمان هو اصلا مش مفروض يقعد في الشقه هو و اخته خصوصا كمان لما انتى تفرشي حاجتك الشخصيه مينفعش انه هو يكون قاعد في الشقه
DodyCat;8843915:
قولولى الأستيكر اللى بيتلزق فى المطبخ اللى قولتو عليه قبل كده يجى منين وبكام وبالمتر ولا ايه
واجيب ايه أفرشو على أرفف الدولاب وكمان أرفف التلاجه؟؟
في مفارش بلاستك بتتباع بالمتر او الرول دي ممكن تجيبيها لكل الدواليب
ارفف التلاجه انا مش مقتنعه انك لازم تفرشيها بحاجه يعني لما التلاجه تتوسخ عندك شويه مايه و صابون و هتبقي زى الفل و ترجع جديده من الاول تانى
mashimaro16;8843917:
قوليلى يا جميله ماركة مكياجى بتتباع عند حد معين ولا اى محل ميكب اب ؟ لقاء برده ربنا يكرمها قالتلى انها حلوه اوى ونصحتنى بيها من زمان بس مكنش عندى حد هناك يجبلى حاجه
والاطفال ياستى لازم حيقعدو غصب عنهم لان لا فى رقص ولا فى هيصه فمين بقى اللى مش حيقعدوا ؟:( مش عارفه محدش يقول عليا بشيل الهم بزياده وبعمل حكايه بس علشان الحاجات دى بتفرق والله اوى والناس بتتقمص وبلاوى :( ومش قصه كرسى ولا اتنين انا كده كده عامله برده مساحه للتحرك بتاع 10 يكونو اكيد مش معزوم فيهم حد بس دول 23 طفل!!! غير المستجدات :(
ادعولى كده علشان بجد مخنوقه موت من المووضوع ده
ربنا يكرمك يابنتى والفستان يطلع فى الاخر كحكه عليكى
انتى عامله زييى بالظبط على فكره اول ما بقيس الحاجه وكده اخد نفس الانطباع ده ويفضل يتكرر حتى النهايه وبعد النهايه واروح بيتنا واقعد اعيط اختى حبيبتى ربنا يخليهالى يارب تقعد تتطلعى احلى حاجه فى الفستان وتحليه فى عينيا :D هيا حتموت واتجوز وامشى من فوق راسها بس مش حيحصل وراها وراها برده حتى لو اتجوزت :tongue:
انا عارفه مكانه بالشبه كده كنت بشوفه واحنا مسافرين زمان وعارفه انه على الشمال لو انا جايه من اول الشارع بس مش عارفه انهى محطه مترو :( وانتى كمان مش عارفاها :(
حاولى كده تعصرى دماغك وتقوليلى انهى محطه مترو
وميرسى يا جميله على ردك
(y)(y)
بنات انا المفروض انزل اروح دارى حد عايز حاجه من هناك اسئله عليها ؟؟؟
معلش ابقي اساليلي على ورق الحيطه هناك بكام و اشكاله حلوة ولا مش اوى
حبيبه مادو;8844157:
انا كمان نفس السؤال هو اللى بيجيب ولا احنا بنشترى ولا ايه ؟؟ولا هو اللى بيجيب وبيكون تبع حسابه كله
هو اللي بيجيب و بيحاسبك عليه حتى الخشب اللي بيتعلق عليه البراقع برده بيحسبه و يحاسبك عليه
سارة المزعورة;8844306:
(y)
(y)(y)(y)
مش هاتفرق صدقونى
اقولكم حكاية
واحد قريبتنا كانت بتشترى ترابيزة صغيرة
الراجل قعد يحلف لها انها بالثمن دة وانة مش سارقها
فهيا ردت علية وقالت انها بتحب الى يسرقها
فالراجل بصلها وقلها اول مرة اسمع حد يقولى كدة
فردت علية طنط وقالتلة منا هاخدها منك يوم القيامة فوق عند ربنا
فرد عليها الراجل وقال انا مش هاسرق حد ثانى ابدااااااااااا
واقولكم حاجة كمان ابويا قالها
قالى انتى عمرك ما هتعرفى تغلبى تاجر مها كنتى شاطرة
وان البايع لازم يكون راضى وانتى بتشترى منة لازم
(y)(y)(y)(y)(y)(y)(y)
فعلا اهم حاجه ان يبقي البياع راضي عشان ربنا يباركلك في الحاجه
CuTie KaTkOoTa;8844720:
المشكلة ان الرخيص هناك او المعقول خامته وحشة اوي تقريبا بلاستيك مطلي فضي او دهبي فطبعا هايتكسر بسرعة اوي ومش متين وشكله كمان وحش لكن الحاجة الحلوة المعدن او الاستانلس عالية موووت حتي اقل حاجة فيها، احنا دخلنا هناك محل كبير كده زي مول متكامل اسمه العربي اتعقدنا فيه وطلعنا تاني :ss:
بصي هو العربي بيبقي عظم اللي عنده الانواع النضيفه بس عشان كده تحسي انه غالي شويه لفي تانى في المحلات الصغيره اللي في الرويعي و هتلاقي ان شاء الله حاجات معقوله هناك
N0rma;8844823:
بنات فى وحدا اسمها مايسه بتعمل فساتين افراح وسواريه عامله عرض على الفيس بوك اهو
تقدم مصممه الازياء مايسه شاهين مفاجئه لكل عروسه مقبله علي احلي ليله في العمر
فصلي يا عروستي فستانك و مشتملاته بتكلفه 2000 جم
فصلي يا بنوتي فستان خطوبتك بالقماش بتكلفه 1000 جم
فصلي يا آنستي فستان السواريه بالقماش بتكلفه 800 جم
اللى عاوزه ارقامها تقولى بس على الخاص لانى مش بدخل كتير
نيمو يا قمر ابعتيلي ارقامها على الخاص و كمان يا ريت اللينك بتاعها