تجهيزات قمرات مصر ...الجزء 118 يارب نتجوز بقه

العروسة اللي كانت بتسال على مكن للخروج بعد كتب الكتاب
بعد إذن فلاور

flower20009;6303473:

مطاعم السفن الثابته:

1. سفينة السرايا ....
وتقع على كورنيش النيل في الزمالك ... تحتوي على عدة مطاعم في الدوv الاول والثاني
المكان راقي جداً والمنيمم 150 جنية للفرد ويجب الحجز مسبقا بالذهاب شخصياً للحجز مسبقاً .... والافضل من كده تتصلوا بيهم قبلها وتستفسرو عن كل ما يخطر في بالكوا من اسئله
2. سفينة الباشا ......
وتقع على كورنيش النيل في الزمالك بردو ا وقريبة من سفينة السرايا
ونفس طريقة السرايا يتم الحجز بالتلفون والمينمم جارج 150 جنية وتبدأ الحفلات من الساعة 12 وحتى 4 صباحاً .. كما تحتوي الباشا على 12 مطعماً متنوعا منه اللبناني والايطالي .......

3. النايل سيتي Nile City
وهي سفينة عائمة وثابتة على النيل ايضا وتحتوي على عدة مطاعم منها ستديو مصر و شيلييز وبعد فيه مطعم ناسيته .... والمكان راقي أيضا وفي مستوى الباشا والسرايا.
4. فرايديز ......
وهي عبارة عن سفينة ثابتة على النيل وايضا فيها مجموعة من المطاعم مثل مطعم للاكلات البحرية ومطعم فرايديز ... عجبني ديكور فرايديز. والاسعار على حسب طلبك. وهي قريبة من مجمع الفيرست مول
5. سفينة جراند حياة
وهي سفينة متحركة تابعة لفندق جراند حياة وفيها بوفية مفتوح غداء وعشاء ومواعيد الغداء الساعة 2 ظهراً و 5 عصراً ومدة الجولة ساعتين الاسعار 211 جنية للعشاء و 125 جنية للغداء .

6. الاماكن الراقية أيضاً هابي دولفين وتقع على كورنيش النيل في المنيل.شارع الملك عبدالعزيز قعداته نيلية حالمة والله وعندهم بحيرة فيها بط وبجع وعندهم يخت يطلع كل ساعة ياخذك بجولة في النيل لمدة ساعة وسعر الفرد 5 جنية .
وعندهم مينمم ج 32 جنية للفرد .
يفضل الحجز المسبق أو الذهاب مبكرا أي في تمام الساعة 11 ليلا حتى تحجز لك مكان.

7. سفينة النيل مكسيم وهي سفينة متحركة تابعة لفندق الماريوت والمينمم194 جنية >>>

8. السفينة الفرعونية ......
والسعر 198 جنية ...ا طلب وليس بوفية مفتوح والمينمم 198 جنية

9.النيل الازرق ......
وهي سفينة ثابتة ايضا وقريبة من نايل سيتي و كبري قصر النيل وفيها مطاعم متنوعة ايضا.
10. فرح بوت وقريبة منفرايديز ...
11. نايل كرستال
12سفينة sun set وهي أغلى وحدة فيهم 350 جنية على ما افتكر
13. سفينة البيت بيتك
14. امبريال

15. سفينة سكاربية وهي سفينة تابعة لفندق السوفيتيل اللي في المعادي ولكن المرسىمقابل فندق سميراميس وسعرهم معقول 145 جنية للعشاء ( بوفية مفتوح )

نغمة القمر;8831287:
ميرسي ياعسل على اهتمامك ربنا يكرمك بس هي القاعات دية عالكورنيش لوحدها كده ولا جوة فندق او مول او حاجة

القاعات دي في مكان كده فيه محلات وكافيهات انتي روحي وشوفي المكان بنفسك

miss_w;8306328:
ازيكوا يا عرايس
يارب تكونوا بخير
ويارب يتمملكوا على خير كلكوا

كنت بس عايزة اضيف اضافة صغيرة
في قاعات أفراح صغيرة عند فاميلي سينما في المعادي ...... فاميلي سينما دي ورا نايل مول لو تسمعوا عنه..........
على كورنيش المعادي
القاعة حوالي 100_150 فرد
هما 3 قاعات * مسك الليل * وبانوراما * .......... ( معلش نسيت اسم التالتة )
بس احسنهم بانوراما .........
و في كذا عرض ........ وبيبدأ من 2750ج ل100 فرد ( الكوشة وال دي جي والفيديو والبوفيه عبارة عن قطعة جاتوه وباتيه وباتون ساليه وبيبسي )
وكل فرد زياده ب 15ج
طبعا في عروض تانية بإضافات تانية زي التورتة والزفة والبوفيه ممكن يبقى فيه عشا
وطبعا كل نوع بوفيه بيتغير معاه الميزانية
هي قاعات بسيطة وصغيرة ........ وميزانيتها قليلة
أرجو اني أكون أفدت :21_156:

بحبك يا حمودى;8831313:
26\ 3\ 2009 كتب كتاب بحبك يا حمودى

يا حببتى كتب كتابى يوم 6_3_2008 مش 26

سوري معلش
انا عدلت اللستة

promana;8832055:
الف مبروك يا جميله ده بردو كان يوم كتب كتابي بس السنه اللي فاتت

عشان المخالف عاوزه اعرف اجيب منين الاكسسوارات بتاعه فستان الفرح اللي هيه زي الورود والتاج والحجات ده

في محلات في الموسكي تقريبا هوا شارع اسمه شارع العرايس
بصي هوا شارع اوله عن العتبة واخره عند حمام التلات والشارع ده اغلبيته محلات فساتين افراح وسواريه واكسسوارت وكده
وممكن تلاقي برده في محلات الخردوات وفي محل في ممر الكونتننتال في وسط البلد

ghadghoda;8835817:
الكلام ده منقول من ايمى حبيبتى فا عجبنى اوووووووووووووووووووووووووى قلت لازم تقروه طبعا بعد اذنها




>
>
> أزواج للبيع
>
>
>
>
>
>
>
>
> في إحدى المدن تم افتتاح متجر
> لبيع (الأزواج) حيث يمكن للمرأة
> الذهاب لاختيار زوج بنفسها ومن
> بين التعليمات التي وضعت في
> المدخل حول أسلوب عمل المتجر : أن
> للمرأة فرصة الدخول مرة واحدة
> للمتجر ! ويمكن الاختيار من أحد
> الطوابق أو الذهاب إلى الطابق
> الآخر الأعلى منه ولكن لا يمكن
> النزول إلى أسفل.
> :
> :
> دخلت إحدى النساء (لمتجر الأزواج)
> لاختيار زوج لها
> في مدخل الطابق الأول علامة :
>
> الرجال هنا لديهم عمل ومؤمنون
> بالله
>
> وفي مدخل الطابق الثاني علامة :
>
> الرجال هنا لديهم عمل ومؤمنون
> بالله ويحبون أطفالهم
>
> وفي مدخل الطابق الثالث علامة :
>
> الرجال هنا لديهم عمل ومؤمنون
> بالله
>
> ويحبون أطفالهم وشكلهم جذاب
>
>
>
> وكانت المرأة تـفكـر 'واو ولكن
> سأستمر بالصعود'
>
>
>
> وقد وصلت إلى الطابق الرابع لتجد
> علامة :
>
> الرجال هنا لديهم عمل ومؤمنون
> بالله ويحبون أطفالهم وشكلهم جذاب
> ويساعدون زوجاتهم في أعمال المنزل
>
>
> فتعجبت في خلجات نفسها
>
> ' يا إلهي إني لا أستطيع التحمل
> سأوافق '
>
> ولكنها استمرت بالصعود
>
>
>
> وفي مدخل الطابق الخامس وجدت
> علامة :
>
> الرجال هنا لديهم عمل ومؤمنون
> بالله ويحبون أطفالهم وشكلهم جذاب
> ولهم قابلية رومانسية عالية
> لمغازلة زوجاتهم دائماً
>
> وكادت أن تطأ قدمها ذلك الطابق
> إلا أنها استمرت بالصعود
>
>
>
> وفي مدخل الطابق السادس وجدت
> علامة :
>
>
>
> أنـت الـزائـرة رقـم 4.363.012
>
> ليس هناك أي رجال في هذا الطابق
>
> لأن هذا الطابق وجد خصيصا كبرهان
> أن النساء لا يمكن إرضاؤهم شكراً
> للتسوق في 'متجر الأزواج'
> وانتبهي لخطواتك وأنتِ تخرجين
> ونتمنى لكِ يوما سعيداً
>
> ــــــــــــــــــــــــــــــــــــــ
>
>
> أرسلوها إلى كـل الرجال ذوي
> الضحكات القوية
>
> وإلى كـل النساء اللواتي يمكن أن
> يستوعبن الحقيقة

حلوة اوي يا غدغودة
بس على فكرة برده في رجالة مش بيعجبها العجب
الموضوع انه الواحد دايما بيطمع في الاحسن



************
يا بنات انا كنت عايزة اجيب طقم المعالق والشوك اللي هوا بيجي ستة مع العليقة بتاعته
اللي هوا ست معالق وست شوك وست سكاكين
الطقم ده كويس يستحمل ولا اجيب العادي احسن

بحبك يا حمودى;8832423:
عاوزه اعرف اماكن حلوه اشترى منها غرفه النوم بس اخليها عند الراجل 3 شهور و يكون مضمون و لو فى شركات حكوميه ياريت تقولولى

بنات عايزة اعرف اللبس الصيفي الخروج بينزل في شهر كام؟؟؟
بليييييييييييييييييز اللي يعرف ضروري يرد عليا ؟؟؟؟؟؟؟

عايزة اسأل سؤال تاني دلوقتي انا لو فرحي بعد شهرين او شهر و نص لو عجبني فستان ناو أول لبسة ينفع احجزو من دلوقتي ولا اية؟

miss_law2010;8835973:
غدغودة رسايلك كتيييرة ومش عارفة ابعتلك ياريت تمسحى منو حاجة

ولو حد يقولى اجيب السجاد دلوقتى ولا بعد ما اجيب العفش

ازيكم يابنات اغيب عنكواا اسبوع كنت مسافرة فية اجي القيكم عملتوا الجزء الجديد وقربتوا تخلصوة من غيري...................وحشتوني كتيرررررررررررررررررررر

بالنسبة بقي للسجاد طبعا مش تجبية غير لما تجيبي العفش عشان مثلا لون الصالون والانترية تجيبي السجادة علية وعلي حسب اللون كمان..........

بنات بالله عليكوا يأاخواتى روحوا قسم المشاكل وشوفوا مشكلتى محتجاكم اوى دلوقتى اسم المشكله هناك معلش مش عارفه اجيب الينك ازاى اسمها (شوفوا خطيبى طلب منى ايه؟؟) قولوا رايكم بصراحه
وعشان المخالفه اجيب كام شبشب بيتى فرو للشتا انا جبت اتنين اجيب تانى؟؟

miss_law2010;8835973:
غدغودة رسايلك كتيييرة ومش عارفة ابعتلك ياريت تمسحى منو حاجة

ولو حد يقولى اجيب السجاد دلوقتى ولا بعد ما اجيب العفش

ازيكوا يابنات وحشني كتيرررررررررررررررررررررر
اغيب اسبوع سافرت فية اجي القيكوا عملتوا جزء جديد وقربتوا تخلصوة من غيري

بالنسبة للسجاد بلاش تجيبة غير بعد العفش عشان الالوان يعني مثلا لون الصالون او الانترية
لو بمبي لو ازرق كدا يعني تجيبي لكل اوضة السجاد اللي ينسبها

Bonbonaya15;8837576:
عايزة اسأل سؤال تاني دلوقتي انا لو فرحي بعد شهرين او شهر و نص لو عجبني فستان ناو أول لبسة ينفع احجزو من دلوقتي ولا اية؟

هو يينفع بس هتبقى فى مشكله منين تضمنى انو هيكون اول لبسه فعلالا اصل اى مكان لما يجى للفستان واحده عاوزه تاجرو مش هيقولولها لالا فممكن يكون اتاجر قبلك وانتى مش تعرفى

بنات عايزة اسالكم سؤال مهم اوووووووووووووووووووووووووووووووووى هو برة التجهيزات بس بجد عايزة اعرف
انهى اكتر خلوة او يعنى انهى اكتر تاثيرا الكلام فى التليفون ولا المقابلة ؟؟؟؟؟؟؟؟؟؟؟؟؟؟؟؟؟
بجد عايزة اعرف لان فى واحدة قالتلى التليفون الكلام فيه اكتر خلوة واكتر يعنى معصية من المقابلة فا انا عايزة اعرف؟؟؟؟؟؟؟؟؟؟؟

مش عارفه ياغاده بصراحه بس انا سمعت شيخ كان بيقول لو الكلام بين الاتنين فى الحدود ومش خارج وطالما الكلام مبنى على هدف وصادق فيه يعنى الجواز وكده يبقى مش حرام بس لو فى الحدود المسموحه
وطبعا الله اعلمممممممممم

ليه مش بتدخلو الموضوع دا ونايم خااااالص

http://www.3roos.com/forums/t357689_14.html?highlight=%C7%E3%C7%DF%E4+%C7%E1%CE%D1%E6%CC+%DD%EC+%E3%D5%D1

اية رايكم في طقم الصيني دة بصراحه يابنات

sweetyronaaa;8831974:


الملايات احسن مكان تتجاب منه هو الغوريه بس تاخدي بالك كويس اوى ان الملايات دلوقتي بينزل من نفس الشكل 3 انواع نوع كله بوليستر و نوع قطن و فيه فتله بوليستر و نوع تانى كله قطن ميه في الميه و بيبقوا التلاته نفس الشكل فانتى لما تدخلي المحل تقوليله انك عايزه حاجه قطن ميه في الميه لان معظم المحلات دي ان مكانش كلهم بيعرضوا النوع الاولاني و التانى بس لكن اللي كله قطن مش بيعرضوه كتير لانه بيبقي غالي و مش كل الناس بتشتريه و على فكره انا كنت لسه هناك من حوالي شهر و نص كنا بنجيب ملايات و فوط لبنت خالتى و الازواق هناك روعه بس انتى خلي البياع ينزلك كل اللي عنده و ميهمكيش السعر اللي هو بيقوله في الاول بعد ما تخلصي خالص فاصلي معاه

معلومات جميلة يا قمر جزاكي الله خيرا انا لما شفت الملايات شفتها في الأزهر لكن مدورتش في الغورية لاني معرفتش اروحها غير بعد م خلصت ملاياتي مش ناقصلي غير ملاية يوم الفرح مش عارفة الاقي حاجة فخمة ورقيقة في نفس الوقت:confused::confused:

meroo012;8831983:
تسلم ايدك والله بجد ولا طولتى ولا حاجه دة انتى جبتى المفيد بجد واكيد استفدت وحلوة اوى فكرة انى اعمل تكست واخد كوبى وبسيت للحاجات المهمه ناا فعلا مش بعمل كدة

وعموما انا مخلصه حاجات المظبخ كلها ماما ربنا يخليها جابتلى كل حاجه دفعه واحدة ولا شفتها حتى
واللبس الحمدلله جايبه شويه مش بطالين خااااااااالص

الله يسلمك وأي خدمة احنا تحت امرك يا قمر وما شاء الله انتي مخلصة حاجات كتير اهو مفضلكيش غير حاجات بسيطة كفاية ان هم المطبخ اتشال من عليكي(f)

cherry..;8832478:




بصى انا كنت امبارح فى عيد لبيب فرع النعام حاجته بقت زفت اوى بس جبت من عنده تلات بيجامات وجلابية وكانوا اخر قطع اصلا وبعدين طلعت فوق اشوف لبس الخروج يمكن الاقى حاجه ألبسها بيت بعد الجواز معجبنيش برده اىى حاجه ... بس هقولك الخلاصه انا برده جسمى رفيع بس اكتافى عريضة زى الموديلز كده فمظبطانى مش مبينة حاجه هههههه المهم لما بشوف حاجه بيجاما او جلابية و بقول لماما ايه دا هتطلع كبببيرة تقولى لا حلوة احطها على جسمى احسها كبيرة المهم اجى فى البيت ألاقيها بالظبطططط على مقاسى ..فامتخليش شكلها يخدعك وتحسيها كبيرة جسمك لما بيريح بيكبر ويملى الحاجة ..
وعلى فكرة انا ساكنة فى الحسين والغورية والموسكى جمبنا وماما قالتلى بيجامات واطقم الموسكى برقبة اى مكان تانى .. وصفتلى بيجاما حلوة اووى لما تجيبها هوريهالكو هى اخرها 100 جنيه عباره عن جيبه وبادى كات وسويت شيرت وبنطلون لو تحبى تلبسى البادى على الجيبة والسويتر على البنطلون او تعكسى يعنى تحسيها طقمين سوا ..لذيذه اوى هوريهالكوا لما اجيبها باذن الله .. المهم هتلااااااااقى مقاسك صدقينى
انا رفيعه وبلاقى كللللللللل حاجه ..

هروح تاني يا قمر واشوف وشكرا عالمعلومات وقررت مش هرجع غير وانا شارية حتى لو كبيرة مش مشكلة بأة:confused:

ان لسة مش اشتريتة هنزل اشترية بكرة بس كنت عايزة راي حد معايا لاني كنت لوحدي

دية صورة تانية للطقم بس هي مش باينة اوي معلش

26-4-2009 فرح ehan





20- 7- 2009 فرح zozokah

يابنات سؤال ؟؟؟؟

انا قريت ف صفحات المنتدى هناا حد بيقول انى ممكن لو عندى كاسات كبيره ممكن احط فيها مايه وزيت عطرى واحط بعد كده شموع صغيره وتبقى شكلها حلو

السؤال بقا ايه الزيت العطرى دا كمان واجيبه منين ؟؟؟؟؟:cool:

بكام الطقم ده و منين؟؟؟؟؟؟؟؟؟؟؟؟؟؟؟؟؟؟؟

meroo012;8831983:
تسلم ايدك والله بجد ولا طولتى ولا حاجه دة انتى جبتى المفيد بجد واكيد استفدت وحلوة اوى فكرة انى اعمل تكست واخد كوبى وبسيت للحاجات المهمه ناا فعلا مش بعمل كدة
وعموما انا مخلصه حاجات المظبخ كلها ماما ربنا يخليها جابتلى كل حاجه دفعه واحدة ولا شفتها حتى
واللبس الحمدلله جايبه شويه مش بطالين خااااااااالص

sweetyronaa ميرسى لردك يا جميل بس مشكلتى كمان انى مش بعتمد على الخامه ولا الماركه ولا درجه الاستحمال ولا اى حاجه ام شكل حلو اجرى اجيبو ويطلع ف الاخر اوحش حاجه

بصي يا حببتي كلنا كنا كده في الاول و حاجات كتير جبناها من غير ما نفكر اذا كانت نوعيه حلوه و لا لأ انتى اهم حاجه و انتى بتشتري تاخدي معاكي مامتك مثلا او اى حد في عيلتك بيفهم في الحاجه كويس و انتى نقي و هى تقولك خامتها حلوة و لا لأ انا بعمل كده مع ماما اختار الشكل و هى تشوف الخامه

Bonbonaya15;8837521:
بنات عايزة اعرف اللبس الصيفي الخروج بينزل في شهر كام؟؟؟
بليييييييييييييييييز اللي يعرف ضروري يرد عليا ؟؟؟؟؟؟؟

هو السنه اللي فاتت نزل على اول اربعه السنه دي مش عارفه بس فيه صاحب محل قالي انهم ممكن ينزلوا الصيفي بدري شويه عشان الشتا السنه دي خلص بدري

بالنسبه للفستان المشكله بس انك متضمنيش انه يبقي اول لابسه الا اذا كنتى هتخلي الاتيليه يعملك موديل معين

نغمة القمر;8838228:
اية رايكم في طقم الصيني دة بصراحه يابنات

بصراحه هى نقشته مش حلوة اوى

dyana;8828737:
انا نزلت امبارح يا جماعه عشان اشترى قماش الانتريه اللى مغلبنى دا
روحت رايتكس اللى فى المعادى وماردينى وخرجت الحمد لله متعقده جداً
القماش اللى عجبنى لاقيت اسعاره من 140 جنيه للمتر و 189 واسعار كدا غريبه الشكل
يعنى ممكن الانتريه خشب يتكلف 1500 جنيه وقماش لوحده 5000 جنيه دا معقول؟؟؟ وكمان ايه انا الانتريه بتاعى مش عاملاه كبير يعنى كنبتين ودمتم.... ماذا تفعل لو كنت مكانى ؟:confused:

لو كنت مكانك يا قمر كنت نزلت الوكالة عدل لان المحلات دى بتستعبط ساعات كتير فى اسعارها فى حاجات عندهم تستاهل وحاجات لا كنا جبنا من ماردينى قماش الانتريه بتاع اختى نزلنا فى السعر عندهم 30 جنيه فى المتر و نروح بعد كدة الوكالة بالصدفة نلاقيه ارخص من عندهم بحوالى 60 جنيه فى المتر ولو عرفتى تاخدى منهم حتة صغيرة اوى من القماش و تدورى عليه برة يبقى احسن وربنا معاكى:)

Stay With me;8824958:
ازيكم يا قمرات
روباز فستانك حلو اوي ومش هاتعرفي تحكمي علية غير لما تلبسية كلة علي بعضة وتشوفي الوان الطرح بس انا حاسة انه هايطلع شيك اوي وتبقي عروسة زي القمر ان شاء الله
مورو يا قمرايه حاجتك حلوة اوي والنوم بسم الله ماشاء الله تحفة جدا تتهني بيها يا قمر
بس انا عايزة اعرف الاسعار؟
بصوبقي اخر اخبار الاتفاقات
ابن عمي راح امبارح علشان يتفقوا لانة هيخطب ان شاء الله فاستقرو علي ان هيجيبو كل حاجة بالنص يعني هيختارو العفش والاجهزةوالستاير والسجاد والنجف وبعدين هايحسبو اتكلف كام ويقسمو المبلغ بالنص حتي في الفرح هايعملو خطوبة بالنص ووقت الفرح برضة بالنص واتفقو علي ان القايمة هتكون بالحاجة اللي اتجابت بالظبط بما فيها الدهب اللي هو الشبكة من غير دهبها هي الشخصي
وكمان المؤخر اتفقو علي 10الاف جنية
ها ايه رايكم؟
كده حلو ولا ايه

كده حلو قوى ياقمر وربنا يباركلهم ويتمملهم على خير يارب

smsmakimo;8825310:
يابنات اية رايكم انا جيبت الحاجات دى....................دى كاسات ديكور هحطها ف النيشhttp://www.3roos.com/uploder/uploded20080901/202442/01234653949.jpg
ودى شويةفروع ورد هتتحط ف فازة ف الليفنج http://www.3roos.com/uploder/uploded20080901/202442/11234653949.jpg http://www.3roos.com/uploder/uploded20080901/202442/21234653949.jpg
ودة بقى فستان فرح هتجنن عليههههههههههه

الكاسات والورد ما شاء الله حلوين قوى مبروكين عليكى
ممكن بقى اعرف الفستان ده فين بالضبط وسعرة وهو ايجار ولا شراء

أي حد;8825415:

Stay With me
بابا كان عايز يعمل كدة في العفش مع خطيبي بس معملش كدة:D
والمؤخر عندنا في العيلة ما بين 10 ل 20 فبابا قال هيكتب 15
سؤال بأة يا جماعة بابا متكلمش في المؤخر ولا القايمة وانا مخطوبة بقالي سنة تقريبا هل الكلام دة المفروض يبقى قبل الخطوبة ولا قبل كتب الكتاب ولا اية بالزبط؟؟؟

قبل كتب الكتاب ياقمر

pussy22;8829541:
بنات انا سمعت ان الرخام لو اتحط فى المطبخ بيبوظ لان لو جة علية ملح او لمون بينقر و لو اتحطت علية حاجة سخنة بتعلم فية الكلام ده سمعتو من واحد بتاع مطابخ المشكلة ان الجرانيت اشكالة مش حلوة خصوصا انة منقوش كدة و بحسة اوفر حد عندة حل للمشكلة دى او عندة اشكال للجرانيت تكون حلوة

لا ياقمر مش صحيح الكلام ده الرخام مش بيتاثر بكده ومعظم الناس بتحط رخام ومشتكتى منة احنا حطين رخام فى مطبخنا من زمان قوى ومحصلوش اى حاجة من الكلام ده
quote]

روباز;8831018:

تسلمولى يا بنات..بصو انا بفكر حاجه...ايه رايكو لو عملت البدى اهدا درجة اخضر فى الفستان و الجزمه و الشنطه فوشيا؟؟مش كده ممكن يكون احسن و يظبط اللعلعه شويه؟؟؟هاا عاوزه عصارة افكاركو

لا طبعا البدى نفس لون الشريط اللى انتى حطة تحت امبير الصدر ولو لونه فوشيا يبقى البدى فوشيا

yoyo2008;8831590
بقوللكو اية الغورية دى اروحلها منين من محطة رمسيس لانى هاجى مصر مخصوص[/quote:

انزلى رمسيس واركبى عربية راحة عتبة وانزلى العتبة واركبى تاكسى 2 جنية وقوليله اخر كوبرى الغورية انا بعمل كده وبروح عن طريق رمسيس بس اسالى هناك وانتى فى رمسيس على مكان عربيات العتبةيااما لو انتى مش عارفة الطريق قوى خد تاكسى اسهلك على طول
[quote=ghayod;8837725]
وعشان المخالفه اجيب كام شبشب بيتى فرو للشتا انا جبت اتنين اجيب تانى؟؟

حلوة 2 ياقمر بس انا عن نفسى زوده واحد يعنى جايبة 3

بنات اللى يعرف تخفيضات النساجون هتخلص امتى ياريت يقولى ضرورى جداااااااا

bocy.cate;8838398:
يابنات سؤال ؟؟؟؟

انا قريت ف صفحات المنتدى هناا حد بيقول انى ممكن لو عندى كاسات كبيره ممكن احط فيها مايه وزيت عطرى واحط بعد كده شموع صغيره وتبقى شكلها حلو

السؤال بقا ايه الزيت العطرى دا كمان واجيبه منين ؟؟؟؟؟:cool:

زيت عطري يعني ذو رائحه نفاذة زي زيت الورد وزيت البرتقال وزيت القرنفل زهتلاقيهم عند اي عطار يا جميله وفي عند حراز (f):)

ghadghoda;8837835:
بنات عايزة اسالكم سؤال مهم اوووووووووووووووووووووووووووووووووى هو برة التجهيزات بس بجد عايزة اعرف
انهى اكتر خلوة او يعنى انهى اكتر تاثيرا الكلام فى التليفون ولا المقابلة ؟؟؟؟؟؟؟؟؟؟؟؟؟؟؟؟؟
بجد عايزة اعرف لان فى واحدة قالتلى التليفون الكلام فيه اكتر خلوة واكتر يعنى معصية من المقابلة فا انا عايزة اعرف؟؟؟؟؟؟؟؟؟؟؟

انا فهمت سؤالك يا غاده ايوة التليفون اكتر خلوة واخطر لانه بيشجع عشان مش شايفه اللي قدامك فالحياء اقل والله اعلم

نغمة القمر;8838228:
اية رايكم في طقم الصيني دة بصراحه يابنات

الطقم جميل على فكرة هو التعليق الوحيد اللي ممكن تلاقيه انه زحمه شويه شغله كتير يعني في ناس بتحب رقيق عن كده فلو ده زوقك وبتحبي الشغل الكتير وبيعنيلك الفخامه فهو حلو ما شاء الله