الي ولدو اطفال خدج (ابي تجاربكم)

Ms Dior 21-01-2009 101 رد 44,636 مشاهدة
M
رحتي المستشفى والا بعدج؟
M
ياااااااااااااااارب يا كريم احفظ ولدي واولاد فطايم من من كل شر ..
ا
مس ديور وفطايم الله يقوم البيبيات بالسلامه وتفرحون فيهم وان شاء الله كلها كم يوم ويطلع احمد بالسلامه ياام احمد وتفرحين فيه والله يخليه اليش يتربى في عزكم ان شاء الله ولا يحرمش منه 00
ولا تنسون تطمنونا عليهم كل مره تروحون اليهم وحطو تحت راسهم قران والله يخليهم ويحفظهم من كل شر
ف

هههههههههههه

ألاحظ لج تروحين همج الوحيد تشوفينه .. وهذا احس شي :sm179:

لاني اروح واقعد احاتي المنتوور وكمية الاكسجين في دمه واذا اشوفه ولع اللون الاحمر
اقعد اصيح ... واقعد لج أتسأل في الدكاتره وسسترات .. وهذا بكبره هم ..

طبعا بما ان الجهاز يأثر على العين فراح يسوون له فحص عين بعد 6 اسابيع من الولادة لان بعض الاطفال يطلعون من المستشفى صابهم عمى .. تعرفين ان نقص الاكسجين في الدم يأثر على العين والمخ .. بس ولدج ما شاء الله عليه مثل ولدي رشود شالوا الجهاز عنهم امبجر وضليت احاتي ولدي الثاني إلي سووله العمليه بس الحمد لله طمني الدكتور ..
وبعد كل بين فترة راح يسوون لولدج تخطيط على المخ ألترا ساون او ايكو وهسوالف واما تحاليل الدم فكل يوم يجيكونه بتلاحظين ان نهاية رجله كلها مخرقه من الابر ..
يجيكون له نسبة الدم وكمية الاكسجين وذا يحتاج الى فيتامينات او املاح

مس ديور هالمره اذا رحتي لولدج ساليهم متى ايي الدكتور وراح يقولون لج متى
واغلب الاوقات كل الصبح يعني الساعه 8 روحي وانتظريه وكلميه وسأليه ولدج في اي مرحله
الحين وشنو خطوات العلاج الي يمر فيها ..

رجعت من شوي من عند لعيال .. وسالت عنج قالوا لي امس رحتي ..:21_87:







M
فطايم ترا انا احاتي مثلج ..

بس اخاف اسأل في التفاصيل!!

مدري اخاف وايد

ما عندج رقم الدكتور

اذا تلاقيتي وياه اخذي رقمه..

وايميله

عشان اتواصل معاه ع طول بالتلفون والايميل واعرف عن حالة ولدي
ف

انا الدكتور الي على اولادي دكتور مادري شنو عقاب بس انا اسميه عقاب وهم بعد يسمونه جذب ..وانتي من دكتور ولدج ؟؟ اذا تبغين تعرفين في بطاقه فوق الشيشه مكتوب عليها اسمج
والساعه الي ولدتيه فيها وكم وزنه واسم دكتوره ..


ياليت والله يصير ان ناخذ رقمه او ايميله ..
انا مره قمت اصيح الا ابغي اشوف الدكتور قلت لهم عطوني رقمه ما رضوا قال لي
تعالي بكره الصبح يمكن تصادفينه ..
أ
اختي انه حملي الأولي ولدت ولادة مبكره كنت بالأسبوع ال24 يعني بالسادس
تمت بنتي 19 يوم وتوفت ربي ما كتب لها تعيش الحمد لله على كل حال

الله عوضني بحسين نور العين الله يخليه يارب

بس اختي تره وايد ولدو بالسابع ورحي جوفيهم اللحين ماشاء الله عروسات

الله يقومها لج بالسلامة يارب
ف
في اي مستشفى ولدتي ام حسين ؟؟
أ
انه ولدت بالسلمانيه لانه كنت انزف دم مره وحده ومحد قبلني من المستشفيات الخاصه

يا الله من اذكر اللي صار يعورني قلبي الله لا يبلي احد

الله يخلي لي حسين يا رب
ف
أم حسين;8632038:
انه ولدت بالسلمانيه لانه كنت انزف دم مره وحده ومحد قبلني من المستشفيات الخاصه

يا الله من اذكر اللي صار يعورني قلبي الله لا يبلي احد

الله يخلي لي حسين يا رب


هونيا وتهون يا ام حسين .. وربي يعوضج ان شاء الله كلها كم شهر وتبشرينا بحمل جديد
أ
الحمد لله ربي عوضني عقب وفاة بنتي بحسين
M
انا ولدي عند الدكتور عيسى ...
@
ما عليهم شر ان شاء الله
M
شر ما ييج
ف
زين المستشار عيسى دكتور ممتاز .. طيب ويشرح لج كل شي ..
مثل الدكتور عقاب ..

طمنيني على الصغير شخباره .. اليوم لفيت راسي له وانا ماشيه ما شاء الله عليه نظراته تجنن ..ربي يخليه لج وتبلغين فيه ..


ان شاء الله بعد برد اروح لهم الساعه 5.30 عشان لواحد فيهم رضعه ..

اشوفج على خير ..
ح
الله يقوم أولادكم بالسلامه فطايم ومس ديور ولاتخااافون ترى اني بعد ولدت في السابع وجبت حمودي وضل في المستشفى شهرييين على ماكبر وتالي رخصووه والحمدالله الحين عمره سنه وشهر أكو كبر وصاار رجال
@
الله يحفظ لج البيبي مس ديور وانتي فطايم الله يعينج لأن ولادة التوأم مبكرة واااجد صعبة



بس بسألج انتي الا طلبتي ربط ؟؟ والا هم اللي سووج..




اني كنت حامل بتوأم بس الحمدلله يوم اجيبهم كاملين ماشاء الله والسبب ما كنت اتعب روحي




كملت التجهيزات كلها من وقت والحمدلله الله سهلها وان شاء الله اولادج يرجعون لج سالمين ياااارب






ف
حبي الغالي ..

الحمد لله وان شاء الله تبلغين فيه يارب ..

قطرات الندى ..

الدكتورة اهيا الي قالت بتسوي لي ربط ويكون في نهاية الثالث ..

بس انا كنت تعبانه نفسيا وجسديا <=== ما رتاحت ولا ريحت التوم :cry:

بقوم اروح لهم بس بشوفهم من ورا الجام .. لاني مريضه واخاف اعديهم
وحشوني :o

M
انا ولدي خلوه بغرفه العزل ..

حدي خايفه يا فطايم..

نفسيتي تعبانه !!

صاده التهاب بالدم خاااااااااااااااااايفه حدي!!

والي مخرعني ان مخلينه بروحه في غرفه


كله على اعصابي مدري اشبيصير فيه
!
مس ديور .. ان شاء الله ما بقى شي و يصير حمود بأحضانك .. انتي اكيد تدعين و دعاء الام ما يخيب أبدا .. !

دايما على بالي والله و ادعي لك انتي و ام طلال .
X