الي ولدو اطفال خدج (ابي تجاربكم)

Ms Dior 21-01-2009 101 رد 44,636 مشاهدة
ف
Ms Dior;8560434:
الله يحفظهم لج

وفي وين ولدتيهم؟؟


في مستشفى العسكري بالبحرين .. عمرهم اليوم 56 يوم ..
يعانون بمشاكل في التنفس لان الرأة مو مكتمله عندهم وواحد منهم صاده فايرس بالدم وراح
والثاني الحين صاده مثل الطفح الجلدي وحطول له كيس دم ومضاد حيوي ..

نفسيتي تعبانه والحمد لله .. الله يفرج عندكم وعن أبنائي ..

ر
الله يحفظه لج يا مس ديور
بس ماقلتي اي اسبوع بالظبط ولدتيه وكم وزنه ؟

انا جبت ولد ف الاسبوع 27 وكان وزنه 1160 وكمل شهر ف الحضانه وكل شي كان تمام وفجاه وباراده الله من كثر ما المستشفى وصخ وهب معقم صابه فايروس ف الدم وانتكست حالته وتوفى ..
يعني اهم شي النظافه .. لاتخلين حد يلمسه وهو هب معقم


والحين انا حامل بالاسبوع 29 ادعولي ان الله يعوضني
M
فطايم;8576589:
في مستشفى العسكري بالبحرين .. عمرهم اليوم 56 يوم ..

يعانون بمشاكل في التنفس لان الرأة مو مكتمله عندهم وواحد منهم صاده فايرس بالدم وراح
والثاني الحين صاده مثل الطفح الجلدي وحطول له كيس دم ومضاد حيوي ..


نفسيتي تعبانه والحمد لله .. الله يفرج عندكم وعن أبنائي ..




اظن انج ام التوائم الي ويا ولدي بوحده العنايه القصوى؟

لان اعمارهم جذي ..
M
ريف بوظبي;8582693:
الله يحفظه لج يا مس ديور
بس ماقلتي اي اسبوع بالظبط ولدتيه وكم وزنه ؟

انا جبت ولد ف الاسبوع 27 وكان وزنه 1160 وكمل شهر ف الحضانه وكل شي كان تمام وفجاه وباراده الله من كثر ما المستشفى وصخ وهب معقم صابه فايروس ف الدم وانتكست حالته وتوفى ..
يعني اهم شي النظافه .. لاتخلين حد يلمسه وهو هب معقم


والحين انا حامل بالاسبوع 29 ادعولي ان الله يعوضني



ولدته في الاسبوع ال27 مثلج ..
وكان جريب الكيلو
M
بنات ترى كل شي بيد رب العالمين..

والحمدلله على كل حال..

مالي غير الصبر والاجر عند الله ..

انا وايد خايفه على ولدي وفي نفس الوقت حاطه املي ان الله بيحفظه لي..

يااااااااااااا رب احفظ ولدي ..

وتوائم فطايم الله يحفظهم ويشفيهم..

دعواتكم يا بنات ..
م
الله يحفظ ولدج يا رب و تفرحين بشوفته
m
الله يسهل عليكن يارب

ويخلي ذريتكن كامله بصحه وبسلامه وخير

.
الله يحفظهم ويطلعون لكم سالمين وتقدرون تشيلونهم وتحضنونهم يارب


اهو صج تعب نفسيا ان الياهل يكون مش معاج بعد الولاده

بس الله كريم شتسوون اهم شي يطلعون ان شاءلله مافيهم شي ...
.
بس مس ديور
بقيت اسالج

شالاسباب اللي صارت لج وخلتج تولدين ولاده مبكره ؟؟؟


فطايم لانه فيها توأم . بس انتي ؟؟؟
أ
حبيبتي مس ديوور ان شاء الله الايام تعديي وتشوفينه بحظنج يارب ولا فيه شر ولا ضر

بس اهم شي الدعاء والقران والصدقه

واخليي املج بالله كبير



فطايم ليش صادتك ولاده مبكره!!

خايفه لاني حامل بتوام
ف
Ms Dior;8602824:
اظن انج ام التوائم الي ويا ولدي بوحده العنايه القصوى؟

لان اعمارهم جذي ..



اي نعم انا .. :21_195:
سبحان الله صج الدنيا صغيرة ..:21_186:

اليوم ما شفتج اهناك ..
طمنينا عن البيبي ..
ف
أميرة عند زوجي;8614904:
حبيبتي مس ديوور ان شاء الله الايام تعديي وتشوفينه بحظنج يارب ولا فيه شر ولا ضر

بس اهم شي الدعاء والقران والصدقه

واخليي املج بالله كبير



فطايم ليش صادتك ولاده مبكره!!

خايفه لاني حامل بتوام


انا غرتني شوي قوتي .. ونصيحة لا تغلطين الغلط الي غلطته انتي حامل بتوأم خلج على طول مرتاحه ولا تهلكين نفسج ولوية المشتريات وتجهيزات البيبي الوايده قليلي منها .. انا ما ارتحت لا نفسيا ولا جسديا .. رحست السعودية عشان تجهيزات لتونز والي زيد الطيبن بله
ان نفسيتي كانت كلش تعبانه وكنت كل اصيح ما اذكر اني ضحكت في فترة الحمل .. تعبت عيالي وايد .. وكنت اقول ما بتصيدني ولادة مبكرة لاني سويت ربط واخذت مثبتات وبس هذا الي الله كاتبه .. ونصيحتي لج خلي نفسيتج على طول مرتاحه ولا تهمين نفسج في شي وجسديا كذلك ....

ربي يسهل عليج ..
ح
شدني موضوعج وايد وذكرني ببنتي اول فرحتي ولادتها بعد بالسابع ما عطتني اي مقدمات للولاده بيوم رحت افحص فحص عادي لان نزل على دم وكان بسيط قالت الدكتوره اكيد المشيمه وحطت سونار شافت المشيمه ما فيها شي قالت لازم افحص فحص سريري وهني انا نصدمت كان الرحم مفتوح 2 سم وفي طلق وانا مو حاسه وعذبوني عذاب الم نفسي فوق ما تتصوري لازم عمليه لان نبض البيبي مو طبيعي ويمكن يموت او انتي تموتي بس زوجي ما رضى يوقع على العمليه انا هذيج الساعه كرهت زوجي ههههههه وعطوني طلق صناعي ووقع زوجي على مسؤليته ويات نور بيتي وقعدت بالحضانه شهر ليما كملت الثامن ودخلت اول يوم بالتاسع وهي الحين عمرها 7 سنين الحمدلله وذكيه الله يحفظها كان وزنها 1.300كيلو ورأتها شوي تعبانه بس الحين ما تشكي باس
اتوكلي على رب كريم ما ينسا عباده وعليج بالدعاء وان شاالله الله ما يضيعج
وسامحوني على الاطاله
M
فطايم انا بعد سويت ربط .. وخذت مثبتات .. بس صار الي صار..

وانا صرت اروح مره في اليوم لان احس حليبي خف ..

ان شاء الله نتلاقه عما قريب..
M
..نعومه..;8613465:
بس مس ديور
بقيت اسالج

شالاسباب اللي صارت لج وخلتج تولدين ولاده مبكره ؟؟؟


فطايم لانه فيها توأم . بس انتي ؟؟؟



طلق من رب العالمين .. فجأه ياني ..
ر
الحمدلله على السلامه ياقمر وسلامه البيبي لا تخافين ان شاء الله
قررريب تشوفينه في حضنك ...
انا امي جابتني وانا بالسابع قعدت شهر وشوي بالحضانه كنت صغييييره
ما توقعوا اعيش بس شوفيني وش حلاتي ما فيه الا العافيه الحمدلله...
انتي كمان ولدتي قبل موعدك يعني انا راح اولد قبل موعدي؟؟ خوفتيني ...
اسمعي انتي كل يوم قولي "اللهم اني استودعك طفلي في خزائن رحمتك يامن
لا تضيع ودائعه" ثلاث مرات باليوم وان شاء خير في ناس يولدون بالسادس وربي
يكتب له عمر ويعيش بصحه خلي املك بالله كبيييييييييييييييييير وربي يرجعه لحضنك
بصحه وسلامه ياااااااااااااااااااااااااااااارب قررررررررررريب ^.^
ف
انا ما اعطيهم حليب من عندي لان كلش قليل وبس صدر يدر حليب والثاني لا ..
كنت في البدايه اعطيهم من عندي وبعدين يوم زادوا لهم الكمية .. تركت ..
الحين اروح لهم مرتين الى ثلاث مرات في اليوم .. واحد منهم نقلوه على العناية الوسطى


مس دير لا تحاتين كلها كم يوم ويشيلون عنه الجهاز ان شاء الله.. لان ما شاء الله عليه التنفس عنده زين وهذا اهم شي لان احمد يعتمد على روحه يعني يعطيه الجهاز بس اكسجين انا كانوا عيالي الجهاز هو الي يتنفس عنهم يعني الشهيق والزفير .. انتي ولدج لا ما شاء الله عليه ربي يخليه ..و اذا تلاحظين شوفي الجهاز مال التنفس مسكر نصه والي يم ولدج مشغل كامل ..


يالله انا الحين بروح لهم اشوفكم على خير ..
M
طمنينه عليهم فطايم..

اشوفج ع خير..
ف

الحمد لله على كل حال .. واحد منهم قاعد ينقص وزنه وايد .. وهذا من لدوه الي يعطونه اياه
مذر للبول وانتي بكرامه لان السوائل تتجمع بجسمه وصاده نفخ غير طبيعي ... تقريبا كل يوم ينقص 60 جرام بس الحمد لله على كل حال ..

فرحت يوم شفت ان شالوا الجهاز عن ولدج .. لان الجهاز يسبب مشاكل وايد ويأثر على العين

بعد 6 اسابيع من يوم الولادة راح يسوون له فحص للعين ..
انا عيالي كنت احاتي عينهم من الجهاز بس سوو لهم
فحص وطلعت عينهم سليمه الحمد لله
M
فطايم ما شاء الله عندج معلومات وايد..
انا من اروح اهاك اختبص ولا اعرف شسوي بس ابي اشوف ولدي ولمسه..

علميني شنو الفحوصات الي بيمر فيها ولدي ؟؟

في واحد من توائمج كبر حسيته غير عن قبل الي مع ولدي ..

اتمنى ولدي يصير مثله لان ولدي نتفه .. خاطري اشوفه اكبر
X