الي ولدو اطفال خدج (ابي تجاربكم)

Ms Dior 21-01-2009 101 رد 44,636 مشاهدة
M
ثانكس بنات عطيتوني الامل

وريحتو قلبي
ب
مس ديووور
اول شي شحالج حبيبتي ؟!
اتمني انج تكونين بخير
حبيبتي لتحاتين
شوفيني انا بكبري الحين اول حمل لي ترى انا امي جابتني بداية السابع
وحتي الدكاتره سولي شهادة وفاة قبل شهادة الميلاد بس كاني الحمدلله عشت وكبرت واليوم عمري 22 سنه
حبيبتي عليج بالدعاء واحنا كلنا معااج يالغلا
والله يفرج همج ويارب يطلع ولد سالم وماعليه شر

وتوكلي علي ربج الي الله كاتبيه بيصير
ا
يا رب يا رحمن يا رحيم أسألك بعظيم سلطانك أن تحفظ ابن مس ديور وتتم نعمتك عليهما إنك سميع مجيب.آمين يا رب العالمين
ف
Ms Dior;8525899:
متى ولدتيهم الغاليه ..



هذا اول حمل لي ..

تاريخ الولادة 2\12\2008

التوأم الاصغر كانت عنده مشكله بالقلب ... فتحة في شريان القلب .. وسوو له عمليه والحمد لله كانت ناجحه وتحسن عنده التنفس .. لكن للحين ياخذ ادويه حق الرأة والحمد لله ..

بعد شوي بروح لهم المستشفى ..
ادعوا لهم ..
@
أهم شي سلامتج والبيبي ما عليه شر ان شاء الله معانا وحده بالشغل كل أولادها ما تولدهم الا خدج عندها ماشاء الله 5 وأكو كبرو وما عليهم شر الامر عادي أختي واللي الله مسلمنه مسلمنه
م
السلام عليكم ورحمة الله وبركاته


انا امي ولدت اخوي في السابع

والحين الله يحفظه عنده مرة وعيال


الله ايخليه لج يا مس ديوور
ف
مس ديور الله يحفظ ابنك ولا تخافين خليكي قويه
وكل يوم روحي زورايها بنت خالتي ولادتها نفسج في السابع
ابنها ظل في الشيشه شهر و12 يوم تقريبا وخضع الى عملية والحمدالله
لان عمره 10 سنوات وما شاءالله عليه وبنت جراتنا ولدت في السادس والحمد الله ابنها
لان عمره 3سنوات لا تخافين كلنا معج والله يفرح قلبك بي شوفت ابنك قدامك يارب
&
الله يحفظه ويرده بحظنك مس ديور
ا
حبيبتي انا زوجي مولود باول السابع و صديقتي والده تومها باول السابع و ما شاء الله عليهم ما فيهم شي

اهم فترة هيه الفترة الاولى و بس يطلعون من المستشفى تبدين معاه عادي

الحمد لله على سلامتكم
م
عليك بالدعاء و الصلاه على النبي كل يوم بنية حفظ ولدك ولاتنسين كل يوم طلعي عنه صدقه تحفظه

وان شاء الله ماعيه شر هذي حالات وايد تصير ماعليه خوف اهم شي انه ما يعاني من مشاكل ثانيه
ف
الحمد لله ع السلامة

وبخبرج عن تجربتي بولادتي باول بنت لي

يبتها بالاسبوع 31 وكان وزنها كيلو و270 جرام وكان وضعها الصحي سيء وكنت باليوم ازورها مرتين وما كنت ارضعها مجرد شفط وتمت بالحاضنة شهر و5 ايام ولي الرخصة صارت ما تبي حليب طبيعي واصلا الحليب جف عني وبصراحة نفسيتي تعبت خصوصا باخر الليل لما تصحى تبي ترضع ولليوم انا متاذية من هالسالفة واتعودت ع المصاصة وبصراحة كل هالامور كانت بسبب انها ما كانت كاملة وهالشيء اتعبني يا بنات وصرت متعقدة من سالفة لعيال هل بصير لي مثل ما صار لي الحين لو فكرت اييب واهي بعد صارت عصبية ولما تبجي تبي ترضع حالاً يعني ما يمديني اجهز لها الرضعة والحمد لله على كل حال والله يعيني.

واهي الحين عمرها 8 اشهر
أ
ياقلبي عليش وعلى النونو الله يحفظها ويقومه بالسلامه ماعليه ياعمري ادعي له الله يطلعه بالسلامه ويتشوفينه في حظنش حبيبتي ترى صاحبتي ولدت بالسابع وبعد 3 شهور عطوها بنتها والحمد لله عمرها 8 شهور الحين لا تحاتين وان شاء الله كلنا بندعي له الله يسلمه ..


الا ماقلتي لي ويش سميتيه المحروس ؟؟؟؟؟
ج
الله يرده لج بالسلامه حبيبتــــي
حماتي ولدت بالشهر السادس وكلنــا خفنا وقلنا ما بتعيش لها هالبنت
كان وزنها أقل من كيلو
بس إرادة الله فوق كل شي ,, الحمد لله البنت عاشت لها
تمت بالشيشة شهرين تقريباً والحين شحلاتها عمرها 4 سنوات

الله يسلم ولدج ويرده لج ويفرح قلبج بـــه
U
مس ديور حبيبتي انه انولدت يوم كنت بالسابع لان امي عندها مشكلة بالرحم و كان وزني كيلو 300 و تميت بالحاضنة فترة والحين انه عمري 23 و متزوجة وحامل .. ان شاء الله البيبي يكون بخير لا تحاتين
M
فطايم;8526567:
هذا اول حمل لي ..

تاريخ الولادة 2\12\2008

التوأم الاصغر كانت عنده مشكله بالقلب ... فتحة في شريان القلب .. وسوو له عمليه والحمد لله كانت ناجحه وتحسن عنده التنفس .. لكن للحين ياخذ ادويه حق الرأة والحمد لله ..

بعد شوي بروح لهم المستشفى ..
ادعوا لهم ..


الله يحفظهم لج

وفي وين ولدتيهم؟؟
M
فيروزة;8527937:
الحمد لله ع السلامة

وبخبرج عن تجربتي بولادتي باول بنت لي

يبتها بالاسبوع 31 وكان وزنها كيلو و270 جرام وكان وضعها الصحي سيء وكنت باليوم ازورها مرتين وما كنت ارضعها مجرد شفط وتمت بالحاضنة شهر و5 ايام ولي الرخصة صارت ما تبي حليب طبيعي واصلا الحليب جف عني وبصراحة نفسيتي تعبت خصوصا باخر الليل لما تصحى تبي ترضع ولليوم انا متاذية من هالسالفة واتعودت ع المصاصة وبصراحة كل هالامور كانت بسبب انها ما كانت كاملة وهالشيء اتعبني يا بنات وصرت متعقدة من سالفة لعيال هل بصير لي مثل ما صار لي الحين لو فكرت اييب واهي بعد صارت عصبية ولما تبجي تبي ترضع حالاً يعني ما يمديني اجهز لها الرضعة والحمد لله على كل حال والله يعيني.

واهي الحين عمرها 8 اشهر


ان شاء الله ما تتكرر عندج هالحاله..

وانتي كنتي جم مره تشفطين حليب من صدرج في اليوم؟

يمكن كنتي ما تشفطين في البيت عشان جي نشف حليبج..

وحمدي ربج ان بنتج وياج..

وتصبري .. الي يبي بيبي لازم يتحمل كل شي..
M
أم علااااوي;8534457:
ياقلبي عليش وعلى النونو الله يحفظها ويقومه بالسلامه ماعليه ياعمري ادعي له الله يطلعه بالسلامه ويتشوفينه في حظنش حبيبتي ترى صاحبتي ولدت بالسابع وبعد 3 شهور عطوها بنتها والحمد لله عمرها 8 شهور الحين لا تحاتين وان شاء الله كلنا بندعي له الله يسلمه ..


الا ماقلتي لي ويش سميتيه المحروس ؟؟؟؟؟


سميته أحمد
M
*زوجي حبيبي*;8559884:
مس ديور حبيبتي انه انولدت يوم كنت بالسابع لان امي عندها مشكلة بالرحم و كان وزني كيلو 300 و تميت بالحاضنة فترة والحين انه عمري 23 و متزوجة وحامل .. ان شاء الله البيبي يكون بخير لا تحاتين



ان شاء الله والله يسمع منج ..
ا
الله يحفظه ان شالله... ^___^ ان شالله بيطلع قريب..~ وتفرحين به
ن
مس ديور حبيبتي لاتشيلين هم ....
وحده من خواتي ماتولد الابالسابع ماشالله عندها ولد وبنتين الحين البنات وحده عمرها 22 وحده 23 والولد 17
وبنت جيرانا عندها ولدين ماكملوا السابع والحين ماشالله واحد عمره سنتين والثاني سنه وشهرين
الله يحفظ لك ولدك وتشوفينه يلعب ويحوس البيت
على فكره اللي يولودون بالسابع يجي فيه نشاط موب طبيعي ماشالله
X