العلاقة مع أخو الزوج ،، ماهي حدودها؟؟

اختي قال الرسول عليه الصلاة والسلام{الحمو الموت} فيما معناه
لازم العلاقه تكون رسميه جدآ لانه حتى صوتك بالنسبه له عوره وهذا يخالف شرع رب العالمين اذا صارت العلاقه متفتحه احملي له الاحترام بانه اخو زوجك وعم عيالك فقط لاغير وما احد بيلومك اذا عاملتيه كذا لانك تتبعي حكم رب العالمين ورضا الله اهم من رضا عباده..
دمتي بووود...

السلام عليكم
كما قال الرسول (الحمو الموت)
أنا لي سنة و6 أشهر متزوجة ولزوجي 3 أخوة الكبيران لم أرهم قط ولا أعرف حتى شكلهم والآخر يدرس في الصف الخامس أراه أحياااااااااااااااااااانا قليييييييييييييييلة جدا وغالبا بالصدفة ويعلم أنني لا أريد مقابلته فينصرف لوحده
والحمو ليس بالأمر الهين فيجب أن لا يكون غير السلام عليكم عليكم السلام

هاهاهاها والله ظحكت يوم قريت موضوعج لانج ذكرتيني انا يوم امر ويمر اخو زوجي افلخ واتغشى واكسر عمري واشرد حتى السلام يمكن مارده هم يستغربون يقولون عني يوم انشوفها بلغلط تتجلب ٧ جلبات على ورا وتختفي... هاهاهاهاها لو بعدني كابامارو
في ناس نعرفهم عادي عندهم الإختلااااط وهذا حرام طبعا صديقتي تخبرني عن وحده دخلت في الحرام مع اخو زوجها لانه هوه مايشتغل ويالس في البيت ومش معرس وريلها هوه دوووم في الدوام وتعودت عليه في البيت وشوي شوي بدت علاقتهم إلييين *****
استغفر الله بصراحه اشوف الوحده لازم تمتنع انها تداخل مع الرياييييل انا اشوف عيال عمي او اخوان ريلي والدريول والزراع كللللهم واااحد اتغشى عنهم كلهم..

انا عنده اخوان الكبار ما اعرفهم كلهم

اما اللي معاي كانوا في بيتهم اللي اكبر مني سلام وعليكم السلام وواحد اصغر مني بكثير قبل اتغطى عنه عادي ضحك وسوالف ولما تغطيت خلاص سلام وعليكم السلام

الحين حتى مايسلمون وانا بطلت

وفيه عندنا صاير ف الحقيقه حرمه متزوجه ودائما زوجها يكون مسافر لان عنده شغل برع وعاد الحرمه لزقت روحها ف اخوه يلي اصغر منه لحد الرجال لما جاي تفأجاه بعلاقتهم وقام طلقها لحد اخوه الصغير اخذها وتزوجها واهله مو راضييين الله يعييين بس مع اني مو متزوجه والله يستر علينا يارب العالمييييييييين دعواتكم بنات

اما عن نفسي انا بديره وهم بديره بس مثلآ كنا بأجازه وزوجي مو موجوود عادي اكلم اي وااحد منهم يجي يودي عياالي اذا كاانو مريضيين للمستشفى مثلآ وخلال ما انا معااه السلام وبس.......

بس شفت بعضهم كأنهم اخواان عاادي الوضع عندهم وبذاات احنا يا السعووديين صعبه علينا وااجد لاننا احسن شي متحجبين بحجااب الشرع
يسلمو خيتو ع طرح ها الموووضوووووع

مابيني وبينهم اي علاقه نهائيا..~ انا اصلن استحي..~. !
واحس منقود الحرمه تيلس مع اخو ريلها ...~
حتى قبل لا اعرس اولاد عميه ما شفناهم ولا قعدنا معاهم الا واحنا صغاريه ..~

بالنسبه لي مااعرف حتى اشكالهم
ولا اكلمهم ولا يكلموني وحتى مافيه سلام

نقعد معاهم بس بحدود

يعني بالوجبات واليمعات العائلية

اصلا انا مااتكلم معاهم الا ناادر

يعني مب امطيحه الميانه لا مب حلوة صراحه

موضوعش حليو خيوو

اني زوجي عنده 5 اخوان واثنين اكبر من زوجي واثنين اصغرر وطبعا كلهم كباااار واني كلشش ما عندي اي علاقة وياهم ورغم اني عايشةوياهم في بيت واحد لكن تمر بالشهور ما اشوفهم الا صدفة واني طالعة او داخلة ويكون بينا سلام وعليكم السلام ونادرا اذا يتكلمون ويايي وطبعا تكون كلمتين وخلااص يعني ما في سوالف وضحك ومزح كلشش

ورغم ان اشوف كل الي حواليني عاادي وية اخوان زوجهم مززح وضحك وويازعم مثل اخوهم اني ما يعجبني هالشي كلشش وكل احس روحي غير عن النااااس لانة ما شفت احد مثلي

انا علاقتي معهم سلام بس واشوف حريم اخوان زوجي اللي اكبر مني يصافحون بعض يعني سلام بالايدي عادي عندهم

هلا بسمة اخبارك
مشكووووووورة على الموضوع
صراحة هو حساس وفي ناس عادي عندهم
انا ماعرف اشكالهم الا بالصور فقط
او اذا تقابلنا صدفة ومع الغطا يصير النظر شجر
حتى استحي اسلم عليهم
وكللللللللللهم اكبر مني
بعضهم بمقام ابوي
والجلسة ابد مانجلس مع بعض
بس انا اايدان الواحد اذا مر يسلم
فقط بهالحدود
وثااااااااااانكس

أفضل ما يكون في علاقه من الاساس
وحدوده زي ما قالو الاخوات رد السلام فقط
اعرف بنات بس اذ ا سمعوا بسيرة حماها وكانهم تكلمو عن عشيقها "استغفر الله واتوب اليه"
واوفى اجابه راح تلاقيها عند رسول الله (صلى الله عليه وسلم)
"الحمو الموت"

مع ان الشقق كانت متقابله الا اني ماأعرف أشكالهم الا بالغلط
وحتى الكلام والسلام عندي ممنوع

انا مابيني وبينة لاسلام ولاكلام واصلا انا اتغطى عنة لانة اصغر مني بسنتين بس

مادري حسيت شوي الرودو غريبة عن مجتمعنا البحريني احنا كللللللللللش عادي ويا اخوان ازواجنا يعني مو لدرجة المياعة والضرب والمرزح بس عادي نقعد معاهم ونسولف في التجمعات

انا عندي حمي واحد اصغر عمره 24 سنة بس انا اوكيك معاه وخاطب ونتجمع كلنا مثلا الجمعه غذا انا وزوجي وبنتي وخوات زوجي وازواجهم ونتغدى مع بعض في السفرة وساعات اذا المكان مايكفي اضطر اقعد جنبه وجنب زوجي بس هو بعيد شوي بس عادي كللش اذا يبي شغلة يتصل فيني او انا اتصل فيه وخطيبته بعد تتغدى معانا في البيت الجمعة كلنا عادي


واحس يختلف بعد بس مو لدرجة ان مانعرفهم يمكن احنا عادي عندنا بس واااجد ناس اعرفهم ملتزمين وعندهم مثلا مايقعدون يم حميانهم بس يسولفون ويسلمون عادي