العلاقة مع أخو الزوج ،، ماهي حدودها؟؟

علاقة رسمية
سلام عليكم السلام فقط
لانة بصرااحة استحي
ممكن اول ماتزوجت كان اخو زوجي يبي يصير عاادي وياي يتكلم وجدي
بس يوم شافني استحي صار مايتكلم وياي وايد

بنت البحرين الظاهر قريبة من مجتمعنا خخخ

احنا بعد بيت عمي عادي وحمياني طيبين وحبون يسولوفون في حدود المعقول بس اني نوعا ما خجولة فمااسولف وياهم بس باقي نسوان حمياني عااادي عندهم

اصلا اول مادخلت وشفت بيت عمي كلهم ياكلون في سفرة وحدة استغربت كلللش خخخ

حبيبتي الحمو الموت - والحمو الي هو اخو الزوج ولازم يكون في حدود بين الطرفين لأنه اجنبي عنها - واحيانا بيحصل تجاوزات ربنا يعافينا يعني - والله اعلم

انا عايشه معاهم بنفس البيت وكل يوم اشوفهم واحد اكبر من زوجي والثاني اصغر منه ومابيني وبينهم علاقه

صحيح اني ما اغطي وجهي عنهم بس ما بيني وبينهم اي كلام . . . .

حتى سلام ما اسلم عليهم .. ولا اعطي وجهه لاي واحد فيهم .. والله يستر علينا واطلع بشقه لحالي .. علشان مااشوفهم بالمرة وافتك ..

ياريت احد يشرح شنو معناه الحمو الموت؟؟؟

وانا استغرب حتى السلام مافيه يعني هذا اخو زوجج وعم عيالج

بسمة أطفالي;8427158:
بنت البحرين الظاهر قريبة من مجتمعنا خخخ

احنا بعد بيت عمي عادي وحمياني طيبين وحبون يسولوفون في حدود المعقول بس اني نوعا ما خجولة فمااسولف وياهم بس باقي نسوان حمياني عااادي عندهم

اصلا اول مادخلت وشفت بيت عمي كلهم ياكلون في سفرة وحدة استغربت كلللش خخخ

مثلي بالضبط اني انصدمت باللمة الي تصير على الغدا وحمياني كانو يسولفون ويايي بس اني مو من نوع الي اسولف واستحي والحين صارت علاقتي فيهم سطحية جددددددددددا

ونسوان حمياني عادي يقعدون وياهم ويسولفون ويمزحون وحتى مرة حميي الكبير تقعد وياهم قدام في السيارة اذا يوصلونهااااا !!!!!!

يعني اني الوحيدة الي غيرر من جدي يوم شفت الموضوع قلت اليكم احس روحي غير عن الناااااااس لانة كل الي اشوفهم يكونون عااادي كلش وية حميانهم

شكرا على الموضوع

بالنسبة لي وجي عنده اخين واحد اكبر منه و من يوم الخطوبة سألتني حماتي انه خليه يدخل يقعد معانا قلتلها معلش انا بدخل جوا و من يومها انا لا بقعد معاه و لا شي لو اضرينا مثلا نطلع معاه مرات انا و زوجي في السيارة بس يكون السلام و غالبا هو ما يرد السلام أو ان لو اتصل تلفون و انا رديت السلام عليكم و عليكم السلام

أما اخوه الصغير بعده في الصف الثاني عسول نلعب مع بعض بعده صغير و يلاعب بنتي و يقعد معاي و مرات ادرسه لو عنده شي صعب عليه بس اتوقع يوم يكبر يمكن ان يقعد معاي لأن من طفولته و هو يعرفني بس يعني اكيد بتكون العلاقة رسمية

bent el ba7rain;8431801:
ياريت احد يشرح شنو معناه الحمو الموت؟؟؟

وانا استغرب حتى السلام مافيه يعني هذا اخو زوجج وعم عيالج

هو حديث عندنا للرسول عليه الصلاة والسلام بس مادري اذا عندكم بعد :think:
المهم، هذا هو الحديث: (إياكم والدخول على النساء! فقال رجل: أفرأيت الحمو؟ فقال: الحمو الموت)
بما معناه ان يعني شفتي الشي اذا كان خطر من خطورته يقولون انه الموت؟؟؟! فهذا نفس الشي


وان في ناس وايد يتهاونون في هالشي وهو أهل الزوج أو اخوانه وكل وحده تقول اخو زوجي مثل اخوي :eek:
اصلا مافي احد مثل اخوج غيير اخوج :D
وانا شخصيا صارت عندنا سالفه جذي لناس من معارفنا
هم عادي عندهم القعدات والسوالف يعني الاهل كلهم مب بس اخوان الزوج، يعني الكل يقعد مع بعض النسوان ورياييلهم وعيالهم كلششش عادي واحد يسولف مع زوجه ولد عمته ولا معا زوجة خاله
وصار ان واحد من الشباب كان متزوج وحده وصارت مشاكل بينهم وطلقها عشان من يتزوجها؟؟؟ ولد خالته :ss:
ترى وايد تصير بلاوي من ورا التساهل، وأعرف وحده بعد اخو زوجها كان يستغل خروج اخوه من البيت ويجيها يطق باب الغرفه يبيها :ss: تخيلوا الوضع شلون

المهم، انا داشه عرض في الموضوع ولاني متزوجه ولا شي :D بس حبيت أقول ان المفروض العلاقه تكون رسميه
السلام عليكم عليكم السلام، واذا في شي ضروري اوكي
اما سوالف مالها داعي فمالها داعي خخخخ

انا بالنسبة لي بيني وبينه بس سلام لأن ما نتجمع كلنا مع بعض الا كل اسبوع على الغدا وهو من النوع اللي كله طالع يتغدا ويطلع على طول يعني ما اشوفه وايد.. وانه من النوع الخجول ولاحظته حتى لين يسلم علي ينزل راسه ما يشوفني وهالشي دليل على الاحترام وانه احترمه واذا صار انه كلمني بأي موضوع بكلمه بس بحدود الأدب والاحترام.

لكن المشكله ان زوجة حماي عكسي من النوع المايع واللي تحشرها مع الكل وتحب دايما تلفت الانتباه لها وحق سوالفها..

وزوجي وايد اجتماعي ويحب يسولف مع الكل..

اول ما انخطبنا ومن اول يوم نتجمع فيه لاحظت ان زوجي يناديها بأسم دلع تضايقت وكلمته في الموضوع قال هذي مثل اختي والكل يناديها بهالاسم ولا تصيرين معقده وتكبرين الموضوع ولازم تتأقلمين على الوضع..قلت له ترضى ادلع اخوك اصغر اسمه وانا انادية اتخيل الموقف..تبي اتجرب؟؟
طبعا سكت وبعدها لاحظته خفف من السوالف معاها ولين يكلمها يقول لها اختي واختي حتى هي استغربت بس اكيد بتفهم ان انا اللي غيرته

وبالنسبه لبنات خالاته قال لي قبل لا نتجمع معاهم عشان ما انصدم انهم عادي يسلمون عليه باليد ويبوسونه بعد ويلبسون اي شي جدامة عادي وعلى فكره هم من عمره
واكيد اي وحده بيضايقها هالشي قلت له احنا ما تعودنا على هالشي مع اهلنا حتى عيال خالاتي ما اشوفهم لو اشوفهم ما اعرفهم بعد ولا اسلم عليهم قال رابيين معاي بحسبت خواتي قلت اوكي سلم عليهم بس من غير بوس قال لهم زوجتي ما ترضى اول شي عاندو قالو تغارين منا احنا نفس خواته بس بعدين كل وحده تزوجت والحمدلله قامو يسلمون وسولفون معاه من غير تلصق وبالنسبه للبس ما اتحكم فيهم حرين بنفسهم

بصراحه يكفي الحديث ( الحمو الموت ) علشان تعرفين كيف تتصرفين مع اخو زوجك !!!!

انا ما اتكلم معاهم ولا اجلس معاهم بنفس المكان .. يمكن حتى احياناً يسلمون على زوجات اخوانهم الثانيات بس انا ما أرد ...!!!

بعض المرات صحيح اروح معهم بنفس السياره بس طبعا ً لاااااااااااازم تكون معي أمهم .. بس بدون صوت ولا حركه ولا اي شي .. كأني صنم بالسياره ههههههههههههههههههههههههه :)

:025:

الاخوات كفوا ووفوا
واخوا الزوج مهو محرم لك يعني بالنسبة لك غريب
في حفظ الله ياقلبي

الحمو الموت

فعلاقتي فيهم السلام عليكم وعليكم السلام

لييييييييييييييييييييييش ؟؟؟؟
اخوان زوجي عادي
شرات اخواني
سوالف معهم وآآآكل معه من نفس الصحن
مادري يمكن لاني متربيه معهم عااااااااااااااادي يعني
ولو سمحتن الي عندها اثبات ديني ان اخالطهم بهل الطريقه حراااااااااااام تفيدني
للعلم التزام الحجاب والحشمه
وانا ساكنه معهم في نفس البيت .............

حوااااااااااااااتي لازم تكون في تواصل بينكن
وبين اهل زوجك .. اخوانه...

يو ليش استحي منه واني اصلا مو مسوية شي غلط بالعكس
بالنسبه لي زوجي عنده 4 اخوان
يعتبرون من المحارم يعني لازم اغطي راسي مثل بره الطريق بس اسلم واخد واعطي وياهم مو لدرجه اني ما اعرف شكلم بالعكس ليش ما اخد واعطي وياه شنو بسوي فيني
استغربت من البنات اللي قالوا حتى اشكالهم ما يعرفونها

انا متزوجة اللحين بكمل السنة بس الصراحة عادي انا اخوان زوجي ثنين صغار في المدرسة في المرحلة الاعدادية بس عادي اتكلم وياهم في حدود المعقول واغطي شعري طبعاً مثل ما اكون برى البيت .. واحياناً اطرشهم البراده علشان يشترون لي ههه وعادي نقاشاتنا واكلنا مع بعض بس طبعاً بإحتشام :)

عجبني موضوعش بسومة
علاقاتي بحمياني يحمها عمرهم واي كثر نتداخل مع بعض يعني البعيدين والكبار شوي اصير اكثر جديه وياهم !