تجمع بنات مصر فى ركن العناية بالشعر الجزء (4)

Shaimaa22a;8466174:
بصي لو انتي في الجيزه ممكن تشتريه من وزارة الزراعه قريبه منك وهتلاقيه رخيص اوي هاتي زرعتين وخليهم في البيت عشان يبقي قدامك ومتكسليش تعمليه
انا في الصيف ان شاء الله هعمله مرتين في الاسبوع مره بالحنه وفي وسط الاسبوع مخلوط بحمام الكريم

ممممم معلش عشان الغباء وحش وزاره الزراعه فين؟
وهو صحيح بينشف الشعر؟

وزارة الزراعه في الدقي امال انتي في انهي جيزه بقي بصي تعالي عندنا امبابه وانا اديكي من الي فوق السطح اسهل بدل ما تتوهي واشيل ذنبك

Shaimaa22a;8466270:
وزارة الزراعه في الدقي امال انتي في انهي جيزه بقي بصي تعالي عندنا امبابه وانا اديكي من الي فوق السطح اسهل بدل ما تتوهي واشيل ذنبك

ايوه ايوه صح في الدقي بعدي عليها وانا رايحه المهندسين بس منزلتش عندها قبل كده
هشوف

Shaimaa22a;8465891:
بالنسبه لحبوب الخميره ب 6 جنيه واسمها حبوب الخميره العلبه فيها 60 حبه ومتخافوش مش بتتخن هي بس بتحسي ان وشك منور بس مش تخين بس بتخلي الشعر كويس جدا كمان وانا سالت دكتوره قالتلي هي مفيده جدا لانها مكونه من فيتامين ب واحماض مفيده للبشره والشعر وبتجدد الخلايا

طيب حبوب الخميره دى اجيبها من الصيدليه يعنى وهى اسمها ايه يعنى اروح اقول عايزه حبوب خميرره ولا في انواع

ميااده2006;8466401:
طيب حبوب الخميره دى اجيبها من الصيدليه يعنى وهى اسمها ايه يعنى اروح اقول عايزه حبوب خميرره ولا في انواع

لاء ملهاش اسم هي مكتوب عليها حبوب الخميره وعلي فكره انا باخدها من حوالي 4 شهور ووزني زي ما هو مع اني جسمي بيقبل التخن بس الحمد لله زي ما انا
انا بستخدمها حبتين 3 مرات في اليوم

Shaimaa22a;8466436:
لاء ملهاش اسم هي مكتوب عليها حبوب الخميره وعلي فكره انا باخدها من حوالي 4 شهور ووزني زي ما هو مع اني جسمي بيقبل التخن بس الحمد لله زي ما انا
انا بستخدمها حبتين 3 مرات في اليوم

يا لهوي يعني 6 حبايات في اليوم؟؟؟؟؟؟؟ طيب وزنك ايه اخباره انا باخد الخميره بتاعه المخبز وبالعب سبورت وبقول وزني مش راضي ينزل بسببها انا قابله للتخن بردو
طيب وشك اتملى ؟ وحيتي ان بشرتك حلوه ومبيضه ولا كلام في كلام؟

بصي يا رورو انا هقولك حاجه مهمه انا كنت باخدها عشان اعالج شعري وبشرتي عشان كان وشي اصفرخالص من كتر المجهود في الشغل وكمان مش باكل كويس

المهم والله وربنا يشهد علي كلامي بعد اول اسبوع استخدام بقي كل الي يشوفوني يقولولي انتي وشك منور اوي بعدها بقيت اروح عالبيت ابص في المرايا لقيت اللون الاصفر ده راح كمان بعد فتره من الاستخدام شعري بلاقيه بيطول كويس والحبوب الي كانت بتطلعلي في وشي كل شهر بطلت تظهر الحمد لله ووزني لسه زي ما هو 60 كيلو بس انا كمان بلعب رياضه خفيفه عشان محتاجه انشط الدوره الدمويه في جسمي كمان مش عاوزه جلدي يبوظ من القعده طول اليوم في الشغل عشان كده جبت جهاز اسمه اوربتراك بستخدمه مرتين بس في الاسبوع بس والله متخنتش وشي بس هو الي اتملا وطلعتلي خدود محمره كده

عموما لو قلقانين منها بلاش تستخدموها انا والله قلت الي حصل معايا وربنا يشهد علي كلامي

Shaimaa22a;8466488:
بصي يا رورو انا هقولك حاجه مهمه انا كنت باخدها عشان اعالج شعري وبشرتي عشان كان وشي اصفرخالص من كتر المجهود في الشغل وكمان مش باكل كويس

المهم والله وربنا يشهد علي كلامي بعد اول اسبوع استخدام بقي كل الي يشوفوني يقولولي انتي وشك منور اوي بعدها بقيت اروح عالبيت ابص في المرايا لقيت اللون الاصفر ده راح كمان بعد فتره من الاستخدام شعري بلاقيه بيطول كويس والحبوب الي كانت بتطلعلي في وشي كل شهر بطلت تظهر الحمد لله ووزني لسه زي ما هو 60 كيلو بس انا كمان بلعب رياضه خفيفه عشان محتاجه انشط الدوره الدمويه في جسمي كمان مش عاوزه جلدي يبوظ من القعده طول اليوم في الشغل عشان كده جبت جهاز اسمه اوربتراك بستخدمه مرتين بس في الاسبوع بس والله متخنتش وشي بس هو الي اتملا وطلعتلي خدود محمره كده

عموما لو قلقانين منها بلاش تستخدموها انا والله قلت الي حصل معايا وربنا يشهد علي كلامي

مم لا ازاي انا عايزه ده اللي يحصلي انا جبت الخميره بتاعه المخبز لما قالوا دي احسن بس منتضمتش اوي بصراحه بس كنت منتظمه فتره بس ما لاحظتش اللي بتقوليه ده اقولك هجرب كده الحبوب زيك واشوف مممم انا بخاف من الوزن بس عشان قابله للتخن انا وزني 58 ك و340 منهم تحسيهم تحت ههههههههه انا عندي سيكل بس لسه الجزء ده مشوفتش فيه نتيجه مرضيه انا بصراحه خوفت من الاربتراك قالوا صعب ويزهق بفكر اجيب تريد ميل وانتي بقالك 4 اشهر مداومه عليها؟ 6 حبيات في اليوم؟

خلاص بأذن الله ابقي ااجيب حبوب الخميره مادام راح تفيد
الشعر والبشره وبلاش بتاعت المخبز اجيبها لحسن اتخن
انا وزنى 56كيلو ومش عايزه ازيد

ايوه من 4 شهور مداومه عليها و علي فكره البنتوجار بتاع الشعر داخله خميره بكميه كبيره وكمان النيتورا يبقي ليه ما استخدمهاش هي علي طول وافيد كل جسمي

و علي فكره بقي الاوربتراك جامد جدا وبيحرك كل عضلات الجسم والرياضه عموما بتوصل الدم لكل الجسم وبتفيد كل الخلايا وخصوصا الشعر

وبعدين الاربتراك بيخسس الجزي الي تحت ده اوووووووووي لان كل الضغط عليه فبيخس بسرعه جدا

انا باخد بعد كل وجبه حبتين وبعدين انا لما باخد الحبوب بالنسبه ليا اسهل من اني اجيبها من الفرن واقعد مره افتكر ومره انسي فاهماني

وبعدين انا من بداية استخدامي ليها والله حسيت بفرق في صحتي عموما مش شعري بس يمكن تختلف من جسم لجسم لاني اصلا كنت قربت ادخل في انيميا عشان كده جسمي استقبلها كويس واستفاد منها لاني كمان وقتها كنت بنسي اشرب كمان وكنت قربت يجيلي جفاف
الحمد لله علي كل حال

هي المفروض تتاخد قبل ولا بعد الاكل تقريبا واحده كانت كاتبه اللي مش عايزها تتخنوا ياخدها قبل الاكل

إنتو مش قلتو قبل كده بلاش بتاعة الصيدلية وهنجيب بتاعة الفرن أضمن ؟؟ أجيب أنا إيه دلوقتى بقى ؟؟ :D

المهم إسمها إيه اللى بتتباع فى الصيدلية ديه بالضبط ؟ وسعرها كام ؟

والله يا وردي انا جربت الفرن نغير كده شويه ونشوف الصيدليه هتعمل ايه

roro cat;8466639:
هي المفروض تتاخد قبل ولا بعد الاكل تقريبا واحده كانت كاتبه اللي مش عايزها تتخنوا ياخدها قبل الاكل

انا باخدها بعد الاكل عادي ومجراليش حاجه

Warde;8466641:
إنتو مش قلتو قبل كده بلاش بتاعة الصيدلية وهنجيب بتاعة الفرن أضمن ؟؟ أجيب أنا إيه دلوقتى بقى ؟؟ :D

المهم إسمها إيه اللى بتتباع فى الصيدلية ديه بالضبط ؟ وسعرها كام ؟

اسمها حبوب الخميره وب 6 جنيه

على فكره انا صحبتى لما راحت لدكتور قبل كده عشان شعرها كان
بيقع بكميات رهيبه قالها تاكل طبق سلطه كل يوم ده الى جانب
العلاج

ميااده2006;8466655:
على فكره انا صحبتى لما راحت لدكتور قبل كده عشان شعرها كان
بيقع بكميات رهيبه قالها تاكل طبق سلطه كل يوم ده الى جانب
العلاج

بصي يا مياده ده كلام صح الشعر زي اي خليه في جسمنا بتستفيد من نوعية الاكل ويمكن الشعر والبشره هم دليل علي صحة الانسان حتي نمط الحياه بينعكس عليهم عشان كده الي تعتم باكلها كويس اوي وتحاول تدخل فيه عناصر غذائيه مفيده مع الاهتام الخارجي بالشعر هتلاقيه بان عليها بسرعه جدا ولو عاوزه حاجه اجمد من السلاطه كلي تمر مع اللبن بس هتلاقي الوزن بيزيد جدا

[quote=sandybell2;8465079]والله أنا كتبتلك رد طويل ولما جيت أبعته الانترنت من عندي اتقطع وكان هيحصلي حاجه

المهم للشعر المقصف جيبي ثمرة الأفوكادو عارفاها هتلاقيها في مترو واستني لما تدبل شوية وبعدين حطيها في الخلاط ومعاها معلقة مايونيز ومعلقة عسل واخلطيهم لغاية ميبقاش فيها أي كلاكيع وحطيها على شعرك لمدة ساعة والبسي بونيه عليها وممكن تشغلي السيشوار من فوق البونيه شوية
وكمان النخاع حلو للتقصف ممكن تجيبيه من جزار وتسيحيه على أقل عين على البوتجاز وتحطيه على شعرك في أي خلطة
ولازم تستخدمي كريم مصفف حلو ، ديدم ولولو86 قالوا ان مينك الأخضر حلو قوي للشعر ، وأنا جربت كريم ايفا بالعسل اللي قالت عليه الأخت ديدم برده حسيت انه بيعالج الشعر وبينعمه الموضوع بتاع ديدم حلو شوفيه http://www.3roos.com/forums/t415907.html
وفي الآخر شوفي وصفاتي المجربه يمكن حاجه تفيدك ومفيش أحلى من جوز الهند لتطويل الشعر ، والحنة لتطويل الشعر و بتديلة كثافه وسمك جميل
وكل المواضيع دي بتطول الشعر وتنعمه

http://www.3roos.com/forums/t381423.html
http://www.3roos.com/forums/t342504.html
http://www.3roos.com/forums/t396169.html
http://www.3roos.com/forums/t403047.html

ميااده2006;8444772:
نسيت اقولكوا في بلسم حلو اوى جربته اسمه لاكتويل البلسم ده بجد احسن بلسم جربته وبيدى نعومه في الحال بس انتبهوا ميتحطش على الفروه لانه بينعم الشعر اوى ولو اتحط على الفروه بيسبب تساقط في احجام تقريبا سعره 8 جنيه العلبه الوسط وفي بلسم اسمه بازيلك BASLIQUE معجبنيش خاالص وفي بلسم اسمه HONEY برضه مش بطال بس الاحسن بلسم لاكتويل وبلسم مينك اليه بلفواكه

فعلا انا جربت حمام كريم بازيلك ومش حلو عادى لكن فى حمام كريم جربته اسمه فيانسيه بالزيتون كان تحفة وبيطرى الشعر جدا

tobe;8467142:
فعلا انا جربت حمام كريم بازيلك ومش حلو عادى لكن فى حمام كريم جربته اسمه فيانسيه بالزيتون كان تحفة وبيطرى الشعر جدا

انا مجربتش الحمام كريم بتاع بازيلك بس جربت البلسم وتقريبا بازيلك حساها حاجتها مش حلوه ده البلسم كنت بستعمله ولا بينعم ولا ليه اى تاثير وللاسف بابا كان جيبلى العلبه الكبيره منه وفيانسيه رغم ان منتجاتها رخيصه مش غاليه بس كويسه وكريمات التصفيف كويسه بتاعتها مش وحشه بس الاحسن منهم كلهم حمام كريم بوناويلا