انسانه تحب الله;8473157:
يا جماعه الزيوت اللى عند حراز حلوه ولا لأ
واجيب ايه من عنده كويس للشعر
مجربتش اشترى زيوت من حراز بعيد عنى بس بروح لعطار قريب منى وهو زى حراز
ومنتجاته نضيفه اوى بس نفسي اروح حراز عمرى ما روحتوا وكل الناس بتشكر في
منتجات حراز بس انا خدت كريم من عند العطار اليه بروحله كان مكتوب عليه انه من حراز
وسعره 25 جنيه مكتوب عليه التركيبه السحريه بتنبت الشعر وللصلع كنت وخداها لخطيبى
لانه شعره خف شويه من قدام بس معملتش حاجه معاه :(
kantota;8474287:
tobe
ميرسي يا جميل لردك عليا وانا فعلا مش ناوية اعمله عندهم
اسكتواااااااااااااااااا
مش روحت النهاردة صيدلية سيف اللي في جولف سيتي مول وسألت على شامبو طبي لتساقط الشعر قعد الولد قاللي على موضوع طويل عريض لنوعيات الحاجات اللي عندهم واللي طلعت بيه منه انه مش عنده الشامبو ده والظريف بقى انه عنده مجموعة حلوة اوي ( على حد قوله ) لتساقط الشعر بس غالية شوية تصدقوا بكام ؟؟؟؟ 1350 جنيه بسسسسسسسسسسسسس طبعا كنت هجيبها على طول بس مكانش معايا غير 1300 بس فقلتله هجيب الباقي واجي السنة الجاية ان شاء الله
المهم انا في نيتي الحنة بس عايزاكم تساعدوني في حاجة قالولي انها بتنشف الشعر اوي وانا اصلا شعري جاف وقالولي ان ريحتها بتفضل فترة في الشعر وانها بتبقع المخدات
فمعلش قولولي اعملها بالضبط ازاي عشان زوجي مش يطفش من البيت ؟؟؟؟؟
انا عارفة انكم زهقتم مني بس اصلي غلسة حبتين
ليه 1350جنيه ومالها الحنه فيها علاج لكل حاجه
انا اسستعملت الحنا لما تغسليها من شعرك استعملى شامبو يكون ريحته
حلو ه وانا عشان كنت بستخدم الحنا وبعجنها بمايه ورق السدر ومعروف الحنا والسدرر كمان بينشفوا الشعر كنت بحط على اطراف الشعر بعد ما اغسل الحنا من على شعرى بلسم وحمام كريم بس مكنتش بقربهم من الفروه واسيبهم شويه وبعد كده اغسل شعرى بماء دافئ
عشان احصل على الترطيب العميق للشعر و بعد الحمام ادهن كريم للشعر اى كريم يكون كويس قدامى ولا كنت بلاحظ شعرى نشف ولا حاجه اه وزيوت العطار اليه خلطاهم كنت بدهن فيها الفروه بتاعت الشعر بس لان معروف ان الزيوت احيانا بتنشف الشعر والحمد لله بعديها كنت بحس ان شعرى قوى ومفيش تساقط انا استمريت على الحنا لمده خمس شهور وشعرى نبت
بس هى ريخمه في غسيلها اوى
ساره افندي;8474408:
كله الام ووهما والولاده ههههههه
علي فكره انا قلت للست تكنسل شامبوه ماي واي الاشقر ومش عارفه هتلحق ولا
لا لو ملحقتش هجربه وابقا اقولك النتيجه
متجبيش شامبو ماى واى كل الشامبوهات بتاعتهم وحشه وانا جربتها واتصدمت لانى كنت جيبه كميات منهم بجد اسوء حاجه في الشركه دى الشامبوهات استعملت شامبو من عندهم اسمه الجدايل لقيته خلى شعرى واقف زى الشمس وبقي عامل زى اللليفه رغم
ان شعرى ناعم :confused:
Didem;8475095:
مش عاوزه ابقى مخالفه والله
بس فى شركات لما بيطلع موضوع المقاطعه بتوزع المنشورات اللى فيها الشركات اللى نقاطعها وبتحط فى النص كده شركات منافسه ليها
عموما يابنات
الشامبو اللى قلتلكم عليه الو بانثين الطبي ده
طلع حلوووووووووووووووووووووووووووو جدا
الدكتوره دي بنت حلال والله
المهم كمان ان ريحته مش باينه خالص فى شعري
شعري ريحته عاديه تماما:D
فرحانه:D:D:D
كويس ان الشامبو طلع حلو ببس قوليلى هو مكتوب فيه الماده اليه موجوده في الشامبوهات
الضاره بلصحه اصل انا خفت وعايزه اقطع الشامبوهات وارجع لصابونه اصاله بتاعت لشعر اليه بحبه البركه
