تجمع بنات مصر فى ركن العناية بالشعر الجزء (4)

زهره الجنوب;8455708:
ايه رايكم فى صبغه باليت للشعر ؟؟؟بيجى معاها كيس بلسم
عقدتنى فى حبوب الخميره ياساره كنت ناويه اجيبها بس ياترى تخنت ابنك كم كيلو كدا ؟؟اعااااااااا:confused::confused:

شوفي يا بنتي انا من خلال تجربتي وصراعي مع الصبغات غالي ورخيص لقيت ان كليستون اكتر صبغه الوانها قويه وانا كمان عندي حساسيه من الصبغات وبفضل الله محصليش كده لما جربتها ورخيصه كمان هاتي المصري ووفري فلوسك ونصيحه هاتي بروكسيد الاعشاب اللي من ويلا متجبيش اي نوع تاني عشان ده هينعم شعرك موووووووووووت اي نوع تاني سيء جدا وده من تجربتي بردو بس استعمليها صح واختاري اللون المناسب ليكي صح هتديكي نتيجه كويس ومرضيه جداااااا

انسانه تحب الله;8455652:
ربنا يكرمك يا رب
البانثينول فعلا تحفه للبشره وكان فيه واحده كتبت انها بتستخدم هاى بانثين للشعر برده وفروه الراس باذن الله اجرب

مشكورة حبيبتي على دعوتك الجميلة زيك ، بس ايه هاي بانثين دا هو اسمه كده ولا انتي غلطتي في الكتابة

sandybell2;8455725:
بصي يا أختي أنا سمعت من دكتورة ان حبوب الخميرة اللي في السوق دي أثرها مش فعال ، الاحسن انك تجيبي خميرة من المخبز نفسه روحي لأي فرن وقوليله عايزة خميرة بيرة من الطبيعية وقسميها بس من غير متلمسيها بإيدك لمربعات صغيرة كل مربع قد معلقة صغيرة كده ولفي كل واحد من المربعات في ورق انتي مقطعاه صغير وحطيهم في الفريزر لإنك لو حطيتيها كلها في كيس واحد بتخسر بسرعة من كتر الفتح عليها
وخدي من مربع لتلاته في اليوم مع كوباية عصير برتقال أو جوافه هتلاقي بشرتك اتفتحت وجلدك نور وكمان مفيدة قوي للجسم
شوفتي بقى في حد رد عليكي رد وافي كده (f)

الله ، مجربها الحركة ديه يا ساندى ؟؟

Warde;8455771:
الله ، مجربها الحركة ديه يا ساندى ؟؟

بصي انا باخد الخميره بجيبها من المخبز من كتر كلام البنات ساعات انتظم وساعات اطنش وكده بس مش لاحظت حاجه ملحوظه حتى وزني زاد شويه مش عارفه منها ولا ايه!!!!!

sandybell2;8455764:
مشكورة حبيبتي على دعوتك الجميلة زيك ، بس ايه هاي بانثين دا هو اسمه كده ولا انتي غلطتي في الكتابة

ايوه هو اسمه كده وفيه منه مطور لون علبته ازرق فى فضى انا كنت بستخدمه لنوره مع كل غيار لانه فيه زنك اعتقد ان البانثينول لوحده هيبقى اخف على الشعرايه

صحيح يا بنات عايزه اقولكم معلومه مهمه اوي انا شخصيا لما بخرج من الحمام لازم اربط شعري شويه لحد ما ينشف وبعد كده بفكه واهويه عشان لما بينشف بالطريقه دي بيبقى ناعم وطري لو سبته مع انه ناعم جدا بحسه ناااااااااااااشف ملمسه اوي وطبعا في كتير يقولك متكتميش الشعر وكده فانا نسيت اقولكم حتى البنات اللي بتحب تلبس ايشارب في البيت انا بحط على شعري الايشاربات اللي هي مخرمه زي الشبكه عارفنها دي كلها فتحات وبكده بيدخل الهو لجوه الشعر ميبقاش مكتوم وفي نفس الوقت ينشف ومش يهيش دي بتلاقوها في المصايف كتير وناس كانت بتلبسها زي البندنه دي بجد اختراااااااع هايل وبتنشف الشعر بسرعه
كمان في حل للبنات اللي شعرها بيهيش من اودام على طول بدل ما تضطر تكتمه بايشارب في البيت عارفين البندنات اللي هي بتبقى تريكو واستك؟ دي طبعا في منها مقاسات للكبار هاتيها والبسيها زي التوكه في البيت مره في مره الشعر بياخد على الوضع ده ومش يهيش حتى لو شيلتيها لاي سبب او ضيف جه هتلاقي شعرك نازل ناعم ومش هايش ساعتها وحتى لو مش شلتيها بيبقى منظرها حلو زيها زي التوكة

roro cat;8455913:
صحيح يا بنات عايزه اقولكم معلومه مهمه اوي انا شخصيا لما بخرج من الحمام لازم اربط شعري شويه لحد ما ينشف وبعد كده بفكه واهويه عشان لما بينشف بالطريقه دي بيبقى ناعم وطري لو سبته مع انه ناعم جدا بحسه ناااااااااااااشف ملمسه اوي وطبعا في كتير يقولك متكتميش الشعر وكده فانا نسيت اقولكم حتى البنات اللي بتحب تلبس ايشارب في البيت انا بحط على شعري الايشاربات اللي هي مخرمه زي الشبكه عارفنها دي كلها فتحات وبكده بيدخل الهو لجوه الشعر ميبقاش مكتوم وفي نفس الوقت ينشف ومش يهيش دي بتلاقوها في المصايف كتير وناس كانت بتلبسها زي البندنه دي بجد اختراااااااع هايل وبتنشف الشعر بسرعه
كمان في حل للبنات اللي شعرها بيهيش من اودام على طول بدل ما تضطر تكتمه بايشارب في البيت عارفين البندنات اللي هي بتبقى تريكو واستك؟ دي طبعا في منها مقاسات للكبار هاتيها والبسيها زي التوكه في البيت مره في مره الشعر بياخد على الوضع ده ومش يهيش حتى لو شيلتيها لاي سبب او ضيف جه هتلاقي شعرك نازل ناعم ومش هايش ساعتها وحتى لو مش شلتيها بيبقى منظرها حلو زيها زي التوكة

الله يعزك يا رب دايما كل ما اجى اخرج الاقيك كاتبه حاجه جميله ومفيده اقول لازم ادعيلك تانى ادعيلى بقه انتى كمان

انسانه تحب الله;8455948:
الله يعزك يا رب دايما كل ما اجى اخرج الاقيك كاتبه حاجه جميله ومفيده اقول لازم ادعيلك تانى ادعيلى بقه انتى كمان

لكي بالمثل(f)(f)(f)(f)(f)(f)(f)(f)(f)(f)(f)(f)ان شاء الله

Warde;8455771:
الله ، مجربها الحركة ديه يا ساندى ؟؟

أيوة حبيبتي مجرباها بس خدي بالك هي فعلا بتخن شوية ، بس بقى مقولكيش والله ساعتها بشرتي صفيت جدا ونورت بس بطلتها من الكسل

في حاجه كمان جربتها امبارح يا بنات طبعا انتم عارفين اني حطيت على شعري كذا صبغه وره بعض وكمان البلوندر ده مصيبه نشف شعررررررررررررري اووووووووي وعملت بعدها سيشوار يعني شعري كان زي سلك المواعين من الاخر
المهم امبارح كان اول غسله لي من بعد الفيلم ده روحت عملت حاجه حلوه خلطت كام زيت من اللي عندي ببعض قومهم اصبح تقيل موت عشان هي اساسا زيوت تقيله خروع زيتون وجنين قمح المهم كان عندي املج كنت سمعت وصفه ليه بس عندي مش مطحون وعايز فيلم روحت اخدته وغليت منه شويه وخفيت الزيوت دي بالميه بتاعته ودهنت شعري كله بيه والفروه ودلكتها 5 دقايق ولبست البونيه اه ومعلقه عسل بردو ههههههه وشغلت السيشوار 5 دقايق وسبتهم على شعري حوالي ساعتين ودخلت اخد الشور بتاعي عادي وجبت شامبو كلير للقشره دلكت بيه الفروه كويس وجبت الشامبو بتاعي العادي غسلت بيه بقيت شعررررررري حلو جداااااااااااااا وبعدين شطفته حلو وعملته حمام كريم دلكت بيه شعري كويس لوريس ده حلو جدا بزيت الحيه وشطفت شعري وخلاص بالهنا والشفا طلعت نشفت شعري بالفوطه حلو وسررحته بالفرشه بتاعتي عشان كله يسلك ولميته وحطيت عليه الايشارب ساعتين كان نشف والحمدلله استعاد حيويته ونعومته الى حد كبير واول ما بينشف مش بحط فيه تاني الفرشه بحط فيه بقى المشط الخشب عندي واسع ودايق بس في الغالب بستعمل الواسع لما بينشف عشان بيكون سالك ومش محتاج وعشان ميوقعش شعر كتير وخلااااص مبدهنش شعري بعد الحمام عشان بحس الدهان بعد الحمام بينشف الشعر اصحاب الشعر الجاف جربوا الطريقه دي تعملوا حمام زيت قبل الشور وبعده حمام كريم وربنا يكرمكم واستعملوا المشط الخشب وكمان يا بنات متستعملوش اي بروكسيد للصبغ غير ويلا انا لما جربته حسيت الفرررررررررق

انسانه تحب الله;8455879:
والله وفيتى بس يا رب الاقى حد يجيبلى الخميره
ربنا يكرمك كرم واسع ويبارك لك فى كل حاجتك

مشكورة حبيبتي ولك بالمثل نفس الدعاء الطيب

انسانه تحب الله;8455902:
ايوه هو اسمه كده وفيه منه مطور لون علبته ازرق فى فضى انا كنت بستخدمه لنوره مع كل غيار لانه فيه زنك اعتقد ان البانثينول لوحده هيبقى اخف على الشعرايه

جزاكي الله خيرا أختي على التوضيح ، وربنا يخليلك بنوتاتك الحووين ويحفظهم لك

emy_alex;8453245:
ايفا بالعثل ده بكام
وللشعر ايه؟

ايفا بالعسل فيه 3 احجام
الصغيره ب3 ونص
الوسط ب 6 ونص
الكبيره ب 9 ونص

مفهمتش يعنى ايه للشعر ايه؟
بس هو عامه لكل انواع الشعر
ومش بيدهنن بس بيطري وبيلمع

ميااده2006;8454820:
انا كنت دايما بقول وبكتب عن شامبو (بروتى كير) لانى جربته
وهو جميل جدا وبيمنع التساقط وهو للشعر التالف و المصبوغ والمتقصف والشامبو ده طبي معظم الدكاتره بيكتبوه بس مكنش
حدبيهتم بكلامى وريحته حلوه ورغوته حلوه اوى بس هتلاقيه في الصيدليات الكبيره قوليلى بقي انت جايبه بكام هو واللوسيون؟

الشامبو ب 9 واللوسيون ب9 برضو
بروتي كير كان ب 15 بس مش موجود ..قللى لما يخلص ده هكون جبت من بروتي كير

ميااده2006;8454841:
لتانى مره هسئل وطبعا سئلت ومحدش رد عليا رغم ان
مفيش حد بيسئلنى الا لما ارد عليه

فين المحمل دى؟

والشامبو ده حد شافو في الصدليات شامبو اسمه كزانوفا وهو خالى من
الماده الضاره بلصحه اليه موجوده في الشامبوهات

اليه شافو في مكان او صيدليه يقولى عشان عايزه اجيبه
يارب تردوا عليا عشان دى تانى مره اسئل

انا عمري ماشفت الشامبو ده بصراحه خالص

بالنسبه للمحمل موجود فى كل حته
فى مدينه نصر والهرم والنزهه وكل حته يابنتى قوليلى انتى اسكنه فين وانا اقولك اقرب فرع ليكي

ميااده2006;8455094:
بنات كان في وحده كانت كاتبه على حبوب الخميره دى للشعر ولا للبشره
وحبوب الخميره دى لو بتستعمل للبشره بتبيضها وهى موجوده هنا بكام ؟

جربتها من سنه برضو بناءا على كلام وحده فى النت
فضلت تشعر فيها شعر كانها الحل النهائى الابدى لكل مشاكل الجمال
ونسيت تقول اهم حاجه الله يسامحها :confused::confused::confused:

انها بتتخن جدا
انا اتنفخت بعد ماخدتها
زدت حوالى 8 كيلو فى شهر
الله يسامحك ياللى كنتى السبب

انسانه تحب الله;8455463:

بصى يا ستى ده كريم بس بينعم الجسم و ريحته تحفه وبتفضل ريحته على الجسم والهدوم كمان بستخدمه بعد الاستحمام طبعا كله مواد طبيعيه فهو ممتاز جدا يا رب اكون افدتك

ده بكام ده ياانسانه تحب الله؟؟

انسانه تحب الله;8455619:
يا جماعه البوناويل اللى بتستعملوه المصرى ولا المستورد لان مره طلبته من سيف فقلى العلبه المستورده ب مئه وحاجه وفيه انبوبه ب 6ونص فانتو بتستخدمو انهى وبكام

سئلت عليه فى العزبى قاللى ب99 جنيه بس انا كنت بسال على العلبه الكيلو والمستورد تعبئه شفارزكوف نفسها مش تعبئه بيراميدز

roro cat;8455638:
هي ابو 6 ونص احط في شعري بميه وحاجه لي؟ مش مستهله يعني اي حاجه بتظبطه والسلام

ده يارورو العلبه الكيلو مش انبوبه
بس هي اكيد فى الموسكى الكيلو ارخص برضه
ممكن يكون ب 60 مثلا عشان الانبوبه مش غاليه اساسا

sandybell2;8455684:
العفو أختي لا شكر على واجب

ههههههههههه هه ضحكتيني والله بس ازاي وقفوه وأنا شايفاه في كل حته حاجه غريبه ، وبعدين ازاي يبقى حلو كده ويوقفوه

والله يابنتى الشامبو ده كان بالنسبه لى عز ونغنغه
كان احلى شامبو جربته ..احلى حتى من جارنييه
بالذات اللى بالصبار واللى بالعسل والبلسم بتاعهم كان خرافى وخفييييييييف خالص عالشعر
ممكن يكون الموجود انتاج 2006 مثلا وهينتهى السنه دي
ايقى جربى كده تبصى عليه

jasy2008;8455706:

مرسى يا ديما على اهتمامك
ممكن لوسمحتى تقوليلى نوع لوسيون حلو ومجرب ويتباع فين وبكام
معلش بتعبك معايا

انا جربت قبل كده تيتان
كويس بس بيلزق شعرى جامد فركنته

ماما جربت دورين بتاع لونا وقفلها التساقط خالص وشعرها رجع تقل الحمد لله

انا حاليا لسه اول مره امبارح استخدم تونو سكالبين والدكتوره كانت قايلالى على الو بانثين انه هايل
ممكن تجيبى الو بانثين وتجربيه

ده يارورو العلبه الكيلو مش انبوبه
بس هي اكيد فى الموسكى الكيلو ارخص برضه
ممكن يكون ب 60 مثلا عشان الانبوبه مش غاليه اساسا
طب دي المصري ولا المستورد؟
انا اخويا نازل بور سعيد ممكن يلاقي منه المستورد بسعر احسن من هنا؟ مهو لو ك تبقى كبيره بردو

ساره افندي;8455543:
حبوب الخميره والرده كان الدكتور كاتببها لابني علشان يتخن ههههههههه

هههههههههههه انا مش عيزه اتخن مع انى مش تخينه انا روحت لدكتوره
من سنه ونص وخدت منها اعشاب عشان تتخنى واتنفخت نفخه سودا
وبقيت اكل كتير بس خسست نفسي تانى

انسانه تحب الله;8455619:
يا جماعه البوناويل اللى بتستعملوه المصرى ولا المستورد لان مره طلبته من سيف فقلى العلبه المستورده ب مئه وحاجه وفيه انبوبه ب 6ونص فانتو بتستخدمو انهى وبكام

بس انا الانبوبه كنت جيباها تقريبا ب 8 جنيه اليه بلمشمش
فا مش عرفه دى مصرى ولا مستورد ولا الصيدليه اليه مغلياها
بس كان مخلى شعرى حلو ومبيهيش الشعر تحسي الشعر بيبقي نايم كده

sandybell2;8455684:


ههههههههههه هه ضحكتيني والله بس ازاي وقفوه وأنا شايفاه في كل حته حاجه غريبه ، وبعدين ازاي يبقى حلو كده ويوقفوه

ممكن يكون مكنش في مبيعات عليه اوى خصوصا ان بقت في شامبوهات
وحاجات اغلى منه موجوده ومنتشره في السوق والله الشامبو كان رخيص وحلو
في نفس الوقت ووطبيعى خصوصا شامبو الصبار كان بيخلى شعرى زى الحرير

لمعان الروح;8455696:
حسبنا الله و نعم الوكيل يا ذا الجلال و العزة
اللهم انقذ المسلمين فى غزة
اللهم كن لهم عونا و نصيرا
اللهم ربنا جل ثناؤك و تقدست اسماؤك
اللهم لا يرد امرك و لا يهزم جندك
سبحانك و بحمدك
اللهم عليك باليهود الظالمين
اللهم منزل الكتاب,هازم الاحزاب,مجرى السحاب
اهزمهم و زلزلهم
اللهم ارينا فيهم عجائب قدرتك .. قتلة الرسل و الانبياء
ظلمت العزل الابرياء
اللهم حرر المسلمين فى غزة يا ذا الجلال و العزة
اللهم فك اسرهم و اشفى مريضهم و اكشف كربتهم
اللهم بدل خوفهم امنا يا ذا الجلال و العزة
اللهم اعز الاسلام و المسلمين و اذل الشرك و المشركين و دمر اعداء الدين و احمى حوزة الاسلام
و اجمع كلمة المسلمين على الحق يا رب العالمين
اللهم انج المستضعفين المسلمين فى كل مكان
اللهم اصلح احوال المسلمين فى فلسطين و العراق و فى كل مكان
اللهم الف بين قلوبهم و اهديهم سبل السلام و اخرجهم من الظلمات الى النور
يا ذا الجلال و الاكرام و العزة

للشيخ|مشارى راشد

امين يارب
جزاكى كل خير

sandybell2;8455725:
بصي يا أختي أنا سمعت من دكتورة ان حبوب الخميرة اللي في السوق دي أثرها مش فعال ، الاحسن انك تجيبي خميرة من المخبز نفسه روحي لأي فرن وقوليله عايزة خميرة بيرة من الطبيعية وقسميها بس من غير متلمسيها بإيدك لمربعات صغيرة كل مربع قد معلقة صغيرة كده ولفي كل واحد من المربعات في ورق انتي مقطعاه صغير وحطيهم في الفريزر لإنك لو حطيتيها كلها في كيس واحد بتخسر بسرعة من كتر الفتح عليها
وخدي من مربع لتلاته في اليوم مع كوباية عصير برتقال أو جوافه هتلاقي بشرتك اتفتحت وجلدك نور وكمان مفيدة قوي للجسم وللشعر
شوفتي بقى في حد رد عليكي رد وافي كده (f)

والله انا مش عارفه اشكرك ازاى كلك زوق وبجد فهمتنى كل حاجه تسلمى

roro cat;8455761:
شوفي يا بنتي انا من خلال تجربتي وصراعي مع الصبغات غالي ورخيص لقيت ان كليستون اكتر صبغه الوانها قويه وانا كمان عندي حساسيه من الصبغات وبفضل الله محصليش كده لما جربتها ورخيصه كمان هاتي المصري ووفري فلوسك ونصيحه هاتي بروكسيد الاعشاب اللي من ويلا متجبيش اي نوع تاني عشان ده هينعم شعرك موووووووووووت اي نوع تاني سيء جدا وده من تجربتي بردو بس استعمليها صح واختاري اللون المناسب ليكي صح هتديكي نتيجه كويس ومرضيه جداااااا

انا نفسي والله اغير لون شعرى بس سيباه على جوازى رغم ان لونه اسود اوى
بس خيفه من الصبغه لا تبوظ شعرى خصوصا انى انا شعرى اسود اوى وكله بيقولى لون
شعرك حلو متغيرهوش

Didem;8456366:
الشامبو ب 9 واللوسيون ب9 برضو
بروتي كير كان ب 15 بس مش موجود ..قللى لما يخلص ده هكون جبت من بروتي كير

ايوا انا كنت جيباه بروتى كير ب 15 جنيه وهجيبه تانى لانه بجد الشامبو ده نضيف
جدا جدا وحسيت انه بينضف الشعر بجد وقلل التساقط وكمان هو شامبو طبي
بس لما تجربي الشامبو اليه جيباه واللوسيوون قولى النتيجه ايه

Didem;8456398:
انا عمري ماشفت الشامبو ده بصراحه خالص

بالنسبه للمحمل موجود فى كل حته
فى مدينه نصر والهرم والنزهه وكل حته يابنتى قوليلى انتى اسكنه فين وانا اقولك اقرب فرع ليكي



جربتها من سنه برضو بناءا على كلام وحده فى النت
فضلت تشعر فيها شعر كانها الحل النهائى الابدى لكل مشاكل الجمال
ونسيت تقول اهم حاجه الله يسامحها :confused::confused::confused:

انها بتتخن جدا
انا اتنفخت بعد ماخدتها
زدت حوالى 8 كيلو فى شهر
الله يسامحك ياللى كنتى السبب

بصي انا سكنه قريب من موقف اتوبيسات بولاق الدكرور
ياريت تقوليلى اقرب فرع بس عادى لو تخنت شويه من الخميره
كده كده انا خسيت كتير اوى يعنى لو كام كيلو مش مهم

jasy2008;8456564:

فى حد جرب التونر ده

انا مجربتوش بس شوفت صورته على النت
بس شكله كويس يارب البنات تفيدك

roro cat;8456500:
ده يارورو العلبه الكيلو مش انبوبه
بس هي اكيد فى الموسكى الكيلو ارخص برضه
ممكن يكون ب 60 مثلا عشان الانبوبه مش غاليه اساسا
طب دي المصري ولا المستورد؟
انا اخويا نازل بور سعيد ممكن يلاقي منه المستورد بسعر احسن من هنا؟ مهو لو ك تبقى كبيره بردو

ممكن بس يدور عليه
لانى يوم السبت اللى فات كنت فى الموسكى عند محلات الشامبوهات ملقتش عندهم غير الاكياس
كل ماقول لحد عالعبوه بتاعه الكيلو يقولى مفيش

بس المستورد هتلاقيه كله مكتوب عليه بالالمانى والانجليزيى مش هتلاقى خالص اي كلمه عربي عليه

ميااده2006;8456684:
ايوا انا كنت جيباه بروتى كير ب 15 جنيه وهجيبه تانى لانه بجد الشامبو ده نضيف
جدا جدا وحسيت انه بينضف الشعر بجد وقلل التساقط وكمان هو شامبو طبي
بس لما تجربي الشامبو اليه جيباه واللوسيوون قولى النتيجه ايه



بصي انا سكنه قريب من موقف اتوبيسات بولاق الدكرور
ياريت تقوليلى اقرب فرع بس عادى لو تخنت شويه من الخميره
كده كده انا خسيت كتير اوى يعنى لو كام كيلو مش مهم

اقرب واحد ليكى بتاع الهرم :ss::ss:
التانيين فى مدينه نصر وجسر السويس والنزهه والمعادي والمقطم والماظه
اللى فى الهرم موجود عند تقاطع المريوطيه فى سيتي مول

roro cat;8455761:
شوفي يا بنتي انا من خلال تجربتي وصراعي مع الصبغات غالي ورخيص لقيت ان كليستون اكتر صبغه الوانها قويه وانا كمان عندي حساسيه من الصبغات وبفضل الله محصليش كده لما جربتها ورخيصه كمان هاتي المصري ووفري فلوسك ونصيحه هاتي بروكسيد الاعشاب اللي من ويلا متجبيش اي نوع تاني عشان ده هينعم شعرك موووووووووووت اي نوع تاني سيء جدا وده من تجربتي بردو بس استعمليها صح واختاري اللون المناسب ليكي صح هتديكي نتيجه كويس ومرضيه جداااااا

الصبغه بتاعه باليت هتجيلى ببلاش فعايزه اطلب لون حلو ولا مطلبش خالص احسن تبقى جمايل وخلاص:ss: طيب اطلب بتاعه الهاى لايت ماهو انا لازم اطلب حاجه انا بعمل جمايل كدا ولازم يردوها لى فى صبغه كويسه حاسه انى بدأت بكلم نفسى :(

طب هو انتي لون شعرك ايه عشان نديكي درجه تبان في شعرك؟

[quote=Didem;8456430]ده بكام ده ياانسانه تحب الله؟؟

كان ب 60 اخر مره سالت عنه بس باذن الله هسالك تانى وارد عليكى


سئلت عليه فى العزبى قاللى ب99 جنيه بس انا كنت بسال على العلبه الكيلو والمستورد تعبئه شفارزكوف نفسها مش تعبئه بيراميدز

هل ده هيبقى احسن ولا المصرى وخلاص

jasy2008;8456564:

فى حد جرب التونر ده

بصى انا جربته ريحته مش عجبانى وبعدين زيه زى اى زيت تصفيف والسلام من راى ما تجازفيش وتجيبيه اى كريم تصفيف خفيف برقبته