تجمع بنات مصر فى ركن العناية بالشعر الجزء (4)

kasanova;8444223:
بنات عاوزه احذركم من شراء ادوات التجميل من اولاد رجب والمحمل مضروبه عاملين عليها عروض كل شهر منتج وغاشينه اذاى بقه خالطين الكريمات بالفازلين والشامبو بشامبو تانى رخيص اشتريت منهم كريم جونسون الابيض لقيته مش متبرشم ومخلوط كله فازلين كلاكيع كلاكيع استغربت سبحان الله مع ان صاحب اولاد رجب شيخ وكل ايلى بيشتغلوا بذقن
متعرفوش اجيب منين كريمات مينك ؟ موجوده فى الصيدليه عادى؟
كارفور وهايبر حاجاتهم مضمونه بس باتوه فى الكريمات هناك
عاوزه اقولكم على الطمى المغربى بتاع اصاله اسمه قناع كوالين الطمى المغربى متتاز بجد بجد وبيشيل اثار الحبوب وبيبض
انا جربت السنفره منهم لقيتها مش اوى هجيب صنفره المينك بالمشمش بس قولوا لى الاقيها فين

المحمل فعلا حاجته مضروبة جدااااااااااااااااا

roro cat;8444487:
طيب انتم بتروحوا هيبر وكارفور ازاي لو مش معاكم عربيه منا لازم استنى حد يوديني ليه مواصله؟

كارفور اللى فى مصر اسكندرية الصحراوى اللى عند البوابات مش له موصلات خالص سهل انك تروحى حتى بتاكسى لكن مفيش حاجة ترجعك من هناك :(
اما بتاع المعادى له مواصلات انا مش اعرفها بس هسأل واقولك ان شاء الله

nona_koky2000;8447155:
كارفور اللى فى مصر اسكندرية الصحراوى اللى عند البوابات مش له موصلات خالص سهل انك تروحى حتى بتاكسى لكن مفيش حاجة ترجعك من هناك :(
اما بتاع المعادى له مواصلات انا مش اعرفها بس هسأل واقولك ان شاء الله

مش مهم ممكن اتصرف في المرواح بس اخاف معرفش ارجع في تحت مواصلات الاقيها؟انا في الجيزه بس روحته مرتين 3 بس في عربيه

maro18;8446879:
طيب انا كنت عايزة اسال على حمام كريم بيبوينت ده حلو ولا ايه وهو احسن ولا كارتيه وانواعه ايه لو حد جربه

طبعا كارتيه بيوبوينت عادي واقل من عادي كمان

Shaimaa22a;8446672:
انا بجيبه من الصيدليه عندنا في امبابه اسمها صيدلية الحديدي رقمها اهو 37144744

مفيش غير بالحنا يا شيماء وفين الضبط الفارمسي دي وبكام؟

b0nb0n;8448038:

حد يعرف الكاب الحرارى موجود فى مصر ولا لا؟؟؟(f)

ايه الكاب الحراري ده؟

roro cat;8448094:
ايه الكاب الحراري ده؟

دموع التوبة;8448654:
شكرررررررررررررررا ليكى جدا يا ساندى انتى وشيماء أكتر من الوصفات مبسوطة بزوقكم معايا يعنى مش عارفة أشكركم ازاى ربنا يكرمكم

لا شكر على واجب حبيبتي ولو عايزة أي حاجه اسألي
وكمان نسيت أقولك على حاجه وهمية فعلا بتحسن الشعر جدا وسهلة جدا اللي هي .................. كريم البانثينول
اللي هو بيتدهن على الجروح وفروة الراس علشان يعالجها لو حطيتيه على شعرك كإنك بتدهني كريم عادي هتلاقي الشعره تماسكت وبقت قويه وبينعم جدا الشعر لو عملتيه زي حمام الكريم
ودي صورته

ساره افندي;8445863:
الصوره بتعتي منوره ههههههههههههه
قهرتي خلاص ياحجه طب كنتي تقولي قبل مااشتريه من مترو :confused::confused::confused:
علي فكره مش عاجبني ابداااااااااااااااااااا جرنيه برقبته
بينعم الشعر اوك بس بينفخه نفخه مايعلم بيها الا ربنا

ههههههههههههه مش انتى لازم تجيبى من مترو انا مبحبش مترو ده
سبحان الله دمه تقيل على قلبي بحس كارفور وهيبر وان بلذات احسن
وبينزلوا عروض حلوه انا لسه رحه امبارح لو كنت اعرف قبل ما تشتريه كنت
قولتلك بس المشكله ان الشامبو ده مكنتش اعرفه الا منك لما قولتى عليه

kasanova;8446380:
يا بنات انا من بعد ما قريت المقاله دى طلعت شامبوهات ايفون لقيت فيها الماده دى اعمل ايه
ولقيتها فى صن سيلك كمان وبالموليف وشامبو اسمه l care
ممكن ايلى عندهم شامبو اطفال يشوفوا فى المحتويات موجوده الماده دى ولا لا
عشان اريح دماغى واجيب شامبو اطفال وخلاص

كل الشامبوهات فيها الماده دى وقليل لما تلاقي شامبو مفهوش وده شامبو اسمه كازانوفا

مش عرفه الاقيه فين الشامبو ده مفهوش الماده المسرطنه

maro18;8446879:
طيب انا كنت عايزة اسال على حمام كريم بيبوينت ده حلو ولا ايه وهو احسن ولا كارتيه وانواعه ايه لو حد جربه

لا حمام بيبوينت مش حلو جربته معجبنيش رغم انه مستورد بس زى قلته
بجد بوناويلا حلو اوى سواء اليه بلمشمش ولا جنين القمح ومغذى كمان
بلسم لاكتويل احسن بلسم استعملته بيدى نتيجه فوريه ونعومه للشعر رهيبه

sandybell2;8448698:
لا شكر على واجب حبيبتي ولو عايزة أي حاجه اسألي
وكمان نسيت أقولك على حاجه وهمية فعلا بتحسن الشعر جدا وسهلة جدا اللي هي .................. كريم البانثينول
اللي هو بيتدهن على الجروح وفروة الراس علشان يعالجها لو حطيتيه على شعرك كإنك بتدهني كريم عادي هتلاقي الشعره تماسكت وبقت قويه وبينعم جدا الشعر لو عملتيه زي حمام الكريم
ودي صورته

على فكره الحنا حلو للشعر اوى انا من اكتر من سنه كده كان في تساقط جامد للشعر عندى جربت الحنا وغليت وررق السدر والحلبه وعجنتهم بلمايه بتاعتها وحطيت واحده زبادى وواحده صفار بيض وحطيت زيت عافيه وخلطهم بس يتحطوا على شعر نضيف مفهوش حتى زيت وسبتهم 3 الى 4 ساعات التساقط انتهى من اول استخدام للوصفه دى وحسيت ان الشعرايه نفسها بقت قويه قعدت كذا شهر استخدمها ومعاها الزيوت اليه بستخدمها والنتيجه كانت روعه بس السدر بينشف الشعر شويه بس انا بعد ما غسلتها من شعرى حطيت بلسم وبعد كده حمام كريم بس محطتش اى بلسم ولا حمام كريم على الفروه على الشعر من بره عشان يبقي طرى وعلى فكره الحنا لوحدها من غير اى حاججه تضاف ليها بتمنع التساقط

roro cat;8447917:
مش مهم ممكن اتصرف في المرواح بس اخاف معرفش ارجع في تحت مواصلات الاقيها؟انا في الجيزه بس روحته مرتين 3 بس في عربيه

لو قصدك على كارفور مصر اسكندرية الصحراوى مستحيل تعرفى ترجعى من غير عربية
لانى كنت فى الهرم وهموت واروحه قريب بس ماكانش معايا عربية :(

nona_koky2000;8449039:
لو قصدك على كارفور مصر اسكندرية الصحراوى مستحيل تعرفى ترجعى من غير عربية
لانى كنت فى الهرم وهموت واروحه قريب بس ماكانش معايا عربية :(

لا المعادي

Shaimaa22a;8446672:
انا بجيبه من الصيدليه عندنا في امبابه اسمها صيدلية الحديدي رقمها اهو 37144744

يانهار ازرق
دي بعيده عليا اوي
مفيش مكان قريب
متعرفيش اذا كان بيتباع فى الموسكي مثلا ؟

حد جرب الطريقة دى لسحب الصبغة
المقادير:

بياض بيضتين
ملعقتين زيت زيتون
ملعقتين زيت جوز هند
ملعقه خل تفاح

تخلط المقادير وتوضع لمده ساعتين عالشعر
الاسبوع الاول ثلاث مرات
الاسبوع الثاني مرتين
الاسبوع الثالث مره
[FONT=Arial]وبعدين انتهاء الاسبوع الثالث راح تشوف انه لا اثر للصبغه القديمه على شعرك[/FONT]

roro cat;8449050:
لا المعادي

المعادى اه فى موصلات توديكى وترجعك انا متاكدة من كده لان صاحبة ماما دايما تروح وترجع موصلات هسألهالك وارد عليكى ان شاء الله

كويس بتاع المعادى ده انا بابا بيقولى انه مساحته كبيره اوى
واحلى حاجه ان الواحد هناك بيلاقي معظم الشامبوهات والكريمات
المستورده بس اوعى يارورو تروحى اليه في الطريق الصحراوى الا
لما يبقي معاكى عربيه لانك لو روحتى هناك وممعكيش اى عربيه ترجعى بيها
هيبقي صعب ترجعى من هناك وهناك صحرا

b0nb0n;8449282:

هو لية محدش رد عليا:confused::confused::confused::confused:

متزعليش يا بونبونايه انا بجد معرفش انتى بتسئلى عن ايه

b0nb0n;8449282:

هو لية محدش رد عليا:confused::confused::confused::confused:

طيب حبيبتي الصبر والله أنا لسه شايفه مشاركتك
يعني حطيه على راسك عادي كإنك بتحطي كريم شعر ولو عايزة تحطيه على فروة راسك ماشي عادي يعني لإنه هو أصلا بيعالج فروة الراس المجروحة أو الملتهبة
لو عايزة تعالجي تقصفه حطيه على شعرك من برا عادي ، أما لو عايزة تعمليه كحمام كريم علشان ينعم شعرك حطيه على فروة راسك ودلكيه جامد وبعدين حطي حاجه بسيطه منه على شعرك زي الكريم مبتحطيه وحطي بونيه بتاع الحمام واغسليه بعد 4 ساعات هتلاقي شعرك بقى قوي ونعم جدا وكمان مادة البانثينول بيكافح الشيب

Didem;8449166:
يانهار ازرق
دي بعيده عليا اوي
مفيش مكان قريب
متعرفيش اذا كان بيتباع فى الموسكي مثلا ؟

didem أنا دايما كنت بشوفه شامبو ايفا العادي لما كنت بدخل المحمل بس طبعا بقالي فترة كبيرة مبروحوش لإن فعلا بضاعته مش حلوة أنا قصدي طبعا على الأكل ، بس يعني الشامبو ممكن يبقى عادي وكمان بيتهيألي شفته في رويال هاوس
وبرده شفته في حتت كتيرة بس والله دلوقتي مش حاضراني وأنا عمري ما فكرت أجيبه مع ان ناس كتير قالوا عليه حلو بينضف ويعالج الشعر
إسألي عليه في الصيدليات الكبيرة أكيد هتلاقيه

nona_koky2000;8446909:
رأيى الخاص ان كارتييه احسن

sandybell2;8446933:
مارو أنا جربت بيو بوينت فترة كبيرة اللي بالنخاع ومحستش انه اختراع يعني مش حلو قوي بوناويل فعلا أحلى وكمان أنا جربت لوريس بالتوم حلو برده وريحته رائعة والبنات بيقولوا كارتييه حلو قوي بس عمري مجربته

roro cat;8447944:
طبعا كارتيه بيوبوينت عادي واقل من عادي كمان

ميااده2006;8448755:

لا حمام بيبوينت مش حلو جربته معجبنيش رغم انه مستورد بس زى قلته
بجد بوناويلا حلو اوى سواء اليه بلمشمش ولا جنين القمح ومغذى كمان
بلسم لاكتويل احسن بلسم استعملته بيدى نتيجه فوريه ونعومه للشعر رهيبه

الحمد لله انى ماجبتوش ده فى اجماع ان بيبوينت مش حلو
خلاص انا هجيب كارتيه ان شاء الله لو مالقتوش اجيب بوناويل
بس ممكن حد ينزلى صورتهم عشان بيبقى فى انواع كتير وكمان بوناويل فى مشمش و جنين القمح انهى احلى؟ بس ياريت صورة كارتيه يابنات بليز

الحمد لله انى ماجبتوش ده فى اجماع ان بيبوينت مش حلو
خلاص انا هجيب كارتيه ان شاء الله لو مالقتوش اجيب بوناويل
بس ممكن حد ينزلى صورتهم عشان بيبقى فى انواع كتير وكمان بوناويل فى مشمش و جنين القمح انهى احلى؟ بس ياريت صورة كارتيه يابنات بليز
انا عجبني جنين القمح اكتر مع ان ريحه المشمش احلى

roro cat;8450706:
الحمد لله انى ماجبتوش ده فى اجماع ان بيبوينت مش حلو
خلاص انا هجيب كارتيه ان شاء الله لو مالقتوش اجيب بوناويل
بس ممكن حد ينزلى صورتهم عشان بيبقى فى انواع كتير وكمان بوناويل فى مشمش و جنين القمح انهى احلى؟ بس ياريت صورة كارتيه يابنات بليز
انا عجبني جنين القمح اكتر مع ان ريحه المشمش احلى

ماهو مش شرط الريحه يا رورو المهم النتيجه
بس سؤال كمان هو المشمش مفيد اوى كده عشان يعملوه حمام كريم ولا هو اصلا يدوب حاطين ريحته

maro18;8450970:
ماهو مش شرط الريحه يا رورو المهم النتيجه
بس سؤال كمان هو المشمش مفيد اوى كده عشان يعملوه حمام كريم ولا هو اصلا يدوب حاطين ريحته

بصراحه مش عارفه بس انا حسيت القمح مغذي اكتر وبينعم اكتر

sandybell2;8449876:
طيب حبيبتي الصبر والله أنا لسه شايفه مشاركتك
يعني حطيه على راسك عادي كإنك بتحطي كريم شعر ولو عايزة تحطيه على فروة راسك ماشي عادي يعني لإنه هو أصلا بيعالج فروة الراس المجروحة أو الملتهبة
لو عايزة تعالجي تقصفه حطيه على شعرك من برا عادي ، أما لو عايزة تعمليه كحمام كريم علشان ينعم شعرك حطيه على فروة راسك ودلكيه جامد وبعدين حطي حاجه بسيطه منه على شعرك زي الكريم مبتحطيه وحطي بونيه بتاع الحمام واغسليه بعد 4 ساعات هتلاقي شعرك بقى قوي ونعم جدا وكمان مادة البانثينول بيكافح الشيب

البتاع مش راضى يقيمك بس قلت اسجل اعجابى بالمشاركه (f)

sandybell2;8450304:
didem أنا دايما كنت بشوفه شامبو ايفا العادي لما كنت بدخل المحمل بس طبعا بقالي فترة كبيرة مبروحوش لإن فعلا بضاعته مش حلوة أنا قصدي طبعا على الأكل ، بس يعني الشامبو ممكن يبقى عادي وكمان بيتهيألي شفته في رويال هاوس
وبرده شفته في حتت كتيرة بس والله دلوقتي مش حاضراني وأنا عمري ما فكرت أجيبه مع ان ناس كتير قالوا عليه حلو بينضف ويعالج الشعر
إسألي عليه في الصيدليات الكبيرة أكيد هتلاقيه

صرفت نظر
اخدت رقم الشركه من عالموقع انهارضه وقالولى واقفين انتاج الشامبو ومستحضرات تانيه كتير من سنه
قلت للبنت ليه كده مردتش عليا وقالتلى شكرا على اتصالك يافندم :D شكلى كده والله اعلم اتهزئت :D:D

انا لسه راجعه من عند دكتوره امراض جلديه يابنات

قالتلى شعرك خفيف بس باين عليكى مهتميه بيه بس محتاج منك رعايه اكبر
المهم قالتلى سيبك من كل الشامبوهات اللى فى السوق
دى متنفعش خالص :ss:
قلتلها حتى جارنييه؟؟؟ ده بيطرى وكويس قالتلى ولا حتى ده
المهم كتبتلى شامبوهين اختار واحد منهم المفروض يعنى

قالتلى على الو بانتين شامبو او بروتي كير

انا جبت الو بانتين عشان الصيدليه مكانش عندها غيره ودى صورته


قالتلى ده مش هيخلى شعره واحده تقع وملائم لاى شعر قلت على بركه الله
وقالتلى اجيب معاه اللو سيون بتاعه برضه
بس مش لقيته
فالصيدلي قاللى ممكن تاخدي نفس اللوسيون بس مش بالصبار عشان الو بانتين بالصبار

المهم ادانى ده وقاللى نفس المفعول ونفس الشركه

تونو سكالبين


هى قالتلى ان لوسيون الو بانثين هيغذي شعرك ويطوله بسرعه ..عشان انا قلتلها عاوزه حاجه تطولى شعرى ( تزود معدل نموه)
والصيدلى قالى ده نفس المفعول

قلتلها على البلسم قالتلى لا بلاش متحطيش بلسم خالص ابدا :ss:

طب حمام الكريم قلتلها انا بحب بوناويل قالتلى هو كويس ممكن تستخدميه بس متكتريش
مره فى الاسبوع حلو اوي عشان شعرى خفيف وناعم فلو طري قوى هتبقى مشكله

المهم جبته وخلاص

اه المهم بقى
قلتلها بحب الحنه بس ف الصيف
قالتلى ممتازه وحطى عليها زبادى وعسل نحل
كده تبقى خلاص ضمنتى تغذيه تامه لشعرك
بس وان شاء الله هروحلها تاني كمان اسبوعين وربنا يسهل
على فكره
ريحه الشامبو وعععععععععععععععع:ss::ss::ss: بس هى قالتلى اضمنهولك بالعشره
فهنشوف