mishmish2010;8428151:
السلام عليكم يا بنات مصر انا اول مره ادخل معكم هنا وعايزه منكم خدمتين شفتوا الطمع عايزه دكتوره جلديه كويسه وكمان فى حد يعرف حاجه عن منتجات دينا الجارم للشعر اللى يعرف يقولى احسنهم ايه وشكراااااا
انسانه تحب الله;8438391:
من صيدليه سالم
roro cat;8434096:
يا جماعه بالله عليكم اللي بيشتري من بور سعيد يقولي احسن حاجات هناك من شامبوهات وحمامات كريم ومكان مضمون فيها تبقى اصلي واسعارها ايه بالنسبه للشعر والبشره وكمان المكياج والماركات فيدوني عشان اخويا نازل اخليه يجبلي
maro18;8436368:
انا برضوا من رأيك يا ساندى
يعنى فى حاجات ماببتتاكلش بس جايز استخدامها فى حاجات تانيه
زى برضوا كان فى موضوع عن جواز استخدام دم الوطواط وقالوا طالما في منه منفعه يجوز
بس للاسف فى شيوخ مش على وعى كبير من العلم بامور الدنيا
والله اعلى واعلم
Didem;8435469:
زي اى حمام زيت
حطيه على شعرك قبل ماتخدى الدش بتاعك بساعه ودلكى بيه فروه راسك وشعرك واغسليه بس خلاص:D
sandybell2;8435604:
وفي بنات بيحطوا مع زيت عافية حلبة مطحونه ويخمروا الزيت وفي بيحطوا عليه جرجير معصور أو فلفل أخضر حامي أو بارد ويستخدموه بعد عشر أيام وبيقولوا انه بيحلي الشعر ويتقله ويطوله
بس ريحة الحلبة قوية ومش بتعجب كتير فلو كنتي من كارهي ريحتها متستخدميهاش مع زيت عافية
انسانه تحب الله;8438551:
بالنسبه لمنتجات دينا الجارم اللى جربته منها وعجبنى
شامبو 4*1 وكريم التصفيف للشعر وزبده الجسم وكريم النخاع
ريم الصحراء;8439426:
ايه رايكم بشامبو جارنيه
ريم الصحراء;8439426:
ايه رايكم بشامبو جارنيه
الحب هو الحياة;8438973:
عايزة اسال هل حمام كريم هير كير بالنخاع حلو للشعر الجاف ؟
الحب هو الحياة;8440030:
ده حمام كريم و عليه صورة بنت شعرها اصفر طويل كده وكبير حوالى 100 مل انا شفته بس مشرتوهوش قولت اسالكم الاول
b0nb0n;8432524:
هو تمنة 30 جنية:D
فعلا صح :D
لالالالا اوعى تجبية على فروة راسك لان دة عبارة عن سيليكون طبيعى بيمنع التقصف فبيستخدم على أطراف الشعر بس بيخليها قوية وناعمة(*)
وان شاء الله يجيب نتيجة(y)
لا ولا يهمك هو سيليكون طبيعى دى اكتر مادة فية العبوة 50 مللى بتاخدى منة نقطتين وتحطيهم على اطراف شعرك بيمنع التقصف بجد وبما انة بيمنع التقصف فامش هتضرى تقصى شعرك كل شوية اول ازازة قعدت معايا حوالى شهرين لانى كنت بدهن كل يوم بعد كدة بتعد حوالى 4 اشهر لانى بقيت بدهن مرة واحدة الى تلات مرت فى الاسبوع بس اهم حاجة ما تحطيهوش على فروة الراس لان تراكم السيلكون بيسد مسامات البشرة (f)
وياريت محدش يجيب غيرة انا مرة ملقتيهوش فى الصيدلية هما بيجبوة كل فترة ادتنى واحد تانى اسمة اينيرجى فديتة لبنت خالتى لانها كمان بتستخدم كيمو كول شعرها بقى وحش اوى:confused::confused:
انا بقى عايزة حد يرد عليا حد جاب امبولات الكيراتين دخت عليها:(
Didem;8441007:
متاكده انه 100 مللى مش 1000
هي دي صورته طيب؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ردي بقى عشان اناملى ساعتين قبل الفجر :D
الحب هو الحياة;8441118:
ايوة هو اللى جنب الاصفر من ناحية اليمين بس هو لا مكنش كيلو اصغر ايه رايك فيه ؟
والحقى روحى نامى ساعتين ياقمر هههه:D
Shaimaa22a;8443157:
السلام عليكم وصباح الخير كلكم
بصو انا سالت اخويا عن المحل بتاع اوريجينال هو مش عارف اسم الشارع بالظبط بس هو قال ده مشهور جدا انتو بس تسالو عليه في الموسكي هو عموما هيورح يوم الجمعه وانا طلبت منه يجيبلي الكارت بتاعهم وتليفونهم واول ما يجيبه هنزله علي طول عشان كلكم تعرفو العنوان وعلي فكره هو قال كمان انه بيبيع عنده زيت الحيه المستورد الي انتو كنتو بتتكلمو عنه امبارح بس هو طبعا مسالش عن سعره اكيد هناك هيطلع ارخص بكتير وقال انه عنده كريم براشوت واغلب الحاجات المستورده الي بتتباع في الصيدليات الكبيره بس طبعا بسعر اقل بكتير
عموما انا ان شاء الله اول ما اعرف العنوان والتليفونات هكتبهالكم عشان كلنا نستفيد
علي فكره انا اشتريت من كم يوم كريم بانتين للشعر الجاف هو صناعه امريكيه بس حلو اوي بيخلي الشعر ناعم اوي ومش بيلزق في بعضه وخفيف عالشعر جدا انا اشتريته ب 25 جنيه من الصيدليه
ميااده2006;8443467:
وعليكم السلام بصي انا رووحت الموسكى من اسبوع تقريبا وعلى فكره معظم الحاجات اليه فيه رخيصه ومضروبه حتى المكياج والشامبوهات كلهم مضروبين ومعجبنيش حاجه خالص الا محلات هناك بتبيع تحف وديكورات البيوت ودى بجد المحلات الحلوه في الموسكى هى ومحلات السبوع بتاع البيبهات
Didem;8441007:
متاكده انه 100 مللى مش 1000
هي دي صورته طيب؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ردي بقى عشان اناملى ساعتين قبل الفجر :D