تجمع بنات مصر فى ركن العناية بالشعر الجزء (4)

ساره افندي;8421850:
خلاص هجيبه وابقا اقولك ايه الاخبار
وكنت بسالك علشان كده انك بترجعي شعرك كله لورا طب ماانتي كده بردوه هتاخدي اللي علي الوش فهمتني لاكن جوه الشعر فيبقا مفيش
علي العموم هجيبه واجرب من غير صبغ اشوف الفكره عموماااا
لو كويسه هععمل بصبغه

لا والله يا ساره مره عملتها وشعري كان مليان منتي بتعملي صفوف يا ساره بالعرض وتسيبي الفراغات اللي انتي عايزاها وتنزلي تحت تسيبي المسافه اللي انتي عايزاه وتطلعي الخصل وهكذا ورا بعض انتي مش بتطلعي نفس الخصله

ساره
انا مش فاهمه حاجه
هو انا لو صبغت شعرى مش هينفع استخدم شامبو عشان بيؤثر عليه ولا انتى قصدك شامبو الحناء بس ايلى ممنوع
وانا الكريم ايلى عندى لونه ابيض من بره ومن جوه مكتوب عليه بالحناء وهو برطمان عادى مش زى بتاعك يا سارة اعمل ايه استخدمه ولا لا خايفه اما اصبغ يكون متاثر بالكريم ايلى بالحنا واللون ما يثبتش

ميرسى للبنوته ايلى فهمتنى معنى كلمه فريز
ان شاء الله هجيب فريز كنترول بتاع ايفون ايه رايكم فيه

معلش سؤال تانى
هو حمام الكريم اما بنعمله مش بنحطه من فروة الرأس لحد الاطراف وندلك بيه فروه الراس؟؟
انا الكوافير كان بيعملهولى كده وبعد كده اقعد تحت المزمبليه
بس فهمت من كلامكم انه بيتعمل غير كده بتحط على الاطراف ونصف الشعر بس
ايه الصح؟؟؟؟؟؟

انا عندى حمام كريم فاشكول بالتوم وكل ما اعمله بنفس الطريقه ايلى كان بيعملها الكوافير الاقيه بيتساقط بالهبل لحد ما خوفت وبطلت الكريم وقولت يمكن الكريم وحش

kasanova;8422571:
ساره
انا مش فاهمه حاجه
هو انا لو صبغت شعرى مش هينفع استخدم شامبو عشان بيؤثر عليه ولا انتى قصدك شامبو الحناء بس ايلى ممنوع
وانا الكريم ايلى عندى لونه ابيض من بره ومن جوه مكتوب عليه بالحناء وهو برطمان عادى مش زى بتاعك يا سارة اعمل ايه استخدمه ولا لا خايفه اما اصبغ يكون متاثر بالكريم ايلى بالحنا واللون ما يثبتش

بصي ياستي في شامبوهات بلحناء ممكن تلون الشعر وشامبوهات لا بتعمل بس مفعول الحنه للتنعيم
انا معرفش صانسيلك ده من اي نوع ومستخدمتهوش احطياطي بس جوزي بيستخدمه بقاله فتره وشعره ملونش ولا حاجه بس بيدي نعومه حلوه ليه لانه من اقل حاجه شعره بيتقبل وينعم
فامش عارفه ايه نظام الحاجات اللي عندك
انا حتا طلبت شامبوه معزز للون الاشقر بالبابونج ده بيساعد اللون علي الظهور وبيبينه مع كتر الاستخدم
فهمتي وجه النظر ان في حنا تلون وحنا تحافظ

معلش انا عايزة اعرف كريم مينك الاخضر وكازانوفا وصن صليك الموف بيتحط على الفروة ولا على الشعر ؟ وشامبو بانتين حلو ولا انا بستعمل اللى الغطا بتاعه اسود هو عناية مكثفة وميلكى ؟ وينفع يتحط على الفروة ولا شعر بس ؟

ومعلش كمان عايزة اعرف اجيب ايه لتساقط الشعر ؟ كريم او زيت وشعرى نوعه جاف

Isis;8418908:

ب 16 ج


كازانوفا , ازيك(f)
صن سيلك بالحنه مبيعملش لون , ولو فتحتيه هتلاقي الكريم لونه ابيض ...

هير تون انا جايبه العلبه ب32 جنيه
ايه ال 16 ده فين؟

يبقي اكيد دا تمن الشريط الواحد قصدها

انسانه تحب الله;8342755:
ازيكم يا بنوتات يا حلوات انا لسه داخله وشوفت الرساله بتاعت كيكو وعرفت انكو بتسالو عليها (اخيرا حد بيدور عليا)
هى اسمها بيونكس(bionax)وهى امبولات كيراتين مع فيتامينات وهى عباره عن امبولات بتتكسر على فروه الراس بعد الاستحمام وبتستخدم مرتين فى الاسبوع والحمد لله بحس ان شعرى بعد وضعها كانه متسشور بس من غير الهيشان وكنت جايباها من صيدليه سالم والامبوله ب 2 جنيه

Isis;8414328:

ميرسي يا بونبون .. اسمك حلو على فكره
بليز قوليلي ايه قطرات زيت الحيه دي , ولو ممكن صورتها و حكايتك معاها :D:D
انا عارفه اني استغلاليه .. استحمليني:o

الحب هو الحياة;8423005:
ومعلش كمان عايزة اعرف اجيب ايه لتساقط الشعر ؟ كريم او زيت وشعرى نوعه جاف

بنات مصر الحلواتمعلومه على الماشى لمن يهمه الامر والى ميهموش مش هيخسر حاجهانا اشتريت مكنه براون الاسبوع الى فات من المنصورةالمكنه بتتباع فى صيدليات الطرشوبى بحوالى249 ج وانا جبتها الحمد لله ب215 ج من محل تانىوالى عاوز اسم المحل تحت امرة ثانيا بشرى سااااااااااااااااااارة بس لبنات الزقازيق والشرقيه وبسفى محل فتح فى الاسراء مول بيبيع منتجات اورفيلام وافون بسعر العضو يعنى من غير ماتشتركى وتدفعى صاريف شحن عمال على بطال تقدرى تشترى ولو حاجه واحده بسعر العضووالبنت صاحبه المحل فعلا والله محترمه جدا ولذيذهانا مشتركه فعلا فى اورفيلام بس للاسف برضو الموضوع بيخسر جامد لما بتشترى حاجه واحده وتدفعى عليها 15ج توصيل وبعدين هى بتبيع بسعر العرض سواء فى البيرموشن الجديد او الحالىاى حد عاوز النمرةموجوده تحت ايدى والاجر والثواب على الله

سؤال بقى هااااااااااااااام وضرورى وياااااااريت الى تعرف تجاوبنى بسرعهوليها عندى دعوتين حلويين من الى بينفعوا فى الايام الصعبهالى عندها فكره عن نوع مكوه شعر كويسه ياريت تقولى لانى هبعت اشترى واحده من دبى وعاوزه نوع كويسبالبخار وبالأيونات وبالترموستاتشفتوا الطمعفىة انتظار الردوالجميع مشكور مقدما

moon26toon;8425427:
سؤال بقى هااااااااااااااام وضرورى وياااااااريت الى تعرف تجاوبنى بسرعهوليها عندى دعوتين حلويين من الى بينفعوا فى الايام الصعبهالى عندها فكره عن نوع مكوه شعر كويسه ياريت تقولى لانى هبعت اشترى واحده من دبى وعاوزه نوع كويسبالبخار وبالأيونات وبالترموستاتشفتوا الطمعفىة انتظار الردوالجميع مشكور مقدما

roro cat;8418626:
بصى يا جميل هيرتون ان شاء الله هيقلل التساقط وكمان هو للشعر المجهد المتقصف يعنى بيغذيه وبيمده بالفيتامينات انا والله حسيت بفرق من اول شريط والتساقط قل انا قربت اخلص الشريط التانى وناويه اكمل وسالت ديدم قالت لى المفروض نمشى عليه بتاع3 شهور تقريبا هو كل يوم بناخد كبسوله واحدة
حكاية بيتقل شعر الجسم بصراحه مالحظتهاش خالص انا باخده بقالى 17 يوم بس محستش ان فى حاجة زادت

بكام الهير تون؟؟؟؟؟

Didem;8423924:
هير تون انا جايبه العلبه ب32 جنيه
ايه ال 16 ده فين؟

الهيرتون العلبه ب16ج والشريط ب8ج ومكتوب على العلبه السعر

طيب تشاي دي من اليكس اجيبها منين وسعرها كام ومميزاتها ايه

saso18;8426837:
طيب تشاي دي من اليكس اجيبها منين وسعرها كام ومميزاتها ايه

بصي انا مش عارفة حجاة في اسكندرية بس هيا تقريبا ب 700 وحجاة والله اعلم وبعدين متجات تشي معروفة انا بعمل بيها عند صحبتي

http://www.3roos.com/forums/t420504.html

Didem;8423924:
هير تون انا جايبه العلبه ب32 جنيه
ايه ال 16 ده فين؟

ازاى بقى
ده العلبه ب16 زى ما مارو قالت برضوا والشريط 8
ولا انتى عندك العلبه 4شرايط؟

maro;8425933:
الهيرتون العلبه ب16ج والشريط ب8ج ومكتوب على العلبه السعر

اه علبه فيها اربع شرايط

السلام عليكم يا بنات مصر انا اول مره ادخل معكم هنا وعايزه منكم خدمتين شفتوا الطمع عايزه دكتوره جلديه كويسه وكمان فى حد يعرف حاجه عن منتجات دينا الجارم للشعر اللى يعرف يقولى احسنهم ايه وشكراااااا