تجمع الحوامل اللواتي يلدن بشهر آب ( اغسطس8) 2009

صباح الورد والياسمين والحب :8875:

اخبار الحلوووين
انا ماعندي اخبار .. النوم محرومة منه من الثقل والتعب وكثرة الالم الظهر والبطن
اه ياربي متى اولد وافتك

سحابة.. افا عليج خذي الي تبين .. وبعد سويت وايد شغلات بس مالحقت اصوره واذا عندج اي استفسار انا حاضرة :wink:
والافضل تخلصين سوالف التوزيع اول شي ما تعرفين يمكن تربين باجر :D_smil1:

والمشي زين.. وبعدين انتوا مولاتكم تكفي للمشي بصراحة.. انا كنت ساكنة بالامارات ومن بداية الحمل كله طايحة بالمولات وبالساعات والحمدلله هاي ساعدني :D

وبعدين عادي بكرية تولد اي وقت مب شرط ولا تسمعي من هنا وهناك.. انا وايد خوفت عمري انه صعب والطلق ما ادري كم ساعة وعشت في رعب الولادة والله
بس صدق توكلي على ربج وهونيها وتهون
وخليج كوووول :yahoo: ولا نج مابكرية وماعارفة شو بيكون افضل واحسن من حالنا
بس انا الله يسامحهم البنات الجامعة خوفوني وكنت صغيرة وبعدني ادرس وتخيلي بعدني كنت 21 بس شوفي هم ما تأدبت بعد سنة و3 شهور حملت مرة ثانية :21_131:

ربي يهون عليج يالغالية

والحليب مب شرط يكون من اول يوم ..بس مرات يعتمد على شخص والوراثة ..صديقتي ماشاء الله من اول يوم وامها واخواتها نفس الشي كانوا بس انا لا :(
وفي نفاسج اخذي بالاسباب الي هم الحلبة والسمك وسوالفهم


ريما.. اخبارج..شو يعنى تقليد شغال عندج... مافهمت :no:
ومثلما قلتلج مب شرط تطول ..كل شي حسب وقته حبوبة

صباحك عسل سونيا ... الله يهون عليج
تقولين حطيتي شنطه صغيره لأغراض الحمام مثل ريما .. قلتج التقليد شغال ههههه
وسالفت النوم هاذي تعبت منها ومن امس حايشني عوار بعظمة الصدر ومو عارفه انام منه هههههه بس الحين انشاء الله بحاول انام .. انا موعدي الخميس مع الدكتور بس احس ماله داعي توني من قبل اسبوع كنت عنده يعني ضروري المراجعات الاسبوعيه فالتاسع ؟؟
وانا بعد الكل يخرعني وخالتي تقولي انا لما ولدت بكري كنت كبرج صغيره يعني 20 وصرخت وما تحملت وعوار والودلاه اصعب لحظه وتخرع مو طبيعي بروحي انا مخترعه من الله والله يسامحهم رفجاتي يدزون لي ايميلات صور ولاده واشياء تخوف والله بس انشاء الله الله بسهل ...

انا احس صدري مافيه حليب وما اظن بيطلع من اول يوم بس متفائله خير وانشاء الله هالاسبوع بروح احتمال الخميس اروح الشاليه وبحاول اتمشي اهناك واليوم بطله بروح مول وبمشي بس صايره مالي خلق اطلع والسبب كرشي واللبس صاير مو حلوو علي بطني كبر وتغير عن الاشهر الي طافت وكرهت نفسي واللبس بس الحمدلله علي كل حاااااااااال ... يله انا بروح انام شوي لانه دايخه

11sa7aba;9969769:
سالخييررررررررر كروشاات :D نفسسسسسسسسسس ريما
حتى اني مسوية شنطه صغيره خاصه لاغراض الحمام :eek: نفس ريما
1-روب استحمام (منشفه)
2- 3 ارواب قطن
3- 2 ارواب استقبال
4- ملابس داخليه 2 سنتيان رضاعه و 6كلوتات للاستخدام الواحد و3 قطن
6- جوارب (شراريب)
باقي الصندل مااشتريته والاستشوار راح احطه اخر شي ان شاء الله واغراض التجميل في شنطة اليد ..

خخخ الحمل ماثر عليج هاي كلام كان من سحابة
انها مسوية شنطة مثلج

وانا كنت كاتبة اني بعدني ما بديت اسوي الشنطة

مهم لا تخوفي عمرج وعليج بالدعاء

وي وي الحمل مأثر وايد شكله .... ههههههه ضحكتيني علي نفسي المهم شهوده وينها بعدها نايمه وانتي تشتغلين ولا ربة منزل ؟؟ وشنو فيج ولد ولا بنت ؟

لا شهودة قامت ساعة 9.. مسوية حقها روتين تمشي عليه بالنسبة للنوم والاكل وكل شي
من عمرها 4 شهور ولما كملت سنة غيرته شوية :)
وانا كنت توني متخرجة .. اشتغلت بفترة الحمل ووحامي وحملي هذا كان وايد صعب ومتعب فاضطريت استقيل بعد 3 شهور من العمل :(
وان شاء الله بشتغل بعد الولادة

انتي؟؟

لا انا تخرجت من سنه بالصيف الي طاف وقاعده بالبيت .. لانه اول ما تخرجت كنت بريح وعقب تزوجت وسفرات اهني وهناك مع زوجي وعقب حملت ومن حملت وانا مالي خلق شغل بس انشاء الله اولد بالسلامه بحاول ادور لي شغل يناسبني يعني يكون مريح ومو فترتين ..بس متي ما ادري ..

وحلو انج تسوين روتين لبنتج بس احس صعب بس انشاء الله بستفيد منج لي يبت بنتي وكبرت شوي بسألج كيف وشلون ؟؟ وشلون الغيره عندها لما درت انه في بيبي بالطريج؟؟

وما تدرين عن عزاب قاعده افكر فيها كل يوم ؟

حلووو.. ربي يقومج بالسلامة

انا بنتي وايد متعلقة بابوها ومن فترة احنا نهيأها لقدوم البيبي ونخليها تتشرى وتتكلم مع البيبي خخخ
بس هم ماعرف شو بيكون ردة فعلها .. الله يستر

وعزاب مادري عنها والله ..عساه خير

يلا بخليج الحين ... اليوم ناوية اجهز الشنطة خخخ
عسى اسويه بس

مرحبا يا كروشات ..

انا توني يايه من موعدي.. الحمدلله كل شي تمام عطوني موعد عالاسبوع الياي ... بس ما اعرف ليش احساسي يقول اني بولد خلال هالاسبوع .. مع اني كسلانه ما امشي وبسرعه اتعب .. يمكن لاني اوقف واكوي الملابس وانظف واشتغل فالبيت ..

بالنسبة للتوزيعات وايد متردده اخذهم ولالا ... عطوني رايكم ... واذا تعرفون اماكن ثانية عندهم اشيا حلوه خبروني .. ولا اذا عندكم افكار سريعه لانه ما في وقت ....؟؟؟؟؟؟؟؟؟؟؟

بجعة حلو الملال احسه نافع وحطي في شوكليت ولفيه بالتور يطلع حلوو

وعندج بعد باتشي وبذات في برجمان روعة اغراضهم.. ودبي مول فظيعة صواني الحلويات والتوزيعات
وعندج سوق الجملة عند سوق الذهب سمعت في وايد اغراض للتوزيعات جربي تشوفي

ويارب تولدي وترتاحي يالغلا

sounya

هلا الغاليه تعبت انا احوس في سوق الجمله وهذا الي حصلته عندهم ..

فكرت اذا خذتهم احط فيهم حلويات باتشي مش الكوكو

مراااحب بالغالياااات
سحااابة احبااارك انتي موجودة.......؟؟ام نمير
موجودييييين وبكثره .. انا كل مااحاول ادخل التجمع انشغل يادووووب الحق اقرا ردودكم :ss:
بسألك انتي عادة تشربي شي عشان يجي الطلق حار ؟ والا لين ماينفتح الرحم ...

لا انا ما استخدم ولا شي اخليها على الله ومن عندة الفرج والتساااهيل ...؟؟ وقت الطلق اكل رطب واشرب حليب

11sa7aba;9916995:
سلاااااااام حبايبي :D كيفكم ؟؟
ان شاء الله الامور كلها على مايرام

ياهلا وسهلا ب خالي المشاعر

بالضبط نفس اللي قلتيه كل مكان وله عيوبه وبالذات زحمة الكورنيش والغرفه صعب اني القى غرفه بروحي وحجزها من فتره الحين قالو مب مسموح
بس زي ماخبرتج انا مع جروب 4 والحمدلله مافي زحمه ابدا :D على حظي وتميت معاهم من ايام المراجعات
اما الولاده فرب العالمين يسهلها ونولد طبيعي هذا اهم شي
وبالنسبه لمستشفى النور الجديد كانج داشه مول :D مب مستشفى
بس شو اللي خوفني عندهم :ss: كل اللي ولودوا من جماعتي قيصري
وكل وحده سببها اقل من الثانيه بعكس الكورنيش ما يولدونج قيصري الا في
حالات مستعصيه .. سبحان الله مارتحت للخاص ابداااااا :ss:

انتي استخيري وتوكلي على ربج .. وان شاء الله
بيهونها علينا ونولد في موعدنا ..

هلا حبيبتي شو الاخبار ...

اتصدقين انا بعد سمعت عن سالفة القيصري في مستشفى النور وخفت واااايد ... وقلت حق ريلي مستشفى الكورنيش ارحم لانه متخصص في الولادة.. انا حاطيني في تيم 1 ورحت لاول موعد لي الاسبوع الي طاف والحمدالله ارتحت شوي ... الممرضات واااايد متعاونات والدكتورة كانت واااااايد طيبة ...وطلبت منهم احول على عيادة ال VIP وقالولي بس هاتي رساله من شغل ريلج كاتبين فيها شو درجته او رتبته وبنعطيج موعد في هذي العياد بس التيم الي انتي فيه راح يتغير ..وطلبت غرفه خاصة قالتي مو مشكله وقعي على الطلب وبنحطه في ملفج وان شاء الله بتحصلين غرفة ... والغرفة في اليوم راح اتكلف 1300 وشي ..ما اذكر السعر بالضبط...احس شوي ارتحت ..وان شاء الله خير ...:)

waho0omah
:D انا وانتي نفسسسسس الموعد سبحان الله انتي بكريه ؟؟

يقولو البكريه تتاخر :ss: شكلي باولد بعدك ..

سحابه
:(
اسكتي امس رحت عندي مراجعه
زادتني يومين <<< تحطييم
اقول لامي هالشهر شكله ماراح يخلص هههههههههه
الله يعين
وقامت تضغط على بطني من تحت وقالت لي الراس تحت
ويوم رجعت البيت تسدحت وجلست اضغط ادور على الراس بس مالقيته هههههههههههههههه

انا اذا مشيت بطني يألمني ويتيبس علي بس اتوقع انه طبيعي

المووهم

الله يسهل علينا كلنا ويقر عينا


...

صباااح الخير ... فيض الحب وريما موجودين

صباحكم ورد يا حلوات ..
شلونكم شخباركم جمعياً بدون استثناء عساكم بخير ... هااا ما في خبر ولاده ؟؟
اخباري :
امس رحت للمول مع ماما وتسوقت وتمشيت شوي يعني حركت جسمي والحمدلله ما تعبني غير الضغط الي احس فيه لما امشي و الحمام عزكم الله ومستعده للمشي هاليومين بالممشي .. اليوم بروح لبيت اهلي وبتم اربع ايام اهناك وبحاول كل يوم اطلع امشي مع الوالده وزوجي وانشاء الله بهالايام الي بكون فيها في بيت اهلي بجهز كل اغراضي وبخلص عشان يرتاح بالي ( يارب اولد اول الشهرالجاي ) ...
امس حسيت بشد في بطني مو طبيعي وكنت راح ابكي منه بس دهنت بطني بزيت اللوز وزيت القمح ورتحت شوي وما قدرت انام ألا لما خف العوار بنات الحمال صار صعب وثقل وتعب وشد وغير الخرعه هههه الله يهون علي وعليكم ويسهل ولادتي وولادتكم ويرزقنا اطفال اصحاء معافين بجون زياده ولانقصان يارب العالمين.

أي والله ام نمير انا اقوم اجهز لريلي الفطور وواصحيه ولما يروح لشغله اقعد اتصفح وارجع انام عقب وانتي شنو مقعدج الصبح ؟؟ وشلون الحمل واخر اخبارج ؟

صباح الخير ام نمير وريما وشلونكم
ام نمير والله كل يوم ادش التجمع من الجوال ادرو على خبر ولادتك شكليق باولدك قبل موعدك ربي يفرجها لك بالعافية ويجعلها سهلة ميسرة وانسي موضوع الولاده تجي
انا في ولاداتي القبلية كنت استنى موعد الولادة واحسب خلصت التاسع ولا ولكن الولاده ما جات ولا عندها نية
حماتي نصحتني ,...., انسي الولادة ولا تفكرين فيها وراح تولدين و سبحان الله فعلا يوم نسيت الولاده ولا فكرت فيها وشغلت نفسي بمواضيع ثانية طبت علي فجأة بدون مقدمات

اقول ....الشهر الثامن عندي معلق مو راضي يمر احسه طويل وكل اوجاع العالم فيه ما لاحظتوا كني اول مررره اولد
بغيت اسألكم ليش شناط المستشفى محتوياتها كثيرة كم يوم تجلسون في المستشفى احنا عندتا في الحكومي و الخاص 24 ساعة فقط في الطبيعي انا القيصري ياخذون من 3 ايام الى اسبوع

ام نمير بشري؟؟

ريما اخبارج زين تخلصي كل شي وترتاحي :)
وانا بعد بديت امشي
تصدقي ابي اولد تاريخ 27 من هالشهر مادري ليش خخخ

فيض الحب
احنا الحكومه يومين للطبيعي واربع للقيصري والخاص نفس الشي بس فيه ناس تتعب وتقعد اكثر او تكون مثلا تبي تسوي استقبال الولاده فتقعد اكثر من يومين ..
انا ناويه اولد بخاص وبسوي استقبال بالمستشفي واتوقع اتم ثلاث ايام اهناك بس عسي الله يسهل .. انتي متي تدشين شهرج ؟

هلا سونيا .. صباحج عسل اييي ابي اريح بالي بالي مشغول خخخخ و هالحركات هاذي لابد منها امس نفس الحديث مع امي اقولها ودي اولد بتاريخ 7/8 تقولي ليش يعني ؟؟ اقولها عشان يصير تاريخ ميلاد بنتي 7/8/9 ههه يعني حركات