تجمع الحوامل اللواتي يلدن بشهر آب ( اغسطس8) 2009

فيض الحب نفس احساسي احس الهوا خلص بس شسوي حتي ريلي يضحك علي مرات ,,,
لا انشاء الله نولد قبل رمضان مالنا خلق برمضان
وعلي البنات مشاء الله احنا وايد بس ما ادريكم يله وحده تتشطر وتعدناااا .. اتوقع احنا 20 او اقل بشوي

خخخ الظاهر كلنا مستعجلين على الولادة
ربي يقومنا بالسلامة يارب :)

السلام عليكم
الظاهر اني تأخرت وايد بالمشاركة في هالموضوع الجميل
انا ولادتي بشهر 8 والتاريخ المتوقع هو 20 او 21 انشالله ( هذا اول حمل )
وقالوا لي اني حامل ب ولد :)
وانشالله راح اسميه خالد على حسب رغبة ابوه الغالي :)

حاليا مافي تعب مثل قبل
والحمدلله ان ريلي مخفف عني وااااايد ، الله يحفظه لي يااارب

التعب الوحيد اللي مضايقني
هو قلة النوم بالليل ( مايجيني النوم الا بعد صلاة الفجر )
وبالليل اقعد اتقلب وايد لأن ريولي تعورني اذا نمت بجانب واحد
لكن كل مااتقلب اتألم :(

اتريا موعد الولادة بكل شوق ولو اني خايفة شوي
دعواتكم حبيباتي ~

هلا UAE CanDy
ربي يتمم عليج بالخير
وكلها ايام ويشرف الامير
ربي يحفظه لج يارب

CanDy
حياج الله بالتجمع .. والله يقومج بالسلامه يارب انتي نفس موعد ولادتي بالضبط بس الفرق بينا انه انا فيني بنت وانتي ولد الله يحفظهم .. والله يبلغج بالكتكوت يارب

هلا UAE CanDy
تشرفنا بوجود وانظمامك لنا ربي يعدي الايام بخير ونولد بسلامة


بنااات اول بشارة بدا ينزل مني ماي بس شوية مو كثير رحت موعدي مع الدكتورة
قالت انو الرحم لسا مقفل بس خير انشاء الله دعواااتكم بتساهيل ليا...,,

ماشاء الله ام نمير شكلك بتعمليها الاول ربنا ييسر لك الحال ويسهل لك ولادتك وامشى بقه عشان تسرعى الولاده وماتنسيش تدعى لنا كلنا

الله يسهل حملكم وانا كمان

صبااااااااااج الخير
حد ولد؟؟
يلا ابدأ عشان نلحقكم خخخ :)

جمعه مباركه

اشوف في تطورات اشم ريحة ولاده ..

ام نمير

يالله عاد ادعيلي الحقج عشان ارتاح من التعب .. ومحاتاة عيالي ..

انا كل يوم اقول اكيد اليوم بولد ...

بس احس عمري وايد خفيفه ..

كنه بلوووووونه في بطني خخخخخخخخخ

امس كان تجمع الاهل الكل يقولي شكلج ولادتج قربت .. شكلج بتوولدين هالاسبوع ...

اذا ولدت هالاسبوع يعني مستحيل اسوي توزيعات لانه ريلي مو موجود فالدام واختي مسافرة وما عندي حد يوديني اشتري ..

بعتمد على التقديمات بس وبعد مو مجهزتهم ..

:D سالخير كروشات

ماشاء الله ام نمير الله يبشرك بالخير الحين احس اننا قربنا بجد

لو وحده ولدت بعدها على طووووول احنا :tongue: دعواتك لاتنسينا منها ..

UAE CanDy ياهلا فيج اختي

هلا بجعة.. يلا ان شاء الله تولدين بسرعة يارب

سحابة .. يلا هانت يالغالية وان شاء الله ما يمر هالشهر الا واحنا كلنا مع احبابنا الصغار يارب

:ss: بدأ الخوف عندي لانه اول حمل وشي جديد

واحاول اجمع معلومات عن تسهيل الولاده

الله يسهل علينا وعليكم ان شاء الله

حبيبتي سحابة توكلي على الله
وصدقيني لا تخوفي ولا توتري حالج
وربي يجعل من كل صعب سهل يارب :)

ان شاء الله

ام نمير شو اخبارها اذا حد يعرف عنها شي يطمنا عليها

الله يقوومك بالسلامه ياارب


ووحبيت اقوول انه

مذركير مسوي تنزيلات 50% في كل فرروعه في الامارات

وويلا شدووا حيلكم

مراااحب يا الغالياااات
تسلمووون على الدعوات لساااني مافي شي غير الماااي بس
مافي طلق ولاشي ....

مرحبا كروشات ,,, هااا شكله ام نمير بتولد قبلنا الله يسهل عليج وعلينا و لا يطولها علينا يارب
اما عن سالفت التنزيلات بمذكر كير حتي عندنا بالكويت فيه .. وشريت ستيانات الرضاعه وكم شغله من اهناك
واليوم ألم ظهري مو طبيعي هههههه فكرت هذا الي ينقال عنه طلق بس انشاء الله مو الحين بعد اسبوعين علي الاقل مستعده نفسياً

ام نمير الله ييسر ولادتك ويجعلها اسهل من شرب الماي
بس ما شاء الله والله اعطيتينا امل احس اني تفاءلت ربي يفرجها لك يجعلها مهونه مثل ما دخلتي البهجة علي قولوا امين
ريما انتي سابقتني باربع ايام والحمد لله الاسبوع اللي فات جاني الم كأنه طلق بنفس الالم لكن الوقت بين المغصه و الثانيه مو منتظم واطمنت شوي ويارب اولد الاسبوع الجاي يعني بداية شعبان يارب ياكريم
ونوم الليل و النهار مدري ليه ودعني مجرد ما احط راسي ع المخده تبدأ الافكار و التخيلات واتذكر شو شريت وشو باقي و خلوها ع الله

السلام عليكم
اليوم هو السبت الساعة 6 وربع صباحا صباح الخير
بعد شوي زوجي مسافر لدوامه كالعاده وانا اروح بيت اهلي يعني يمكن اغيب كالعادة اربع ايام
ياليت تطمنونا على ام نمير وعزاب واتمنى اني ارجع لكم ببشاره اني ولدت احس بالم غريب في بطني و حركة البيبي اسفل بطني لدرجة احس كان اليد بتخرج
و الافرازات فجأة زادت علي بس مو التهابات ياليت يكون الفرج يارب
الاسبوع هذا ان شاء الله ناوية اقفل على شنطي باقي اشياء بسيطة بس تاخذ وقت
واذا قدرت احاول اتصفح النت من الجوال اتطمن ع بقيه الكروشات لانه قد حمى الوطيس و العد التنازلي قد بدأ من بداية ولادة عزاب و بوادر الولاده عند ام نمير الفال للبقيه ...........
واسفه ع الهذره بس طفشانه و ما حولي نوممن امس ادخل واشوف فيه حد ولا لا ولكن لم اجد احد سواي اهذر مع نفسي