تجمع الحوامل اللواتي يلدن بشهر آب ( اغسطس8) 2009

السلام عليكم بنات أخباركم؟؟
UAE CanDy هلا فيك أختي في التجمع والله يسهل عليك

أم نمير الله يسهل ولادتك ولاتتعسر يارب

بجعه تحملي على روحك عن الإجهاد وخلي حد من أهلك يساعدك وإن شاء الله اللع يسهل عليك وتولدين وترتاحين

ريما وفيض الحب احنا ورا بعض أنا تاريخ ولادتي 23-8 وبعد أحس جركة البيبي تحت وايد كأنه بيطلع وبدت تجيني ألام من تحت أحسها جديدة علي لما أمشي أكثر شي أحس كأن المكان يتوسع واليوم قمت من النوم على ألم في أخر ظهري مع الحوض أحسه بينفك وبنكسر وإن شاء الله تكون علامات ولادة

سحابه أخبارك مبروك دخولك التاسع إنتي وفراشه الله يسهل عليكم

الله يقوم عذاب بالسلامه وتفرحنا بخبر ولادتها

الله يسهل على الجميع ويرزق كل محروم

اليوم ما اعرف شو فيني كل ما اشوف عيالي اصيح .. بدون سبب

دخل زوجي عيوني دمعت مسكت عمري اسال نفسي شو صار فيني ليش هاي الدموع مو قادرة استوعب

احس اني في رعب ابا اخلص من موضوع الولاده احس اني ما سويت شي

احيانا اتيني وساوس من الشيطان الملعون اذا صارلي شي لا سمح الله عيالي شو بيكون مصيرهم وين بيروحود كيف بتكون حياتهم ومنو بيربيهم ..

وبالنسبه للحركه ووووووووووايد قلت ... في حركات بس متباعده مسكينه محشورة ما تقدر تتحرك

امس بالليل سويت حلاوه استعدادا في اي لحظه اسير المستشفى

بجعه تعوذي من ابليس مثل ماقلتي هذا من الشيطان وتوكلي على الله وخلي ظنك بالله زين وإن شاء الله بتخلصين شغلك سجلي الأشياء الرئيسية اللي بقتلك وسجلي الأشياء الثانوية وخلصي الأهم قبل والله يسهل عليك:)

مراااحب يا كروشااات لسااااني في درجاااات الصمود ... مافي شي
رحت اليوم لدكتورة تشوف الماااي لاني خااايفة موية الجنين تخلص قالت لي لا
ما عليك شي وانا الحين انتظر الفرج من رب العالمين...

بجعة انا صااايرة مثلك بناااتي لما يشوفوني جالسة لوحدي من ضيق خلقي ياجون
ويحلقون علية ويقولون ايش فيك ماما النونو ياديك وزوجي ما عاد يجلس معاية كثير
لما يشوفني يهرب عشان ما ابكي واتكدر اكثر وقتي جالسة بيت اهلي ....

يااارب تفرجها علية وعليكم بتساهيل ياااارب..... اليوم 38 اسبوع انشاء الله اولد واخلص

AU1986 انتي موجودة كيفك

ام تمير

الله يسهلها علينا انا مو مهم عندي التجهيزات انا احاتي عيالي وشكلي ما بطول فالمستشفى يوم وبطلع لانه ما عندي خادمه ولا عندي احد يمسك عيالي واذا خليتهم دقيقه يحوسون فالبيت كله ويدوروني ... خاصتا مريومه ...

السلام عليكم هلا أم نمير أنا أخباري الحمدلله أنطر الأسبوع الجاي بدخل التاسع بإذن الله ومثلكم بنقعد ننطر الفرج الله يسهل علينا ونولد بالسلامه
بجعه الله يسهل عليك حالتك شوي صعبه بس توكلي على الله وربي يسرها لك

مرحبا حوامل ,,
بجعه ..تعوذي من ابليس حبيبتي هذا شيطان يوسوس لك عيالك مو صاير عليهم شي الله يحفظهم ويقومك بالسلامه..
عزاب ... فقدناها مافي اخبار عنها عسي الله يسهل لها امورها وانشاء الله بهالوقت يكون بيبها بحضنها

AU1986 الله يسهل علي وعليج يارب ..ألم الظهر شي فظيع والي تحسين فيه كأنه المنطقه شاده انا حسيت فيه من جم يوم وليحد الحين مستمر اهم شي راجعي بنتظام .
سحابه .. مبروك دخولك التاسع عسي الله يسهل لك المشوار وتولدين بالسلامه
ام نمير.. هاذا الماي الي نزل عليج شلون كان ومتي لانه انا ينزل علي مثل مخاط ابيض لا له ريحه ولا حكه شسوي .
اخر اخباري انا تمام بخير والحمل اموره ماشيه والبيبي حرمته خفيفه بس قمت احس بكل اجزائها مشاء الله عليها ودي اشوفها علي طول

السلام عليكم
شخباركم ياحوامل
انا الحين في الشهر التاسع مثلكم وكل يو م احس اني راح اولد وحس بآلام في الحوض وظهر وفي اسفل البطن يروح ويرجع هذي علامات قرب الولاده وامس رحت البركه سبحت فيها يقلون موزين الوحده تسبح في بركه في الشهر الاخير هل هذا صحيح انا سمعت ان يسهل الولاده

هلا بالغاليات

بجعة..تعوذي من شيطان وعيالج في حفظ ورعاية ربهم لا تحاتين.. اهم شي تولدين بالسلامة وتردين لهم بالسلامة مع فرحة يديدة يارب :)

ام نمير.. حبيبتي والله
يلا هانت ما باقي شي وتفتكي
بس شو سبب نزول الماي

au.. يااااي شدي حيلج كلها اسبوع وبتحاتين الي احنا نحاتيه خخخ
وربي يسهل عليج

ريما .. شخبارج يالغالية


ها بديتوا بالمشي ..انا اليوم وايد مشيت لين ما حسيت بصراحة ريولي بتتكسر :( والم ظهر عندي كل يوم يزيد
الله يعينا بس

:confused: الله يبارك فيكم والله ماني مصدقه اني دخلت التاسع

يعني الحين نبدا نمشي والا ايه القصه :ss: ترى ماعندي خبره

وان شاء الله ربي يقومنا بالسلامه احنا والبيبيات يااااارب ياكريم

ام نمير الحمدلله انك تطمنتي على البيبي والفرج قريب بإذن الله

استعدي بقراية 7 تمرات وكل تمره تقري سورة يس بنية التسهيل ..

ولاتنسي سورة مريم والزلزله و الادعية حق الولاده ..

وربي يسهل علينا وعليكي وعلى الجميع

سحاااااااااااااابة مبرووووووووووووووووووووووك التاسع
يلا شدي حيلج وان شاء الله تقومي بالسلامة

ولازم تبداي المشي واهتمي بالغذاء الصحي والجلسة والنومة الصحيحة
واهم شي هدي بالج ولا تخوفين عمرج
واطلبي التسهيل من رب العالمين
وكوني دائما جاهزة للحدث الخطير خخخ

sounya;9956977:
سحاااااااااااااابة مبرووووووووووووووووووووووك التاسع
يلا شدي حيلج وان شاء الله تقومي بالسلامة

ولازم تبداي المشي واهتمي بالغذاء الصحي والجلسة والنومة الصحيحة
واهم شي هدي بالج ولا تخوفين عمرج
واطلبي التسهيل من رب العالمين
وكوني دائما جاهزة للحدث الخطير خخخ

هههههههههههههههه الله يبشرك بالخير حدث خطير هاااا هههههههههههههه

الله يبارك في عمرك حبيبتي .. ان شاء الله راح ابدأ امشي من الاسبوع هذا :D

عندي همه لولا حر الصيف ذا كان ركضنا في الجو البديع :tongue:

انا ما عندي وقت امشي بس احاول امشي فالبيت حولين الفله 5 او 6 مرات ..

اتوقع كفاية مع شغل البيت ..

واقرى ادعية تسهيل الولاده وسورة مريم والزلزله والحصن الحصين ...

بس بسالكم تحسون احيانا مع حركة البيبي كانه يرتجف ... ؟؟؟

صدقج بجعة لولا الحر كان المشي ممتع
بس صدق الجو ما يساعد ابدا ابدا
لو احس بالدوخة بالحر وماعرف شو اسوي
اليوم رحت سيتي سنتر عشان امشي ومشيت وايد لين قلت بس خخخ

السلااااااااااام عليكم ............
كيفكم كروشااات وش أخباركم عسى مانسيتوووني
أشتقت لكم كلكللم من غير عدد
أنا أنقطعت عنكم بسبب النت منقطع عندي .....
أنا برجع إن شاءالله لأنه على طوووول أتصلت ومشى معي الحال بس مهوثابت الإتصال برجع لكم إن شاءالله

سحاااابة الف مبرووووك الله يتمملك بالخير يااارب ...
الحين ابتدي امشي وان شاء الله التساهيل يااارب


هلا سونياااا حرام عليك يا شيخة لا تخوفين البنت لساها بكرية
غيري ريك اكتبي انها غلطة مطبعية اقلبيها لمثير....,خخخ

بجعة الله يكون في عونك انا كمان امشي بالبيت فوق السطوح
ما يمديني اطلع بناااتي يتعبون ادا اختهم معاية وادا تركتهم تبتدي الحرب
العالمية بينهم وولدي يجلس يبكي يدورلي ..فاطر اجلس معاهم وبعدين اخدهم
والعابهم لسطوح البيت هم يلعبون وانا امشي والتساهيل من عند الله.....

هلا ام مناااير كيفك انتي وين الغيبة سالنا عنك كثير.....؟
طمنينا عليك ولو بسلام سريع ....


عن اخباااري لسا مافي طلق بس تقلصااات متقطعة والماي لسا شوية
شوية مافي شي يبشر بالخلاص بس ان شاء الله يومين او ثلاث ما اطول

ام مناير.. ربي يسهل عليج

ام نمير.. خخخ بالعكس انا اشجعها ولما كنت بكرية كنت خايفة مثلها كثير بس ربج يسهل والحمدلله ولادتي كانت سهلة وان شاء الله هاي بعد
ياخي تعبت ابي اولد وافتك :(

مراحب كروشات شخباركم

توني يايه من المستشفى والحمدالله الدكتورة تطمنتني ان الراس بالحوض بس وزني زايد وايد هالاسبوع كيلوين الله اساعدنا شلون بنزلهم عقب لولادة ... عندي تقلصات متباعده واحس بضغط وايد تحت البطن كأنه البيبي يبي ينزل

ام مناير ولكم باك الله اسهل عليج وعلينا ياربي

عذاب وينها ياريت اتطمنا عليها الله اقومها بالسلامة خاطري اسمع وحده ولدت فينا علشان احس اني خلاص قربت اولد وحده ورى ثانية ... ام نمير ان شاء الله هالجم يوم اتقومين بالسلامة واتفرحينا الله اسهل عليج ياربي

على طاري المشي انه اتمشى بالشقه وعلى قولة بجعة كفايه شغل البيت يكفي الجو ما اساعد وصايرة ما احتمل امشي وايد اتعب من ضغط الياهل من تحت الله اسهل علينا ونولد بخير وعافية يارب

سونيا انشاء المرة دي سهلة ميسرة ودوووم ياارب


فرااااشة ربي يسمع منك يارب ....