مستشفيات الولاده في البحرين

اناا بولدتي بولدي ولدة بسلمانيه وبصرااحه
حسيتهم اووكي وكانت على راااسي اكثر من دكتوره يمكن 3 دكتورات هي غير الممرضات

بس مشكلتهم ماتحصلين بسهوله غرفه خاااصه

ويحطون بالهم عليييج وعلى البيبي


بس ماقلتي لنا اختي كم كلفتج مستشفى البحرين تخصصي

وليش حسيتي انه ولدتج ماكنت اوكي هناك عشان بنتك شربت وسخ ؟؟

هلا حبيبتي مشكوره على الرد ..

عندهم باكج هناك انا ولدت طبيعي 450 لمده 3 ايام .. بس لان بنتي انحطت بالشيشه زاد المبلغ

بخصوص الولاه ضربوني ابره مخدره في الفخد وصرت مااحس بلمنطقه تحت فالدفع صار صعب وبنتي طلعت شاربه وسخ وماكانت اتصيح لين ما نظفوها وصاحت وبرد قلبي لما سمعت صوتها ..

هلا بنات وينكم 40 مشاهده ورد واحد بس !!!!!!!!!

انا ولدت في السلمانية

بس على مايقولون الناس

دكاترتهم كل يضربون وصرخون على اللي بيولدون خخخخ

انا لي الحين توني ريضه بس هذي اول ولاده لي وابي أعرف اسعار المستشفيات الخاصه في البحرين

وبالأخص مستشفى الأمل اللي في بوري ابي اعرف اذا وحده ولدت هناك تخبرنا عنهم وعن سعرهم

حبيبتي بسمة اطفالي .. (f)

انا اسمع ان ناس تولد بالعام ويتضايقون من طريقه المعامله وان يصرخون عليهم يقولون لهم كلام مو عدل .. واسمع ناس بعد تمدح فيهم ..

يمكن عل حظ الوحده اقصد الممرضات والدكاتره اللي يكونون على المناوبه :(

العنود78;7936198:
حبيبتي بسمة اطفالي .. (f)

انا اسمع ان ناس تولد بالعام ويتضايقون من طريقه المعامله وان يصرخون عليهم يقولون لهم كلام مو عدل .. واسمع ناس بعد تمدح فيهم ..

يمكن عل حظ الوحده اقصد الممرضات والدكاتره اللي يكونون على المناوبه :(

انا مرتين ولدتين في السلمانية ولاقيت نفس المعاملة صراحة

صرااخ تااام :(

ولا يرضون احد يصرخ من شدة الالم :mad:

وزوجي هالمرة ناوي يوديني جدحفص

يقول سمع اصحابه يمدحون معاملتهم << على حسب كلام زوجاتهم يعني:tongue:

انا ولدت بالسلمانية صراحة ماشفت احد يصارخ علي بالعكس الكل اهتم فيني الحمد لله
وولادتي كانت بعملية بعد معاناة طويلة
يعني ماشفت منهم الا كل خير
بعكس وحدة قريبتي الكل يصارخ في وجهها ويقولون لها اذا ماتسكتين بنولدج عملية واخر شي ولدت بعملية

يعني الحظ يلعب دور مع المستشفيات..

انا بالاول في السلمانية وماشفت منهم الاكل خير ... والثاني بجدحفص وقت الولادة كان كل شي تمام لكن من ناحية الرعاية والاهتمام كلش مو زين بنتي كانت تحتاج يحطونها بالشيشه لكن ماخلوها وتعبت واجد والمستشفى بشكل عام تعبان ....ولو يكون هو اخر مستشفى للولادة ماولدت فيه مره ثانية ...

اني بولادتي ثنتينهم جد حفص
الصراحه ارتحت ليهم واايد يهتمون في الوحدة
هو صدق المستشفى تعبان بس ارتحت فيه
عكس السلمانيه اطقين الجرس لين تطلع روحش ولا يجون

اختي العنود مشكورة على الموضوع الحلو :)

بالنسبة لتجربتي يابنات كانت أول و ثاني ولادة في السلمانية وكانت ممتازة من كل النواحي لانها تعتبر خاص، اما الثالثة يا بنات كانت افضل لانها في العسكري و بعد خاص و التكلفة تقريبا 500 .

اما بالنسبة للمستشفى الدولي حماتي جربتة و كانت معاملتهم ممتازة و الم الخياطة راح بسرعة حدة فن
و بالنسبة للتكاليف تقريبا في حدود 700 اذا كانت الولادة طبيعية

بالنسبة لي ولادتي الاولى ولله الحمد كانت طبيعية في مستشفى البحرين التخصصي وكلفتني في حدودو ال700 دينار وكان الاهتمام فوق الممتاز من كل النواحي الليفي بالج من ولادة لما بعد الولادة

والحين انا حامل للمرة الثانية واتابع بعد عندهم وشطلي بعد بولد هناكك

عن السلمانية ماافكر اولد لو شنو كان عن اللي اجوفه واسمع عنه

انا ولدت بالتخصصي أول مرة والصراحة ما فيه عليه ..

وثاني مرة بالنور يعني كان اهتمام عادي ما حسيته أحسن من غيره بس النرسات مالهم نزرين ومملين ويعلون القلب لين أطق الجرس ما يجون الا بعد مليون سنة وما يجون ينظفون الجرح بانتظام مثل مال التخصصي.. بس عطوننا كيكة خخخ لكن ما تسوى علينا لأن بنتي التقطت بكتيريا من عندهم وهم قالوا انه الموضوع عادي وبغت تروح فيها ويصيدها تسمم لو لا لطف الله .. الحمد لله على كل حال..

وبالنسبة ان التخصصي ما عندهم خبرة أكيد مو مثل السلمانية .. بس مو لأن بنتش أكلت وسخ اختي.. لأن هذا الشي الطفل معرض ليه في اي مستشفى أختي ولدت في السلمانية بنتها شربت وسخ وأختي الثانية في جدحفص وولدها نفس الشي..

بس عموماً اذا الله عطاني مرة ثانية ان شاء الله ما راح أروح غير التخصصي..

بصرااحه انصدمت بكلمكم عن السلمانيه

احس تتكلمون عن المستشفى ما مره بحياتي رحت لها

يمكن قبل بس الحيين غييير وااااااااااايد احسن من قبل

يوم اولد بولدي طول الوقت اللمرضات ودكتورات معاي

وما كانو يصرخون علي با العكس جني طالبه با البتدائي ويشجعونها ويصفقون لي كل مادفعت وطلع الياااهل وممرضه واقفه على راسي تشجعني وتمسح علي
وماحسيت بخووف معاهم واول ما ولدة على طول شالو ولدي وحطووو على صدري و انا كنت اقولهم شنو يبت بنت ولا ولد كلهم كانو متبسمين لي يقولون لي ولد
وبعد مانقولوني الجناح صج محصلت غرفه خااصه لكن حطوني بقرفه مع وحده بس يعني غرفه يكون فيها ثنتين
وطول اليل ريحين رادين علي ويقسون لي درجة الحراره وضغط وخذو با اليل الياهل وسبحو ونومو عندهم عشان يخلوني اتاح ونام وصبح يبو لي وخلوني ارضعه ويتني دكتوره تطمن على الجرح وينضفونه ويعقمونه لي

واول ما صيح الجرس على طول يجون وهم يبدلو ويغيرون للبيبي

وبصراحه احسن دكتورات الخاصين لمراض النساء والحمل و والولاده بسلمانيه

واي مستشفى تروحينه حتى لو خاصه لو ماعرفو لج على طول يحولونج على سلمانيه

انه ببنتي الاولى ولدت في الامريكي المستشفى قديم والغرف بعد بس من حيث العنايه 100/ 100 طول الوقت الممرضات على راسي ثنتين ما راحو والدكتوره كل ساعه تجي تشوف وتطمن والخياط ممتاز ولا حسيت بشي
بس مثل ما قلت لكم عيبه الوحيد انه قديم واكلهم الحمد لله على النعمه

وهالمره اني اتابع في التخصصي من حيث متابعت الحمل صراحه ما يتقارنون بالامريكي يعني الامريكي واجد احسن والدكتوره كنت احسها احسن واشطر وان شاء الله نشوف الولاده شنو تصير

انا بولدي ولدت بالبحرين التخصصي مع الدكتورة فرح

ما شاء الله عليها حليوة وتطمن والممرضات بعد والعناية ما عليها اي كلام

والغرف حلوة ونظيفة وعموما المستشفى كله نظيف ويريح

والأكل ولله الحمد طيب وخدمتهم جداً ممتازة

وهالمرة بعد اتابع عندهم وناوية اولد اذا ربي أراد هناك

وبالنسبة للتكلفة تقريبا 600 دينار وفوقها كسور يعني مو ذاكرة المبلغ بالضبط

بالنسبة لتجربتي يابنات كانت أول و ثاني ولادة في السلمانية وكانت ممتازة من كل النواحي لانها تعتبر خاص، اما الثالثة يا بنات كانت افضل لانها في العسكري و بعد خاص و التكلفة تقريبا 500

اختي butterfly بغيت اسالج عن معاملة العسكري حق الي بتولد تكون ممتازة ؟ يا ريت تفيديني لاني مخططة اولد هناك


بس التسهيل من رب العالمين سواء كنتين في افضل المستشفيات او الي اقل منها...



والله يسهل على كل حامل يا رب

ان شاء الله عجل تطوروا السلمانية خخخ

انا ولدت بعملية بالتخصصي والصراحة ما فيه عليه ..واللي ولدتني دكتوره فرح

وبالنسبة للتكلفة تقريبا 2000دينار