مستشفيات الولاده في البحرين

هلا حبيبتي ..

بمسح الرسائل اللحين .. حاولي تطرشين

ومشكورة غروبة عالوصلة توني جايفة الموضوع وصراحة تشجعت اكثر من ردود البنات ومدحهم في التخصصي وفعلا التجربة خير برهان

اني تخيلي الافرج اني اولد 12 الظهر ولدت 11 في الليل يعني يوم ادش كنت 4 سم وظليت 16 ساعة اتوسع ال6 سم الباقية وكانو اهل زوجي وزوجي وتنا متوقعين يدخلوني قيصيري خاصة ان البيبي راسه تحت بس مو مفتر على اتجاه الخروج وطولت بس ماطرو لي سالفة العملية كلللللللللللش وخلوني براحتي لين افتر خلوني على كرة مطاكية كبيرة انطط خخخخخخخخخخخخخ عشان يدور الراس وتالي في غرفة الجاكوزي دخلوني نص ساعة بعد واتجاه دوراس الماي يفتر كانه الراس ةخلوني امشي شوي وعطوني ابر انام وارتاح وعدت ال16 ساعة بخير وعلى قولتهم كنت شطورة اسمع الكلام لاني ماصارخت واجد اصيح بسكوت واضرب روحي بمال الاوكسجين خخخخ لين ولدت طبيعي وكان عالدوام دكتور بس للاطفال وسألوني اذا تبينه يدش عشان يستقبل البيبي بس انا البس حجاب وزوجي قال كيفج ااذا مضطرة عادي وانا بعد عادي بس قلت لهم لازم قالو لا بنخليه في الغرفة بس ورا الستارة وكنت اجوف رجوله من تحت هو اللي خدت بنتوتي سيدة في السرير مالها وفحصحها كامل في نفس اللحظة

وبالنسبة الله لايقوله لو احتاج البيبي لطوارئ وحولوه مافيها شي الله كاتب انا بنتي ولا جفتها ايام اللي كنت استقبل الناس كله عندهم ومشالله الغرفة متروووووووووووووسة باقات الورد عشان جدي قال نخاف يأثر على تنفسها الزرع وطول اليوم عندهم اذا ابغي ارضعها اروح وفي غفصة الناس والعالم ماتقدرين تخلينها كان اللي يبي يجوفها يطل عليها اخدها اذا طلعو الناس عال11 في الليل ساعة وياخدونها مني مرة ثانية عشان انام والصبح يجيبونها اذا مافي احد

وبالنسبة للسلمانية صج عندهم طوارئ بس هم بعد تصيدهم حالات واجد وكل شي بالكتبة اني اخت يوهي تولد مات البيبي في السلمانية والليزاد الطين بللله تخيلو انه خبروها وهي تطلق ترى البيبيب ماتت وشحالتها وقف الطلق وسخنت وصار مو مستوعبة والبيبي ظلت وتالي بالغصب ولدتها نفسيتها زفت شنو اللي بشجعها تولد اذا اللي بتولدها ماتت بس الواحد شقول امي لعبت فيهم لعبة قالت ليهم صادفتون فيها لدرجة بعد ماولدت دخلت عليها ساكته تطالعنا حتى ماتصيح

وظلت عقب تسألهم من شنو ماتت محد يرد عليها وثالث يوم قالت ليها زينب الجفيري اذا تبين تعرفين طلعي الجثة من المقبرة وحلليلها حسبي الله عليهم هذا كلام

هالمرة ولادتها الحمدلله كانت هناك واهون بس لان موصين عليها ناس عدل وبعد من ولدت فلتوعليها البيبي واني اختي هذي معروفة في العيلة ضعبفة ودمها ناقص ولاتاكل يعني نسميها الميته خخخخخ وقالت ليهم تعبانة واتصلت لدكتورة صدديقتها قالت ليها اني تعبانة مو راضين يجودون البيبي عني وصديقتها دكتورة ولادة في لسلمانية واتصلت للمرضة قالت ليها خدو منها البيبي تعبانة وكانت الممرضة هندية راحت زفت اختي قالت لي اشتكيتين علينا عند الدكتورة قالت ليها اختي اي مااقدر تعبانة قالت ليها مافي الا ممرضتين بيفترون لمن او من؟؟ والله مستشفى طول عرض بس ممرضتين مو ذنب اللي يولدون..

بس ظلت يوم في الجمعي وتالي حصلت ام 15 دينار بالغصب

عروس ولهانه;7965862:
مشكورين بنات ديرتي على طرح هذا الموضوع الافاده اما عن تجربتي اني جربت مستشفى جدحفص في ولدتي بولدي الصرحه الدكاتره الي ولدوني كانو واجد زينين لكن سو المعامله لقيتها يوم رفعوني في الجناح عند ما رفضت الممرضه الي كانت امنوبه تبديل ولدي وقالت اليي قومي انتي ابنفسش بعلمش وبدليه قالت اليها ما اقدر امشي من الخياطه قالت مو شغلي ابدل ولدش كيفش قعت اصيح لانه اول مره اولد ولا اعرف ويش اسوي بس شديت على روحي اشوي وتحملت الالم وبدلت ولدي ومنجت الدكتوره من الصبح تفحصه قالت اليها رخصيني بروح البيت ورخصتني ولا اقعد في هدل وي هلممرضات

أنا ولادتي كانت في مستشفى جدحفص وتجربتي معاهم مثل عروس ولهانة بالضبط،، صراحة اللي في الولادة الممرضات روووعة ينحطون على الجرح يبرى بس في الجناح صار لي مثل الشي الممرضات ما كانوا يرضون يجون يبدلون لبنتي ويقولون لي تعالي إنتي وبدلي لها (البحرينيات بالذات أما الهنود فكانت معاملتهم أفضل) ويوم ثاني زوجي كان يبغاني أظل أكثر في المستشفى بس أنا ما رضيت وقمت أصيح أبغي أرجع البيت .. والغرفة الخاصة ما حصلت في البداية رغم إن حاجزين من أول ما دخلوني الولادة بس ما حصلت إلا يوم ثاني من ولادتي وكنت مرخصة بس قعدت فيها لبعد ما انتهى وقت الزيارة.

مستشفى البحرين التخصصي جربته في حملي الأول كنت أتابع عند دكتورة فرح ولما سقطت هي سوتني عملية التنظيف وصراحة المعاملة روعة والمكان نظيف بس كئيب وموحش .. ومن خلال تجربتي الشخصية مع دكتورة فرح عرفت إنها مو ثقة في البداية كنت مرتاحة معاها بس بعد ما سقطت طلعت لي أشياء مو فيني و خلت نفسيتي زفت ومن بعدها فقدت الثقة فيها وفي المستشفى ككل.

آنه ولدت بنوتي في التخصصي عند الدكتوره فرح

الصراحه معاملتهم ممتازه ويدلعون الوحده وهالمره إن شاء الله بعد باروح عندهم أصلاً آنه قبل ما أحمل قلت حق زوجي إني بولد في التخصصي لأنه الصراحه ما أستحمل التشرشح إلي تحصله الوحده في السلمانيه وطختها الوحده الحامل محتاجه رعايه مو محتاجه زف وتهزيئ

آنه ولدت في التخصصي قبل ثلاث سنوات وكان سعرهم 700 طبعاً هاي مع سوالفهم إلي يزيدونها على آخر الوقت تحاليل وخرابيط إضافيه

عندكم فكره كم وصلت الولاده عندهم ألحين؟

انا جربت الاثنين

في ولادتي الاولى ولدت في السلمانية

بصراحة معاملتهم كانت حلوة وماغربلوني

حتى في الولادة كانو يشجعوني واسلوبهم وايد زين

والبيبي كانو ياخذونه عندهم عادي

حتى كنت ماعرف ارضعه النرس ساعدتني وماجفت منهم شي مب زين

اللهم الاكل مالهم مب حلو وانا كنت ماخذه حجرة خاصة بو 40

ولادتي الثانية كانت في التخصصي عند الدكتورة فرح

وولدت طبيعي بس بطلق صناعي والحمدالله كلشي تمام

يعني دلع واهتمام والبيبي كله عندهم واول يوم ماطلعوه

حاطينه في الحجرة عندهم قالو يخافون عليه من تغير درجة الحرارة

وهالمرة ان شاء الله اولد عندهم

لان السلمانية مب كل مرة تسلم الجرة يعني كل وحدة وحظها

الحمدلله ولدت بالسلامه واقدر افيدكم
ولدت في التخصصي عند دكتوره فرح
بصراحه شنو اقولكم , ترا كل الاشاعات الي تسمعونها عن فرح كذب وخرابيط
قبل ما تكون دكتوره هي انسانه بمعنى الكلمه وان شاء الله لو حملت او ولدت مره ثانيه ما بروح الا لها .....
طبعا كانت الدكتوره في اجازه وانا قلت ما بي احد غيرها يولدتي واتصلو بها ويات في سرعه قياسيه وقطعت اجازتها ,, ولدتني وكانت حنونه علي تسمي علي وتقرى علي وتقولي حبيبتي وعمري ترا الوحده حزه الطلق محتاجه احد يدلعها ويحن عليها ....
ومثل ما قالت بنت البحرين نادت دكتور الاطفال وكان واقف ورا الستاره ينتظر البيبي عشان اول ما اولد يفحصه يعني ما شافني ولا شئ ...
معامله المستشفى راقيه والمعامله روعه كان الوحده في فندق والاكل حلو ,, بصراحه انا بقيت 3 ايام لكن تمنيت اقضي فتره الاربعين هناك خخخخخخخخ
لكن كل شي يحبسونه بالفلس حتى حبه البندول حسبوها علي ب150 فلس مادري كم هههه
مافي شي ما حسبوه يعني انا كنت مختاره غرفه ديلوكس ل3 ايام حوالي تطلع 575 في هالحدود , لكن ما طلعت الا دافعين اكثر من هالسعر 200 دينار مال ادويه وفحوص البيبي ومادري شنو ....
فرح كل يوم تطل علي وعلى البيبي وتشيكنا ..
اما البيبي ماخذينه عندهم ويا كل الاطفال اذا ابي ارضعه اما اروح له او ايبونه لي ...

الحمد لله على سلامتك اختي اسماء


خخخخخ فعلا مثل ما قلتي لما تشوفين الفاتورة النهائية تضحكين من قلب لأن كل شي محسوب حتى أتفه الأشياء

والحمد لله انك ارتحتي والله يسهل علينا وعلى كل حامل يارب


وربي يرزق كل محروم ومحرومة ان شاء الله

:)

سلام بنوتات..

احد جرب الولادة في مستشفى نور التخصصي؟ اللي يم السلمانية ؟

ياريت اللي جربته تقول لنا عن تجربتها والتكاليف.. ونكون شاكرين لها

اكييد اختى بتكون معاملتهم جذى لانه مشتفى خاص

مستشفى النور جداً جداً سيء نصيحة ابتعدوا عنه ..

الدكتورة واجد تمام بس النرسات نزرين والأكل مو حلو وغرفهم ضيييقة جداً ..

في لي رد ثاني في نفس الموضوع عن المستشفى اقروه وبتغيرون رايكم .. وخصوصا ان اقل ش بتدفعونه 700 دينار فروحوا البحرين التخصصي نفس السعر أو أرخص حتى ! والفرق شاااااسع من حيث الجودة !

مو كأنة محد تكلم عن مستشفى المحرق للولادة ؟؟

محد جرب المستشفى .. امي جربتة بس كان من زمااان وايد اللحين ما تدري شلون صار ..

اي والله يابنات اي شي اضافي ينحسب بس انا طبعا خالة في بالي هالشي في ولادتي ببنتي قالو لي بخلونها 10 ساعات عشان ابوصفار لايرتقفع مع انه كان خفيف فيها قلت ماعليه وكانت الساعة 10 في الليل يوم بترخص وبطلع او فوق العشر وقالو تعالي 8 الصبح اخديها او نامي وياها.. طبعا الكل قال لي هي جدي جدي مو ياج تنام معاهم وفي الليل مارضعها وكنت مزكمة وكحة قالو لي روحي البيت ريحي وتعالي الصبح اول مارضيت بس قالو المستشفى اذا ضليتي بنحسب عليج جارج انا بس 150 دينار زيادة على هالعشر ساعات وبنتي حسابها غير فرحت مع زوجي وشلنا الاغراض رحت بيت امي ومن 7 الصبح انا في المستشفى كلها جم ساعة الا تخيلو البيل التفصيلي 4 بامبرز في خلال هال 10 ساعات ب 4 دينار خخخخخخخخخخخخخخ حشاااااااااااااااااا الكبير ب 4 دينار ولا فس شي كان مكتوب ب 2.300 بس ماعرفته شقصدهم حزة الحزة بنشي قلت لوزوجي الفضول ابغي اعرف هال2.300 مال شنو لان الحليب بامبرز كل شي كاتبينه الا تقول لي هذا مال ربطة العيون صمدناها عن الليت خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ بس شي متوقع اي شي بعد البكج ينحسب دبل