مستشفيات الولاده في البحرين

أختي (معجبة بخطيبي) و اللة العسكري وايد احسن من السلمانية و انصح كل وحدة تولد هناك
الاستقبال ممتاز و المعاملة ممتازة و الدكتورة تحضر الولادة وحسيت النيرسات فيهم الحنان كلة ولانها 3 ولادة توقعت العكس بس الحمد اللة الرعاية ممتازة هناك حتى بعد الولادة. المهم اتكونين داشة خاص عندهم

فكري بالدولي المعاملة ممتازة هناك و انشاء اللة اجربها في الرابع،لكن مقارنة مع العسكري ، العسكري غرفهم اشرح الا اذا حاطة ميزانية للولادة اخذي سويت عند الدولي و في النهاية كلها 3 ايام في المستشفى
و اللة يسهل على كل الحمل :)

أنا ماجربت غير الأمريكي.. بس الصراحة معاملتهم زينة ورعايتهم لايعلى عليها والممرضات مايقصرون وآنه عندي الهنود وايد أحسن من الفلبينيات... الصراحة وقت ولادتي الكل على راسي والدكتورة رايحة وياية.. بس عيبه قديم.. أنا أخذت السويت الكبير وكان زين ووسيع بس باقي الغرف كانت صغيرة...

حتى يوم أجهضت سويت التنظيف عندهم وبعد ماقصروا ..

وإذا الله كتب ماراح أجرب مكان ثاني للولادة الا عندهم.....

صراحة خواتي انا انصحكم تولدون بالسلمانية.... اهو صج الحظ يلعب دور حسب المناوبة.. بس اهم شي انهم خبرة اكثر من اي مستشفى ثاني... يعني لو صار اي شي هم اخبر في طريقة التوليد ... غير لما تولدين في خاص وتعسرت الولادة فهم بنفسمهم يقولون لك بنحولك على السلمانية... وهذي فيها غربال وبهدلة.. غير لما تكوني اصلاً هناك... والله كريم

مادري يابنات بس انا ضد السلمانية يعني اذا تعسرت الولادة هذا لو الوحدة وين كانت واالله كاتب لها بصير هالشي وبالسلمانية نفسهم اذا تعسرت يسون عملية ونفس الشي الخاص بس فررررررررررق المعاملة

هالايام السلمانية بزووووودهم مايرضون يولدون الا اذا الوحدة كلللش بتولد لان ماعندهم اسرة يرجعون الامهات البيت وسمعتون عن اللي ولدت في البيت يوم رجعوها ...خلوها في الجريدة وبالنسبة للغرف اختي ظلت يومين في جمعي مع انها اول مادخلت تولد حجزنا ليها بس عطوها اس غيرنا كل شي بالواو يمشي هناك صراحة ولا جمعي مو في قسم الولادة لا لانه مافي مكان خلوها جمعي في قسم امراض النساء والولادة وتوها والدة جابو ولدها ماخلوها ترتاح كلللللللش يقولون ليها هذا مو جناح اطفال وولادة مانجود الجهال وخي هالتها حالة

صديقتي دكتورة هناك بعد ضلت ليلة جمعي يعن يحالتهم ماساااااه صراحة ومايرضون احد وياش وقت الولادة اختي حالتها حااااااااالة كانت طردونا يوم تولد مع انها تعبانة لان اخر ولادة ليها البيبي مات وهي تولد فكانت خايفة يصيدها نفس الشي وهم يدرون ان ولادتها القبيلة مات البيبي وقت الولادة ولا قدرو هالشي

يعني صرااااااااااااااااااااحة خمام واسمحو لي .. اني اخت زوجي دكتورة ولادة هناك وماتنصح احد يولد

أختي (معجبة بخطيبي) و اللة العسكري وايد احسن من السلمانية و انصح كل وحدة تولد هناك
الاستقبال ممتاز و المعاملة ممتازة و الدكتورة تحضر الولادة وحسيت النيرسات فيهم الحنان كلة ولانها 3 ولادة توقعت العكس بس الحمد اللة الرعاية ممتازة هناك حتى بعد الولادة. المهم اتكونين داشة خاص عندهم

قوة اختي اني زوجي عسكري فمن جذي اقدر اولد في المستشفى العسكري وببلاش بدون تكاليف بس مو هذا المهم لاني حبيت اولا استفسر عن المعاملة وكل شي والحمد لله طمنتيني...وكل شي في النهاية بيد الله


الله يسهل علي وعلى كل حامل يا رب

اني بولادتي الاوليه ولدت في جدحفص حتى وقت الولادة كانت معاملتهم اوكي ولا يصارخون على اللي بتولد وكانت معاملتهم كلش زينه يعني اول ما ولدت عطوني البيبي شوي وبعدين اخدوها من عندي الى يوم ثاني الصبح وما جابوها اليي الا وقت اللي بترضع و خديت حجرة خاصه وعلى فكرة حجرتهم الخاصه اللي بسعر 10 دينار اكبر من الحجرة الخاصه اللي في السلمانيه اللي ب 10 دينار وكنت اول ما احتاج شي اطق الجرس ويجون اليي يعني كانت صراحه اوكي معاملتهم وهالمرة ان شاء الله بعد افكر أولد عندهم وباخد حجرة خاصه

طيب يابنات صحيح الوحدة تحب تدلع روحها وتولد في مكان فخم
بس يعني الا زوجها ماعنده ظروف راتب مايكفي من وين يجيب يسرق عشان بسزوجته بتولد
لازم نراعي جميع الطبقات انتي زوجج يقدر يولدج في خاص غيرج مايقدر زوجها
عن نفسي لو زوجي عنده مال قارون غير الحكومة مابروح
وعلى نياتكم ترزقون
انا الكل قال لي لاتطبين السلمانية وغيرهم قالوا لاتطبين جد حفص
بس في ولادتي صار كل شي على السريع
ف ع طول رحت السلمانية
حتى كانوا بيحولوني جد حفص
بس صدفة شافتني دكتورة كنت اتابع بالفاتح عندها
وقالت لهم هذي عارفة حالتها لاتحولونها خلوها هني عندنا لانا على علم بكل حالتها وقت حمالها

والحمد لله ولدت بالسلمانية الكل على راسي عناية نظافة دكتورتي الي تجيني مريحة للنفس وشرحة
غير اللي ولدوني قمة في اللطافة
والممرضات يعني صراحة طلعت وانا مرتاحة..

بس حبيت اقول وجهة نظري ومسامحة مااقصد احد معين بس للتنبيه فقط لاغير.

حبيبتي سمات الله يجازيش خير

انا بتوكل على الله وبروح السلمانية وامري لله

دعوااتكم

سمات;7961538:
طيب يابنات صحيح الوحدة تحب تدلع روحها وتولد في مكان فخم
بس يعني الا زوجها ماعنده ظروف راتب مايكفي من وين يجيب يسرق عشان بسزوجته بتولد
لازم نراعي جميع الطبقات انتي زوجج يقدر يولدج في خاص غيرج مايقدر زوجها
عن نفسي لو زوجي عنده مال قارون غير الحكومة مابروح
وعلى نياتكم ترزقون
انا الكل قال لي لاتطبين السلمانية وغيرهم قالوا لاتطبين جد حفص
بس في ولادتي صار كل شي على السريع
ف ع طول رحت السلمانية
حتى كانوا بيحولوني جد حفص
بس صدفة شافتني دكتورة كنت اتابع بالفاتح عندها
وقالت لهم هذي عارفة حالتها لاتحولونها خلوها هني عندنا لانا على علم بكل حالتها وقت حمالها

والحمد لله ولدت بالسلمانية الكل على راسي عناية نظافة دكتورتي الي تجيني مريحة للنفس وشرحة
غير اللي ولدوني قمة في اللطافة
والممرضات يعني صراحة طلعت وانا مرتاحة..

بس حبيت اقول وجهة نظري ومسامحة مااقصد احد معين بس للتنبيه فقط لاغير.

حبيبتي اكيد كل وحدة وظروفها وهذا موضوع مفتوح لابداء الراي للمستشفيات الخاصة والحكومة بغض النظر عن ظروف الشخص وكل وحدة تجوف اللي يناسبها من ظروفها وظروف زوجها بس عشان الكل يستفيد انذكر المستشفيات الخاصة والعامة لان ناس تبي الخاص وناس تبي عام والكل حر وانتي بروحج قلتيها لو عندج مال قارون بتروحين الحكومة يعني مو مسألة مال.. والسموحة

انا ناويه إذا الله تمم علي بخير

اولد في جدحفص بس خايفه ما أحصل غرفة خاصه

لأنه يقولون ولادتهم أحسن من السلمانيه

أنتوا شرايكم؟

انا ناويه إذا الله تمم علي بخير

اولد في جدحفص بس خايفه ما أحصل غرفة خاصه

لأنه يقولون ولادتهم أحسن من السلمانيه

أنتوا شرايكم؟

أختي ميس روز اني وياش الولادة في جدحفص واجد اوكي صراحه اني ما جربت السلمانيه بس جربت جدحفص كلش اوكي وحصلت حجرة خاصه بعد وكان الوضع جدا مريح

bent el ba7rain;7963505:
حبيبتي اكيد كل وحدة وظروفها وهذا موضوع مفتوح لابداء الراي للمستشفيات الخاصة والحكومة بغض النظر عن ظروف الشخص وكل وحدة تجوف اللي يناسبها من ظروفها وظروف زوجها بس عشان الكل يستفيد انذكر المستشفيات الخاصة والعامة لان ناس تبي الخاص وناس تبي عام والكل حر وانتي بروحج قلتيها لو عندج مال قارون بتروحين الحكومة يعني مو مسألة مال.. والسموحة

هلا خواتي ..

هذا الموضوع مفتوح لابداء الرأي وعرض التجربه وما كان قصد البنات الا ان يعرضون تجربتهم وبالعكس هذا الشي مفيد وعلى فكره لو شنو قلنا عن مستشفيات الحكومه ناس واجد مابتقتنع بكلامنا وبيكون رايهم ان السلمانيه احسن ..

هذا راي ولا احد يزعل

مشكورين بنات ديرتي على طرح هذا الموضوع الافاده اما عن تجربتي اني جربت مستشفى جدحفص في ولدتي بولدي الصرحه الدكاتره الي ولدوني كانو واجد زينين لكن سو المعامله لقيتها يوم رفعوني في الجناح عند ما رفضت الممرضه الي كانت امنوبه تبديل ولدي وقالت اليي قومي انتي ابنفسش بعلمش وبدليه قالت اليها ما اقدر امشي من الخياطه قالت مو شغلي ابدل ولدش كيفش قعت اصيح لانه اول مره اولد ولا اعرف ويش اسوي بس شديت على روحي اشوي وتحملت الالم وبدلت ولدي ومنجت الدكتوره من الصبح تفحصه قالت اليها رخصيني بروح البيت ورخصتني ولا اقعد في هدل وي هلممرضات

اهلا اخواتي
بس حبيت اسال عن اسعار المستشفى العسكري ( القسم الخاص)
واللي اولده قي السويت كم كلفها
وجزاكم الله خير

الله يتمم لنا كلنا يااارب على خير
والموضوع يه في وقته يا لعنود
بصراحه انا ناويه ان شاء الله اولد في التخصصي
على الرغم من الكلام الي اسمعه بان فرح مشهوره بالولاده القيصريه لكن ماعلي من هالكلام
وان شاء الله ربي يكتب لي ولكل البنات الولاده الطبيعيه يااارب
ياليت حبيبتي تمسحين بعض الرسايل من الخاص
لاني طرشت رساله وكان البريد فل

غربة سما الروح;7969275:

وهذي لستة كنت مسويتها لجميع المستشفيات بالبحرين للولادة يمكن تفيدج

و انصحج تروحين تفترين عليها و تشوفين بنفسج الاسعار والغرف والمعاملة و الولادة كل وحدة بتقول لج تجربتها واكيد بتكون على حسب الوحدة

مستشفيات الولادة :

1. السلمانية – المحرق – جدحفص ( حكومي )

2. العسكري

3. آريف

4. التخصصي 17812000

الولاده بالتخصصي الطبيعي

390 – غرفة مشتركة

غرفة ديلوكس 450

695 – غرفة درجة أولى - غرفه فيهاحمام خاص وعلى البحر وفيها سريرلشخص مرافق وياج

700 - 795 غرفة خاصه بريمير يسمونها فيها غرفتين لجوولضيوف وحمامين ومطبخ وانترنت وتلفزيونين وعلى البحر

960 – 1040 غرفتين

الصيدليه يعطونش لمت الى 85 دينار والمختبر 50 دينار اذا طفتيه تدفعين الفرق

Premiere Room
All the Premiere rooms are overlooking the garden, the sea and consist of the following:

§ Patient Room
§ Living Room
§ 2 Bathrooms
§ Kitchen
§ 2 TV's (Satellite & Cable Channels)
§ Telephone & Internet
§ Fridge
§ Safe
VIP Room
All the VIP rooms are overlooking the garden, the sea and consist of the following:

§ Patient Room
§ Living Room
§ Guest Room
§ 2 Bathrooms
§ Kitchen
§ 3 TV's (Satellite & Cable Channels)
§ Telephone & Internet
§ 2 Fridges
§ Safes
Deluxe Room

§ Patient Room
§ Bathroom
§ TV (Satellite & Cable Channels)
§ Telephone & Internet
§ Fridge
§ Safe
Semi Private Room
Shared accommodations for 2 patients as follows:

§ Patient Bed & cupboard
§ Bathroom
§ TV (Satellite & Cable Channels)
§ Fridge

5. مستشفى البحرين الدولي: 17598222

الولادهالطبيعيه ليومين 600 دينار غرفه خاصه وكل يوم زياده ياخذون 45 ديناربس و بالفحوصات الثانية ممكن توصل ل 800 دينار

وللقيصرية حق 6 ايام 1500 دينار ... – ونفس الشي 200 دينار للفحوصات للام والبيبي

6. مستشفى الارسالية الامريكية: 17253447

الولادة بالماء مع الاخصائية كارولاين

7. مستشفى النور التخصصي:17239239

8. مستشفى عوالي : 17753300

9. مستشفى ابن النفيس: 17828282

حبيبتي غربة بالنسبة للتخصصي انا في حملي الول خدت ديلوكس وكان ب 525 البكج لان خدت بو 3 ايام مو يومين 450 هذا ليومين

وطبعا طلعت ب 700 وشوي لان بنتي ظلت يوم فيها بو صفار وكل شي ينحسب لج بالمللي

وغرفة الولادة تندفع بروحها بالساعات او بنص يوم او يوم يعني اني دخلت المستشفى 6 الصبح سيدة غرفة الولادة كنت 4سم وطلعت منها 11 في الليل طولت مع انهم توقعو ولادتي 12 الظهر بس الحمدلله على كل حال

خدو عليي مال يوم في الغرفة او نص يوم لاني مانمت مو متذكرة بس كأنه في حدودو ال30 دينار وهذ مو من ضمن البكج

وبعدين حسبو 3 ايام من دخولي غرفتي في الليل للبكج واخر يوم محد جاني

هالمرة ناوية احسب يوم الولادة من الثلاث ايام يعني لو ظليت نص يوم اولد بالتالي يومين ونص بظل في الغرفة استقبل الناس وهم يخلونش لليل يعني كانها 3 ايام اذا رضو عشان مايحسبون علي الغرفة

ونصيحة مني عمري استقري على مستشفى وبروحش تقولين اللي الله كاتبه بصير لو اي مستشفى كان اني في بنتي والله درت مستشفيات البحرين كلهاااااااااا لاظل عوالي ولا النور وابن النفيس الدولي العسكري السمانية مارحته ولاجدحفص واستقريت عالتخصصي وصراحة اهتمااااااااااااااااااااام رووووووووووووووووووووووووووووووعة ترتاحين نفسيا وياهم ماقصرو 4 وحدات وياي وقت الولادة وحدة تهمز وكل وحدة تسوي شي بس فس الاخير التساهيل من رب العالمين وربي يسهل علينا ياااااااااارب

صديقتي توها والدة عند فرح وهذا حملها الثاني وولدت قصيري ويوم سألتها ليش هل فرح السبب قالت لا بالعكس هي لامتني فرح لان صديقتي كان موعد ولادتها وتأخرت 4 ايام ولا راحت المستشفى والحبل السري التف عالبيبي ويوم قلت حركته راحت ليها خافت وسوتها عميلة بس بعد تمدحها واااجد وقعدت 5 ايام كأنه وتقول 1200 كلفتها وتقول بعد ارتاحت ليهم في المعاملة والاهتمام

هلا بنات شخباركم

بنات انا ما اشوف احد تكلم عن مستشفى ابن النفيس محد ولد فيه ولا شلون لاني افكر اولد فيه بعد كم شهر اذا ما غيرت رايي انا في الشهر الخامس