شوروا علي.. شنو العمل مع هالشغالة؟؟

مناهل78 04-11-2008 50 رد 1,605 مشاهدة
م
مشكورة أم سلمان ماقصرتي على النصيحة,, بس مافي فايدة آخليها في بيت أهلي بعد بتتحجج وبتقول شغلوني في بيتين.. هي مستلعنة خلاص.. بس الظاهر زف زوجي فيها يفيد لأنها تخاف منه حتى من قبل... وآنه محتاجة حد يكون معاي بالشقة عشان ظروفي الحين ماقدر آسوي كل شي.... الله يسهل الأمور.... خلنا نجوف عيارة أهلها وشلون بيطرشون الفلوس...لا اللي يضحك أمس زوجها أتصل على تلفون الشقة عاد آنه عارفة صوته .. قلت ماحلاته أنتقل إلى جوار ربه شلون كاهو حي يرزق....
أ
رانيا البحرينية;7649801:
.. قلت ماحلاته أنتقل إلى جوار ربه شلون كاهو حي يرزق....
:dd::dd::dd::dd::dd:
أ
الله يعينك
^
هذول جذابات ولا تصدقيها لو تقولج انها هي بتموت قولها موتي بعدين سافري خخخخ
شغالتنا خسرتنا وما سافرت بعد بس لان البيت ما عجبها

اييون يدلعون ويتشرطون واذا بيطلعون انواع الشلخ وترى شغالتنا امس رجعتها لان ما تحملتها من تصرفاتها

مع اني اشوف انها تتعمد تسوي جذي عشان احنا نرجعها مو هي ترجع وما تخسر شي

تخيلي لمن بنرجعها اقول لامي لا تقولين بالمكتب انج ما تبينها لانها هي الي قالت لامي انتي ما يبيني رجعيني مكتب خلاص ما بشتغل بكل قوات عين


خليها تشتغل لين تاخذين مبلغ ترجيعها وتتوكل على الله اذا سألتج عن المعاش قوليلها الشهر الياي والياي وظروفنا وجذي لين تعرف اخر شي انها اتعاب السفر والمكتب

وديري بالج منها تحمليها ولا تخسرين زوجج بصراحة حرام هذول يتخسر عليهم شي صح الحريم لان مو دافعين من عندهم عادي عندهم يخسرون لا تقولين عادي وخليها تحلل فلوسها رضت او لا

وحطي لها حد عشان ما تضايقج بس خلبها تشتغل
م
الغلا كله.. يعين الجميع..

أختي دلع..صاجه كلهم عيايره ولين راحوا المكتب طلعوا عيوب في أهل البيت... خلها تكرف لين ماستلم فلوسي...ماقصرتي على النصيحة...
ب
اكبر خطأ انج تاخذين شغاله مرجعينها ناس والمكتب مايقولون لج ليش مرجعينها

وخليها تدفع تذكرتها وتروح لانها ماتبي تشتغل ولو خليتيها تقعد كل يوم بتطلع لج سالفه

ف
لي جات اذا معاها
نيه للرده
حسبي الله عليها
المهم انا اتفق مع اخواتي والله يعوضك خير
م
دموع الكوثر.. أختي الناس اللي مرجعينها ماقالوا عنها الا كل خير وقالوا إن خدامتهم القبلية رجعت وبس مايبونها.. وهي قالت مو مرتاحة عاد آنه وقتها كنت محتاجتها لأني كنت معزمة أحمل وآبي أرتاح عشان هالشي قبلت بها... بس خلها تشتغل هالشهر وبارجعها حتى لو ماسلمتني الفلوس..


فرروحة عروس... صاجة كلهم ماتجي من وراهم الا المصايب.. الله يكفينا شرها....
a
ااااخ نفسيتيتي تعبانه من قصص الخدامات..عندي ثنتين و مطلعين عيني..وخايفه اييني ضغط الحمل منهم...
حبيبتي خلج قويه واحقريها...قوليلها خلاص بنسفرج اول ما توصل فلوسنا....و من الحين دوريلج وحده ثانيه عشان ظروفج الصحيه...اعوذ بالله منهم...الناس اللي يعاملونهم بارف و ضرابه يشتغلون عندهم بكل ادب و يكملون وقتهم لا و بعد يردون مره ثانيه...و نحن اللي نعاملهم باحسن معامله يركبون على راسنا ...كان عندي وحده مهمله لابعد درجه و كل ما اقولها شي تقول ما عندي خبره...اخر شي يوم طفرت ضاربتها..جان تصييييييييح و تقول مابا اشتغل عطيني جوازي بسير المكتب...اونه انتي ما يعيبج شي...تخيلي هذا وانا ساكته عنها 3 شهور واقول بتتعلم...لا و تخيلي في المكتب شو تقول لهم..اونه ما مافي اكل...ما يعطوني اكل!!!!!!!!!!!!!!!1 هالكلمه خلتني اموووووووووووت...نحن والله حتى يوم نسير مطعم نوديها ويانا ونيلسها ويانا على نفس الطاوله و نخليها تختار الاكل اللي تباه!!!!!!! اخر شي قالت اسفه ابغي ارد عندكم...قلتلهم في المكتب اسفيييين اللي تطلع من بيتي ما ترجع له...غير ان نحن ما نعطي اكل...تبغي تيي و تموت من اليوع حرااااام...

الله يعينج ويا مشكلتج...بس صدقيني احقريها و خلي ريلج يراويها العين الحمرا..ويوم يتصلون اهلها لا تعطونها التيلفون...وانتي ردي على ريلها..قوليله اذا اتصلت مره ثانيه حرمتك بوديها الشرطه!!!
ق
اشتري راحتك وخلها تولي عنك صدقيني اهم شي راحتك النفسية
وانصحك لا تجيبين سيلانيه تراهم مايقعدون واعذارهم كثيرة وخسايرهم اكثر
واغلب المكاتب عندنا في قطر ما عادت تجيب سيرلانكيات بسبب قضايا السرقات والزنا والهروب
والدلع والطلبات المسخره غرفة نوم كبيرة وتلفزيونات وستلايت وجوال ومدري وشو
جيبي اندونيسية او فلبينيه احسن لك

لا والقهر من كم يوم خدامة صديقتي تقول لي عنها تقول ابي جوال تو كميرا
بعد تحدد عدد الكميرات صج عين قوية بعد مو جوال وبس ومو بوكميرا وبس لا (( 2 كميرا ))
سيرلانكيه مشتغله بالكويت 4 سنوات وبلبنان سنتين
اقول لها الله يهديك الحين الجديده مو سالمين الناس من شرها بعد مشتغله بلبنان
وتقول انها لما سألتها شتعرفين تسوين اذكرت لها اسوي شيشه ارجيله
عشتووو !!!
م
صدقتي يا أم محمد.. لين رديتيهم المكتب قالوا مايعطونا أكل.. وأحنا أحسن أكل نعطيهم.. مرة وحدة سوت لي جذي أثيوبية ورجعناها المكتب لفوها 3 بيوت وكل مرة تقول رجعوني حق مدام ويتصلون فيني مسكينة تعالي تبي ترجع لكم قلت حشه عليها دام هي باعتنا من الأول لا أرد آخذها ولا شي... خلها تكرف كاهي ساكتة اليوم... محد مخربها الا هالريل حسبي الله عليه...


قطرية.. مشكورة أختي صاجة والله قبل مافي أحسن من هالجنسية والحين كل يتشرطون وطالعين فيها.. آن آقول كل مسكينة ماتعرف شي الا تسأل ذاك اليوم أخوي تلفونك فيه 3G والله آنه أول ماكنت آعرف شنو وهي لعينة تعرف.. خذيت حق أخوي عن طريق شغلنا لاب توب ب 365 ويوم دخلت به تقول ذي بجم قلت لها 300 الا تقول يعني 6 month salary .. يامال الضعفة قاعدة تحسب جان مايصير باللاب توب شي... بس عاد هذي خدامة صديقتج وايد طالعة فيها بعد تبي كيمرتين...
X