صبحكم الله بالخير يابنات.... شوروا علي تعبانة من يومين.. البارحة صليت القيام ودعيت ربي يفك ضيقي....
شغالتي السيلانية أخذتها من المكتب في نصف فبراير.. كانت مرجعة من عند ناس بس كانت هي مو مرتاحة معاهم.. المهم مافيها عيب ولا شي.. ماخلصت الثلاث شهور الا قالت آبي موبايل وصارت ملقوفة...حقرتها وصارت سنعة.. كل يوم أتصلوا فيها أهلها وقالوا لها فلان مات.. يوم ريلها طاح من الموتر سيكل وبيموت... قبل جم شهر أتصل فيها وقال لها خلاص باموت عقب يومين باسوي عملية بالقلب المهم وهي حالتها حالة وماكلت كم يوم وعقبها بجم يوم كأنه حصان لافيه شي ولا سوى عملية...
كملناها قبل يومين متصل أخوها وقال لها أبوج وزوجج سوا حادث والزوج مات ولازم ترجع...وهي حالتها حالة وماتكلمنا.. قلنا لهم دفعوا الفلوس اللي دفعناهم وبنرجعها... أمس طلعت مع زوجي وولدي برع نتسوق.. وأتصلوا فيها وقامت عطتهم موبايلي وطرشوا لي مسج أن لازم ترجع تحضر الجنازة.... كلمت المكتب الا السيلانية سكرتيرة المكتب تقول توهم مكلميني أهلها ويوم سألتهم عن التذكرة سكروا الخط... وكلمت شغالتي وعرفت منها إن السالفة كلها مخططة ولا زوجها مات ولا شي وهي وحشته وتبي ترجع له ومالقوا غير هالخطة... وأقترحوا المكتب إن إذا أهلها مادفعوا الفلوس نشغلها كم شهر بدون معاش ونعتبرة أتعاب المكتب اللي لازم تدفعهم (يعني شهالجنازة اللي بتنتظر كم شهر)....
كلمها زوجي بالليل وقال لها تبين تروحين دفعي فلوس تذكرتج وأتعاب المكتب وتوكلي على الله.. اليوم سوت لي حركات من الصبح نرفزتني وقهرتني بس أمي تقول خليها تشتغل وبعدين طرشيها وآنه آقول مابي عوار الراس والله يعوض علي بالفلوس وبس تدفع فلوس التذكرة وتذلف..
ظروفي الصحية ماتسمح لي بالوقت الحالي أبقى بدون شغالة.. أطرشها وأفتك منها؟؟ أو أخليها تشتغل وتطلع فلوس المكتب وعقب 3 شهور أطرشها؟؟
والله البارحة من خوفي لاتسوي شي بولدي قلت حق زوجي خل ينام معانه.. ولا زوجي بعد شال كل المفاتيح يقول لاتشرد بالليل بعد مافينا شدة مراكز شرطة....
سامحوني يمكن عباراتي ملخبطة بس والله من القهر اللي فيني.. يايه الدوام وآنه آصيح.. ماقصرت معاها بشي.. حتى بالعيد مع إنها مسيحية بس عطيتها فلوس وقلت لها أشتري لج ثياب العيد....
شوروا علي.. شنو العمل مع هالشغالة؟؟
م
04-11-2008 | 08:40 AM
*
04-11-2008 | 08:56 AM
الله يعينج عليها بصراحه
الشغلات شر لا بد منه ..
انا من رايي .. الله يعوضج ع الفلوس. بس دام هذي بدايتها انها قامت تسوي لج حركات قرعه .. وديها وافتكي منها
واكيد فيه مكاتب تأجر شغالات .. خذي لج وحده مؤقته..
نسيت اقولج .. قولي لها اذا دامج تبين تروحين لأهلج تعالي لي بالطيب وقولي.. انا مراح اهاوشج ولا شي بالعكس راح اقدر ظروفج
بس دامج جايتني بطريق المقالب وان كل يوم مصيبه صايره لكم.. بتخليني افقد ثقتي فيج
ماتشوفين شر وطمنينا عليج..
الشغلات شر لا بد منه ..
انا من رايي .. الله يعوضج ع الفلوس. بس دام هذي بدايتها انها قامت تسوي لج حركات قرعه .. وديها وافتكي منها
واكيد فيه مكاتب تأجر شغالات .. خذي لج وحده مؤقته..
نسيت اقولج .. قولي لها اذا دامج تبين تروحين لأهلج تعالي لي بالطيب وقولي.. انا مراح اهاوشج ولا شي بالعكس راح اقدر ظروفج
بس دامج جايتني بطريق المقالب وان كل يوم مصيبه صايره لكم.. بتخليني افقد ثقتي فيج
ماتشوفين شر وطمنينا عليج..
م
04-11-2008 | 09:04 AM
تسلمين أختي هالة ومثل ماقلتي الله يعوض علي.. إذا شفتها هاليومين ماتسنعت خلاص باطرشها...
ك
04-11-2008 | 09:08 AM
رنوش صباح الخير .... الله يفرج همك يارب ... بس اذا بدك نصيحتي ... سفريها على طول والله يعوضج على الفلوس .... طالما عزمت انها تسافر راح تنكد عليكم العيشة لين ما تسفروها ... غير انهم مو مضمونين ابد اخاف تاذيكم لا قدر الله ... ليش تعيشوا في رعب ... افتكو منها والله يعوضك خير ان شاء الله
م
04-11-2008 | 09:17 AM
تسلمين أختي كراملة ماقصرتي بكلامج اللي ريحني...والله صاجة مايسوى علي حرق الأعصاب.. آقول آرجعها وآفتك بس خلني آشوفها هاليومين وأرجعها والله يعوض علي بالأحسن....
b
04-11-2008 | 09:19 AM
حببيتي تحملي تخلينها 3 شهور بدون معاش بعدين تسفرينها .. يا انج تعطينها المعاش وماتطرشه تخليه عندها ووقت سفرها تاخدينه من غير ماتعرف انش بتاخدينه وكل يوم سكتيها قولي لها نهاية الشهر بتسافرين ولاتخلينها تطرشهم اذا عطتش قولس لها طرشتهم
او انج تطرشينها وخلاص الله يعوضج لان ماتعرفين شنو بتسوي بدون معاش ولا 3 شهور واجد عالاقل شه رواحد دفعي انتي نص وهي نص يمكن تشرد تنتحر تسوي شي الله لايقوله ماتعرفين الخدم وبلاويهم؟؟
او انج تطرشينها وخلاص الله يعوضج لان ماتعرفين شنو بتسوي بدون معاش ولا 3 شهور واجد عالاقل شه رواحد دفعي انتي نص وهي نص يمكن تشرد تنتحر تسوي شي الله لايقوله ماتعرفين الخدم وبلاويهم؟؟
ر
04-11-2008 | 09:25 AM
بنت الحلال احسن لج تسفرينها وترتاحي منها ما تدري شو بتسوي من البلاوي لا سمح الله....
م
04-11-2008 | 09:26 AM
تسلمين بنت البحرين.. آنه آقول بعد خلها شهر يكون آنه دبرت تصريح عمل ثاني وشفت لي خدامة.. على ماتوصل يكون ذلفتها...
راعية لومينا... صدقتي أختي آخاف تسوي فيني شي او في ولدي...
راعية لومينا... صدقتي أختي آخاف تسوي فيني شي او في ولدي...
ا
04-11-2008 | 09:43 AM
حسبي الله عليهم والله خسارتي عالبشاكير مالها اول ولا اخر الي تبا على كيفها تهيت والي تبا تغازل والي ماتبا تنظف والي ما تداني اليهال وتشتغل فيهم من ورايه
احسن شي بسير اليابان بييبلي روبوت يكرف هههههههههههههههههه
احسن شي بسير اليابان بييبلي روبوت يكرف هههههههههههههههههه
م
04-11-2008 | 09:48 AM
صاجة والله أختي أمي كل دنيتي يبي لنا روبوتات...
*
04-11-2008 | 10:51 AM
أنا مالفت نظري في الموضوع شي غير إنج خليتي ولدج يبات معاكم البارحة
إنتي تخلينه يرقد معاها؟!
جم عمر ولدج؟!
م
04-11-2008 | 10:56 AM
أختي مخمل مستحيل ينام ولدي معاها.. ولدي بغرفته لوحده وحاطه له السماعة وغرفته بحنب غرفتنا وهي غرفتها بعيدة بس قلت سبحان الله تسوي شي... آنه ضد فكرة إن الطفل ينام مع الخدامة.. عمر ولدي باين بالتوقيع...
*
04-11-2008 | 11:05 AM
معليش أختي سمحي لي ماحطيت بالي على التوقيع
أنا خفت يكون هو متعود يرقد معاها بغرفة وأنا هالشي يذبحني
ههههههههههههه أنا توني ملاحظة إني تركت الموضوع وسألتج هالسؤال
بس والله أخاف على اليهال من الخدامات بالدرجة الأولى والله يحل مشكلتج ويحفظ وليدج
ش
04-11-2008 | 11:08 AM
ﺍﺧﺗﻲ ﻘﺼﺘﮐﻡ ﻨﻔﺲ ﻗﺻﺗﻨﺎ ﺑﺲ ﺍﺤﻨﺎ ﺧﺪﺍﻣﺗﻨﺎ ﺍﻨﺪﻮﻨﺳﻳﺔ
ﻳﻮﻢ ﻗﺎﻟﺕ ﺒﻨﺘﻬﺎ ﻣﺎﺘﺖ ﻮﻳﻮﻢ ﺰﻮﺠﻬﺎ ﻄﺎﺡ ﻓﻲ ﺍﻟﺸﻐﻞ ﻮﺤﺎﻟﺘﻪ ﺧﻃﻳﺮﺓ ﻮﻜﻞ ﻴﻮﻡ ﺳﺎﻟﻓﺔ ﻗﻟﻨﺎ ﻠﻬﺎ ﺍﺪﻔﻌﻲ ﻔﻟﻮﺲ ﻤﻥ ﻋﻨﺪﺞ
ﻣﺎ ﺮﺿﻳﺖ ﺣﻗﺮﻧﺎﻫﺎ ﻮﺳﻛﺗﻨﺎ ﻋﻨﻬﺎ ﺷﻮﻱ ﺷﻱ ﻨﺳﻳﺖ ﺳﺎﻟﻓﺔ ﺍﻠﺴﻔﺮ ﻟﻟﻳﻥ ﺍﻨﺘﻬﺖ ﺍﻟﻣﺪﺓ
ﺍﻨﺻﺪﻨﺎ ﻗﺑﻠﻬﺎ ﺒﻮﺣﺪﺓ ﻭﺧﺳﺮﻨﺎ ﻣﺎ ﻜﺎﻨﺖ ﺍﻮﻜﻲ ﻭﺤﺮﻜﺎﺗﻬﺎ ﻣﻭ ﺰﻳﻨﺔ ﻣﻊ ﺍﻥ ﺒﺲ ﻔﺘﺮﺓ ﺒﺴﻳﻄﺔ ﻭﻣﻮ ﻣﺴﺘﻌﺪﻳﻥ ﻨﺧﺳﺮ ﻣﻥ ﺠﺪﻳﺪ
ﺣﺎﻮﻟﻮ ﺗﻗﻨﻌﻮﻫﺎ ﺗﺪﻔﻊ
ﻮﺼﺮﺍﺤﺔ ﻤﻥ ﻫﺎﻠﺒﻟﺪ ﻳﻨﺧﺎﻒ ﻤﻨﻬﻡ ﺒﻌﺽ ﺍﻻﺤﻳﺎﻥ ﺘﻜﻮﻥ ﺭﺪﺓ ﺍﻔﻌﺎﻠﻬﻢ ﻏﻳﺭ ﻣﺗﻮﻗﻌﺔ ﻮﻣﺿﺎﺭﻫﻢ ﺍﻛﺛﺭﻣﻥ ﻤﻨﻔﻌﺗﻬﻢ
ﺍﻟﻟﻪ ﻳﺳﻬﻞ ﻮﻳﺴﺭ ﺍﻣﻮﺮﺝ ﺍﺧﺗﻲ ﻮﺘﻟﻗﻳﻥ ﺣﻝ ﻣﻊ ﺧﺪﺍﻣﺗﻜﻢ
ﻳﻮﻢ ﻗﺎﻟﺕ ﺒﻨﺘﻬﺎ ﻣﺎﺘﺖ ﻮﻳﻮﻢ ﺰﻮﺠﻬﺎ ﻄﺎﺡ ﻓﻲ ﺍﻟﺸﻐﻞ ﻮﺤﺎﻟﺘﻪ ﺧﻃﻳﺮﺓ ﻮﻜﻞ ﻴﻮﻡ ﺳﺎﻟﻓﺔ ﻗﻟﻨﺎ ﻠﻬﺎ ﺍﺪﻔﻌﻲ ﻔﻟﻮﺲ ﻤﻥ ﻋﻨﺪﺞ
ﻣﺎ ﺮﺿﻳﺖ ﺣﻗﺮﻧﺎﻫﺎ ﻮﺳﻛﺗﻨﺎ ﻋﻨﻬﺎ ﺷﻮﻱ ﺷﻱ ﻨﺳﻳﺖ ﺳﺎﻟﻓﺔ ﺍﻠﺴﻔﺮ ﻟﻟﻳﻥ ﺍﻨﺘﻬﺖ ﺍﻟﻣﺪﺓ
ﺍﻨﺻﺪﻨﺎ ﻗﺑﻠﻬﺎ ﺒﻮﺣﺪﺓ ﻭﺧﺳﺮﻨﺎ ﻣﺎ ﻜﺎﻨﺖ ﺍﻮﻜﻲ ﻭﺤﺮﻜﺎﺗﻬﺎ ﻣﻭ ﺰﻳﻨﺔ ﻣﻊ ﺍﻥ ﺒﺲ ﻔﺘﺮﺓ ﺒﺴﻳﻄﺔ ﻭﻣﻮ ﻣﺴﺘﻌﺪﻳﻥ ﻨﺧﺳﺮ ﻣﻥ ﺠﺪﻳﺪ
ﺣﺎﻮﻟﻮ ﺗﻗﻨﻌﻮﻫﺎ ﺗﺪﻔﻊ
ﻮﺼﺮﺍﺤﺔ ﻤﻥ ﻫﺎﻠﺒﻟﺪ ﻳﻨﺧﺎﻒ ﻤﻨﻬﻡ ﺒﻌﺽ ﺍﻻﺤﻳﺎﻥ ﺘﻜﻮﻥ ﺭﺪﺓ ﺍﻔﻌﺎﻠﻬﻢ ﻏﻳﺭ ﻣﺗﻮﻗﻌﺔ ﻮﻣﺿﺎﺭﻫﻢ ﺍﻛﺛﺭﻣﻥ ﻤﻨﻔﻌﺗﻬﻢ
ﺍﻟﻟﻪ ﻳﺳﻬﻞ ﻮﻳﺴﺭ ﺍﻣﻮﺮﺝ ﺍﺧﺗﻲ ﻮﺘﻟﻗﻳﻥ ﺣﻝ ﻣﻊ ﺧﺪﺍﻣﺗﻜﻢ
م
04-11-2008 | 11:13 AM
السلام عليكم ورحمة الله.. الله يساعدك على هالشغالة.. انتظري عليها مدة واذ حستيها تناحس اشتري راحتك وصحة ولدك ورسليها لانهم مرات بس يبون يردون ديرتهم يناحسون ويسون البلاوي
م
04-11-2008 | 11:14 AM
أختي مخمل..لا عادي أختي حصل خير..اي صدقتي في ناس يخلون العيال مع الشغالة ينامون مادري شلون يأمنون ماتسوي فيهم شي.....
مشمووم.. الله يعينك أختي والله مالهم الا العيارة.. الحين اللي معاي بالمكتب تقول لي نفس الشي شغالتهم كل يوم لها قصة وبعدين تنسى سالفة السفر وتمت عندهم لين ماخلصت مدتها...
ملكة الصمت... اي الكل يقول لي خلج عليها هالكم يوم وإذا شفتيها ناحست رجعيها.. والحين أكلم مالت المكتب تقول مستحيل أهلها يطرشون لج المبلغ لأن في سيرلانكا مايقدرون يطلعون هالمبلغ برع بالمرة.. عندهم قوانين وشروط...
مشمووم.. الله يعينك أختي والله مالهم الا العيارة.. الحين اللي معاي بالمكتب تقول لي نفس الشي شغالتهم كل يوم لها قصة وبعدين تنسى سالفة السفر وتمت عندهم لين ماخلصت مدتها...
ملكة الصمت... اي الكل يقول لي خلج عليها هالكم يوم وإذا شفتيها ناحست رجعيها.. والحين أكلم مالت المكتب تقول مستحيل أهلها يطرشون لج المبلغ لأن في سيرلانكا مايقدرون يطلعون هالمبلغ برع بالمرة.. عندهم قوانين وشروط...
س
04-11-2008 | 11:22 AM
الله يعينك اذا ظروفكم الماديه تسمح تسفريها فسفريها خصوصاانها مسيحيه يعني الانتحار عندهم مثل شرب الماي وخذيلك باالايجار او خلي ولدك مع الشغاله عند امك لحد رجوعك من الدوام او دخلي ولدك حظانه او روضه على حسب سنه وطنشيها وقوليلها مافي سفر الابعد3شهور .
م
04-11-2008 | 11:30 AM
أختي سولار.. نوعا ما الظروف المادية تسمح بس مو على كيفهم توني من ثمان شهور دافعة 380 دينار للمكتب غير باقي المعاملات الحكومية من تصريح وترخيص وفحص وغيره .. والحين إذا رجعتها راح أدفع لكل شي مرة ثانية...
ولدي مايبقى معاها ولدي من السنة اللي فاتت بالروضة... وأنا أصلا ماخليها بالشقة بروحها أنزلها كل يوم الصبح بيت أمي تساعدهم في طبخ غدانا وبعدين لما أرجع من الدوام آخذها ونرجع شقتنا....
ولدي مايبقى معاها ولدي من السنة اللي فاتت بالروضة... وأنا أصلا ماخليها بالشقة بروحها أنزلها كل يوم الصبح بيت أمي تساعدهم في طبخ غدانا وبعدين لما أرجع من الدوام آخذها ونرجع شقتنا....
*
04-11-2008 | 11:36 AM
والله مشكلة عويصة مشكلة الخدمات هذي الايام ... انا لما بدأت شغالتي الاولى من التذمر والضيق .. خرجتها فورا ... بس الفرق ان احنا الشغالات عندنا مش عن طريق المكاتب .. لهذا سهل التخلص منهن ..
بس انا كرهتي في دنيا حركات الشغالات اللي بلا طعمه .. واتنرفز بسرعة منهن ...
انا من نوع اللي اعامل الشغالات بكل احترام وتقدير .. واكره لما تجي وحدة ما تقدر هذا الشي
انتي اصبري عليها شوي ... واصرت خليها تمشي والله يعوضك في الفلوس
بس انا كرهتي في دنيا حركات الشغالات اللي بلا طعمه .. واتنرفز بسرعة منهن ...
انا من نوع اللي اعامل الشغالات بكل احترام وتقدير .. واكره لما تجي وحدة ما تقدر هذا الشي
انتي اصبري عليها شوي ... واصرت خليها تمشي والله يعوضك في الفلوس
م
04-11-2008 | 11:46 AM
تسلمين أم وسام... والله زين إذا خدمكم مو عن طريق المكاتب أوفر لكم.. أحنا مايصير الا عن طريق المكاتب,, وآشوف هالأيام في أثيوبيات أيبون الخدم بروحهم بس تدفعين سعر التذكرة...
خلنا نشوفها هاليومين والله يسهل الأمور...
خلنا نشوفها هاليومين والله يسهل الأمور...