شوروا علي.. شنو العمل مع هالشغالة؟؟

مناهل78 04-11-2008 50 رد 1,605 مشاهدة
ا
الصراحة اقولج شي اهما الخدم كلهم جذي من اتجي شهر والله شهرين اتبدي في حركاتها واتبدي اتقولج انه فلان مات وفلانة ماتت والله ذكرتني بخدامتنا القديمة وهي اتقول لنا امي ماتت وابوي مات وبعد فترة كان احد متصل ويوم سالنها الا اتقول هذي امي متصلة والله ما ادري اشلون طلعت مني بعفوية وقلت لها من اي مقبرة متصلة خبري فيها ميته وما كان قصدي اتطنز عليها لكن الصراحة ايبطون الجبد ويرفعون الضغط بعد، بس اذا تبين الاحسن وديها والله يعوضج بالفلوس ، وبعد لاحظت انه نتي اتقولين ولدج ينام وياها انا ما انصحج اتخلينه وياها ولا وي غيرها يعني الافضل اتخلينه بروحه في غرفة لان انا ما ابي اخوفج بس يا كثر المشاكل اللي اتصير وما تدرين ، منها مشاكل التحرش الجنسي وغيرها، انا يا حبوبة ما ابي اخرعج لكن عشان انبهج حق النقطة المهمة
ش
الله يعينك هذا هم السيلانيات اسئليني عنهم

ياما شفنا منها الويل تخيلي كل يوم زعلانه

ولا تقعد بالحوش ونص الليل ولابغين بعد نراضيها والله شين وقوة عين

ولاعاد خذي لاكلمت اهلها موتت الي وراها والي قدامها وكله كذااب والدموع

احنا من جد كراهناها وهذا كوم وعفشها وقشها كوم ثاني

احنا يوم سفرناها اخذت اربع شناط وكلاها XLلو بتكلم ماني خلاصه

سفريها وافتكي منها والله يعوضك بالأحسن ياارب

ولو تأخذين اندنوسيه افضل منه
م
الأمورة شجن.. أختي حبيت أنبهكم كلكم لنقطة.. ولدي ماينام معاها.. ولدي ينام بغرفته لوحده وغرفته جنب غرفتنا وبالليل أخلي باب غرفته مفتوح وأشغل السماعة يكون أسمعه والسماعة الثانية بالضبط جنبي... أنا حاطة في بالي هالشي ومستحيل أخليه ينام مع الشغالات أعرف كل السوالف اللي ممكن تحصل...
بس الصراحة ضحكتيني على سالفة المقبرة والله حلوة.. صج يقهرون بجذبهم....


شذى العفاف.. جزاك الله خير على النصيحة.. والله مادري شنو دلع السيلانيات ذي.. يتشرطون ألف شرط... أنا مجربة الأندنوسية من قبل وكانت زينة ولا سوت لي مشاكل طول السنتين.... بنشوف والله يسهل...
ا
رانيا البحرينية;7639397:
الأمورة شجن.. أختي حبيت أنبهكم كلكم لنقطة.. ولدي ماينام معاها.. ولدي ينام بغرفته لوحده وغرفته جنب غرفتنا وبالليل أخلي باب غرفته مفتوح وأشغل السماعة يكون أسمعه والسماعة الثانية بالضبط جنبي... أنا حاطة في بالي هالشي ومستحيل أخليه ينام مع الشغالات أعرف كل السوالف اللي ممكن تحصل...
بس الصراحة ضحكتيني على سالفة المقبرة والله حلوة.. صج يقهرون بجذبهم....


شذى العفاف.. جزاك الله خير على النصيحة.. والله مادري شنو دلع السيلانيات ذي.. يتشرطون ألف شرط... أنا مجربة الأندنوسية من قبل وكانت زينة ولا سوت لي مشاكل طول السنتين.... بنشوف والله يسهل...



تسلمين عمري على الرد هذي مجرد للتنبيه لان في ناس يغفل عنهم هاي الشي ، ووالله قلت لها من اي مقبرة متصلة ؟
أ
السلام عليكم و رحمة الله تعالى و بركاته .. الله يعينك .. و الله سوالف هالخدم تقهر لما تحسين إنك عايشة تحت رحمتهم أعوذ بالله منهم ...

و الصراحة ما ينعرف لهم .. إنتي قولي لها إن تشتغل بقيمة التذكرة و بعدها تروح .. و شوفي ردة فعلهاإذا حسيتي إنها راح تأذيكم أو حسيتي إنها حاقدة عليكم أو مو مرتاحة فعسى الله يعوض عليكم في الفلوس و طرشوها أحسن .. و إذا حسيتين إنها ما عندها مانع فخير و بركة و دبري أمورك في نفس الوقت عشان تجيبين وحدة ثانية.

أني صادفت خدامتين صارت ليي معاهم شوية سوالف .. وحدة جت عندي و هي مستانسة و عاجبنها المكان و الشغل بس شفت ليها تصرفات مريبة شوي فسألتها تبين تقعدين تشتغلين عندي أو لا .. قولي ليي عادي لأني بكلم المكتب و بيدورون ليش مكان ثاني .. قالت لا مدام أبي أقعد عندكم .. و بعدها بيوم شردت من البيت

و الثانية لعبت في حسبتي في البداية .. كل يوم هواش و صراخ و تقول ليي إنها مو راعية مشاكل و هي أم المشاكل .. حتى حاطة بالها ويا ولدي (كان عمره وقتها 5 سنوات ) و تقول ما يحبني و تقعد تصيح .. و إلا الشغالات الثانين ما يحبوني و تصيح و بس خلاص ما أبي أشتغل .. قلت ليها مو لعبة السالفة أني صرفت عليش فلوس حق المعاملات و الفيزا و التذاكر سلميني الفلوس و برجعش .. قالت أوكي مو مشكلة أخويي بيعطيني و كلمني أخوها و لما قلت ليه المبلغ الظاهر تهاوش معاها و قال ليها تقعد مكانها .. و الحمد لله بالدز و يوم هواش و يوم هدوء عدت المدة و قبل شهر خلصت السنتين و راحت و إفتكيت منها .. وش نسوي بس متطلبات هالزمن تخلينا ما نقدر نستغني عنهم .. بس أهم شي مثل ما تعرفين حاسبي على ولدش و لا تخلينها تلمسه لين ما تستقر أحوالكم و حسبوا على أنفسكم و لا تخلونها تطبخ أي شي ليكم

الله يسهل ليش إللي فيه الخير
م
تسلمين أم سلمان على النصيحة... أكلم أمي الحين تقول كاهي ساكته مافيها شي... بس بعد أنت قصتج ادمر من قصصي ولا سالفة الشردة.. لقيتوها أو لا؟؟؟ والله ينخاف منهم بس الواحد شيسوي مضطر خصوصا لين الوحدة تشتغل أو عندها عيال او حامل.. ماتقدر تسوي كل شي بروحها....
أ
والله قصتج مثل قصتي بس أنا سوت لي هالتمثيلية وهي ما كملت 3 شهور ، جان تيي وتقول أمي مريضة وما عطيتها ويه وبعدين تقول ريلي سوا حادث وأنكسرت يده وهم ما عطيتها ويه بس خليتها تكلمه كل يوم . ووديتها المكتب وقلت لهم المرة ما تبي تشتغل تبي ترد ديرتها ودوها وعطوني خادمة ثانية وقالوا لي حطيها عندنا يوم ، وبعدهاليوم جان يتصلون فيني ويقولون لي تعالي أخذيها بس ما تبي ترد وخذتها، وبعد كم يوم أشوف المره معتفسة جان تخم في ويه بنتي الصغيرة عاد أهني طفح الكيل قمت ووديتها المكتب وقلت لهم ما أبيها وتعطوني خادمة ثانية وتميت أهددهم وأصارخ عليهم . وخذوها ويابولي خادمة ثانية.

ونصيحتي لج مدام عندج ياهل تراهم أملعن بيسون ءلي في راسهم وديها وتأكدي أنها راحت لأن بعض مكاتب الخدم يعلمونهم يسون هالحركة وياخذونهم يشتغلون فري فيزا أو حق ناس أهم يعرفونهم.
والله يعوضج بوحدة زييييييييييييييينة.
ع
سفريها وافتكي
الردي هي ماراح تقعد شالفايده تعلمينها وتدرين فالاخير بتروح
هم الخدمات الله يلوع جبودهم
م
أريج المحرق.. مشكورة أختي.. وه شنو هالخدم .. ولا كأنهم محتاجين حق الشغل... عيل أتيون حق شنو؟؟؟ حسبن الله ونعم الوكيل.. أختي تعرفين مكتب زين؟؟؟



أختي عبودي ولدي فديته... الله يكفينا شرهم...
ع
حبيبتي سلامة بيتج وولدج وريلج اهم

لا تحقد عليكم احسن خلها تولي وعوضج على الله .. الكل يتعرض لها المواقف العناد ما بيفيد بشي

صح الواحد ينقهر بس شو نسوي لو حطوا في راسهم انهم ما يبون الشغل لا تترين شي منهم خلاص

مايسوى اتمين عايشه في قلق وخوف عشان شغاله .. خليها تروح بس لو انتي من البدايه ماسكه عليها رواتب كان بيفيدج هالشي الحين

حرصي على ولدج واغراضج ولا تخبرينها بيوم السفر
أ
الحمد لله لقيناها بعد مغامرة ولا القصص البوليسية :)
م
تسلمين أم مصبح.. اي والله خلني أشيل ذهبي وساعاتي وحصالات عبودي بعد لا تلهفهم.... صج مايسوى علي أعيش بخوف... بس أمي وزوجي مصرين أخليها تكرف وتطلع قيمة المكتب لو أخليها شهر وأدبر روحي في هالفترة....



أم سلمان... هههههه حلوة القصص البوليسية.. والله ماوراهم الا التعب وحرق الأعصاب...
م
أختي اقولج الفلوس تتعوض اهم شي راحتج و ولدج و زوجج .. الله العالم لا سمح الله لو طولت معكم شو بتسوي .. دام هذي مصره تروح و كل يوم تطلع بكذبه ما تدري شو بتخطط علشان تذلف!!

حبيبتي ربج كريم انتوا توكلوا على الله و سفروها و الله يكفيكم شرها!

والله شغالة امي مسويه نفس الحاله مشتاقه لزوجها و تسوي نفسها مريضه علشان نسفرها.. لا و الحين صايره ما تاكل عدل ولا تشرب لين صادها جفاف بس علشان تسافر .. و المشكله امي ياحليلها اللي راح تتعب بدون حد يساعدها!!

الله يستر بس
أ
هلا أختي رانيا البحرينية طرشت لج أسامي لمكاتب الخدم على الخاص.
والله الموفق
أ
خليها عندج شهر ليما تحصليي وحده مكانها

وان شاء تحصلي وحده زينه

الله يعنيا على بلالاوي هالخدم
s
اهم شي راحتك اختي سفريها لاتقوم تعمل لك شي

وربنا يكون فعونك
ع
مااحب الداداااات

حتى لما يجو البيت عندنا ناادرا مااتكلم معاهم

فكره حلوه انو تجلس 3 شهور بعدين تسفروها بس اتحملي القهر والطفش والتنكيد كل يوم

ترى اكثرهم بس يطلعو الفلوس الي محتاجينها ويبدأو يقرفوكي عشان تخرجيها

اعتقد والله اعلم انو احنا ثلاث ارباع الدادات مرو على بيتنا لدرجة نروح بيوت الناس ونشوف الدادات الي كانو يشتغلو عندنا

ولا نقولهم مثلا هذي منى تقوم تقولاااااا اسمها ميمي ولا اي اسم تصدقي مايجلسو بنفس الاسم

احيانا ماما تنادي عليها ماترد الا بعد فتره تلاقيها نسيت الاسم خخخخخخخخخخخخخ

الله يعينك
ا
اختي رانيا اول شئ سلامات ما تشوفين شر وان شاء الله صحتك تتحسن

صح انه شئ يعور القلب الفلوس اللي دفعتيها بس ترتاحي من حرقة الاعصاب والخوف اللي انتي عايشه فيه على نفسك وزوجك وولدك

سفريها وادعي الله يعوضك بالافضل من قلب
وان شاء الله ربك كريم وبيعوضك

انا الشغالات يحرقون اعصااابي وينرفزووووني بقوه تعبت نفسيتي منهم وعندي هيستوري وياهم مو حلو ه من تجيني شغاله متعبه اصير متوتره وعلاقاتي تخترب بكل اللي حولي تخيلي!!!
ربي يعوضك حبيبتي حاسه فيكي


والسفر افضل حل
تقبلي مروري
م
شمس الضحى..
أميرة عند زوجي..
sarah-UK...
عيون الفهد...
أريج....


أخواتي الغاليات.... أشكركم الشكر الجزيل على مروركم العطر ومساعدتكم لي بالأفكار.. شكلي أخليها لآخر الشهر ونشوف آخرتها معاها.. أمي تقول الصبح مافيها شي في بيتنا.. بس من نرجع الظهر الشقة سوت هالحركات عشان يعني نمل منها ونرجعها.. أمس كلمتني بقلة أدب وقام زوجي صرخ عليها وهاوشها قال لها أحترمينا عشان نحترمج ونحل مشكلتج وهددها بالشرطة قامت تنتفض وصارت آدمية وقالت هلي بيطرشون الفلوس.. قال لها خلاص توصل الفلوس وأنت بتروحين.. قلت على الأقل أكون دبرت عمري خلال هالشهر بشغالة ثانية.... حسبن الله ونعم الوكيل لو ما الحاجة ما أخذناهم...
أ
السلام عليكم و رحمة الله تعالى و بركاته،

زين إن زوجك كلمها و شد عليها و مدام تقولين خافت فمعناتها إن فاد معاها كلامه .. و تقول لج بيطرشون الفلوس .. قولي لها (بس في قلبك) إنطر يا (......) لين ما يجيك الربيع ... يعني تتصورين لو أهلها عندهم الفلوس بيخلونها تسافر و تتغرب عنهم ... إنتي إستعيني بالله و صبري عليها شوي لين ما تجمعين الفلوس من معاشها ...

و بعد في فكرة .. إذا أمك تقول إن عندها تصير زينه عيل ليش ما تخلينها في بيت أهلك و كل يوم و ترك أو كل ثلاثة أيام وديها شقتكم سعتين و خليها تنظف و تعدل و بعدين رجعيها بيت أهلك

الله يسهل لك إللي فيه الخير حبيبتي
X