مذكرات انسانه متعقدة من الكرشه والوزن

مرحبا رجعت لكم مرة ثانية من عقب الفاصل يعني فاصل ونواصل <<<<< ههههههههه
المهم انا طلعت بحزة الغدا ورحت البيت وجبت غدا من البيت امي مسوية عيش ابيض وصينية دجاج بالخضرة من اللي قلبكم يحبها وطبعا كلها صحية من غير دهون واتجي مثل الشوربة وتغديت اهني مع الستف اللي في شغلنا ، بس تدرون ياريت ما طلعت لان الشمس حدها كانت والحين احس نفسي دايخة كان احد صافقني طراق <<<هههههههههههه المهم وشربت عقبها شاي أخضر ومضغت لي علكة ،وهذا اللي صار لحد الان يعني بالعربي هذا موجز الانباء التفاصيل لاحقا <<<<<<<<<<<<هههههههههههههههههههههههه تابعونا بعد الفاصل (فاصل ونواصل )

هلووووووووووووووووووووووووووووووووووووووووووووووووووووووووو بنات

رجعت اكمل لكم

امس انا قبل ما ارجع البيت رحت البنك علشان اتاكد نزلووو رواتبنا والله لاء ، عشان اليوم اجي اخبرهم انه نزل المهم وصادني موقف الصراحة اشوي واصيح تخيلو رحت البنك علشان اشيك لان للحين ما جهزو بطاقتي توي فاتحة الحساب حضرتي لان الشغل طلبو من افتح الحساب في هاي البنك لان ما يبون غيره ، واقولهم عندي حساب في مكان ثاني قالو لاء لازم كل الموظفين مع بعض ، المهم من العجلة نسيت مفتاح السيارة اهناك وانا حظي عبالي خليته في الشنطة وطلعت رحت اطالع في المحلات اللي يم البنك وقعدت افتر مني ومناك ويوم رجعت لحد السيارة ادور المفتاح الا ما في وتخيلووو رحت المحلات مرة ثانية اسال وكلهم قالو ما في ولما رجعت للبنك جفته انه سكر والله بغيت اموت من الصياح لكن تمالكت نفسي يوم جفت انه الباب مسكر بس الموظفين داخل ، وطلع معاي صاحب المحل اللي يجزاه الخير اللي جريب من البنك وهو كلمهم لان تليفوني كان بالسيارة والله لو ما هالرجال جااان والله صحت ، وبعدين اتصل فيهم وعطوني المفتاح ، المهم طلعت من عندهم وكلمني خطيبي وانا كنت اسوق السيارة لحد ما رجعت البيت ، وبعدين خذيت لي راحة يمكن نص ساعة وبعدين رحت اخذت لي شاور وقعدت مع البيت لحد ما رجع اخوي من السفر وكانت مفاجاة لنا واستانسنه وااااايد وبعدين انا بس كليت لي قطعة خبز من الخباز وبعدها شربت لي عصير تفاح وبعدها بربع ساعة كلمت خطيبي مرة ثانية ورقدت وهذا حق امس .

واليوم 28/10/08
صحيت من النوم على الساعة اربع الصبح ما ادري يمكن كنت بقعد الدجاج من النوم <<<<<ههههههههههههههههههه وبعدين قمت رحت الحمام ايعز الله السامعين وبعدها رديت رقدت لحد الساعة ست وربع وقمت واخذت لي شاور ولبست ثيابي من بعد الكواي وشربت لي حليب مع شاي وي كم قطعة خبز ، لان الصراحة كنت متبعة نظام غذائي وانزعم صحي ويوم وزنت اكتشفت العكس ، فقررت اني ارجع الى نظامي القديم احسن لي وفيه انا اقدر اكل كل شي ابيه وبطريقة معتدلة من غير اي عواقب وبعد اخسر وزن بطريقة صحية وكانت فترتها ما فيني كرشة من استخخدمت هذا النظام طلعت لي كرشة ،فلاااااااااااااااااااااااااااااااااااااااااااااااااااا للكرشة ولاااااااااااااااااااااااااااااااااا للنظام الفاشل ، وإنشاء الله لما ارجع البت راح اكتب لكم النظام كامل لاني عندي اياه في البيت ، والاحين انا في الدوام وبس هذا اللي صار واكمل لكم بقية التفاصيل في النشرة الاخبارية التالية

هاااااااااااااااااااااااي يا حلوين

رجعت لكم بالموجز الثاني <<<<هههههههههههههههه
شربت كوب شاي وحليب من غير سكر وعقبها تقريبا بساعتين شربت لي كوب ماء دافي وبعدها بساعة تقريبا رحت اخذت لي (جريك سلط ساندويش) ولذيذ طعمه لان صحي وكله خضروات وبزيت الزيتون مع الجبن الابيض المالح وكان خفيف ولذيذ وشربت لي عصير مكس فروت مع مكس خضروات توه نازل عندنا في البحرين بس طعمه جنان وشربت لي شاي اخضر وسويت لي تمارين رياضية خفيفة عندنا في الشغل لاني استغليت انه محد اهني وسويت لي تمارين بسيطة وعلكت لي علكة وهذا الموجز لحد الحين انتظروني في الجزء الثاني

مرحبا بنات

اليوم صحيت من النوم وخذيت لي شاور سريع وبعدين انصعقت لان الدورة الشهرية يعزكم الله ردت ياتني بعد فترة اسبوع تقريبا ما ادري ويش السبب يمكن لاني وايد صايرة احاتي وعصبية لان عندي امتحان وخايفة موت امي اتقول هذا السبب وعادي ساعات اللخبطة في الاكل او الهرمونات الجسم ايصير جذي ، المهم بعدها شربت لي ماء دافئ وبعدها تقريبا بساعة فطرت حليب دافي مع ويتبكس اللي ايجي مع الالياف والقمح بدون سكر ( سوري دورت لكم صورته عشان اللي ما تعرفه بس مالقيت:o) وهذا وايد صحي وغني واااااااااااااااااااااااااااايد بكل اللي يحتاجه الجسم من بروتينات وفيتامينات و....الخ وبعدين صعدت ونزلت على الدرج كذا مرة وبعدها رحت البس ملابس الشغل وجيت الدوام وهذا اللي سويته منذ الصباح وانشاء الله بخبركم بكل تطوراتي اول باول

مرحبا الغاليات ... الصراحه ادري انقطعت فترة بس لانها فترة أمتحانات وتسليم بروجيتات ..

المهم الفترة الي انقطع فيها خبصت الدنيا في الاكل بس الحمد لله ظليت محافظة على المشي بس رياضة البطن يوم اتفيج واحصل وقت .. وهاالشي اللي خلاني احافظ على اخر وزن .. يعني 60,9 ...
ومن اليوم رديت للوضع الطبيعي .. اليوم الصح تريقت بيض مسلوق خالي بس مع شوية ملح وفلفل اسود .. ورحت الجامعه .. في الجامعه كلت لي كت كات :o ( لا تخبرون احد بس تدرون قبل الدورة وهالفترة عندي ادور الشوكلاته بالهبل ) ورحت بعد ما خلصت الجامعه الدوام .. ماكلت شي لين رجعت البيت .. وفي البيت سويت لي بيض مع ذرة وفلفل رومي وشوية فلفل حار مع زيت زيتون .... وكلتهم ( ادري كله بيض لوووول ) طبعا تعشيت الساعه 7ونص وكلت لي شريحتين اناناس .. وقعدت ادرس توني بس داخله انزل الموضوع وبروح اغير لبسي واامشي على جهاز المشي وبعدها بسوي تمارين الرياضه ..


وطبعا العصير :) ماراح انساه :)

مرحبا

انا اليوم فطرت ويتبكس وي حليب وعقبها تقريبا باربع ساعات شربت لي hot choclate لان الصراحة احس بصداع فضيع يقتلني من الالم وشكلي لازم اروح اسوي فحوصات طبية لان احس واايد اشياء فيني موب طبيعية يعني احس نظري وايد قاعد ايصير فيه زغللة وبعد احس كله صداع في راسي وغير ذي وذي جسمي كله يعورني فاااااااااااا بسوي فحوصات وبشوف شنو السالفة وبعدين بحاول اسوي لي نظام صحي متكامل عشان اقدر نزل وزني وبعد احافظ على صحتي


طبعا هذه نشرة اخبار امس

صباح الخير يا حلوين

امس رحت وسويت قياسات حق كل شي في الصيدلية حق الوزن والطول ودقات القلب وضغط الدم وحسيت بالااحباط لكن في نفس الوقت بالتشجيع عشان اعطي روحي حماس اكثر علشان انحف اكثر وعقب اسبوعين بقولكم شنو النتيجة واليوم صحيت من الصبح واخذت لي شاور وبعدها صليت الحمدالله لاني كملت من الدورة الله يعز السامعين وبعدها فطرت على حليب دافي ابيض مع بقصم من غير سكر وعقبها بشوي اكلت لي قطعة صغيرة برتقالة وقطعة كيوي وقطعة سفرجل يعني خليت خدامتنه اتقصه صغار واكلت من كل شي قطعة وخليت الباقي حق بعدين في الليل حق ايكون اهو العشا وبروح اضيف عليه بعد اناناس وحبة ليمون وبعدها مشيت اشوي في البيت وبعدها لبست ثيابي حق الدوام وجيت الدوام ولما جيت ادش الشركة ما صعدت في المصعد لكن استخدمت الدرج عشان ايساعدني اكثر ، وحبيت اقولكم امس حسيت شي غريب بس فرحت وقلت لازم اواصل الا وهو بنطلوناتي بدت اتصير واسعة علي يعني احس اني ضعفت بس الصراحة الميزان كلش ما رفع معنوياتي بولا كيلو لكن قلت مو مهم بواصل مدام البداية جذي بواصل وانشاء الله باجر بروح اسوي فحص شامل حق النظر وفحص شامل حق الجسم زيادة في الاطمئنان وباخذ نظام غذائي متوازن من المستشفى والله يسهل



هذه نشرة اخبار اليوم

umshehab
الامورة شجن

ماشاء الله عليكم مجتهدات ان شاء الله توصلون للي تريدونه

الله يوفقكم .. الصراحه تشجعون :D

خلاص بنسوي تحدي وكل وحده تكتب يومياتها هههه

:happy1:

الله يوفقج ياارب
وتوصلين للوزن الي تبينه
اهم شي لا تفقدين حماااسج