مذكرات انسانه متعقدة من الكرشه والوزن

واااوو شجعتيني لووول

انا مشكلتي امشي ع نظام وكل يوم اوقف ع الميزان

بس من اليوم قررت اوقف عليه مره ف الاسبووع

وموفقه الغاليه وان شاء الله توصلييين للوزن الي تبينه

يسلمو اختي

الامورة شجن تسلمين على الباقة والتشجيع :) وعقباااااااااالج حبوبه


اختي كشوه .. غلط انج توزنين كل يوم ها بيسبب لج احباط ... انا مسويه لي جدول في الدفتر مالي واكتب فيه وزني وقياساتي كل اسبوع .. بس انا اخذ القياسات والوزن الصبح :)


اختي كارمن تسلمين على التواجد

مرحبا خواتي اليوم كان يوم جميل خاصه اني وزنت وكنت نازله ....

كلت لي بيضه على الصبح طبعا قبلها نص لتر ماي ... ورحت الجامعه وخلصت الساعه 2ونص طلعت رحت خذت لي نص لتر ماي شربته وبعدها دماااااااااااار كلت لي سندويشة دجاج ورحت الدوام .. طبعا بعد ما رجعت كل لي خضره مطبوخه على البخار مع شوربه جزر وبصل ماما مسويتها بدون ماجي وبدون كويكر او نشا يعني مثل مال المستشفيات ...

بعدين خذت لي ماي ورحت امشي 20 دقيقه على جهاز المشي طبعا كنت ابي امشي اكثر بس ملل لان جهاز المشي في غرفه مافيها تلفزون ..
بعدين سويت تمارين البطن .. وشرب العصير :D



دعواتكم ان جسمي يترتب

قوة
وبعد امس تغديت من السلطة اللي سويتها انا والشعب اللي اهني وتقاسمنها وانا كليت صحن صغير كلش مال بيالة الشاي وشربت لي عقبها بتقريبا بساعة شاي وحليب دافي هني في الدوام، وبعدين شربت لي رشفة ماء وبعدين رديت البيت من الدوام وكليت لي سندويش جبن كاسات مع سلايس بس قطعة وحدة ، وعقب طبعا المزاج اعتفس لاني كلمت خطيبي وهو كان متضايق بس اليوم انشاء الله احسن من امس، وشربت لي كوب حليب دافي مع شاي وشوية سكر وبعدها ما رقدت الا متاخر يعني تقريبا على 12 وانص ، ونمت وانا كنت مطلعة اللي في جعبتي <<<< حلوة ذي جعبتي متعوب عليها صح من الصياااااااااااح وطبعا كنت بروحي لاني ما احب احد ايشوفني وانا اصيح او متضايقة ، وما رحت الجامعة واليوم قعدت من النوم وكلمني خطيبي واهو كان اشوي اوكي واتمنى ايصير اكثر احسن وبعدها قمت اخذت لي شاور سريع وبعدها اكلت لي سندويشة جبن كاسات مع سلايس قطعة وحدة وكوب حليب وشاي داااااافي وجيت الدوام والحين انا في الدوام وهذا حق اليوم

هااااااااي


22/10/08
انا اليوم كان مزاجي اوكي بس الحين ما ادري شنو فيني واحس بشي ايخوفني من داخل بس ما ادري شنو احس الله لا يقوله بصير شي موب زين واتمنى ما ايصير ، المهم طبعا انا للحين في الشغل ولا جبت معاي اي شي حق الاكل فرحت اشتري شوكليت وحليب kdd فانيلا وكان هذا غداي ، واستانست اشوي لانها مطرت على خفيف عندنا ،وكلمت خطيبي وكان الحمدالله اشوي مزاجه معتدل وانشاء الله دوووووووووووووووووم موب يوم انه مزاجه اوكي ، واحس بالم الدورة الله يعزكم يذبحني ، وهذا الى الحين وبعطيكم اخر الاخبار بعدين

مرحبا تكملة امس 22/10/08

أمس رجعت البيت وأخذ لي شوكليت كيت كات وعقبها طلعت مرة ثانية ورحت وصلت مرت اخوي لبيت ابوها لان اخوي مسافر وعقب كلمت خطيبي ورحت اشوف لي مكان حق تغليف الهدايا وكوفي شوب عشان حفلة العيد ميلاد يعني محتمل اني اسوي له حفلته اليوم الثاني من عقب الفندق في كوفي شوب ، وبعدها رجعت البيت وارتحت اشوي وعقبها قمت ارتب غرفتي احسها كانت عفسة اشوي وعقب رحت سويت لي انا والبابا عشا وكان همبرجر من غير ساندويش مع شبس وسويت صلصة الترينجو مالتي وعقبها قعدت اطالع التليفزيون وعقب كلمت خطيبي وانا مزاجي للحين احس بالخوف بس اهو كان يحاول يهديني وعقهبها دايركت رقدت وبس هذا كان للامس

اما اليوم طبعا صحيت من النوم واخذت لي شاور سريع يعني مو سريع كان اشوي ابطئ من امس وبعدين سويت لي سندويش جبن مع طماطم وحدة مع نص كوب حليب وشاي وفطرت فيهم وقعدت مع ولد اختي اشوي وامي بعد وبعدين جيت على الدوام وبعدها تقريبا بساعة اونص كليت نص قطعة كيك كان واحد من الستف جاب لنا كيك على شوكليت وشربت لي ثلاثة ارباع كوب ماء دافئ وبس هذا الى الحين ، اما الغدا فجبت لي موزة وحدة وبرتقالتين وتفاحتين وبس لاني مالي مزاج اسوي لي شي احس بالكسل واليوم بعد الخميس يعني اخر الاسبوع يعني وايد اوكي وهذا الى الحين واذا صار اي شي بخبركم

عمري umshehab حبيبتي لقيت لك ولي حل بس انما ايه واهو انج تاخذين زيت الزيتون واتخلينه يصخن اشوي وبعدين يفتر وتسوين مساج على بطنج وبترووح الكرشة انا جفته في mbc4 في برنامج والله ما صدقت عقب اربع اسابيع بس البنية راحت كرشتها الى النص وانا اليوم بروح اجرب هالطريقة وانشاء الله نستفيد وعلى فكرة انا اليوم شفتها ويا رب اتفيدج واتفيدني

ياعمري من جد معاناه الوحده منا ماتتمنى في حياتها الا تكون رشيقه الله يوفقك وعليك بالرياضه

الامورة شجن والله طريقة يبيلنا نجربها بس عاد لما يطلع زوجي من البيت بسويها بحاول اسويها كل يوم قبل ما اسبح وبشوف النتيجه :):) تسلمين الغاليه على المعلومه ومنكم نستفيد

أمل معلمة ... مثل ما قلتي دايما الرشاقة مارقتنا بس ما عليه نحن لها

صارلي يومين ما أحصل وقت اكتب مذكراتي بس مذكراتي مثل ما أهي بس امس دمرت الدنيا بسبب زوجي كنت راجعة من الشغل الساعه 10 قالي بنتعشا قلت له نجيب لك عشا وانا اكل لي شي خفيف او اشرب شوربة في البيت ... عصب علي قالي انتي اساسا ما ماكله شي اليوم ( كنت متغديه شوربة لووووووول ) طبعا كلت بس عسب ما يعصب علي .. لكن والله ما قدرت انااااااام :confused: عودت جسمي على اني ما اكل دسم فليل فتخيلو مأساتي فليل حتى بعد العشا قعدت اللعب على السيكل والله وصلت 25 دقيقه بعد موت من كثر ما انا حاسه نفسي ثقيله ... حتى عسب اخفف على نفسي شربت شاي اخضر وبعده عصير الكيوي والاناناس بس والله ماشي فايده تميت حاسه بثقل فضيع ما رمت اسوي تمارين بطن

بس صحيت اليوم وعوضتها مشيت على جهاز المشي 25 دقيقه وبعدين سويت تمارين بطن :) خليت ولدي يقعد على ريولي وانا اسوي تمارين البطن علشان يثبتني فديته استانس وايد على باله اللعب معاه ...

طبعا اليوم كلت بيض الصبح من غير خبز او اي شي ( ابي ازيد الكالسيوم تراه ناقص عندي شوي )

والحين بسير اسوي لي شاي اخضر واشربه .. طبعا اليوم بيت عمتي يعني الاكل دسومه على الاخر حليلها والله لما نروح لها ما تعرف شو تسوي .. كل الاصناف والانواع .... يعني اليوم جد لازم ما اتعشى (x) ابي اصير رشيقة لووووووول

بالتوفيق ان شاء الله
و مبروووووووووووووك نقصان الوزن
و الله يوفقك انت و زوجك و يخليه متفهم لظروفك اااااااااااااااااااااامين

يارب يوفقك بس تحسين السير حلو

مرحبا يا بنات اسفة على تاخري وما كتبت لكم شي


يوم الخميس طبعا كان يوم زفت حده في البداية كان واااايد حلو لحد المغرب وبعدين اعتفس المزاج لان صار خلاف بسيط بيني وبين خطيبي والصراحة انا اللي هولت الموضوع وكبرته وقعدت اصيح وبعدها شبه رقدت بس طبعا من عقب محاولات وايد اني ارقد عقب ما كلمته وهو كان يحاول ايهديني ، وبعد ين رقدت وما كليت ولا شي ، يوم الجمعة كان لا باس فيه يعني صحيت من الصبح وتريقيت ورتبت غرفتي وغسلت الثياب لان انا اغسلهم كل جمعة ، وبعدين كلمت خطيبي وكان اوكي كل شي الحمدالله ليك يا رب على ما يرام، وبعدين تغديت مع البيت وخطيبي كان ويانا ووايد استانست لان كان يحاول انه يهديني لاني كنت حدي متضايقة يعني مال يوم الخميس واستانست واااااايد، وبعدها طلعنا ورحنا بحرين مول وقعدنا نفتر اشوي وسوينا اشوية shopping وبعدها رجعنا بيتنا وقعد وياي اشوي ، وبعدها مشى عني والحمدالله انا كنت على خير ما يرام،وبعدها سويت حركة الزيت اللي مساج على البطن وكانت قمة الاناسة وبعد ضفت اليها ورق السلفان عشان احس بالحرارة اكثر ، وعقبها حسيت انه بطني وااااااااااااااااايد ناعم يعني الحمدالله جسمي ناعم لان وااايد اهتم فيه وادهنه بزيت بيبي جونس بعد كا شاور لكن حسيته انعم هالمرة وعرقت وكان وايد احساس حلو وبعدها اخذت شاور وشربت لي كوب حليب دافي وبعدها رقدت .

اليوم السبت 25/10/08

صحيت من النوم واخذت لي شاور سريع وبعدها تريقيت حليب وشاي مع البقسماط ، و رحت المخبز اشتريت cup cake وييت الدوام لان وحدة من الستف قالت بتييب ريوق حقنا انا طبعا ما اتذكرت الا عقب ما فطرت وطبعا جيت اهني الدوام استحيت فاكلت كلش خفيف معاهم وكان وايد حلو لان اشياء صحية ،وطبعا الاكل هندي لان اللي يابته هندية وانا اول مرة في حياتي اكل اكل هندي بس طبعا لما سالت وتفحصت شنو ذي وشنو كان بعدها كليت وها لحد الحين وانشاء الله بكتب لكم الباقي

مرحبا

تكملة امس ونشرة اخبار اليوم <<<ههههههههههه


امس طبعا طلعت من الدوام ورحت مارينا مول رحت اقولهم شيلو الماجنت اللي في الثياب نسووووه وبعدها خذت لي كم لفة في سبلاش ولايف ستايل وماكس وشومارت طالعت الاشياء اللي منزلينها وكانت وايد حلوة، بعدين رديت البيت وبعدها رحت عند خطيبي والصراحة وااايد استانست لانه فأجاني بهدية والصراحة وايد فرحت مو على الهدية اكثر بس لاني في باله اكثر، وعقبها رديت البيت وتغديت رز ابيض ودجاج مشوي مع سلطة ، وعقب رحت سويت فل سيرفس في الصالون من حلاوة وحفاف وبعدين رجعت البيت وتميت احوس مني ومناك في غرفتي وعقبها جهزت روحي حق الجامعة اي نسيت اقول اني خذيت لي شاور بعد قبل ما اطلع من عقب ما رديت من الصالون وعقب رديت من الجامعة وقعدت احوس بعد في الغرفة واجهز اغراضي للددوام وبعدها رقدت.


اليوم 26/10/08

صحيت من النوم الساعة ستة وربع وتميت اتقلب على السرير لحد ما صارت سبع ادلع نفسي <<<<هههههههههه دوامي ثمان وانص المهم قمت من الرقاد واخذت شاور سريع وعقبها كويت ثيابي مرة ثانية وبعدها شربت حليب كاكاو وكليت جبن مع خبز أسمر وجيت الدوام وهذه نشرة الاخبار حق اليوم ، نسيت انا كلمت خطيبي اليوم الصبح عقب ما اخذت لي شاور والحمدالله الحمدالله مزاجنا اشوي اشوي بدى يتعدل وتنحل كل المشاكل الف الحمدليك يا رب وانشاء الله تتيسر امورنا بس ادعووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووولنا

فديتكم كلكم أختكم الامورة شجن

يا مرحبا الساع :) اشكر كل خواتي اللي يتواجدون ويشجعوني انا والاخت الامورة شجن وبتشجيعكم راح نوصل لهدفنا


ادري اني صايره كسوله وما أكتب كل يوم بس شو اسوي الويك اند يكون دايما بزي ومخبووووص ...

طبعا يوم الجمعه قلت لكم رايحين بيت عمتي طبعا لو تشوفون المحاشي اللي انحطط جدامنا واستيك الدجاج :confused: بغيت اصيح لاني اموووووووت في المحاااشي وعمتي ماشاء الله عليها محاشيها تجنن ... طبعا ما قدرت اقاوم كلت لي محاشي من كل الانواع :o شو اسوي المحاشي عشقي وطبعا بليل طلعت مع زوجي رحنا نتعشا طبعا ما قدرت اكل بس كلت سلطه وايد احبها من مطعم ايطالي مو سيزر سلط شي ثاني ما اعرف شو اسمها بس فيها الخس والافوكادو والريحن والدجاج يعني تقدرون تقولون وجبه متكامله .. بعدين دخلنا السينما طبعا ما شربت غير الماااي وزوجي كان ماخذ اسكريم فريرو روشيه من الملاقه خذت لي شوي وكلته ...

طبعا رجعت البيت شربت العصير وماكان في وقت اتمرن فحمدت ربي اني تمرنت الصبح ...

يوم السبت .. كان اسواء يوووم صحيت متاخر وااايد على الساعه 1ونص تريقنا انا وزوجي بيض ( خوش ريوق الساعه وحدة ونص ) بعدها رحنا كارفور تشرينا شوية اغراض ناقصتنا ورجعنا البيت قالي زوجي نفسي في الفهيتا ... سويت فهيتا تغدينا وبعدين بديت ارتب اغراضه علشان يروح الدوام ... طلع من البيت الساعه عشر ونص وانا قعدت اعابل ولدي شربت العصير وكالعادة خليت امي تشرب معاي :D اونها تشجعني ( انا ساكنه في بيت اهلي ) وبعدها نمت يعني لا تمارين ولا هم يحزنووون ....


اليوم صحيت اول شي سويته خذت لي حبة بسكوته كلتها .. وشربت غرشة ماي ... ومشيت 20 دقيقه وسويت تمارين بطن .. اليوم زدت تمارين البطن قبل كنت اسويهم 15 مره كل تمرين الحين مديتهم لـــ 30 مره .... :cool: وطبعا الحين بروح اخذ شور عشان اروح الدوام ... ( شو هالدوام اللي اخر النهار بس عاد شو نسوي خفافيش ):D



اشوفكم بليل واقولكم شو هببت اليوم


سي يو

تابعو هذا الموضوع مهم جدا ومفيد جدا
تجربتي مع الريجيم وفقداني ل21 كيلو في 5 اشهر
وبالتوفيق

ربي يعين ويعاون
وتشوفي نفسك زي ما تتمني يا حلوة

afnanchajar تسلمين الغاليه ...

asaria girl مشكورة على التواجد

مرحبا يا بنات

امس رحت اخذت لي سندويش جبن حق الغدا وي عصير اناناس وطبعا ما شربت العصير لان كنت بموت من البرد و خليت السندويش لحد ما يصير دافي لان كان بارد ، وكلمت خطيبي الظهر والحمدالله كان مزاجه ومزاجي وايد زين اللهم لا حسد ، و شربت لي كوب حليب مع شاي عشان ادفا لان صوتي راح من كثر البرد ، وعقبها رحت البيت وكليت لي فيله مع سلطة وحمص واشوية شبس وبعدها طلعت رحت مركز الانوار اللي عندنا في البحرين وطلع مسويين تخفيضات << انا رايحة بس جذي لكن الصراحة حصلت وايد اشياء استفدت منها وانشاء الله اليوم بروح اشتري لان شريت امس اشياء بس ما كملت وبعدها رجعت البيت وكلمت خطيبي ورقدت واليوم صحيت من الرقاد على الساعة خمس وعشر صباحا وعقب تميت اتقلب لحد ما صار ت الساعة ست وعشر وقمت وخذيت لي شاور وبعدين قعدت اطالع التليفزيون وانا اتريق وسويت لي توست وحدة فيه جبن وشربت حليب وشاي واتعقدت من روحي حدي من عقب لاني ركبت ابي ابدل وقلت يالله خلني اقيس وزني من زمان ما وزنت ويا ريتني ما وزنت لان الصراحة انصدمت انه وزني زاد كيلوين بدل ما ينزل وقررت من باجر امشي على نظام والعب رياضة وبحاول ارتب جدولي حق الدوام وحق الجامعة وحق الرياضة والله المستعان ، وهذه لحد الحين اللي صار وياي وحسيت بتانيب الضمير لاني كنت ماشية على نظام معين عشان اخفف وزن لكن للاسف انه زاد وزني وصادني احبااااااااااااااااااااااط وخصوصا كرشتي احسها كبرت عن قبل ، احس اني بموت من القهر ومن كثر القهر احترت قعدت اطالع كل انواع الرجيمااااااااااات السريعة بس انا بواصل عليها وقريت كذا موضوع اهني لاني من جد احبطت ومن الزين وسلامتكم هذا اللي صار لحد الحين وانا في الدوام الحين