مذكرات انسانه متعقدة من الكرشه والوزن

الله معك وانشاء الله كلنا ننحف ونتخلص مندذا الكابوس اللي اسمه كرشة :sm2441:تشجعي وثابري وحتوصلي باذن الله

اليوم احس باحباط ما انجزت واااايد وكلت كاكاو :confused: نا لعبت غير 20 دقيقه سيكل وشوية تمارين بطن شكلي بخبصها ..... والله احس اني لانزلت شي ولا حتى تغير شي ما ادري ليش مودي احباط هاليوم .. بس ما عليه انا لها بحاول اصحى بدري باجر علشان اتمرن شوي يا أنا يا هالكرشة العبيطه (6).....



طبعا اليوم تغديت الساعه 5 وبعدها ما كلت شي غير كاكاو ونحن في السينما وريلي قاعد يسوي لي اغرائات عشان اكل معاه الفراخ ( بابكورن ) بس قاومت لكن ما قدرت اقاوم الكتكات :confused: وكالعاده توني شربت كاسه العصير العجيب وان شاء الله ايب نتيجه


صاحبتي تقولي يبي لج شاي اخضر عشان تشربيه بعد الغدا بس مب عارفه شو اجيب هي تقولي جيبي لج لبتون بس ما ادري هل هو ينفع ولا لا ...

موفقه اختي ..

انا كان عندي طريقة بعد واستخدمتها ونزلت وزني بالفعل وكنت اشرب يوميا كاس عصير التفاح والكيوي والانااناس وامشي تقريبا لمدة ساعتين وبعد ابي انزل وزني لين ما يوصل 55 كيلو انا كان وزني 78 والحين صار 64 بس بعد جاري انزال الوزن لكن المشكلة الكرشة ما احسها راحت ولا تغير منها شي اي نعم البنطلون صار مقاسه اصغر لكن الكرشة هي هي ولا بعد انا مشكلتي صدري كبير اشوي وخطيبي كل ايقولي اهو زين بس يبي له يصغر اشوي وما عرف تمارين اتصغر الصدر واتشده فاللي اتعرف ابليز اتقولي وياريت بالصور طرارة واتشرط هههههههههههههه، وبعد حبيت اقول اني كل يوم اقوم من الرقاد طبعا كالعادة شبه متاخر ويدوب الحق اجهز روحي حق الدوام، لكن احاول اكل لي شي على الطاير او اشرب حليب من الصبح، وبحاول اني ارجع الى النظام الغذائي المتوازن لاني بديت احس بدوخة واحس نفسي كاني بطيح وجسمي مو متوازن ، فانشاء الله من باجر راح ابدا لان اليوم خلاص ما في فايدة وبكتب لكم شنو ايصير كل يوم بيومه وتقبلو تحياتي وسوري على هذرتي الطويلة

بالتوفيق..................

الله يساعدك ويساعدنى

تسلمون خواتي على المشاركة الفعاله ...

أختي الامورة شجن الصراحه عجبني تواجدتج واتمنى انج تشاركينا بالي تسوينه كل يوم

يوم كئييييييييب من أوله بس بعد شجعت نفسي وفطرت لي على السريع بيضتين بدون خبز او اي شي ... والغدا خدامتنا الموقره قايله لها تسوي لي خضره في جهاز الستيم رايحه بكل ثقه قاليتهم لانها تعرف اني احب الخضره مقليه خاصه الزهره .. طبعا تخانقت وياها بس بعدين ما رمت ابتعد عن الزهره لوووووووووووول كل لي 5 حبات ورحت الدوام منعت نفسي اني اكل او اشرب موكاتشينو :confused: بعد ما رجعت البيت كل لي سليس جبن وبعدها شاي أخضر ولعبت على السيكل 40 دقيقه ( رقم قياسي بس كنت اقرا قصه علشان جي ما حسيت بالوقت )

وبعدها شربت لي عسير الكيوي والاناناس ...وسويت تمارين البطن وركبت الدرج 6 مرات مو أكثر :( شكلي ما بزيدهم والله نفسي ينقطع ...


المفروض أني اوزن واخذ قياسات يوم الثلاثاء الصبح بس الصراحه مووووووووووووووووووووووووووول مب متشجعه ما احس ان في شي تغير .. صح ان الانسان ما يتغير بين يوم وليله بس وايد خايفه لوووول اخاف اني اضعف واترك كل شي واخليه يولي .... بس ابي تشجيعكم .. خاصه اني مشغوله مووووووت جامعه ودوام جزئي وزوجي وولدي يعني يدوووووب ملحقه ساعات احس اني ابا اصيح من الشغل اللي وراي بس انا لها :D خاصه أن جهاز المشي خلاص اتصلح واقدر اشتغل عليه فمن باجر بخليها 20 دقيقه سيكل ونص ساعه مشي

umshehab;7486015:
تسلمون خواتي على المشاركة الفعاله ...

أختي الامورة شجن الصراحه عجبني تواجدتج واتمنى انج تشاركينا بالي تسوينه كل يوم

هلا وغلا حبيبتي كلج ذوق يا عمري

اليوم 20/10/08

اليوم انا راح ابدا اقولكم شنو سويت وللاسف انه احباط بس بحاول اني اعدل المهم انا اليوم قعدت من النوم وااااااااايد متاخر:eek: وجيت الدوام طبعا متاخر والقهر اني انزفيت مو على تاخري على لبسي للعباية لان ممنوع نلبس عباية بس لان ما مداني اني اجهز ثيابي رغم انهم مرتبين ومكويين بس انا احب اكويهم من الصبح احسن احسهم فرش ، وشربت كوب حليب وشاي وبس هذا لحد الحين، بس عندي طريقة انا استخدمها ما بين فترة وفترة طول ما انا قاعدة وهي اني احاول اسحب بطني لداخل لمدة ثواني واحبس نفسي معاه لان هذي الطريقة تساعد على التقليل من الكرشة وتصغيرها بس طبعا في وقت مو قصير بس اكو عامل مساعد ، والقهر اني من السرعة لا حملت فطوري وياي ولا حتى غداي لان ما مدااااااااااني بس يالله بحاول اني اصبر نفسي باي شي حاليا يعني يمكن اشتري اي شي من عندنا بالدوام ولو اني ما احب اكل اكل برة افضل اكل في البيت لان بره اهو اللي مسبب لي مصايب الكرشة وراح ابدا من جديد من باجر باذن الواحد الاحد

اختي الغاليه الامورة شجن ربي يعينج وايسر امورج ادري ان الموضوع صعب خاصه مع الدوام

سبحان الله الواحد صدق لما يصر انه يسوي شي يلاقي العراقيل جدامه بكل شكل بس انا إرادتي قويه هالمره وان شاء الله مثل ما بديت راح أكمل وعندي هدف أن لعيد الاضحى تكون كرشتي خفت شوي ووزني نزل :)

اليوم طالعه من البيت الساعه 6 ونص ووصلت الجامعه 8 يدوووووب كلت لي توست جبن قبل لا أدخل الكلاس وانا رايحه الكلاس خذت لي غرشة ماي حرت كلاساتي لحد الساعه 2ونص طلعت يوعاااااانه حدي رحت مردف اب تاون وخذت لي نص سندويتشه صب واي ( دمااااااااار ) بالصدر المشوي بدون اي نوع من الصلصات وبالبراون برد ... رحت الدوام على الساعه 5 ... شرب لي ماي وانا رايحه .. طلعت من الدوام الساعه 9 والطريق كان ارف وصلت البيت على الساعه 10 خذت ولدي ووديته أصوره لان محتاجين صورة شخصيه له .. وبعدين يدوب رجعها على الساعه 11 وثلث سبحت شربت لي شويه شوربه وعقبها شاي اخضر ...
والتمرين الوحيد اللي سويته اليوم اني صعدت ونزلت الدرج 6 مرات ...

ننسيت أقولكم اني كل يوم احط على بطني خل تفاح وانا اللعب وحتى لما انام بس الايام اللي عندي جامعه من الصبح ما احط لان ماشي وقت اسبح الصبح ...


طبعا اخر شي شربت عصير الاناناس والكيوي والحين حاطه ولدي انومه وبنام معاه ابي اصحى بدري امشي على جهاز المشي والسيكل قبل مااروح الجامعه ....


باجر بقيس وبوزن واتمنى اكون نزلت وولو بالغرامااات .. وبخبركم شو احس من بديت اخفف اكلي وودرت السناكز والاكل بين الوجبات والكوفي ( هاي من اهم مسببات السمنه )

بانتظارك

ماشاء الله نفس وزني لما تزوجت ولماحملت بس لما ولدت وصلت 69 مصيبة

والحين وصل وزني 63 ابي انزل من الستين طفشت

راح اتشجع معاك

umshehab;7496202:
اختي الغاليه الامورة شجن ربي يعينج وايسر امورج ادري ان الموضوع صعب خاصه مع الدوام

تسلمين عمري وأشكرج انج ترفعين معنوياتي وياااااااااج واتصدقين الحين كلشي بعتفس فوق تحت لان ايعزكم الله موعد وصول اللي ما تتسمى كلش جريب يعني يا اليوم او باجر والله المستعان:eek:

أمس تغديت سندويشة جبن مع بيض مفيوح وخيار وخس وشربت معاها عصير أناناس kdd طبعا كان في الدوام لاني اشتريت من برادات جواد اللي عندنا في الشغل ، وعقب رجعت البيت وحسيت توازني كلش موب طبيعي لدرجة انه جسمي قام يرتجف فاكلت قطعتين بيتزا كانت في الثلاجة وعقبها طلعت رحت البرادة اللي يمنا اشتري منها كرت تعبئة لان الصراحة كنت احاتي خطيبي من عقب ما كلمته كان صوته موب عاجبني، وبعدين رجعت البيت وكلمته ومزاجه ومزاجي حده زفت لان كل ما انفكر في شي ونحاول انه انسويه ما كان ايصير بس طبعا دوري كزوجة ايحتم علي اني ما ابين له واحاول كثر ما اقدر اخف عنه بس من داخلي قلبي يتقطع ، وبعدين سويت لي شبس وكبة وشربت وياهم عصير أناناس وعقبها حليب يعني اليوم كله كان خربطة في خربطة ، وبعده بتقريبا ساعة رحت رقدت وخلال ما كنت انا اكل كنت طبعا اطالع التليفزيون يعني اليوم كان كلش فاشل ومن الزين ادري يبي لي تهزيء وادري اني عفست كل شي فوق تحت لان انا فيني طبع الله المستعان عليه انه من اتصير النفسية زفت او جريب الدورة ما عرف شي غير الاكل واحاول اني اتخلص من الطبع الكريه بس موب قادرة اتمنى اذا يعني جربت الدورة يعزكم الله او لا سمح الله صارت نفسيتي زفت انه تنسد نفسيتي عن الاكل عشان ما اكل ، وهذا كان موجز امس اما اليوم الثلاثاء 21/10/08 صحيت من الصبح وقمت اخذت لي شاور على جسمي بس يعني شي سريع وبعدين شربت كوب حليب وشاي مع اشوية سكر وبعدها جهزت لي غدا حق الدوام وسويت لي سلطة باردة فيها ذرة ونخي وخس وفاصوليا حمرا وجزر ومعكرونة بيضا وخلطت معاها ريحان جاف عشان الطعم وجبت معاي عصير اناناس أوال ، وطلعت من البيت على الساعة 8 و21 دقيقة ووصلت الدوام على الساعة 8 و40 دقيقة ، وحطيت السلطة في الثلاجة اللي عندنا في الشغل ، ادري بتقولون اي رجيم اي بطيخ لكن شنو اسوي النفسية زفت اي نسيت اقولكم اني كلمت خطيبي وكان صوته للحين مو ذاك الزود وهو نفس ما انا احاول اخفف عنه اهو بعد يحاول بس إنشاء الله يا رب تنحل المشكلة اللي احنا فيها على اليوم او باجر بالكثير واليوم من بعد الدوام بإذن الله عندي كلاس في الجامعة بس عندي مسافة ساعتين اقدر اروح فيها البيت ، ومقررة اني عقب ما اطلع من الدوام اروح امشي لي ساعة وعقب ارجع البيت اخذ لي شاور واجهز نفسي حق الجامعة واروح الجامعة وطبعا لازم يتخلل الوقت اني بتصل حق خطيبي عشان اطمن عليه وابليزززززززززززززززززززززززززززززززززززززز اللي تدخل تدعي لي ولخطيبي دعوة من ان الله يفرج المشكلة اللي احنا فيها وتنحل ونكمل اللي بيديناه وتسلمون يالغلا وسوري على هذرتي الطويلة وقصة حياتي كلها اي ونسيت اقول طول ما انا في الدوام احاول امشي يعني لو شي خفيف واحاول اني اسحب بطني على الداخل اذا كنت قاعدة او امشي لانها اتساعد في تقليل الكرشة وخله بس تنتهي الدورة ولكم مني وعد اني ارجع الى نظامي القديم واواصل عليه بس ادعوووو لي ومن قلبكم وخصوصا في صلاتكم

والحين اشرب كوب شاي أخضر وانا في الدوام

الغاليه الامورة شجن الله ايسر امورج و يخلصك من حيرتك ومشاكلك انتي وخطيبك ونشوفكم في بيت واحد عن قريبا أن شاء الله ..وبعدين لا تحاتين أغلب الحريم ايام الدورة أو قبلها تلاقين نفسيتهم زفت ومفتوحه على الاكل .. أنا وحده أيام الدورة أكون متخبله على الحلويات والشوكلاته اصير مفجوعه ابي اكل شوكلاته طول الوقت ...

يالله ان شاء الله اتخلص دورتج وتردين لنظامج

اليوم صاحيه مزاجي متعكر كله خايفه أوقف على الميزان وانصدم بس الحمد لله صار العكس :D

ما تتخيلون كيف مستانسه صح يمكن بعضكم يشوف انها شي بسيط اللي نزلته بس انا اشوفه وايد :D

اخليكم مع الوزن والقياسات

الوزن : 60,9 ( الوزن اللي خسرته 2,1)
الخصر فوق السره: 32 inchs (ما تغير شي )
الخصر تحت السر: 36,2 Inchs ( نزلت 0,3 inchs بس )
الارداف: 23,3 ( بس 0,3 inchs )


استانست وااااااااااايد من الوزن الي نزلته بس مصدومه ان ماتغير وايد في الخصر اللي عندها سر تفيدنا

umshehab;7500108:
الغاليه الامورة شجن الله ايسر امورج و يخلصك من حيرتك ومشاكلك انتي وخطيبك ونشوفكم في بيت واحد عن قريبا أن شاء الله ..وبعدين لا تحاتين أغلب الحريم ايام الدورة أو قبلها تلاقين نفسيتهم زفت ومفتوحه على الاكل .. أنا وحده أيام الدورة أكون متخبله على الحلويات والشوكلاته اصير مفجوعه ابي اكل شوكلاته طول الوقت ...

يالله ان شاء الله اتخلص دورتج وتردين لنظامج

تسلمين عمري وربي يحميج

umshehab;7500173:
اليوم صاحيه مزاجي متعكر كله خايفه أوقف على الميزان وانصدم بس الحمد لله صار العكس :D

ما تتخيلون كيف مستانسه صح يمكن بعضكم يشوف انها شي بسيط اللي نزلته بس انا اشوفه وايد :D

اخليكم مع الوزن والقياسات

الوزن : 60,9 ( الوزن اللي خسرته 2,1)
الخصر فوق السره: 32 inchs (ما تغير شي )
الخصر تحت السر: 36,2 Inchs ( نزلت 0,3 inchs بس )
الارداف: 23,3 ( بس 0,3 inchs )


استانست وااااااااااايد من الوزن الي نزلته بس مصدومه ان ماتغير وايد في الخصر اللي عندها سر تفيدنا

مبروووووووووووووووك حبيبتي والى الامام انشاء الله واحلى باقة ورد للحلوين عشان التشجيع(f)(f)(f)(f)(f)(f)(f)(f)(f)(f)(f)(f)(f)(f)(f)