محطة ترفيه .. استراحه ووو صراحه ..كلكم مدعوات تفضلوا ..

ام شــهــد;7633555:
ان شاء الله يارب

والحمد لله على السلامه ويارب ماتشوفي المستشفى الى بمراجعاتك ونتي حامل يارب


ان شاء الله بروح اشيك

والله انا معاكم وكل يوم ادعيلكم من كل قلبي

والحين مطر ماشاء الله مره غزير وجالسه ادعي والله كريم :)


ولك مني احلا حلاوه














وهاذي هديه بمناسبة طلوعك من المستشفى


(g)

(^)

(f)

:15:

مرسيه يا أم شهوده ربنا يعطيك من كل خير الدنيا والأخرة يارب
وعلى فكرة الجو هنا عندنا ف الغردقة تحفة .. خيال شمس دافئة وجميلة والليل شوية نسمات جميلة والحمد لله أن عندكم مطر ركززززززززززززززززى أوى بأه ف الدعاء وربنا يتقبل منك أن شاء الله ومرسيه على هديتك يا قمر :888345: :9_33::9_33::9_33::9_33:

لحظةحب;7633659:
حمد الله على سلامتك نوجا وترجعى تنورى بيتك بالسلامه
الله يرزقك يارب اللى تتمنيه عاجلا غير اجلا ويسعدك يارب
والله حبيتك من طريقه كلامك ما شاء الله عليكى عسوله ..والبنات مسبوش اسئله
بس قوليلى ايه اصعب حاجه حصلتلك وكل ما تفتكريها تحسى كانها لسه حصلالك مش عده عليها فتره؟

أشكرك يا لواحظ ههههههه قريت مرة حد بيدلعك كده مش فاكره مين بس أنا هقولك يا ظاظا ربنا يسعدك يا ظاظا يارب وينولك اللى ببالك قريبــــــــــــــــــــــــــــا

ايه اصعب حاجه حصلتلك وكل ما تفتكريها تحسى كانها لسه حصلالك مش عده عليها فتره؟

لما أمى دخلت المستشفى وكان عندها مغص فظيع وبتتقطع ف الأرض وقىء مستمر مش بينقطع لمدة يومين وبعد ما وديتها المستشفى كل الدكاترة مش عارفين يعملوا لها حاجة وفين بعد 4 أيام أكتشفوا أنه سرطان ف القولون وكان الورم كبير ومتأخر م الدرجة الثالثة وفضلت أنا ,اخويا الكبير وأخويا الصغير قاعدين ع الأرض أدام غرفة العمليات بالمستشفى لما دخلتها من الساعة 11 مساءا وخرجت من غرفة العمليات 7 صباحا لأن حالتها كانت خطيرة وأستـأصلوا لها جزء من القولون مهما وصفت عن أد أيه قلبى كان هيقف م الألم والخوف والرعب الكلمات هتعجز عن التعبير وكنت أنا وأخوتى بنحضن بعض ونبكى أمام غرفة العمليات وقاعدين ع الأرض ولما خرجت أدامنا فاضلين نبوس رجليها لحد ما وصلت غرفتها بالمستشفى
عمرى ما هنسى الساعات دى وأفتكرتها أكتر لما أتعرضت أنا لنفس ألام أمى ونفس الأعراض ونفس الظروف اللى حصلت ودخلت المستشفى الأسبوع اللى فات وبرضه الدكاترة كانوا مش عارفين أيه وكنت مرعوبة لأكون زيها لكن أحمد ربى وأشكر فضله خير يارب أكيد طالما خرجونى

وعلى فكرة مامتى عملت جلسات علاج بالكيماوى والحمد لله شفيت ببركة ربنا وبصبرها وأيمانها لأنها بجد مش علشان هى أمى والله زى الملايكة ولو شفتوها هتحبوها أوى لأنها حاجة كده نقية وبريئة عاملة زى الأطفال

فرح مرح;7635035:
السلام عليكم للاخت نوجاربي يرزقك الدرية الصالحة للى فت انتباهي موضوعك يمكن لانني في نفس وضعك سؤال السبب الطبي لعدم الانجاب لربمي اسعدك في هدا الموضوع بحكم تردي على الاطباء

أهلا حبيبتى ربى يجازيكى كل خير ..

أنا بصراحة مش فاهمة كلامك شوية بس لو بتسألى عن السبب عندى فى عدم الانجاب هو : التصاقات شديدة بمنطقة الحوض والبطن ومرض داء البطانة المهاجرة أو بطانة الرحم أو الأندومتريوزيس دى أسمائه كلها وحليب طبعا ف الصدر الهرمون مرتفع وحاليا ضعف تبويض يعنى كل موانع الحمل عندى والحمد لله وألف شكر لك يارب

رينالو;7635918:
الحمد لله على السلامه نوجا
وطهور ان شاء الله ....

أزيك يا رينو عاملة أيه يا حبيبتى ..أشكرك يا قلبى لذوقك ورقتك ومرسيه لبوكيه الورد والتورتة دى جميلة أوى عرفتى منين أنى بحب التورتة ؟ هههههههه ربنا يكرمك يا رينو وينولك اللى ف بالك :8875::flower::flower: دول وردتين من البوكيه بتاعك هههههههه

حبيبتي نوجا سؤالى
ايش الحاجه الي بكيتي عليها من قلبك
وايش أسعد لحظه مريتي فيها
ايش الخيارات الصعبه الي حصلت لك بحياتك وليش خترتيه
وسلامتك ياعسل

السلام عليكم أختي الغالية نوجا
الحمد لله على سلامتك وطهور إن شاء الله إن شاء الله تبشري قريباً بغلام حليم.. ولا إنت تحبي البنات أكثر؟

أنا عندي سؤال واضح من كلامك انك انسانة عايشة لمن حولك كثير هل عمرك ندمتي على خدمة سويتيها لأحد؟ أو خسرتي رفيقة لأنها ما قدرتك؟

سؤال ثاني لو ما يضايقك.. :)كيف بتوفقي بين عملك وبيتك؟ أصلاً واضح انك انسانة ناجحة ما شاء الله في الاثنين :) لأني بجد أريد أرد اشتغل بس خايفة ما أوفق.. وهل تفكري تسوي ماستر؟

معليه آخر سؤال؟؟ شو هي أول وسيلة تلجئي لها عند حدوث أزمة معاك؟ وكيف تتصرفي لو إتضايقتي من كلام أحد؟

والعفو منك على الاطالة (f)

noga2472007;7636482:
أشكرك يا لواحظ ههههههه قريت مرة حد بيدلعك كده مش فاكره مين بس أنا هقولك يا ظاظا ربنا يسعدك يا ظاظا يارب وينولك اللى ببالك قريبــــــــــــــــــــــــــــا

ايه اصعب حاجه حصلتلك وكل ما تفتكريها تحسى كانها لسه حصلالك مش عده عليها فتره؟

لما أمى دخلت المستشفى وكان عندها مغص فظيع وبتتقطع ف الأرض وقىء مستمر مش بينقطع لمدة يومين وبعد ما وديتها المستشفى كل الدكاترة مش عارفين يعملوا لها حاجة وفين بعد 4 أيام أكتشفوا أنه سرطان ف القولون وكان الورم كبير ومتأخر م الدرجة الثالثة وفضلت أنا ,اخويا الكبير وأخويا الصغير قاعدين ع الأرض أدام غرفة العمليات بالمستشفى لما دخلتها من الساعة 11 مساءا وخرجت من غرفة العمليات 7 صباحا لأن حالتها كانت خطيرة وأستـأصلوا لها جزء من القولون مهما وصفت عن أد أيه قلبى كان هيقف م الألم والخوف والرعب الكلمات هتعجز عن التعبير وكنت أنا وأخوتى بنحضن بعض ونبكى أمام غرفة العمليات وقاعدين ع الأرض ولما خرجت أدامنا فاضلين نبوس رجليها لحد ما وصلت غرفتها بالمستشفى
عمرى ما هنسى الساعات دى وأفتكرتها أكتر لما أتعرضت أنا لنفس ألام أمى ونفس الأعراض ونفس الظروف اللى حصلت ودخلت المستشفى الأسبوع اللى فات وبرضه الدكاترة كانوا مش عارفين أيه وكنت مرعوبة لأكون زيها لكن أحمد ربى وأشكر فضله خير يارب أكيد طالما خرجونى

وعلى فكرة مامتى عملت جلسات علاج بالكيماوى والحمد لله شفيت ببركة ربنا وبصبرها وأيمانها لأنها بجد مش علشان هى أمى والله زى الملايكة ولو شفتوها هتحبوها أوى لأنها حاجة كده نقية وبريئة عاملة زى الأطفال

امـــــــــــــــين يارب
هههههههههههههههههه فعلا يا نوجا مره كانت السهره حلوه فى الشات ويوميزو طلعت على لواحظ دلع للحظه ومن يومها وخلاص نسيوا لحظة وبقيت لواحظ ههههههههههههه بس انتى ولا يهمك دلعينى زى ما انتى عايزه

الحمد لله على سلامت مامتك ويارب ما تشوف شر ابدا ..ومعليش فكرتك بموقف صعب الا الاب والام تعبهم بيتعب الواحد ويخليه يحس بالضيع ربنا يخليه ليكم يارب ويحفظها ويديها طوله العمر
وبعد الشر عليك يا جميله وحمد الله على سلامتك خروجك من المستشفى بالسلامه والله يحفظك من كل سوء ويسعدك ويرزقك ما تتمنيه عاجلا غير اجلا

أم عايد;7638224:
حبيبتي نوجا سؤالى
ايش الحاجه الي بكيتي عليها من قلبك
وايش أسعد لحظه مريتي فيها
ايش الخيارات الصعبه الي حصلت لك بحياتك وليش خترتيه
وسلامتك ياعسل

ايش الحاجه الي بكيتي عليها من قلبك
بصراحة أنا بكيت من قلبى كتير لكن اللحظة اللى كنت حاسة أن قلبى هينخلع من صدرى من كتر بكايا :cry::cry::cry::cry:كانت حرقتى لما عملت تلقيح مجهرى السنة اللى فاتت وبعد ما سحبوا منى البويضات قالوا اتصلى بكره نقولك أيه الأخبار ولما أتصلت قالوا فشلت ما فيه بويضات وجريت ع المستشفى أسأل الدكتور ليه ما فيه بويضات أنا شفتهم ع السونار وأنت قلت ما شاء الله حجمهم زين أوى قالى بويضاتك فارغة يا مدام قلتله يعنى أيه قال مش ناضجة يمكن السن علشان فوق ال30 ويمكن بطانة الرحم هى السبب المهم أنك تنسى موضوع الحمل ده نهائى قلت له أحاول تانى قالى لأ أنت مش هتحملى أبدا لا بطريقة عادية ولا بطفل أنانبيب ولا حتى لو روحتى أمريكا :21_131::sad:
معرفش خرجت من عنده أزاى وركبت عربيتى ومن كتر بكائى ما كنت شايفة الطريق وربنا ستر أن البيت قريب من المستشفى وطول ما أنا سايقة ببص لربنا من شباك العربية وأقوله اللهم أجرنى فى مصيبتى وأخلفنى خيرا منها ,طيب طبطب عليا علشان أنا محتاجة لك أوى وحتى لو أنت كنت زعلان منى وأنا عملت حاجات تغضبك عليا أنت أكبر من كده أنت غفور عظيم ليه حكمت عليا بكده طيب هو كلام الدكتور ده صحيح ؟ وفضلت أهرتل بالكلام وأكلم ربنا بالطريقة دى لحد ما وصلت البيت منهارة تماما .. وربنا يسامحنى على طريقة كلامى ساعتها بس الحمد لله على كل شىء
وايش أسعد لحظه مريتي فيها
أسعد لحظة ف حياتى يوم فرحى من جوزى الحالى ولما كنت أنا وهو مش مصدقين نفسنا م السعادة وفضلنا نرقص مع بعض من أول الزفة لحد ما الفرح خلص لدرجة طرحتى وقعت من كتر الرقص ههههههه كنت حاسة أنى أول مرة بتجوز وهو نفسه قالى نفس الكلام أنه حاسس أنه أول رجل ف حياتى
ايش الخيارات الصعبه الي حصلت لك بحياتك وليش خترتيه
أممممممم سؤال حلو بس أجابته صعبة يمكن لأنى أتعرضت لآختيارات كتيرة ف حياتى وبصراحة دايما كنت بأجى على نفسى لمصلحة اللى أدامى وخصوصا لو كان حد من أهلى.. لكن ممكن أقولك أقرب أختيار صعب أنا أتحطيت فيه
الشهر اللى فات لما جوزى أتنقل الغردقة وأنا شغلى بمصر وكان نفس توقيت نقل جوزى هو نفس التوقيت اللى أنا المفروض أسافر فيه فرع الشركة بتاعتنا ف قطر هشتغل هناك وبعد شهر أبعت له ونعيش هناك لكن هو قالى لأ مش ممكن تسافرى لوحدك من غيرى أنا مش هسافر لسة وأدور على شغل وأستناك هناك فى البيت لغاية ما ترجعى من شغلك أنا هنا فى شغلى وأنت قررى شوفى عايزة أيه بس هيكون فيه مشكلة كبيرة بينا لو سافرتى من غيرى فأعتذرت عن سفر قطر وقدمت أجازة من شغلى (مع أنى بعشق شغلى ) وسافرت له الغردقة
وشكرا ليكى يا قمر

رضوان الله أرجو;7638485:
السلام عليكم أختي الغالية نوجا
الحمد لله على سلامتك وطهور إن شاء الله إن شاء الله تبشري قريباً بغلام حليم.. ولا إنت تحبي البنات أكثر؟

أنا عندي سؤال واضح من كلامك انك انسانة عايشة لمن حولك كثير هل عمرك ندمتي على خدمة سويتيها لأحد؟ أو خسرتي رفيقة لأنها ما قدرتك؟

سؤال ثاني لو ما يضايقك.. :)كيف بتوفقي بين عملك وبيتك؟ أصلاً واضح انك انسانة ناجحة ما شاء الله في الاثنين :) لأني بجد أريد أرد اشتغل بس خايفة ما أوفق.. وهل تفكري تسوي ماستر؟

معليه آخر سؤال؟؟ شو هي أول وسيلة تلجئي لها عند حدوث أزمة معاك؟ وكيف تتصرفي لو إتضايقتي من كلام أحد؟

والعفو منك على الاطالة (f)

أهلا بيكى حبيبتى الله يسلمك وتسلمى يا قلبى
والله كل اللى يجيبه ربنا جميل

هل عمرك ندمتي على خدمة سويتيها لأحد؟ أو خسرتي رفيقة لأنها ما قدرتك؟

الحمد لله عمرى ما بندم على خير أعمله أبدا ولا أنتظر شكرا من أحد وبالعكس ساعات أعمل خدمة لشخص وممكن يأذينى بعد كده وفجأة مثلا ألاقى حاجة أو فرصة ليه كويسة ف شىء أجرى أعملها له ( والناس بتقول عليا هابلة وأولهم جوزى لكن ربنا أعلم بالنوايا أنا بعامل ربنا )
كيف بتوفقي بين عملك وبيتك؟
بصى حبيبتى أنا الحمد لله شخصية أكتيف شوية وأهم حاجة أنا بحس أنها بتنجح اللى بعمله أنى بحب اللى بعمله يعنى بحب أعمل كل يوم مثلا طبخة جديدة لجوزى علشان ما يمل م الأكل وطريقة طبخى بتخلى موضوع المطبخ ده سهل عليا لأنى بطبخ بشكل صحى وتحضيرى للأكل ما بيأخد وقت فممكن تلاقينى عملت 3 أو 4 أصناف أكل ف ساعتين بكل شىء ويكون جاهز للأكل فقصدى لازم تحبى كل حاجة بتعمليها هتلاقى نفسك بتعمليها بسرعة
وكمان أنا عندى ميزة بتسهل عليا موضوع التوفيق بين البيت والشغل أن شغلى أنا من 10 ص الى الساعة 4 عصرا , وشغل جوزى من 11 ص الى 12 مساءا فعندى وقت كبير أعمل فيه كل حاجة أطبخ وأخرج وأجهز البيت وأهتم بمظهرى والحمد لله على كل حال
وهل تفكري تسوي ماستر؟
فعلا فكرت فى كده وكنت هنفذ ده بعد طلاقى من زوجى الأول لكن بأه لما أتجوزت تانى وأنشغلت بحبيبى أجلت الموضوع شوية
شو هي أول وسيلة تلجئي لها عند حدوث أزمة معاك؟ وكيف تتصرفي لو إتضايقتي من كلام أحد؟

بجرى على ربنا وأفضل ساجدة ف الأرض وساعات أكلمه وأشكى له وساعات أبكى أوووووووووى بس

ولو أتضايقت من كلام أى حد بيظهر على وشى فورا وبتلاقينى فى صمت رهيب ومعرفش أكمل أى كلام أقوله ومش بعرف أرد ف وقتها ولو فى مكان عام بستأذن بذوق أو بحركة لباقة وأمشى ولو فى البيت أو عند حماتى مثلا بجرى على قصص ميكى جيب وأشغل نفسى بيها علشان ما أبكى أمام حد

ومرسيه يا جميلة على أسئلتك وأتمنى أكون أفدتك

لحظةحب;7639750:
امـــــــــــــــين يارب
هههههههههههههههههه فعلا يا نوجا مره كانت السهره حلوه فى الشات ويوميزو طلعت على لواحظ دلع للحظه ومن يومها وخلاص نسيوا لحظة وبقيت لواحظ ههههههههههههه بس انتى ولا يهمك دلعينى زى ما انتى عايزه

الحمد لله على سلامت مامتك ويارب ما تشوف شر ابدا ..ومعليش فكرتك بموقف صعب الا الاب والام تعبهم بيتعب الواحد ويخليه يحس بالضيع ربنا يخليه ليكم يارب ويحفظها ويديها طوله العمر
وبعد الشر عليك يا جميله وحمد الله على سلامتك خروجك من المستشفى بالسلامه والله يحفظك من كل سوء ويسعدك ويرزقك ما تتمنيه عاجلا غير اجلا

ظاظا أزيك يا جميلة ... يارب ليكى زى دعواتك ليا وأكتر منها بكتييييييييييييييييييييييييييير
ولا يهمك يا ظاظا ما أنا مش بنسى دايما بفكر نفسى بالحاجات دى علشان أعرف قيمة الوقت اللى بيعدى عليا وأنا كويسة وأقدر نعم ربنا عليا
وأسعدتينى والله يا ظاظا بأسئلتك وأنا سعيدة بمعرفتك

أشكرك أخت ريحانة القدس
موضوووووووووووووووووووووووووع رائع

بنات أسمحوا لى عايزة أخد رأيكم فى حاجة أنا عملتها أنهاردة فى عروس ..
أنا دخلت الفجر على قسم قضايا وحلول لقيت موضوع واحدة كاتباه للسعوديات فقط وبتتكلم فيه عن عريس متقدم لبنتها وأنه ابن حلال وكويس بس هى خايفة أوى لأن أمه مصرية ولقيتها كاتبة الموضوع بطريقة مهينة شوية للمصريات ومعرفتش أرد عليها لأن النت فصل عندى وبعدين فى الظهر لقيتها مغيرة صيغة وطريقة الكلام فى موضوعها تقريبا الادارة نبهتها أو حاجة
المهم أنا أرسلت لها رسالة ف الخاص و ده نصها :السلام عليكم ورحمة الله وبركاته
الأخت العزيزة .. أسمحيلى بتعليق خاص على موضوعك اللى كتبتيه للسعوديات فقط أنا دخلت ع الموضوع ف الفجر وكنتى كاتبة أن أم العريس مصرية وكنت كاتبة الموضوع بطريقة تجرح فى المصريات وما عرفت أرد عليكى لأن النت فصل وبعدين دلوقتى غيرتى طريقة الكلام فى موضوعك

بصى أولا مبروك لبنتك ,ان شاء الله خير
ثانيا هو أنت عاشرت مصريات كتير وقربتى منهم علشان تحكمى أن كل المصريات قويات ومفتريات لدرجة أنك خايفة على بنتك من حماتها ؟؟

حبيبتى كل مجتمع فيه كل المتناقضات وياما بنسمع عن حموات فى دول عربية والخليج بيعملوا شغل حموات على أصله مش المصريات يعنى بس وبعدين أى ست مصرية بتحب أبنها دايما بتفكر ف سعادته وعمرها ما تفكر تأذيه أو تخرب بيته أنا معاكى فى سيدات بيتدخلوا ف حياة أبناءهم لكن الأساس بيكون ع الرجل الزوج يعنى بيسمح لأمه تدخل ف حياته ولا لأ
أنا بصراحة مش عارفة أتكلم براحتى وأفهمك أزاى أن مش المصريات هما اللى فيهم حموات وحشين
لكن رغم ذلك بنصحك أعرفى الست الأول وأبدأى معاها بحب وعامليها كويس وشوفى هتلاقى منها أيه وربنا يعمل لبنتك كل خير

وأعذرينى أن أرسلت لك الرسالة ولكنك هنتى المصريات بكلامك وكان بصراحة جارح وأنا مصرية وأعتز بمصريتى وأعلم تماما شعور كل سيدة مصرية أكثر منك

سؤالى أنا غلطت أنى بعتلها رسالة طالما هى غيرت طريقة كلامها ؟؟؟؟؟ أنا مش متعصبة ولا حاجة وبالعكس أنا بعتبر ما فيش حاجة أسمها حدود وعرب ومصريين بعتبر نفسى من كل الجنسيات لأنى مسلمة ومش بحب التفريق بين الناس على أساس بلد أو لغة أو غيره بس بصراحة زعلت أوى من طريقة كلامها

أنا كده أندفعت ؟؟؟؟ ردوا عليا قولولى رأيكم أيه

اختي نوجا كلامك صحيح حتى السعوديات فيه منهم يتدخلون في حياة اولدهم
وانت من حقك تدافعين واي وحده في مكانك ممكن تندفع وتقول نفس الكلام الى قلتي ...
هذا رائي ولو القي موضوع يسئ للسعوديات اكيد ما راح اسكت واصابع ايدك مو سوى فيه حموات ينحطون على الجرح يبراء وفيه حموات في كل صغيره وكبيره يتدخلون ..

هلا نوجا

انا معاج انتي سويتي الي لازم تسوينه كلنا اخوان وعرب


والله انو زوجت عم زوجي مصريه بس ماشاء الله عليها مثل العسل


وطبعن كل ام تختلف عن الثانيه موشرط تكون مصريه لا في سعوديات وخليجيات بيصفه عامه

اقوه من المصريات


وبالا خير هي يمكن حست بغلطها او احد المشرفات نبهوها


وكلنا نغلط سامحيها يمكن ماتقصد

noga2472007;7636333:
مرسيه يا أم شهوده ربنا يعطيك من كل خير الدنيا والأخرة يارب
وعلى فكرة الجو هنا عندنا ف الغردقة تحفة .. خيال شمس دافئة وجميلة والليل شوية نسمات جميلة والحمد لله أن عندكم مطر ركززززززززززززززززى أوى بأه ف الدعاء وربنا يتقبل منك أن شاء الله ومرسيه على هديتك يا قمر :888345: :9_33::9_33::9_33::9_33:

العفووووووو يالغاليه


هاذا واجبنا اتمنى لو انا بنفس منطقتج كان زرتج وجبت لج احلا هديه (f)



انتي تستاهلي كل خير :)

ريحانة القدس تسلمين على الموضوع الرائع

بس عندي اقتراح لهذا الموضوع انه ااذ بتسضيفي احد العضوات يعني لازم تكونمتواجدة بما معناه تعطين

العضوة اشعار انها بالاستضافة عن طريق رسالة خاصة اوشي من هذا القبيل و اكيد المنتدى بيشتركوا وياج

ومااحلى ان نكون في منتدى وااااحد


شكرا على الموضوع والله تسلمين

رينالو;7641900:
اختي نوجا كلامك صحيح حتى السعوديات فيه منهم يتدخلون في حياة اولدهم
وانت من حقك تدافعين واي وحده في مكانك ممكن تندفع وتقول نفس الكلام الى قلتي ...
هذا رائي ولو القي موضوع يسئ للسعوديات اكيد ما راح اسكت واصابع ايدك مو سوى فيه حموات ينحطون على الجرح يبراء وفيه حموات في كل صغيره وكبيره يتدخلون ..

أشكرك يا رينو يا حبيبتى وأنا والله كنت خايفة بس أكون تسرعت وظلمتها بس هى فعلا أتكلمت بشكل موش حلو وعموما أنا مسامحاها المهم أنى قلت اللى ف قلبى وخلالالالالالاص ههههههههههه
تعرفى أنا أهلى كلهم عايشين ف الشعودية من أكتر من 20 سنة وفيه من 30 سنة كمان والدى كان بيشتغل مهندس ف السعودية وفضل هناك 15 سنة وكل خالاتى وأولادهم عايشين هناك وبيتجوزوا هناك وأخوالى كمان وأختى عايشة هناك فى الرياض من 16 سنة يعنى أنا بعتبر أنها بلدى أنا كمان ههههههههههه رخامة

ام شــهــد;7642282:
هلا نوجا

انا معاج انتي سويتي الي لازم تسوينه كلنا اخوان وعرب


والله انو زوجت عم زوجي مصريه بس ماشاء الله عليها مثل العسل


وطبعن كل ام تختلف عن الثانيه موشرط تكون مصريه لا في سعوديات وخليجيات بيصفه عامه

اقوه من المصريات


وبالا خير هي يمكن حست بغلطها او احد المشرفات نبهوها


وكلنا نغلط سامحيها يمكن ماتقصد

والله يا أم شهوده أنا مجرد ما خرجت الكلام اللى جوايا وقلت اللى ف نفسى كنت خلاص سامحتها وقلت ف نفسى برضه هى أم وخايفة على بنتها وربنا يهديها ويبارك لهم

ام شــهــد;7642309:
العفووووووو يالغاليه


هاذا واجبنا اتمنى لو انا بنفس منطقتج كان زرتج وجبت لج احلا هديه (f)



انتي تستاهلي كل خير :)

ربنا يكرمك يا جميلة كلك واجب وذوق وبجد أنت اللى تستاهلى كل خير وأن شاء الله ما تيجى 2009 الا وأنت حامل بالواد القمر اللى قلت لك عليه :wink: ولو جيتى مصر فى أى وقت أعتبرى أن ليكى أخت فيها تأمرى ف أى شىء والله

عروس القصاص;7642380:
ريحانة القدس تسلمين على الموضوع الرائع

بس عندي اقتراح لهذا الموضوع انه ااذ بتسضيفي احد العضوات يعني لازم تكونمتواجدة بما معناه تعطين

العضوة اشعار انها بالاستضافة عن طريق رسالة خاصة اوشي من هذا القبيل و اكيد المنتدى بيشتركوا وياج

ومااحلى ان نكون في منتدى وااااحد


شكرا على الموضوع والله تسلمين

حبيبتى العروسة .. ريحانة بترسل ف الخاص لكل ضيفة تختارها ولا أنت قصدك ترسل للعضوات كمان ؟