محطة ترفيه .. استراحه ووو صراحه ..كلكم مدعوات تفضلوا ..

انقطعت فترة طويلة عن هالموضوع الحلو كيف نوجا سمعت انك تعبانة الحمد لله على سلامتك وماتشوفي شر الله يرزقك بالذرية الصالحة
اممممممم مو عارفة شو اسألك
اذا اجاكي توأم ولد وبنت شو بدك تسميهم او اذا بنتين او اذا ولدين شو راح تسميهم؟؟؟؟
انا عارفة سؤالي ماله داعي بس البنات خلصو الأسئلة وماضل عندي اسئلة
هههههههههههههههه

سلام كأنه عندكم قعده حلوه وانا مانمت لسه والصفحات كثيره وفاتتني القعده!

مملكة الحزن;7613831:
ويني عن هالموضوع

رائع بمعنى الكلمه اختي ريحانه

وماأجمل ردائك وانتي متوشحه بالاخضر هنئا لنا بك ِ :)

//

نوجا الاموره

تدرين دخلت هالموضوع وانا مكتئبه كثير

شفت ردودك عرفت انه مافي شي يستاهل

ماأورع تفائلك ماأروع نقائك

اولا حمدا لله على السلامه وطهور ان شاء الله

ثانيا يمكن انا وانتي نتقاسم موضوع الخطا الطبي

لكن ورغم ان مصيبتك اقوى مني لكنك متفائله وطموحه

وماأروع ثقتك في خالق هذا الكون

لي عوده باذن الله لسوالك ان امككني الوقت :)

لكن قبل ذلك

اسال الله في هذا الوقت ان يمنحكي راحة البال من هموم هالدنيا :)

لنبتسم لاشئ يستحق :)

ربنا يزيح عنك أى أكتئاب حبيبتى ويشفيك يارب أنت وجميع المسلمين , وأقولكم الحق انا بضحك وأهرج مع كل اللى حواليا علشان أهون على نفسى المصيبة اللى أنا فيها لكن ساعات بتجينى لحظات ضعف بفضل أبكى بحرقة لوحدى بس أدام ربنا وهو وحده اللى عالم بيا وبأحساسى لكن الحمد لله أنا فعلا ثقتى ف ربنا كبيرة أوى لأنه هو اللى خلقنى وعرفنى أكتر م نفسى وهواللى كتب عليا ده ويمكن ده تخفيف من الذنوب الكتيرة اللى عملتها أصل أنا كنت صايعة بحر ههههههههههههه يعنى كنت دايما بنزل حمام السباحة والبحر بالمايوه متبرجة يعنى بس الحمد لله من سنتين وعدت ربنا مش هلبس مايوه تانى ولبست ايشارب وربنا يهدينى وأكمل حجابى صح علشان كده مش بزعل لما تحصلى حاجة وحشة .. كله خير الحمد لله,, انا اسفة طولت عليكى يا قمر أنا ف أنتظار سؤالك لو ليا نصيب وربنا يزيل أى هموم أو حزن أو مرض عنك وعم أمة سيدنا محمد صلى الله عليه وسلم
قولى حبيبتى :

اللهم أنى أعوذ بك من الهم والحزن وأعوذ بك من العجز والكسل وأعوذ بك من الجبن والبخل وأعوذ بك من غلبة الدين وقهر الرجال

من قالها صباحا ومساءا ذهب همه وقضى دينه

اللؤلؤه السوداء;7613874:
الحمد لله على سلااامتج يا نووجاا
والله انتي زي العسل يا عسووله
يا حلللييييييييلج والله
وحشتييييييناا ووحشتناا طلتك الحلووه
وسلاامتج يا قلبي

يا هلا وغلا ب لولو اللى أحلى من الحلا هههههههههههههههه :wink: أيه رأيك ف بيتين الشعر دول ؟؟؟؟ بتستاهليهم وكمان خلاص بتهيألى بعرف أتكلم خليجى زيكم يعنى طبعتم عليا بالمصرى... ربنا يكرمك يا لولو ويرزقك بالذرية الصالحة والحمل السريع عن قريب , أه وصحيح مبروك لأختك وربنا يخليلها البيبى وتفرح بيه وعقبالك تفرحى بالبيبى بتاعك ومرسيه يا حبيبتى كلامك الجميل وياللا هستنى سؤالك

فدييييييتج يا نووجاا
امم انا عندي سؤاال
انتي قلتي انج تزوجتي مرتين
الاول كان سنواات الجحااف هههه
شلوون يعني وضحي اكثر
وشلوون تعرفتي على زووجك الاولي والثااني ؟؟

وربي يسخر لج زووجك ويجعلك مااء عينيه يااااااااااااارب

زوجة المهندس;7613991:
انقطعت فترة طويلة عن هالموضوع الحلو كيف نوجا سمعت انك تعبانة الحمد لله على سلامتك وماتشوفي شر الله يرزقك بالذرية الصالحة
اممممممم مو عارفة شو اسألك
اذا اجاكي توأم ولد وبنت شو بدك تسميهم او اذا بنتين او اذا ولدين شو راح تسميهم؟؟؟؟
انا عارفة سؤالي ماله داعي بس البنات خلصو الأسئلة وماضل عندي اسئلة
هههههههههههههههه

أهلا بيكى يا جميلة وربنا يكرمك يارب وتسلميلى وأنت من الناس اللى أنا متابعة مواضيعهم الجميلة وبحب أدخلهم أوى وأن شاء الله ربنا يجازيكى كل خير ويرزقك بذرية صالحة مباركة تسعد قلبك
بالنسبة لسؤالك يا توتة طبعا أنا لو جانى توأم احتمال أتجنن ولا حاجة ويسمونى هما بدل ما أسميهم أنا ههههههه بس أنا فعلا كنت عاملة حسابى أنى أخلف توأم ولد وبنت الولد أسمه عمر والبنت أسمها ملك وراسمة لهم صور ف البيت عندى أصل أنا نسيت أقولكم أنى فنانة ههههههه لأ بجد والله الحمد لله برسم كويس أوى وفن تشكيلى وحركات كده فتخيلتهم ورسمت لهم صورتين وعلقتهم ف البيت ملك وعمر لكن زى ما أنتو عارفين هما أتأخروا ف السكة :D:D المواصلات ف بطنى صعبة جدا ههههههه لدرجة كانت هتموتنى الحمد لله على كل حال ... لكن لو جه بنتين هيكون فيهم واحدة ملك والتانية هخليكم أنتم يا بنات عروس تسموها بجد والله وعد عليا لو ربنا أعطانى الصحة وشفانى م اللى أنا فيه ورزقنى بتوأم أنتم تسموا البنت هههههههههه ان شاء الله , وشرفتينى بسؤالك يا جميلة

اللؤلؤه السوداء;7619066:
فدييييييتج يا نووجاا
امم انا عندي سؤاال
انتي قلتي انج تزوجتي مرتين
الاول كان سنواات الجحااف هههه
شلوون يعني وضحي اكثر
وشلوون تعرفتي على زووجك الاولي والثااني ؟؟

وربي يسخر لج زووجك ويجعلك مااء عينيه يااااااااااااارب

سؤالك ف الصميم يا لولو هى دى الأسئلة :up: أهو أنا بحب الأسئلة الصعبة دى وف نفس الوقت مفيدة :ongue: بس أنا هجاوب بأمانة والله وكل صراحة زى ما أنا متعودة معاكم وعلى فكرة أنا قصة حياتى تنفع فيلم سينمائى رائع ههههههه والله فعلا ومرة أتعرفت على مخرج وكان عايزنى أمثل فقلت له أمثل قصة حياتى ماشى لكن غيرها لألألألألألأ فقالى مجنونة :poster_av1:
بالنسبة لسؤالك الأول :
الاول كان سنواات الجحااف هههه ,,شلوون يعني وضحي اكثر

هو كان ف الأول رومانسى وجميل وكان بيعاملنى معاملة هوانم وأحلى كلام ف الدنيا كنت بسمعه وخروجات وفسح ولا كان بيسألنى رايحة فين ولا جاية منين وقلت لنفسى ده أكيد بحكم شغله لأنى كنت متجوزة من فنان وملحن وكان دكتور ف المزيكا كمان فقلت يعنى علشان الوسط اللى هو فيه أستمر الموضوع كده جميل سنة وبعدين أصبح كثير الاهمال لى جدا ولا يسأل عنى ويغيب عن البيت فترات طويلة ومقصر معى فى حقوق البيت المصروفات وكده المهم علشان برضه ما أكونش بجيب ف سيرته بحاجة وحشه الله يسامحه - لحد ما أكتشفت بالصدفة فى وسط أوراقه عقد شقة باسمه وواحدة تانية وأكتشفت أنها زوجته ومش أنها زوجته التانية لألألألأ الأولى أنا اللى كنت التانية :8884: هههههههه تخيلوا وهو أعطى رشوة للمأذون وطبخ الموضوع وفضلت سنة متخيلة أنى مراته الوحيدة طبعا حصلت مشادات بينى وبينه أسفرت عن أنى لازم أقبل بالوضع ولأنى جوايا قلب طيب مودينى ف داهية قلت لنفسى هى ذنبها أيه ده أنا كده ف نظرها اللى أخدته منها وقبلت الآ أخرب بيتها وبل أحافظ على بيتها كأنه بيتى وصدقونى لا أستطيع مهما أوتيت من كلمات أوصف لكم شعورى وأحساسى وهو يقضى كامل الأسبوع معها ولا ينام عندى أبدا ألا فى الأجازات الرسميةأو الأعياد اللى كانت هى تسافر فيها لبلدها عند مامتها لأنها مش من القاهرة كانت من محافظة تانية ومرة وطبعا لن أقدر أحكى لكم بالتفصيل تخيلوا أنتم الحياة 7 سنوات كام مرة زارنى فيها زوجى بكم عيد وأجازة رسمية ف البلد طبعا هذا بخلاف السنة الأولى ولما سألته كيف أنت كنت نايم قايم معايا ف البيت سنة كاملة وكيف فرحنا كان وأهلك ليه ما قالو لأهلى ولا بان عليهم ولا بتروح فى حتة الا رجلى على رجلك وهى كانت فين قالى كانت مسافرة سنة ف دولة عربية عندها شغل :rolleyes:
المهم قضيت السبع سنوات بهذا الشكل وبكل الصبر والله العظيم ما كنت أقصر معاه ف شىء أبدا وأقابله بالضحك والابتسام وبأحلى العطور فيا وفى البيت وبأحلى الأكلات وكل ما يقضيه معى هى ساعات فقط من الواحدة صباحا حتى الفجر بحجة أنه ف تصوير أو الآستديو وبعدها يمشى من البيت ويودعنى وأشعر بعد وداعه لى كأنى صاحبته مو زوجته على سنة الله ورسوله وأما الشهود والفرح اللى أتعمل والناس لدرجة كنت أكلم نفسى والدولاب والحيطان سبع سنوات كاملة يا لولو ما أشعرتها بأن هناك غيرها ف حياته ولا شعر أهلى بأنه متزوج غيرى الا فى السنة الأخيرة فى حياتنا لما زاد فى تقصيره وقسوته وأهداره لحقوقى وطلبت الطلاق يوم عيد الحب وكان يوم الطلاق لوحده قصة

وشلوون تعرفتي على زووجك الاولي :

كنت معزومة ف حفلة فى فندق مشهور بمصر وهو كان موجود بالحفلة وكنت واقفة أضحك مع أصحاب ليا أعرفهم هما يعتبروا أخواتى متربيين معايا وكنا ف المدرسة مع بعض لحد الجامعة وهم 3 أخوات بنتين وولد والثلاثة فنانين البنات بيغنوا ويمثلوا والولد مطرب مشهور المهم فوجئت بجوزى الأول دخل عليهم وهاى يا جماعة ودخل سلم عليهم كلهم وباس واحدة واحدة من خدها وجه عندى ولقيته قرب منى وباسنى ف خدى وبيلف وشه كان عليه صفعة منى وقف نفسه والناس كلها أتلفتت عليه :21_195::21_133: وطبعا أنا ما كنت متوقعة يبوسنى من خدى هو ما يعرفنى أصلا داخل يبوس وخلاص وفاكر أنى علشان أصحابى فنانين أكون أنا فرى زيهم ؟؟؟؟؟؟؟ وهو فوجىء برد فعلى والقلم على وجهه:sm2441:
والله العظيم ف نفس اليوم الفجر ها المجنون بيتصل يطلب أيدى ويقولى عايز أتجوزك ف الحلال ولما سألت أصحابى اللى يعرفوه عنه قالوا أحنا كنا نعرف أنه متجوز ومطلق قبل كده وطبعا ده الكلام اللى قاله لبابا وماما وأهله أكدوا الكلام وأهله ناس معروفين وعائلة كبيرة بابا ما سأل قال كفاية يا بنتى دول ناس معروفين وهو هيكذب ليه هو خلاص طلقها وهو عايزك أنتى وأنا بصراحة أتشديت له علشان رومانسى وبيعزف حلو وفنان هههههههههه .. دى خلاصة السؤال الأول شفتى بأه يا لولو والله أختصرت على أد ما أقدر

يا عمري يا نووجاتا رااجعه بارد عليج بالتفصيل الممل لاني اقرا بسرعه
بارووح المعهد الحين ورااجعه لج يا قمر

بس عجبني القلم رووووعه ههههههههههه

اللؤلؤه السوداء;7619066:
فدييييييتج يا نووجاا
امم انا عندي سؤاال
انتي قلتي انج تزوجتي مرتين
الاول كان سنواات الجحااف هههه
شلوون يعني وضحي اكثر
وشلوون تعرفتي على زووجك الاولي والثااني ؟؟

وربي يسخر لج زووجك ويجعلك مااء عينيه يااااااااااااارب

أجابة السؤال التانى :
وشلوون تعرفتي على زووجك الثااني ؟؟

بعد فترة من طلاقى كنت عايزة أغير مودى وقلت أجدد عربيتى فروحت معرض عربيات مشهور عندنا ودخلت أكلم مسئول المبيعات هناك وعرضت عربيتى عليه وأخد موديل جديد مع ان عربيتى كانت جديدة المهم الولد أتعرف عليا وكان لذيذ وأتفق معايا على كل حاجة وكان باقى أختار العربية الجديدة وطول الوقت وأنا قاعدة معاه ملاحظة فيه واحد من بعيد ولد قمر كده ههههههههه هرينى نظرات فقلت هو فيه أيه ماله ده ؟ المهم طنشت ومشيت وأتفقت مع الولد أجى بكره أختار عربيتى وجيت بكره لقيت الولد اللى اتكلمت معاه وانا لسة واقفة معاه لقيت اللى كان بينظر ليا ده امبارح جه وسلم وعرفنى عليه الولد وقالى ان ده مديرى و المسئول عن الفرع فقلت أه أهلا وعادى تعاملت وبعدين بأختصار يعنى لقيت كل يوم المدير ده يتصل فيا ومقطع نفسه بحث عن سيارة تعجبنى ومش عارف يرضينى أزاى المهم أخترت عربيتى الجديدة وروحت علشان أستلمها وفاكرة أنى هستلمها بأه من البياع اللى وقف معايا أول يوم لكن لقيت مديره بتاع النظرات :wink: وعزمنى أشرب معاه القهوة ف مكتبه ضرورى قبل ما أستلم العربية وسألت ليه ؟ فيه حاجة ؟ قال معلشى كلمتين مهمين عندى قولت طيب وروحت أشرب القهوة يا أحبابى وأعترفلكم بجد ما كنت مركزة فى وجهه خالص لحد ما دخلت معاه المكتب وأول ما جلست أمامه ونظر ليا ونظرت فى عنيه حسيت قلبى والله كأنه أنخطف منى وأعصابى راحت وقلت لنفسى أيه يا بنت تماسكى فيه أيه عادى أنت بتهيألك المهم لقيته بيسألنى أنت مش عارفانى قلت له لأ .. ليه هو المفروض أنى أعرفك ؟؟؟؟؟؟؟قالى أيوة قلت لا مش واخدة بالى قالى أنا جارك ف نفس الشارع بتاعك وكنا مع بعض فى الكلية كمان ومن زمان ونفسى حتى تبصى عليا أو تكلمينى وعاكستك مرة وكنتى داخلة عمارتى وأنت ما رديتى فقلت أنا :rolleyes: ودخلت عمارتك قالى اه ما صاحبتك هيا جارتى ف الشقة اللى أمامى وبس يا حبايب من ساعتها عرفت أنه كان بيحبنى قبل السبع سنين العجاف اللى أتجوزت فيهم وكان صامت علشان سعادتى أنا لكن لما عرف أنه تم طلاقى تقدم للزواج منى وكان أحلى زواج بالدنيا وحبيته حب مش هقدر أوصفه لكم من أول لحظة خطف فيها قلبى وهو كمان أنسان رائع والحمد لله رقيق ورومانسى وكريم وحنين أوى وأهم شىء مش متجوز قبلى ههههههههههه وعملت له فيش وتشبيه ومراقبات شديدة ههههههههه اللى أتلسع ف الشوربة ينفخ ف الزبادى ده مثل مصرى بصراحة طيب والله وعارفين هو شبه مين كمان مهند اللى بمسلسل نور صورة طبق الأصل منه علشان كده أنا بغير عليه موووووووووووووووت رغم الحمد لله أنى كمان حلوة ولايقين على بعض بس الحب أعمى
وعارفين لا هو ولا أهله حسسونى أنى كنت متجوزة قبل كده لدرجة أنا نفسى نسيت وكنت فعلا بنوتة وقمرة فى الفرح لدرجة أتحسدنا حسد ربنا يحفظك والله بعانى م الحسد والسحر اللى أتعمل لنا لحد دلوقتى وربنا يحفظنا ويحفظكم ..
أنا طولت عليكى يا لولو وعلى البنات وأنا كمان تعبت وانا بكتب والانفعال بس ليا طلب أخير أدعولى ربنا يتمم شفائى ويسخر لى زوجى ويرزقنى منه بالذرية الصالحة

لولو نسيت أقولك أن جوزى الأولانى كان رافض أنى أخلف علشان كده أتأخرت أنى أروح لدكتور الا بعد ما أكتشفت انه متجوز يعنى بعد سنة بس أنا من هنا عايزة أقول لبنات مصر حاجة مهمة جدا الدكتور اللى تسبب فى وجود التصاقات شديدة ليا فى منطقة الحوض والبطن واللى هى دلوقتى سبب البلوة اللى أنا فيها ف المستشفى دكتور أسمه صلاح أدوارد ودكتور تانى أسمه أيهاب ميخائيل فى شارع الحجاز عملوا ليا عملية غلط ف مستشفى جوهر الخاصة وفتحوا بطنى زى القيصرية ده كان من 7 سنين وبعدها بأه سلسلة م العذاب والهوان ربنا يهون علينا جميعا ويعافينا جميعا يارب ولا يوريكم أبدا أى مكروه

ربنا يشفييكي يا نووجاا
والله اني اكتب ومستعجله زووجي ينتضرني

بس الحمد لله اكو مشغوول في التلفوون
اشووفكم بالليل ان شااء الله بعد رجعتي من المعهد

نوجا ههههههههههههههههه كل هاذا يطلع منج صج لا قالو ياما تحت السواهي دواهي

هههههههههههههههه


انتي تستاهلي كل خير الله يخلي لج يارب ويرزقكم ربي بحلا توم ولد وبنت يارب والولد يشبه ابو والبنت تشبهك


سؤالي لج اذا مافي احراج كم عمرج

noga2472007;7613732:
أم شهد أزيك وحشتينى .. أن شاء الله يستجيب ربنا منك حبيبتى وبأذن الله سيرزقك الله ف القريب بأخ لشهد وأنا لسة مصممة على الحلاوة :wink: والحدق يفهم ههههههه

ههههههههههههههههههه

لسه مصممه يالله ان شاء الله الشهر هاذا انا الحين علي الدوره وموعدها القادم 30 11

ويارب انا وانتي وكل من يتمنى يحملو في هاذا الشهر يارب


































واكيد ان شاء الله لك الحلاوه

هلا والله اختي نوجا
اسفه صار لي فتره ولادخلت وانا من اكثر المتابعين الا مواضيعك اخبارك اعلومك انشاء الله ماعليك الا العافيه ياااارب سؤالي ماتفكري تسافري برا تتعالجي حتى لو الدكاتره قالو لك مافي امل؟

أختي الغالية نوجة
الصراحة أنا معجبة جداً بصمودك وشموخك وربنا يرزقك الذرية الصالحة قريب جداً ويعوض صبرك خير ولا يحوجك لمخلوق
تحية إعجاب مني على روحك الطيبة

اخواتي اللؤلؤة وأم شهد أسف ما دخلنا قبل نسلم عليكم عساكم سالمين

أختي ريحانة القدس سلمت يداكي على الموضوع الشيق

الحمدلله على سلامتك يا نوجا .. منوره الصفحات بكلامك اللي طالع من قلبك وزي العسل ...
الله يتمم لك شفائك ويرزقك توأم صبي وبنت ..يا رب يا كريم ..ولي عوده ان شاء الله ..

الله يرزقنا الذرية الصالحة

ام شــهــد;7619694:
نوجا ههههههههههههههههه كل هاذا يطلع منج صج لا قالو ياما تحت السواهي دواهي

هههههههههههههههه


انتي تستاهلي كل خير الله يخلي لج يارب ويرزقكم ربي بحلا توم ولد وبنت يارب والولد يشبه ابو والبنت تشبهك


سؤالي لج اذا مافي احراج كم عمرج

أم شهودة أنا عمرى :no: 33 سنة بس طبعا مش بقول لحد وأنت أوعى تقولى :21_178: :21_180: بس طبعا شكلى باين عليه 26أو 27 كل الناس بتقولى كده ههههههه الحمد لله

وعلى فكرة أيون أنا لسة مصممة :sa32: أنك هتجيبى بيضة تفقس ولد قريبــــــــــــــا :21_95:ههههههههههههههههههههه وهيكون أحلى من شهوده بس أوعى تقوليلها لا تزعل منى ...

نفسي الحلم يتحقق;7619906:
هلا والله اختي نوجا
اسفه صار لي فتره ولادخلت وانا من اكثر المتابعين الا مواضيعك اخبارك اعلومك انشاء الله ماعليك الا العافيه ياااارب سؤالي ماتفكري تسافري برا تتعالجي حتى لو الدكاتره قالو لك مافي امل؟

بصى حبيبتى هقولك حاجة مهمة وممكن تكون في أغلبنا يحسها .. أنا جوايا أحيانا أحس بيأس عظيم وممكن ف نفس اللحظة أمل عظيم أن ربنا هيكرمنى وثقتى بالله كبيرة أوى لدرجة وأنا ع سجادة الصلاة وبدعى ساعات أبكى وأشعر أنى واقفة أمامه عز وجل وألاقى نفسى بكلمه كأنه يعنى حاشا لله والله فوق كل وصف وربنا يسامحنى مش عارفة أعبر كأنه حاجة منى أو أمى أو صاحبتى يارب يسامحنى بس أنا عايزة أوصف أد أيه بحس بقربه منى لدرجة أقول له بدموعى يارب طبطب عليا أنا مش محتاجة دلوقتى غير كده من كتر ما بكون يائسة ومهمومة وفعلا بحس براحة غريبة وكأن الدنيا وسعت وكأنه عز وجل فعلا طبطب عليا , ولما بلاقى نفسى بحس كده بصراحة لا بفكر بدكاترة لا بره ولا جوه .. أنا سافرت كتير وخلينى أقولك أن والله ما فى أعظم من الدكاترة عندنا فى بلادنا العربية صحيح هما قلة وفيه أغلبية واخدينها تجارة بس فيه دكاترة عظماء ما تلاقيهم ف الخارج وموضوع الخارج ده سورى يعنى بحس أنه منظره على الفاضى وتباهى كده وربنا نهى عن الكلام ده صحيح مش كل الناس بتكون كده علشان ما حد يفهمنى غلط لكن الأغلبية فأنا قلت ربهم كلهم موجود وبشكى له وحده وهو خالقنى وهو اللى بلانى وعارف أيه اللى فيا وحده ولا غيره يعلم أذن هو القادر على شفائى ويارب بتمنى من كل قلبى ما يكون اللى بيا غضب عليا من ربى أتمنى يكون أبتلاء ياااااااااااااارب والله أتمنى يكون أبتلاء حتى ولو ما أعطانى ما أريد يكفينى أن أعلم أنه يحبنى ويغفرلى وسيعطينى ف الآخرة
وربى يعطيكى ويعطى كل بنت ف عروس ما تتمنى ولا يحرمكم أبدا

رضوان الله أرجو;7620111:
أختي الغالية نوجة
الصراحة أنا معجبة جداً بصمودك وشموخك وربنا يرزقك الذرية الصالحة قريب جداً ويعوض صبرك خير ولا يحوجك لمخلوق
تحية إعجاب مني على روحك الطيبة

اخواتي اللؤلؤة وأم شهد أسف ما دخلنا قبل نسلم عليكم عساكم سالمين

أختي ريحانة القدس سلمت يداكي على الموضوع الشيق

ربنا يجبر خاطرك زى ما جبرتى خاطرى ....... دعوتك أبكت قلبى قبل عينى وخصوصا ولا يحوجنى لمخلوق اللهم أمين يارب , ولك مثلها حبيبتى