ريحانة القدس;7632380:
احم احم .. رجعت ..
الحمدلله على سلامتك وما تشوفي شر ..وبنستنى مفاجئاتك بس تقومي بالسلامه ..
نوجا شو كان تخصصك بالجامعه وشو بتشتغلي بعرف انه بشركه بس احكي لنا عن طبيعة الشغل ؟؟
كيف بتقضي وقتك بعد الشغل بعد ما ترجعي البيت ؟؟
اكتر شي بتحبي بنوجا واكتر شي ما بتحبي فيها ..؟؟
قبل ما أرد عليكى وأسمحيلى أدلعك ب رورو عايزة أقول حاجة مهمة للبنات كلهم ف الموضوع ده أنا والله يا بنات بتكلم بطبيعتى خالص ومش بحب أتجمل أو ألون ف الكلام يعنى وبجد بحكى لكم وأرد عليكم وكأنى أدام مرايا أنا قلت أقولكم بس علشان تكونوا فاهمين أن طبيعتى كده
نخش ع أسئلة رورو بأه :
نوجا شو كان تخصصك بالجامعه وشو بتشتغلي بعرف انه بشركه بس احكي لنا عن طبيعة الشغل ؟؟
شوفى يا جميلة أنا تخصصى ف القانون وخريجة حقوق يعنى , وأنا بشتغل حاجات كتيرة مديرة مبيعات ومديرة مكتب رئيس مجلس الادارة ونائب رئيس مجلس الادارة فى حالة سفره خارج مصر وده بيكون لكل شركة من شركات المجموعة هى عبارة عن 6 شركات تحت اسم الشركة الأم ولو عايزة بالتفصيل بعمل أيه ف الشغل أنا بعمل كل حاجة حتى ولو مش بفهم فيها يعنى صاحب الشركة متخيلنى بيونك وومان وممكن يتصل فيا 2 صباحا علشان افتكر حاجة خايف ينساها بكره فلازم يقولى عليها أعملها أو أفكره بيها وطبعا بيجى بكره هو اللى بيفكرنى ويقولى مش أنا كلمتك باليل وقلت لك فكرينى بكذا ليه ما فكرتينى:sa36: ههههههههههههههه .. وبجد مرة أتصل فيا الساعة 12 بعد نص الليل وكان هو ف شرم الشيخ وقالى حارس العمارة اللى فيها مقر الشركة بيقول أن الشركة غرقت بالمياه الحقى شوفى أيه وطمنينى وطبعا عادى نطيت ف عربيتى وروحت لقيت الحارس أصلا كان شكله بيحشش وجاتله تهيؤات هههههههههه والشركة زى الفل فاتصلت قلت له أخر مرة حضرتك تنزلنى ف نص اليل على حاجة تافهة وكنت ساعتها محتدة أوى وبشخط فيه فرد عليا وهو بيضحك على فكرة أنا اللى صاحب الشركة مش أنتى هههههههههه :o وطبعا :21_178:خرست
بس أنا بحب شغلى أوى وفعلا أنا اللى عندى أستعداد أعمل شغلى فى أى وقت وبكل طريقة وكأنى صاحبة الشركة وعلشان كده هو ثقته فيا بلا حدود , بس طبعا الموضوع اختلف شوية لما أتجوزت جوزى ده دلوقتى لأن الأولانى كان بيسمحلى أروح شغلى ف أى وقت يحتاجونى فيه لكن حاليا نــــــــــــــــــــــــــــو - فيه أصول وواجبات لازم أراعيها وبصراحة رغم حبى لشغلى لكن ده عجبنى وبحترمه جدا وبنفذه علشان خاطره:21_149:
كيف بتقضي وقتك بعد الشغل بعد ما ترجعي البيت ؟؟
أنا ف شغلى ده من قبل جوازى خالص يعنى نفس السنة اللى اتخرجت فيها وطبعا قبل ما أتجوز كان وقتى كله لشغلى وكان ممكن أخرج من 10 صباحا أرجع 11 مساءا يادوب أكل وأنا بتفرج ع التليفزيون وبعدين أروح ف النوم وأنا بقرأ مجلة أطفال عندنا ف مصر أسمها ميكى جيب ودى طقوس عندى لازم أقرأها قبل النوم ,
بعد الجواز شغلى بيخلص 5 مساءا وطبعا بوصل البيت أخد شاور وأريح شوية وأجهز هعمل أكل أيه والكلام ده لأنى ببدأ أطبخ الساعة 9 مساءا لأن جوزى بيرجع م الشغل 12 مساءا وممكن لغاية 9 دى أعمل حاجات كتيرة أرسم مثلا , أدخل ع النت , أخرج أمشى شوية ف النادى أو ف الجنينة حوالين البيت , أفتكس حاجة جديدة لديكور البيت أو أكلة جديدة يعنى بعمل حاجات كتيرة بصراحة م الآخر اليوم عندى ساعات مش بيكفى بكون محتاجة عشرتاشر ساعة كده كمان عليه ههههههههه
اكتر شي بتحبي بنوجا واكتر شي ما بتحبي فيها ..؟؟
أممممممممم:think: السؤال ده مهم أوى
بصراحة قى حاجات كتير بحبها فيا أولها * طفولتى بمعنى أنى ساعات بحب أتعامل وكأنى طفلة شقية عندى 5 سنين وأدلع بأه وأعيش حياتى وبكون نفسى أفضل كده على طول
* وكمان العطف والرحمة اللى ربنا زرعهم ف قلبى ناحية كل الناس وخصوصا المساكين ودايما أقول لنفسى لما أنا قلبى كده على ناس ما عرفهاش وكل الرحمة والحنية الفظيعة اللى جوايا دى ما تيجى ذرة من رحمة وحنية ربنا يبقى يا ترى رحمة وحنية ربنا هتكون أزاى ؟؟اللهم أرحمنا ف الدنيا والآخرة
*بحب نفسى أوى لما أخدم ماما وبابا وأكون قاعدة تحت رجلين مامتى أقص أظافرها أو أدلك لبابا رجليه
* وبحب نفسى أكتر لما بيجى جوزى م الشغل تعبان ويلاقينى عاملة البيت جنة وبجرى لخدمته وأجهزله طبق زى سى السيد ههههه وفيه ماية حارة وأحط رجليه وأدلكهم له من التعب يا قلبى بيشتغل من 11 ص الى 12 فى نص الليل
أكثر شىء ما بحبه فيا طيبة قلبى لأنها بتوقعنى ف مصايب ساعات وناس كتير بيستغلونى ويفتكرونى هابلة وما فاهمة بس أنا بنحرج أبين لهم أنى فاهمة
أسرافى والتبذير أنا مسرفة ومبذرة للفلوس بشكل فظيع طول ما أنا ماشية عايزة شوال فلوس جنبى وأفرق منه ع الناس ههههههه وأفضل أشترى حاجات كتيرة وأعطيها هدايا للناس ليه ؟ مش عارفة بس بكون مبسوطة أوى لما ألاقى حد سعيد ومبسوط أنى أديته هدية حتى لو كانت بسيطة
وكفاية بأة طولت عليكم .. معلشى أستحملونى, زمانكم بتقولوا أمال لو مش مريضة كانت عملت فينا أيه ؟؟؟هههههههه رغاية
