تجمع بنات مصر فى ركن العناية بالشعر (2)

polo try;7116229:
معلش يا pippo

ممكن سؤال؟

هو حمام كريم ويلى موجود فى مركاتو؟؟؟؟

معلش اصلى جنبه بس مكسله اروح وملاقيش

:D:D

مش عارفة والله ماخدتش بالى. انا اصلى مش بروح هناك الا كل سنة مرة :D

يا بنات ارجوكم انا عاوزة حد يقولى على كوافيرة كويسه اروح لها فرحى قرب خلاص بعد العيد ان شاء الله و انا محتاسه خالص
يا ريت حد يقولى على كوافيرة كويسه تكون واحده او يكون فيه قسم للمحجبات لانى منتقبه و يكون كمان سعرها معقول

اوعوا تطنشونى :o

طيب انتى ساكنة فين او هتعملى فرحك فين.؟؟ عشان البنات يفيدوكى بمكان قريب ليكى.

وممكن تنقلى استفسارك للموضوع ده عشان البنات ترد عليكى اسرع

http://www.3roos.com/forums/t375568.html

حد يعرف شامبو ميتال دة بيتباع فين ?

ماشى ياعم pippo
وانا اللى قلت انتى هتسعفينى
اصل من كلامك حسيت انك ساكنه فى مدينه نصر
صح ولا ايه؟
طب انتى جبتيه منين؟
ومتقوليلش انزلى هاتيه من حمام التلات

متشكرة اوى يا pippo على ردك

انا عاوزة كوافيرة حلوة تكون فى مدينه نصر فى اى حته فى مدينة نصر علشان انا هسكن فى الحى العاشر بامر الله و الفرح هيبقى قريب من هناك

يا رب البنت يفيدونى بسرعه

السلام عليكم ورحمة الله وبركاته
ربنا يكرمك ورينعم شعركم وريطوله إنصحوني أعمل ايه
انا تقريبا عملت في شعري البدع عسل وحطيت بيض وحطيت حنة وحطيت زبادي حطيت ريت زتون زيت أملا زيت خروع زيت صن صيلك زيت ليزا بالجرجير حمام كريم كريتس حمام كريم فاشكول (إيطالي ) توم كللللل دا على مدار حوالي تلات سنين كدا ولا أربعة وحاسة إن مفيش فايدة
شعري مقصف وفيه قشرة وبيقع وصعب التسليك يمكن أول يومين من بعد غسيله بالشامبوا بيبقى حلو بأستعمل شامبو كلير بس بعد كدا بيرجع لعادته القديمة مقصف وناشف ولو حطيت يت بحس ان الزيت اما بيوقعه او يلبده او بيحافظ على انه يكون كويس بس
انا احترت شعري جاف جربت أغسله مرتين في الإسبوع بدأت أحس إنه شوية بيقع جربت أغسلة مرة بينشف جامد اوي او يترب أو يبهت
أعمل ايه يااخونا والله تعبت مش عارفة من كتر الخلطات اللي بلقاها على النت إحترت كمان عمايل الخلطات دي بياخد وقت وبحس انه بيبهدل المكان وبيقرفني اوي والحاجات الطبييعية مش بتستحمل بتبوظ في خلال يومين كمان بحس ان الكريمات والكيماويات دي بتوقع الشعر
سؤالي أغسل شعري كل قد إيه ؟
السؤال التاني إيه البرنامج اللي اعمله لشعري (بالله عليكم بلاش النصايح بتاعت السبت تحطي كريم كذا والحد زيت كذا عايزة حاجة سهلة وخفيفة أقدر أداوم عليها) ويجيب نتيجة

يا نبض الأماني أنا أعرف إتنين ممتازين
بيوتي سنتر إسمه دعاء الأعصر و كوافير إسمه سحر وسحر دا للمحجبات جميع العاملات نساء ودعاء الأعصر للمحجبات وغير بس العاملات نساء بس
ودول يا ستي في إمتداد عباس العقاد من ناحية إمبي إسمه شارع إبراهيم أبو النجا إسألي على كوافير سحر وإسألي على بيوتي سنتر دعاء الأعصر هما في نفس الشارع ولو تحبي نتفق نتقابل يوم عند إنبي ماشي بس يكون الصبحية وممكن تراسليني على الخاص ونتفق او أوصف لك أكتر عنوانهم ماشي اللي تحبيه
أي خدمة

نبض الامانى;7116708:
يا بنات ارجوكم انا عاوزة حد يقولى على كوافيرة كويسه اروح لها فرحى قرب خلاص بعد العيد ان شاء الله و انا محتاسه خالص
يا ريت حد يقولى على كوافيرة كويسه تكون واحده او يكون فيه قسم للمحجبات لانى منتقبه و يكون كمان سعرها معقول

اوعوا تطنشونى :o

نبض الأماني انا رديت عليكي في قسم التجهيزات وده كوبي من كلامي

حبيبتي في كوافير اسمه نورماندي كل اللي بيشتغلوا فيه سيدات ودي ميزة حلوه أوي
انا سألت من كذا شهر لما كنت فيه قالولي ان باكيدج العروسه 1800 ده تقريبا كان شهر 3 أو 4 مش فاكرة

وهو ليه فرعين

34 ش بغداد - الكوربة- هليوبوليس

3/4 ش أنور المفتي متفرع من عباس العقاد - خلف طيبة مول

وإن شاء الله هبعتلك أرقامهم على الخاص بس فس الغالب مش هيفيدوكي في التليفون إلا لما تروحي ليهم
وربنا يتملك على خير

polo try;7118134:
ماشى ياعم pippo
وانا اللى قلت انتى هتسعفينى
اصل من كلامك حسيت انك ساكنه فى مدينه نصر
صح ولا ايه؟
طب انتى جبتيه منين؟
ومتقوليلش انزلى هاتيه من حمام التلات

لا والله انا مش ساكنة فى مدينة نصر. انا كنت جايباه حتى من محل كريمات وشامبوهات والحاجات دى ومحل صغير يعنى اظن انه هيكون موجود فى اماكن كتيييييييييير. وفى كمان احلى من ويلى ده حسب ما اسمع من البنات هنا ومن الكوافيرة حمام كريم biopoint وده العلبة بتاعته اظن شفتها بـ35 جنيه والله اعلم.

حادي الأرواح;7119371:
السلام عليكم ورحمة الله وبركاته
ربنا يكرمك ورينعم شعركم وريطوله إنصحوني أعمل ايه
انا تقريبا عملت في شعري البدع عسل وحطيت بيض وحطيت حنة وحطيت زبادي حطيت ريت زتون زيت أملا زيت خروع زيت صن صيلك زيت ليزا بالجرجير حمام كريم كريتس حمام كريم فاشكول (إيطالي ) توم كللللل دا على مدار حوالي تلات سنين كدا ولا أربعة وحاسة إن مفيش فايدة
شعري مقصف وفيه قشرة وبيقع وصعب التسليك يمكن أول يومين من بعد غسيله بالشامبوا بيبقى حلو بأستعمل شامبو كلير بس بعد كدا بيرجع لعادته القديمة مقصف وناشف ولو حطيت يت بحس ان الزيت اما بيوقعه او يلبده او بيحافظ على انه يكون كويس بس
انا احترت شعري جاف جربت أغسله مرتين في الإسبوع بدأت أحس إنه شوية بيقع جربت أغسلة مرة بينشف جامد اوي او يترب أو يبهت
أعمل ايه يااخونا والله تعبت مش عارفة من كتر الخلطات اللي بلقاها على النت إحترت كمان عمايل الخلطات دي بياخد وقت وبحس انه بيبهدل المكان وبيقرفني اوي والحاجات الطبييعية مش بتستحمل بتبوظ في خلال يومين كمان بحس ان الكريمات والكيماويات دي بتوقع الشعر
سؤالي أغسل شعري كل قد إيه ؟
السؤال التاني إيه البرنامج اللي اعمله لشعري (بالله عليكم بلاش النصايح بتاعت السبت تحطي كريم كذا والحد زيت كذا عايزة حاجة سهلة وخفيفة أقدر أداوم عليها) ويجيب نتيجة

بصى يا ستى هدى اعصابك
اول حاجة الراحة النفسية والبعد عن التوتر والتغذية السليييييييييييييييييمة. اوعى يكون عندك انيميا ولا نقص فيتامينات والحاجات دى.
تانى حاجة: هل انتى بتواظبى على اى حاجة من اللى بتعمليها؟
بصى بقى حسب اللى فهمته هنا من االمنتدى
شوفى موضوع الحنة بتاع stacy هيفيدك. الحنة بتنظف الشعر وبتقويه. بس لازم بيبقى معاها حمام كريم عشان شعرك ماينشفش.
تعملى حمام زيت مرة فى الاسبوع. وحمام كريم كل ماتغسلى شعرك. فى الصيف اغسلى شعرك مرتين فى الاسبوع بالكتير مادام شعرك جاف.
استعملى لوسيون . ادهنيه على فروة راسك كل يوم قبل ماتنامى. لوسيون تيتان البنات بتشكر فيه.
هاتى خلطة زيوت من عند العطار عليها زيت جوز هند وزيت جرجير وزيت خروع. الحاجات دى بتقل الشعر وبتطوله.
استعملى مشط خشب عشان شعرك مايقصفش. وقصى الاطراف المقصفة كل شهرين.
لفى شعرك طاقية عشان شعرك يتفرد.

الحاجات كتير بس معلش من طلب العلا سهر الليالى.:o

بنات لو سمحتوا

مش الموس هو هو الجيل او بيعمل نفس عمله؟
طيب انا عايزة نوع موس او جيل كويس. انا عارفة انه بيوقع الشعر بس انا هستعمله مرة كل فترة ومش هواظب عليه. اعرف ان زيروفريز عامل موس حلو ده ولا ايه؟ ياريت اللى يكتبلى نوع يقولى سعره.

جزاكم الله خيرا

Dr_angel;7117060:
حد يعرف شامبو ميتال دة بيتباع فين ?

إسألي في الصيدليات الكبرى سيف أو العزبي

حد جاب مجموعة زيوت من حراز ونفعت معاه
قولولي يا بنات قبل ما أروح واشتري

السلام عليكم يا بناااات
انا يا جماعة شعرى بيقع بقالة شهر يعنى بيقع زيادة عن اللزوم
مش عارفة اعمل اية
بفكر اعمل حنة اية رأيكم؟؟

**DreamY pr!nCess**;7134250:
السلام عليكم يا بناااات
انا يا جماعة شعرى بيقع بقالة شهر يعنى بيقع زيادة عن اللزوم
مش عارفة اعمل اية
بفكر اعمل حنة اية رأيكم؟؟

اه طبعا اعملى حنه
على فكره

انا كان بقالى فتره بحط حمامات زيت فى شعرى

شعرى وقع كتيييييييييييير واكتر من الاول بعد حمامات الزيت
لما حطيت الحنه اتهد شويه وبطل يقع زى الاول


بس نصيحه منى اعجنى الحنه بميه تكونى غليتى فيها بصله وفصين توم
متخافيش ملهمش ريحه خالص
انتى بس حطى كبايه ميه فى حله عالنار
وحطى فيها بصلايه تكونى مقطعاها اربع تربع

وفصين توم دقى كل فص دقه وحطيه فى الميه وسيبيهم يغلوا لحد مالميه لونها يبقى اصفر
خديها واعجنى بيها الحنه وحطيها على شعرك
وممكن تحطى كبايه زبادى ومعلقتين من اى زيت تحبيه
وسيبيها تتخمر شويه

هتدعيلى على فكره :D

Dr_angel;7133180:
حد جاب مجموعة زيوت من حراز ونفعت معاه
قولولي يا بنات قبل ما أروح واشتري

اسمع ان زيت الحيه اللى عنده حلو وبنات كتير جربته وقالت كده

بس طب ماتجربى الاول تروحى لاى عطار نضيف
وتقوليله عاوزه ازازه تحطلى فيها زيت حروع على زيت سمسم

اكيد طبعا عارفه زيت الخروع بيغذى ويتقل ازاى

زيت السمسم بقى بيطول الشعر اوى

بس خدى بالك انه بيسود الشعر جدا

pippo;7132118:
بنات لو سمحتوا

مش الموس هو هو الجيل او بيعمل نفس عمله؟
طيب انا عايزة نوع موس او جيل كويس. انا عارفة انه بيوقع الشعر بس انا هستعمله مرة كل فترة ومش هواظب عليه. اعرف ان زيروفريز عامل موس حلو ده ولا ايه؟ ياريت اللى يكتبلى نوع يقولى سعره.

جزاكم الله خيرا

الموس مش هو الجيل
هو بيؤدى نفس الغرض

بس الموس اخف شويه على الشعر وعامل زى الرغوه بتاعه الصابون كده

الجيل بقى كلنا عارفينه
بصى ممكن تجيبى جيل ويلا
او جيل كليفين
دول كنت بجربهم زمان
بس متكتريش وخصوصا ان الشعر الكيرلى مع الجل شكله مش لطيف بحس انه عصيان خشب

حادي الأرواح;7119407:
يا نبض الأماني أنا أعرف إتنين ممتازين
بيوتي سنتر إسمه دعاء الأعصر و كوافير إسمه سحر وسحر دا للمحجبات جميع العاملات نساء ودعاء الأعصر للمحجبات وغير بس العاملات نساء بس
ودول يا ستي في إمتداد عباس العقاد من ناحية إمبي إسمه شارع إبراهيم أبو النجا إسألي على كوافير سحر وإسألي على بيوتي سنتر دعاء الأعصر هما في نفس الشارع ولو تحبي نتفق نتقابل يوم عند إنبي ماشي بس يكون الصبحية وممكن تراسليني على الخاص ونتفق او أوصف لك أكتر عنوانهم ماشي اللي تحبيه
أي خدمة

انا متشكرة جدا على ردك يا جميل
بصى انا اعرف كوافير سحر بس لما رحت قالولى انهم تخصص فرد بس بيوتى سنتر ده بقى اللى قبله بشويه اصل انا بيتهيالى عديت علي كوافير هناك وانا بسال على كوافير سحر
لو هو يبقى عرفت مكانه بس ده بقى على ضمانتك ماشى :wink:

مسلمة موحدة;7119448:
نبض الأماني انا رديت عليكي في قسم التجهيزات وده كوبي من كلامي

حبيبتي في كوافير اسمه نورماندي كل اللي بيشتغلوا فيه سيدات ودي ميزة حلوه أوي
انا سألت من كذا شهر لما كنت فيه قالولي ان باكيدج العروسه 1800 ده تقريبا كان شهر 3 أو 4 مش فاكرة

وهو ليه فرعين

34 ش بغداد - الكوربة- هليوبوليس

3/4 ش أنور المفتي متفرع من عباس العقاد - خلف طيبة مول

وإن شاء الله هبعتلك أرقامهم على الخاص بس فس الغالب مش هيفيدوكي في التليفون إلا لما تروحي ليهم
وربنا يتملك على خير

الف شكر ليكى يا قمر بس غالى شويه عليا هم مش عندهم ديسكاوند ولا ايه او ممكن الغى حاجات من البروجرام بتاع العروسه ده فيقل السعر شويه ؟؟؟؟؟؟

نبض الامانى;7139845:
الف شكر ليكى يا قمر بس غالى شويه عليا هم مش عندهم ديسكاوند ولا ايه او ممكن الغى حاجات من البروجرام بتاع العروسه ده فيقل السعر شويه ؟؟؟؟؟؟

مش عارفه يا حبيبتي والله ده بس اللي انا اعرفه