تجمع بنات مصر فى ركن العناية بالشعر (2)

اهلا بيكى معانا يا قمر

اولا مش تزعلى منى بس رودوك مخالفة مش تحطى رد وارا بعض فاهمانى و مش تخافى بجد البنات بيشوفوا كل الكلام الى اتقال فا لو عرفين هيقولة لو لا بيسكتوة تانى سبب ممكن مش حد يرد عليكى فى ان يكون اسئلتك مكررة يعنى السؤال دى اتسئل قبل كدة و جوابت او حد من البنات جاوب علية بس كدة يا قمر حطى رد واحد و اصبرى لو مش حد رد علية ابعتلى رسالة خاصة بى اوك
بالنسبة بقى لمشكلتك بصى انتى عندك 2 التساقط و الجفاف

بصى اعملى الى هقولك علية بالظبط و بجد هتلاقى نتيجة هايلة بجد بس طبعا مع لوقت و الاستمرار

1- اشترى ليسيون للشعر انا بستخدم بتاع دينا الجارم بس ممكن تيجبى اى واحد من الصيدلية عادى اوك فى بنات قالوا على ليسيون تيتان انة كويس ب 15 تقريب بس انا مش جربتة عموما يعنى و اعملى بى مساج لمدة 2 دقائق كل يوم قبل النوم و انتى بس بتحطى شوية عل اطراف صوابعك و تعملى مساج فا طبعا مش بيزيت خالص و الحكاية دى اعمليها من دلوقتى اول ما عرفتيها للابد بجد المساج دى بجد هو الى بيطول الشعر و بيخلى الشعر تغذى بجد هتقولى ازاى هقولك لانك بتنشطى الدورة الدموية كويس فا الدم بيجى لبصيلات الشعر بكل الغذا الى فى

2- اعملى حنة كل اسبوع او اسبوعين بس حنة نضيفة بجد هايلة فى كل حاجة و هتقلل السقوط جدا لو هو مش لسبب مرضى او كدة شوفى موضوع عن الحنة و اعملى الطريقة التانية عشان هى مخصوص للشعر الجاف

3- اعملى خلطة النخاع و العسل و الزيت اعمليها مرتين

4- و اعملى ازازة فيها زيت خروع و لوز حلو و استخدميها يوم اه و يوم لا اوك مممكن 3-4 ساعات و ممكن تامى بيها و تغسليها الصبح و دى احسن كتير

5- و اخيرا خدى بنتوجار بجد مفيد اوى بس هو بيطلع شعر فى الجسم بس تقريبا بيقع الشعر بتاع الجسم تانى لما بتبطلى تاخدى

6- و برضو زيت كبد الحوت مفيد جدا لترطيب البشرة و الشعر و خصوصا فى تبدل الفصول

بس اسئلى دكتور احسن او صيدلي بس دكتور احسن اذا كان انك تاخدى ال2 يتعارضوا مع بعض

بس كدة