تجمع بنات مصر فى ركن العناية بالشعر (2)

موري2;6996988:
حبيبتى هاتى زيت الجدايل من عبد الصمد القرشي للتساقط شفت بنات كتير بتشكر فيه هنا في المنتدى

وبيقولوا برضه الحنه كويسه للتساقط
بس بصراحه انا مجربتش

انا جربت بس زيت الجدايل ماركة الثلاث بنات و مكنش في تساقط في اثناء استخدامه و بعدها

بكام زيت التلات بنات دة ؟؟ و شكلو إيه لو صورة عندك يكون أحسن.
مرسي

انا عايزة اتعرف على انواع فرد الشعر المختلفة ؟ واحسن حاجة فيهم ؟
وايه الفرق بين اليوكو والبرمننت ؟

ياجماعة ساعدونى لو سمحتهم الحقونى
انا باستخدم فيتامينات فور هير اند نيلز وكنت باستخدم امكبولا ت ايفا بالصبار
بس واقفتها وباستخدم حمام كريم بونايول ولوسيون تيتان
وبالرغم من كدة شلعرى بدا يتساقط اكتر من الاول بكتير اووى
لدرجة ان لما اجى امسك شعرى القية بيقع فى ايدى كتير من اوووووووى
وكمان شعرى مش بيطول خالص
ارجو كم ساعدونى ور بناينوى للكل واحد امنتية

ياسووو;6996753:
السلام عليكم ورحمة الله وبركاته
في البدايه انا عضوة جديدة طازةبس قريت الموضوع ده واستقدت منع وفعلا اشتريت اقراص بنتوجار النهارده ولسة هبدا اخده من بكره
انا الحمد لله شعري ناعم بس غلطت غلطة عمري وقصيتة متدرج وطبعا كل طبقة شعر بطول لوحده وبطبيعة الحال باه شكله مقصف والهيشان مقولكومش عليه غير انه اصلا بيقع بكثافة
انا كنت بستخدم زيت دابر املا بس حسيت انه هينشفلي شعري فوقفته وبستحمل اني مدهنوش بحاجة بعد الاستحمام عشان كده بس بعد ماينشف بحط كريم فيانسيه (مش عارفه حلو ولا ايه عايزة رايكم) نسيت اقول اني بستعمل حاليا شامبو دوف اللبني(نعومه وترطيب) وعندي حمام كريم فيانسيه بالتوم بس بحس بتاثيره وانا في الحمام بس بعد اما شعري بينشف ولا اكن حصل حاجة
انا اللي ضروري عايزة اعرفه طريقة لربط الشعر عشان شعري من كتر البرم وربطه بالتوك مموج ومكسر ومش اقدر ايسبة عشان بيهيش بسرعة وكمان المشكلة بتزيد ايام الدراسة وانا على طول في الكلية وشعري ياعيني عليه رابطاه ربطة سودة خايفة ليهرب مني
وكمان عايزة نوع حمام كريم حلو ومجرب ضرورييييييي وعايزة نوع كريم حنين على الشعر عشان بحس انه بيكون مدهنن و رخم كده
وشكرااااااااااااا للي هترد والف شكر للي مش هترد يا جميلات المنتدي ههههههههه
سؤال اخير الا ايه هوة السيروم ده

بصى ياقمر
انا هقولك على اللى استخدمته ونفعنى من الاخر عشان ماطولش عليكى
اول حاجه كويس انك جبتى بنتوجار

ثانيا انا بستخدم نوعين شامبو شامبو جونسون ووقفته لانه مش بينضف كويس بس لقيت نوع شامبو تحفه وطبى اسمه لونا بالبانثينول ومش غالى وبجد جميل اوى وخفف التساقط جدا الحمد لله

ثالثا حمام الكريم انا بستخدم نوع حمام كريم كده اسمه كوبرا بزيت الحيه بس احتمال مش تلاقيه فهاتى حمام كريم بوناويل بالمشمش تحفه جدا وبستخدمه كتيييير

رابعا انا جربت كريمات كتيييييييير وجربت بديل الزيت وبالمرز
بس اللى ريحنى بجد ايفا بالعسل نصيحه منى جربيه

عاوزاكى بقى تنزلى انهارضه الصيدليه وتجيبى امبولات ايفا بالصبار
ولوسيون يااما تجيبى لوسيون ايفا هيلثى هير يااما تيتان
هما دول انضف نوعين جربتهم فعلا

السيروم بقى ده ياقمر بيتحط لواحده بتسشور شعرها او بتعمل فير
بعد ماتسشورى شعرك وقبل الفير بتحطى كام نقطه منه على شعرك هو بيحمى الشعر من التاثير الضار للسخونه

احسن سيروم هو زيرو فريز عن تجربه وسعره كمان مظبوط مش غالى

السلام عليكم يا بنات
بجد انا عجبنى جدا موضوعكو و خصوصا انه فى مصر
ياريت تقدرو تساعدونى
و معلش لو كانت اجابت سؤالى اتقالت قبل كدا ياريت تردو عليا
اصل انا مقدرش اقرا كتير عشان عندى مشكلة فى التركيز
هقولوكو على مشكلتى

انا كان شعرى تمام التمام و مكنش بيقع ولا اى حاجة
المهم عملت رجيم و بعد فترة لاحظت سقوط شعرى بسيط و بعدين
ابتدا يزيد لحد ما شعرى خف جدا لدرجة انى اصبحت مكتئبة
المهم روحت ل دكاترة كتييييييير و مفيش فايدة
مؤخرا انا بستعمل فيتامينات بنتوجار بس هى ب 40 جنيه
و لسه جايبة من يومين فقط زيت دابر املا هو مكتوب عليه
بردهان دابر املا الهندى الاصلى وهى عبوة صغيرة ب 10ونص
و بستعمل شامبو جونسون للاطفال
ف ياريت تردو عليا و تقولولى اعمل ايه عشان شعرى يبطل تساقط
و يتقل تانى
و خصوصا ان زواجى قرب
ياريت تساعدونى بجد
ويارب يجمعنا فى الخير دايما
اختكم شيرين

(f)(f)(f)ازيكم يابنااااااات وحشتونى جدا جدا جدا المهم مش عايزة اطول عليكم والحق النت قبل ما يعملها ويفصل انا كنت عايزة اعرف احسن حمام كريم جربتوه (y)(y)وخاصة لو الشعر جاف ومقصف ويللى ولا بيوبوينت ولا ايه احسن نوع ولون ايه؟ وياريت سعره وتانى سؤال انا عايزة اجيب فرشة سشوار فياريت بنات المنصورة يقولولى اسماء محلات لائنى لقيتها فى محل العروسة اللى فى الجلاء ولقيتها صغيرة وضعيفة اوى ب 15 جنيه يارييييييييييييييييييييييييييت تردو عليا بسرعة:D

:(

sally2007;6996893:

للاسف ياقمر انا معرفشى رد لسؤالك لانى انا عندى برضه شعرى بيتساقط بطريقة جامده واكيد لو حد يعرف الرد على سؤالك هيقولك

سؤال بقى هى مياة الترمس المر بتستخدم ازى على الشعر وفايدتها ايه؟

اهلا يا سالى انتى ويلو جرين :)بصو انا كان شعرى بيقع بطريقة بجد بشعة لدرجة كل اللى احكيلو يقولى دا طبيعى اما لما بيشوفو كميه الشعر اللى بيقع فى تسريحة واحدة بخد بيتخض من كتره بجد كمية زاى ماتكونى عاملة الشعر كحكة المهم رحت لدكتور مشهور جدا وكتبلى بنتوجار وحاجات تانية بس خلصت شريط واحد من بنتوجار وبعدها فور هير ان نيلز بس بجد محستش بفرق لكن الحمد لله شعرى دلوءت مش بيقع زاى الاول خالص بس السر هو الحالة النفسية ياجماعة والله الدكتور لما قالى ماصدقتوش بس حاولو تنسو شعركو دا خالص وتاكلو فيتامينات وخضار كتير وانا عن نفسى باخد فيتا زنك كبسولات من وقت للتانى كمكملات غذائية وقصيت شعرى دجراديه علشان التقصف وبس على كدا بس نفسى استعمل حمام كريم محترم بقا اه واستعملت ماية الترمس علشان شعرى يطول بس ماحستش بفرق ماخدتش غير الريحة البشعة 10 ايام متتالية كنت بغسل شعرى بيه (n)

ياريت حد يقولى الكيراتين يتعمل فين فى المنصوره؟

sally2007;6997023:
انا شفت زيت الجدايل بس فى محل بيبيع منتجات مياكب وكريمات تفتكرى هيبقى حلو ولا لازم اجيبة من عبد الصمد
وكمان هو للتساقط الشعر وفعلا بيجيب نتيجة
وسؤال اخير هو فى كذا ماركة للزيت يعنى انتى بتقولى زيت جدايل ماركة التلات بنات يعنى اقول للراجل زيت جدايل ماركة التلات بنات

حبيبتى مش هيفرق المكان اللي هتشتريه منه الفرق ان كل مكان بتبيعه بسعر
انا دلواتى بتكلم على بتاع عبد الصمد القرشي
في الصيدليات الكبيرة بيتباع ب165 جنيه
و في محلات اللي تبيع ادوات التجميل ب 120 جنيه
و لو انتى من اسكندريه هتلاقيه في مول سان ستيفانو في ركن مخصص لمنتجات عبد الصمد القرشي كلللللللللها بس السعر بصراحه هناك مش عارفه بس اكيد هيكون في حدود 120 او 125 جنيه و في 3 انواع ليه واحد للتطويل و التانى للتساقط و الثالث للقشرة و كل واحد ليه لون مختلف بس بتاع التساقط بنات كتير بتشكر فيه
المهم في دة كله انه يكون عليه تكت ابيض و مكتوب عليه عبد الصمد القرشي
دة اللي انا شفته

لكن الجدايل ماركة الثلاث بنات حسيت بفرق جامد لما بستخدمه في نعومة الشعر و ريحته جنان مع انه للتطويل بس بينعم الشعر اوى و تقيل و لونه احمر و مركز و اشتريته من محل تجميل و الولد اللي بيبع فيه فاتح مركز تجميل و قالي انه النوع دة اللي بيستخدمه في المركز بتاعه و بيعمل منه كورسات تطويل للشعر للزباين اللي بيروحوله مكتوب عليه 90 جنيه و اختك بقي تحب الفصال خدته ب 80 جنيه المهم هتلاقي علبته حمرا و عليها بنت شعرها طويل و ثلاث بنات متصورين عليه تحت شعورهم طويله مكتوب عليه زيت الجدايل للتطويل (( ماركة الثلاث بنات ) و مختوم علي الازازة نفسها كتابه بارزة في قعر الازازة مش فاكرة و الله كان مكتوب ايه و مكتوب عليه (( اصلي )) و من الناحيه الثانيه منتج سعودى

بجد حلو في التنعيم لدرجه ان جوزى كان بياخده منى يستخدمه و الله و لسا بيقولي عايزك تجيبي منه
المهم قوليله عايزة زيت الجدايل ماركة الثلاث بنات
اسفه طولت عليكم (f)

looloo86;7003142:
بكام زيت التلات بنات دة ؟؟ و شكلو إيه لو صورة عندك يكون أحسن.
مرسي

و الله حبيبتى الازازة خلصت و لسا رامياها الاسبوع اللي فات و معنديش صورة ليها
بس انا وصفت شكلها و سعرها 80 جنيه فاصلي مع البياع علشان كانت اغلى من كدة و انا فاصلت فيها

موري2;7016479:

لكن الجدايل ماركة الثلاث بنات حسيت بفرق جامد لما بستخدمه في نعومة الشعر و ريحته جنان مع انه للتطويل بس بينعم الشعر اوى و تقيل و لونه احمر و مركز و اشتريته من محل تجميل و الولد اللي بيبع فيه فاتح مركز تجميل و قالي انه النوع دة اللي بيستخدمه في المركز بتاعه و بيعمل منه كورسات تطويل للشعر للزباين اللي بيروحوله مكتوب عليه 90 جنيه و اختك بقي تحب الفصال خدته ب 80 جنيه المهم هتلاقي علبته حمرا و عليها بنت شعرها طويل و ثلاث بنات متصورين عليه تحت شعورهم طويله مكتوب عليه زيت الجدايل للتطويل (( ماركة الثلاث بنات ) و مختوم علي الازازة نفسها كتابه بارزة في قعر الازازة مش فاكرة و الله كان مكتوب ايه و مكتوب عليه (( اصلي )) و من الناحيه الثانيه منتج سعودى

بجد حلو في التنعيم لدرجه ان جوزى كان بياخده منى يستخدمه و الله و لسا بيقولي عايزك تجيبي منه
المهم قوليله عايزة زيت الجدايل ماركة الثلاث بنات
اسفه طولت عليكم (f)

موري ممكن تقوليلي مكان المحل اللي موجود فيه زيت الجدايل 3 بنات
و حجم الازازة اد ايه

موري2;7016517:
و الله حبيبتى الازازة خلصت و لسا رامياها الاسبوع اللي فات و معنديش صورة ليها
بس انا وصفت شكلها و سعرها 80 جنيه فاصلي مع البياع علشان كانت اغلى من كدة و انا فاصلت فيها

معلش يا مورى عايزة اسئلك يعنى ايه نعم شعرك ؟؟ انتى اصلا شعرك كان جاف ومع الزيت بقا ناعم ولا تقصدى ايه ؟؟؟:D

اشتريت زيت ج كازانوفا والكريم تحفه والبركه فى صوت العيون

تسلمى يا جميله

ان شاء الله يفيدك


بنات احسن نوع سيشوار

CryinG_Blue_EyEs;7016841:
موري ممكن تقوليلي مكان المحل اللي موجود فيه زيت الجدايل 3 بنات
و حجم الازازة اد ايه

حبيبتى انا من اسكندريه المهم انه انا جبته من عند ( سنتر روعه التجاري ) المحل دة جنب كوافير محمود روعه هو صاحب الكوافير و صاحب السنتر و الولد دة ممتاز في الشعر

الازازةكبيره أد بتاعت زيت دابر أملا الكبيره لكن كام مللي مش فاكرة كان مكتوب عليها كام

المهم المحل موجود في السيوف شماعه قبل دوران المطافي أمام قريه عبد الوهاب للمشويات

manosha;7020310:
معلش يا مورى عايزة اسئلك يعنى ايه نعم شعرك ؟؟ انتى اصلا شعرك كان جاف ومع الزيت بقا ناعم ولا تقصدى ايه ؟؟؟:D

ايوة حبيبتى انا أصلا شعري جاف و الزيت دة ادى نعومة لشعري .... اختى قبل خطوبتها كانت بتاخد منى الزيت دة و تعمل منه حمامات زيت بالبخار عند كوافيره و قالتلي انه حلو في التنعيم و قعدت تسألنى انتى جايباه من فين

و تخيلي كانت عايزة تبيعلي الجدايل بس بتاع عبد الصمد القرشي ب 300 جنيه المفتريه

خلوا بالكوا من الاسعار اسألوا في اكتر من مكان و محلات التجميل ينفع تفاصلي فيها اكتر من الصيدليات علشان انتوا عارفين بياعين مصر ماشاء الله عليهم سرقه و غش عينى عينك

فى خلطة كنت بعملها زمان اوى عشان تساقط الشعر كان قالى عليها كوافير
انا قولت اقولها ليكم يمكن تجيب نتييجة مع حد
هاتى جرجير واعصريه وحطى عليه معلقة سبرتو ابيضوادعكى بيهم فروة الشعر
انا مش فاكرة صراحه كل اد ايه بس يعنى ممكن تعمليها يومين تلاته فى الاسبوع
واهم حاجة بجد عشان تحلى مشكلة التساقط انك تتجنبى اسبابه
الحاله النفسيه مهمه جدا جدا هى العامل الاهم
وكمان ماتشديش شعرك وهو مبلول او ماتشديهوش خالص يكون احسن يعنى سرحيه كده بالراحه
وبلاش بقى السشوار او انك تلفيه لان كل ده بيخليكى تشدي فى شعرك
ومن قدام عشان اغلبنا بيعانى ان من قدام منحولة او بقت خفيفة اوى
ماتجبيش شعرك على وره اعملى قصه او افرقيه بدل ماتعدى تسحبى فيه على ورا وادهنيها بزيت خروع

اولا انا لازم اشكر كم جميعا
ثانيا انا من الاسكندرية - سؤالى هو انى مش بهتم بشعرى خالص وشعرى بدء يقع بطريقة مهولة مش عارفة اعمل اية؟
طول شعرى وصل الى الوسط بصراحة من غير اهتمام بس كنت اول الشهر عربى بقص اطراف شعرى بامانة هو ده الى بعمله ......انا مش بروح الى اى كوافير بس بجد قولوى اعمل اية فى شعرى لانة خفيف جدا

حمام كريم للشعر من عمل ايدك بيدي لمعه ونعومه هايله للشعر عباره عن
علبه كريم + ملعقه كبيره من زيت زيتون + ملعقه كبيره زيت خروع + ملعقه زيت لوز مر
تخلطيهم وتحطيه علي كامل الشعر مع تدليك فروره الشعر لمده نصف ساعه علي الشعر مع تغطيته بكاب او كيس بلاستيك وبعدين تغسلي شعرك بميه بس بس كويس اوي تشيلي كل اثار الكريم بجد ده هايل للشعر اعمليه مره بالاسبوع وللعرايس مرتان بالاسبوع

]اخباركم ايه يابنات مصر
على فكرة انا لسة عضوة جديدة نوفي
انا بئة في مشكلة لان فرحي بعد العيد على طول
اناشعري كويس لا حلو اوي ولا وحش اوي بس فالشتا بيبئة تحفة
انا مش بستعمل حاجة معينة لشعري بغير على طول