يلا يابنات مصر نعمل جزء لينا ونشجع بعض لكى نصبح سيدات اعمال

بنبونه حماده;6470636:
بنات انا بحاول اعمل بدايه كده صغيره في مشروع اكسسوارت انا الحمد لله بعمل حاجات حلوه وبحاول اسوقها ولو اني لسه مبتداه

ربنا يوفقك انشاء الله انا برضو بحب الاكسسوارات اوى وعايزة اتعلمها وفكرت اروح مركز للحرف اليدوية واتعلم وبعدين اجيب الخامات واعملها واسوقها بنفسى بس للاسف عندى فى البيت مفيش حد مشجعنى وفكرت كمان اتعلم التفصيل واصمم عبايات الحقيقة فى كذا مشروع فى دماغى بس ما باليد حيلة زى ما بيقولوا مش عارفة اعمل ايه علشان اقنعهم

أم الحسين55;6473818:
طيب يا بنات انا عايزة حد بيرسم حنة كويس يشتغل معايا بالنسبة وكوافيرة شاطرة بمرتب معقول ساعدوني

كان نفسى اساعدك والله بس مش اعرف حد بس انتى ممكن تنزلى اعلان فى اى جريدة وتطلبى بنات يشتغلوا معاكى وربنا يوفقك انشاء الله

شكرا عزيزتي جنة الزهور ،، انا قلت أسأل هنا عشان نفيد ونستفيد

اختي بنونة حمادة ،، انا عايزة حد يرسم حنة على اليد يعني يشتغل فعليآ معايا في الكوافير اليومين دوول.

عندك حد ؟

أم الحسين55;6490395:
شكرا عزيزتي جنة الزهور ،، انا قلت أسأل هنا عشان نفيد ونستفيد

اختي بنونة حمادة ،، انا عايزة حد يرسم حنة على اليد يعني يشتغل فعليآ معايا في الكوافير اليومين دوول.

عندك حد ؟

كان نفسي افيدك يا جميل
بس للاسف مش عندي حد
ربنا يوفقك وتلاقي حد يساعدك

ام الحسين

لو انتى من القاهره بيبقى فى ناس بترسم حنه كويس اوى بس شغالين مع نفسهم
انتى ممكن تتفقى مع اى واحده فيهم تجيلك مثلا فى يوم كامل تخصصيه لموضوع الرسم ده
وتتفقى معاها على المبلغ اللى هتاخده
ممكن تلاقى فى الحسين فى ستات هناك بترسم حنه و فى الاماكن اللى بيبقى فيها سياح عموما بيبقى فى الناس دى

او ممكن تجيبى ورق مرسوم عليه رسومات زى بتاع الحنه بس مفرغ وترسمى انتى عليه

شكرا يا بنوتة حمادة وربنا يوفقك

منمون ربنا يكرمك ، صحيح في ستات في الحسين بترسم انا شفتهم .. حشوف الموضوع ده معاهم

اما عن الورق معرفش بيتباع فين

حسأل عنو برضو

ودعواتكم

الله يكتب لنا التوفيق جميعاً
مشكورة اختى منال على الموضوع الجيد

اختى ام الحسين
فى ستات كتير جدا شاغلين فى البيت ( بيتهم ) من اللى بيرسموا حنة
انا فى حنبى ست اصلاً من السودان بس الحقيقة معرفش هى ممكن تتعامل مع كوافير ولا لا
وكمان انا معرفش انت مكانك فين يعنى هيكون بعيد بالنسبة لها ولا لا
وعلى فكرة لو انت حنبك حد من النوبة هما هايلين فى الموضوع دا ممكن تسألى حد من اللى حوالكى وانشالله تلاقى حد

كريستالة يا قمر

شكرا وجزاك الله خير

اعرف ناس من النوبة بس كمان بعيد عني

انا قرب المعادي كده

ربنا يوفق الجميع

موضوع الاستثمار فى البورصة محتاج تعليم
لانه صعب تبداى لوحدك وانتى معدكيش خبرة بخفاية البورصة والاعيبها
يعنى امتى تشترى السههم وايه هو السعر المناسب للشراء وهل السوق كويس ولا لاء
امتى تخرجى من السم وتبيعى وامتى تعرفى اتجاه السوق هل هابط ام صاعد
كل ده محتاج تعليم
والحل التانى انك يبقى عندك على الاقل خلفية عن الاسهم ونشاطها ونقط الدعم اللى هى اقل سعر ممكن يوصلو السهم ونقط المقاومة اللى هى اعلى سعر ممكن يوصلو السهم
وتعرفى نشاط الشركات عشان متختاريش شركة تجارتها غير مشروعة زى مثلا شركة اسواق مصر الحرة لانها بتشتغل فى الخمور
او شركة الايسترن كومبانى بتاعة السجاير او شركة زى بيراميز لادارة الفنادق
دى مجرد امثلة
انتى فى البداية ممكن تعتمدى على السمسار اللى بتختاره لكى الشركة
ولو حسيتى انك مش مرتاحة فى التعامل معاه بتختار انتى بنفسك السمسار اللى يفيدك
او بتخلى حد يدير محفظتك بيكون له حرية البيع او الشراء فقط
انما سحب الفلوس بيكون من اختصاصك انتى لوحدك زى البنوك بالظبط
محدش يقدر يسحب من رصيدك غيرك

فى فكرة مشروع ظريفة اوى
اشترك فيها ثلاث بنات
اجرو شقة وعملوها مركز تجميل متكامل
سونة وحمام مغربى وحمامات بخار وقسم للبشرة والشعر
المشروع ده عشان يكون ناجح لازم يتعمل على مستوى عالى ودعاية كويسة
عشان تقدرى تجذبى ليكى بنات من اسر محترمة وسيدات اعمال كمان

حياة رائعة مشروع هاااااييل بس عايز خبره جامده مش اى حد يعمله وهو فعلا مربح جداا

انا عملت المشروع اللي بتتكلموا عنو ده يا بنات والافتتاح كمان اسبوع ان شاء الله

ادعوا لي بقى ربنا يوفقني فيه .. عشان بعدين افيدكم بخصوص المشروع ده

ومتنسوش تيجوا تزوروني وتعملولي دعاية

شكرا يا منال على الموضوع الجميل المفيد جدا وكنت ليا سؤال يا جماعة أنا بافكر اتعلم ميكب ولف طرح حد يعرف حد كويس بيدى كورسات باسعار معقولة ؟ وكمان كنت عايزة اسال حد يعرف مركز لتعليم الأشغال اليدوية زى الأكسسورات والتابلوهات والحاجات دى ؟

egyptiangirl;6533115:
شكرا يا منال على الموضوع الجميل المفيد جدا وكنت ليا سؤال يا جماعة أنا بافكر اتعلم ميكب ولف طرح حد يعرف حد كويس بيدى كورسات باسعار معقولة ؟ وكمان كنت عايزة اسال حد يعرف مركز لتعليم الأشغال اليدوية زى الأكسسورات والتابلوهات والحاجات دى ؟

بصى يا قمر بالنسبة لموضوع الميكب والطرح معنديش فكرة
بس ممكن افيدك فى نوضوع الاكسسوارات انا كل يوم بقرأ فى جريدة الوسيط عن مراكز الحرف اليدوية وبيبقى موجود ارقام تليفونات فى الاعلان وانا اتصلت باكتر من مركز وكان نفسى اشتغل فى الحاجات دى بس اهلى رافضين عموما انا هبعتلك على الخاص ارقام تليفونات وانتى اتصلى بيهم واعرفى التفاصيل وربنا يفوقك

مرسى يا جنة قوى يا ترى اسعارهم ايه؟

أم الحسين55 ربنا يوفقك ويرزقك رزق طيب , هو مكانه فين يا جميل

موضوع رائع بجد
انا جربت الشغل في دبابيس الطرح متتخيلوش الموضوع بسيط ومربح اه ربحه مش كبير بس بنسبالي احسن من لا شئ لاني صعب اشتغل بس المكشله عندي في التسويق يعني ايه افكاركم في التسويق ابدا ازاي انا جربته مره ونجح بس كنت شريكه مع صحبيتي وهي الي كانت بتسوق ودلوقتي عايزة ابدا الموضوع تاني بس لوحدي ايه رايكم؟

poosy cat;6543399:
موضوع رائع بجد
انا جربت الشغل في دبابيس الطرح متتخيلوش الموضوع بسيط ومربح اه ربحه مش كبير بس بنسبالي احسن من لا شئ لاني صعب اشتغل بس المكشله عندي في التسويق يعني ايه افكاركم في التسويق ابدا ازاي انا جربته مره ونجح بس كنت شريكه مع صحبيتي وهي الي كانت بتسوق ودلوقتي عايزة ابدا الموضوع تاني بس لوحدي ايه رايكم؟

بصى يا بوسى انا ليا اتنين قريباتى كانوا بيشتغلوا برضو فى الدبابيس عن طريق مركز الحرف اليدوية كانوا بيعملوها فى البيت المركز كان بيشترى انتاجهم واحيانا كانوا هما اللى بيسوقوها
بنفسهم كانوا بيعملوا ايه بقى كانوا بيروحوا المحلات اللى فيها الاكسسوارات والمحلات اللى بتبيع اى حاجة ب2 ونص اكيد عارفاها وكانوا بيعرضوا عليهم انتاجهم ويبعوه
ممكن تعملى زيهم

من اربع سنين تقريبا عملت مشروع
جبت مكنة خياطة ب 450 كانو بيعلنو عنها فى التليفزيون
وعملت بيها حاجات كتير اوى
من ضمن الحاجت اللى عملتها
المفارش
عملت مفارش سفرة
على فكرة يا بنات الموضوع ده سهل اوى اوى
ده غير انك بتصممى المفرش على زوقك يعنى بيكون تصميمك الخاص
استخدمت كذا نوع من القماش منهم الشيفون والتفتاه والاورجانزا
فى الاول كان فى قماش بيبوظ معاية
لكن مرة فى مرة الموضوع بقى سهل
وكنت بشترى اللوازم من زنقة الستات سوق الخيط
فى هناك كل حااااااااااااااااااااااااااااااااااااااااااااجة
وكل انواع الاقمشة وكل المستلزمات اللى بتستخدميها لتزيين المفرش
المهم بدات ابيع المفارش للمعارف
وحسيت انى ممكن اعمل شغل كويس
وقعدت افكر فى تطوير المشروع وقولت هعمل مفارش سرير كمان
لكن المكنة عطلت واتصلت بالشركة اتاخرو عليا فى تصليحها
وبدأت اكسل
زاللى شغلنى اكتر موضوع البورصة
لكن انتو شجعتونى ابدأ تانى
فايه رايكم
المشكلة عندى هتكون فى التسويق