يلا يابنات مصر نعمل جزء لينا ونشجع بعض لكى نصبح سيدات اعمال

طيب يا حياة عرفينا فكرة مشروعك

...

بنات انا حفتح كوافير قريب في القاهرة .

ادوني افكاركم

واختي بنوته سكر ، عرفيني لو ممكن نتعاون مع بعض عن طريق كوافيري ، ممكن نشتغل في اية من اللي درستية

يعني ممكن نعمل اعلانات عن ماسكات طبيعية وعلاجات مضمونة ، وانا امول واجيب المواد

واللي عندها افكار تانية تقول

وموفقين يا بنات ومشكورين على الموضوع الحلو

بنات الموضوع جامد جدا
وانا كان في دماغي من زمان اني اطرح فكره موضوع زي ده
بس الاخت منال جزاها الله كل خير سبقت بالخير
وانا هقلكوا بقي انا مش عايزه اعمل مشروع بس عايزه يكون ليا عمل من خلال المنزل
يعني انا الحمد لله عندي لغه انجليزيه ممكن من خلالها يبقي ترجمه عن طريق النت
او كتابه علي الكمبوتر

ده غير مهارات في الاشغال اليدويه زي التطريز والتصميم والرسم كمان
بس مش عارفه ازاي اقدر استغل ده من خلال البيت يعني ابقي مش محتاجه تفرغ لاني لسه بدرس وفي نفس الوقت مش محتاجه خروج من البيت
ياريت تقدروا تشوروا عليا بافكاركم يا بنات لاني محتجاها جدا
وربنا يوفقنا كلنا يارب

حياة رائعة;6451826:
بناااااااااااااااااااااات مصر عندى ليكم فكرة بيزنس تجنن
وهتتعلمى منها حاجات تخليكى سيدة اعمال بحق وحقيق
المهم بس يكون فى راس مال للبدا فى المشروع
السنة اللى فاتت راس مالى كان 11 الف والسنة دى فى حدود 50 الف
ممكن اوضح تفاصيل البيزنس بس على الخاص عشان مش عارفة اذا كان ينفع على العام او لاء

وصلت لكم الراسيل ؟؟؟؟

يا ريت اختى حياة تقوليلى فكرة مشروعك الناجح

وانا كمان ممكن تبعتيلى فكرة المشروع

موصلش حاجة

اخواتى الحبيبات
عجبتنى قوى افكاركم
جزاكم الله كل خير
انا لسه بادئه مشروعى الخاص وهو عباره عن محل ببيع فيه لعب اطفال و مكياج وادات منزليه وتصوير مستندا ت بصراحه انا لى فاتحه شهر ونص بس وحاسه ان العائد مش قد كده يا ترى تنصحونى بايه وخصوصا انى خايفه جدا ومتوتره وايه هو المبلغ الى اذا وصلت له اكون بكده نجحت ارجوكم ردوا عليا انا محتاره جدا وخايفه ومتضايقه محتاجه نصائح منكم ازاى اخلى المشروع ده يكون ناجح

وانا كمان ممكن تبعتيلى فكرة المشروع

belle_fille;6434927:
السلام عليكم.. انا عندى فكره بس مش عارفه هتنفع ولا لاء؟ انا جوزى بيشتغل فى السعوديه وانا بروح هناك واجى اجازات وهناك ملابس الاطفال رووووووعه ورخيصه جدااا , فكرت انى افتح محل ملابس للاطفال واجيب الملابس من هناك جوزى يشحنهالى واعرضها هنا فى محل . ايه رايكم؟

اختى الفاضله
انا كنت عايشه هناك وعارفه الحجات الحلوه الى هناك
حبيبتى انا جتلى نفس الفكره الى عندك وكنت ناويه انفذها بس انا اكتشفت حاجه مهمه لما عملت مشروعى
وهى ان كل حاجه موجوده هنا والسعر تقريبا واحد بس عند تجار الجمله
لكن لما بتروح للمستهلك بتزيد 20 ضعف
وخلى بالك جمارك الملابس فى مصر مولعه راعى هذه النقطه جيدا
حتى الاكسسوارات ام ريالين موجوده هنا وطبق الاصل انا بشتغل فيه
حبيبتى صدقينى وخديها نصيحه كل حاجه موجوده وانا تحت امرك فى اى استفسار

عبير الوروووود [SIZE=5] تسلميلى حبيبتى على الرد , فيه فرررق كبير جدا فى الاسعار يعنى هقولك مثلا فى الشتا اشتريت لابنى بلوفر صوف ب 60 جنيه اوكى , بعد باسبوع جاله كم طقم كدا من السعوديه الطقم الواحد 3 قطع جاكيت صوف وبنطلون جينز و تى شيرت قطن ممكن يلبسه على البنطلون لوحده كل دا ب 30 ريال يعنى ميحصلش 45 جنيه مصرى يعنى اقل من تمن بلوفر واحد اشتريته من مصر , كنت اشتريت قبل ما انزل طقم تى شيرت وشورت ب 9 ريال يعنى تقريبا ب 13 جنيه هنا فى مصر ممكن يوصل 20 جنيه , كنت جبت شورتات حريمى سعر الوحده 4 ريال يعنى ب 6 جنيه سعر الوحده هنا 15 جنيه , اشتريت من هناك بجامه حريمى ب 15 ريال مش فاكره تقريبا يعنى فى حدود 23 جنيه زيها فى مصر بتوصل ل 45 جنيه , اشتريت سلوبيت حمل جينز كان ب 40 ريال يعنى فى حدود 60 جنيه بس كان بنطلون لما جيت مصر اشتريت واحد كان جيبه تخيلى كان بكام؟؟؟؟؟؟ 180 جنيه . فرق فى الاسعار بس هى المشكله فى الشحن يعنى لو اضمن ان الشحن يكون خفيف يبقى مشروع هااااااايل , أنا سمعت ان الجمارك هتتخفض فى 2010. ربنا يهديهم كدا ويلغوها خالص

عبير الوروووود;6459914:
اخواتى الحبيبات
عجبتنى قوى افكاركم
جزاكم الله كل خير
انا لسه بادئه مشروعى الخاص وهو عباره عن محل ببيع فيه لعب اطفال و مكياج وادات منزليه وتصوير مستندا ت بصراحه انا لى فاتحه شهر ونص بس وحاسه ان العائد مش قد كده يا ترى تنصحونى بايه وخصوصا انى خايفه جدا ومتوتره وايه هو المبلغ الى اذا وصلت له اكون بكده نجحت ارجوكم ردوا عليا انا محتاره جدا وخايفه ومتضايقه محتاجه نصائح منكم ازاى اخلى المشروع ده يكون ناجح

اختى عبير الورود لو تلاحظى السوق من حواليكى هتلاقى ان فى تكرار لحاجات كتير مثل تواجد نوع البضاعه فى مكان واحد تقديم المنتج بشكل عادى جدا دون تجديد وشد للا نتباه عدم وجود ابتكاريه فى تقديم المنتج كاديكور المكان مثلا يعنى وانتى خارجه رايحه السوق هتلاقى محلات كتير بتعرض نفس البضاعه بس فى واحد بس بتدخليه علشان شدك فيه حاجه كمان التجاره عايزه صبر وطموح لكى تحققى نتيجه جيده والله معكى(y)(y)(y)(y)

nora67

ربنا يوفقك يا جميل
بس ممكن تمسحى الاميل لان ممنوع كتابه الايميلات على المنتدى

ربنا يخليكى يا حبيبتى وانا بعتذر على كتابه الايميل انا عضوه جديده ومش عارفه انه ممنوع بس قوليلى امسحه ازاى

شوفو
اولا هو مش مشروع
هو استثمار
فى البورصة
بس مش زى ما الناس بتسمع ان البورصة خساير والفلوس تطير فى لحظة والكلام ده
انتى بتروحى مثلا على اى شركة تداول اوراق مالية ويفضل الشركات الكبيرة زى هيرمس و بايونيرز
وبتطلبى انك تعملى كود موحد فى البورصة
وتعملى ايداع فى الشركة باسمك
وبعد ما تنتهى اجرائات الكود الموحد فى خلال ثلاث ايام
بيكون حسابك جاهز انك تشترى وتبيعى الاسهم
بتجيلنا توصيات بشراء اسهم معينة بندخل فيها وبعد يومين نبيعها
هيدكم مثال
الاسبوع اللى فات اشتريت 500 سهم بحوالى 20 جنيه للسهم يعنى اجمالى المبلغ كان 10000
وبعد يومين بيعنا ال 500 ب 24.50
يبقى اجمالى سعر البيع بعد يومين 12250
يبقى حققنا ربح حوالى 2250 فى خلال يومين
مثال اخر
يوم الخميس اشتريت 1000 سهم بايونيرز بسعر 12.50
يبقى اجمالى سعر الشراء 12500
وفى نهاية التداول كان سعر السهم 15.99
وده فى نفس اليوم
وهكذا
اللى حابة تتعلم اكتر ممكن تكلمنى على الخاص ابعتلها ايميلى

nora76;6466946:
ربنا يخليكى يا حبيبتى وانا بعتذر على كتابه الايميل انا عضوه جديده ومش عارفه انه ممنوع بس قوليلى امسحه ازاى

ولا يهمك يا حبيبتى
بصى هتلاقى تحت المربع اللى كاتبه فيه الكلام بتاعك
4 ايقونات صغيره اول واحده فيها تعديل
اضغطى عليها وبعدين امسحى الاميل واضغطى على اعتماد التعديل
لو منفعش او معرفتيش هو كده كده هيتمسح لوحده لو المشرفة شافت الموضوع

حبيبتي حياه رائعه
موضوع البورصه ده مش سهل كده وبعدين لازم اللي يعمل كده يبقي فاهم ده
الشركات الماليه فعلا مش بتعمل خساره كبيره بالعكس بيبقي فيها ربح بس برضه الموضوع مش سهل
انا شغاله في شركه بورصه
واللي بيستثمر بنفسه لازم يبقي فاهم الموضوع
اما اللي هيحط فلوسه في شركات ماليه هو بيستثمر فلوسه بس هو شخصيا مش بيعمل
وعلي العموم ربنا يوفقك ياقمر

بنات انا بحاول اعمل بدايه كده صغيره في مشروع اكسسوارت
انا الحمد لله بعمل حاجات حلوه وبحاول اسوقها ولو اني لسه مبتداه
بس عايزه افكار جديده ومبتكره يعني كلكوا تقريبا عارفين الحاجات اللي في السوق المصري بشكل عام والموديلات والتصميمات الموجوده
بحثت في النت كتير ولا قيت حاجات حلوه الحمد لله
بس ياريت اللي عندها افكار جديده تكون غريبه علي السوق المصري وفي نفس الوقت بخامات بسيطه عشان سعر المنتج ما يبقاش مكلف
ابقي شاكره جدا ليها
واالي عندها ليا تخص الموضوع بشكل عام ربنا يجزاها كل خير
وربنا يوفقنا كلنا

اختي حياة رائعة

انا عندي كود في شركة هيرمس

ةكان باقي لي احط لهم ال 10 الاف جنية اللي هي اقل قيمة للاشتراك

بس ناس كتير خوفوني واني لازم يكون عندي خبرة وكلام من ده

لان الموضوع فعلا مش سهل ويحتاج دراسة وافية للسوق قبل البدأ

ربنا يسهل

طيب يا بنات انا عايزة حد بيرسم حنة كويس يشتغل معايا بالنسبة

وكوافيرة شاطرة بمرتب معقول

ساعدوني

أم الحسين55;6473818:
طيب يا بنات انا عايزة حد بيرسم حنة كويس يشتغل معايا بالنسبة

وكوافيرة شاطرة بمرتب معقول

ساعدوني

حبيبتي بمعني ايه حد بيرسم حنه
يعني بيعمل تصميمات ولا حد بيرسم فعلا يشتغل معاكي ؟
ربنا يوفقك