يلا يابنات مصر نعمل جزء لينا ونشجع بعض لكى نصبح سيدات اعمال

Dony يا ريت حبيبتى تقوليلى اتعلمتى عمل الإكسسوارات فين ؟

الموضوع رائع

انا اصلا بشتغل محاسبة

بس نفسي يبقى عندي شغل خاص بيا

حاجة تبتدي صغيرة واشوفها تكبر ادام عيني

بس الفكرة في راس المال

الله المستعان

للرفع

moon_sakr;6721123:
ما شاااااااااااء الله ...... الموضوع فعلا هايل جداااااااااااااااا
انا عندى فكرة يارب تعجبكم وتقولولى رايكم فيها وهى مشروع يناسب اصحاب الدخول المتوسطة والبسيطة زى مثلا الفكرة دى :
التجارة فى جميع انواع الملابس القطنية المصرية الجميلة وغيرها من انواع الاقمشة المختلفة ل(اطفال _ حريمى _ رجالى ) باسعار ولا فى الخيال ولكن زى ما فهمتكم مش لازم ابدا تبقى ماركة ولا سعرها غالى جدا عشان تكون متميزة ولكنها فعلا جيدة الصنع واقمشتها جميلة وفيها اختلاف واسع ورائع جدا فى الموديلات .....
ولكن :confused: ليس لى خبرة فى كيفية التوصيل او المندوبين او طريقة الدفع
وارجو مساعدة اخواتى:o المصريات التاجرات فى هذه الامور ....
وعندى طلب منك يا cute rouma انك تساعدينا بخبرتك خصوصا انك ماشاء الله من الناس اللى بيعجبنى بضاعتهم
وبالذات التجارة عن طريق المنتديات لان فعلا صعب على المرأة فى مصر التعامل مع الناس مباشرة لان التسويق صعب جدا ومش بسهولة تقنعى الناس بيكى شخصيا قبل بضاعتك
وربنا يوفق الجميع

فعلا عندك حق مشروع الملابس مربح بالنسبه لباقى المشاريع بس عايز خبره برضو اى مشروع عايز خبره ومعرض للخساره فى الاول اهم حاجه الصبرر

dony???;6751337:
موضوع رائــــع

الله يكتب لكم الخير

أنـــا كنت قايمة بمشروع بسيط كده هو عبارة عن عمل إكسسوارات كنت بشترى الخامات من الموسكى
وبعمل الاكسسوارات لأنى عندى الهواية دى

وماما وخالتو بيعملوا مفارش سرير وسفرة عبارة عن اورجانزا مبطن بالستان ومشغول بالكامل بالكسر بس بجد تحفة تحفة
لكن عمله كان مرهق جدااااااااااااااااااااااا لأن التطريز كان يدوى
وكانوا بيشتروه العرايس اللى ف عيلتنا
بس لكن معرضناش ف محل

وفكرت انا وصحبتى نفتح محل 2,5 بس الكسل وعدم التحفيز

أنا نفسى افتح محل للإكسسوارات اليدوية
والمفارش المشغولة اليدوية
والطرح المشغولة
وإعقاد الأفراح الكبيرة

إدعولى ربنا يوفقنى
وربنا يوفقكوا

ربنا يوفقك ويفتح لك باب الرزق

حياة رائعة;6467047:
شوفو
اولا هو مش مشروع
هو استثمار
فى البورصة
بس مش زى ما الناس بتسمع ان البورصة خساير والفلوس تطير فى لحظة والكلام ده
انتى بتروحى مثلا على اى شركة تداول اوراق مالية ويفضل الشركات الكبيرة زى هيرمس و بايونيرز
وبتطلبى انك تعملى كود موحد فى البورصة
وتعملى ايداع فى الشركة باسمك
وبعد ما تنتهى اجرائات الكود الموحد فى خلال ثلاث ايام
بيكون حسابك جاهز انك تشترى وتبيعى الاسهم
بتجيلنا توصيات بشراء اسهم معينة بندخل فيها وبعد يومين نبيعها
هيدكم مثال
الاسبوع اللى فات اشتريت 500 سهم بحوالى 20 جنيه للسهم يعنى اجمالى المبلغ كان 10000
وبعد يومين بيعنا ال 500 ب 24.50
يبقى اجمالى سعر البيع بعد يومين 12250
يبقى حققنا ربح حوالى 2250 فى خلال يومين
مثال اخر
يوم الخميس اشتريت 1000 سهم بايونيرز بسعر 12.50
يبقى اجمالى سعر الشراء 12500
وفى نهاية التداول كان سعر السهم 15.99
وده فى نفس اليوم
وهكذا
اللى حابة تتعلم اكتر ممكن تكلمنى على الخاص ابعتلها ايميلى

ربنا يوفقك
انا ليا استفسار لو تكرمتي هيا الأسهم بتاعت الشركتين دول أسهم نقية ولا مختلطة ؟

السلام عليكم ورحمة الله وبركاته
انا عايزه خدمه منكم ومش عارف ابتدي ازاي
سبحان الله ... النهارده فعلا كنت بفكر اني اعمل مشروع يكون من البيت وفكرة في الاكسسورات بس لقيت ان في ناس كتير ما شاء الله بتعملها وعندهم خبرة
انا الحمد لله دايما كنت بصمم لبسي ولبس اخواتي زي تونيكان وعبابات وجيبات من كذا سنه وليا معرفه الحمد لله كويسه في القماش قبل ما افصله وبفكر اني بإذن الله اعمل بس انا مش برسم كويس اوي
انا عايزه حد يقولي اتعلم الرسم كويس عشان اصمم كويس ازاي ؟؟؟
انا بفكر جدا في المشروع ده وعايزه اعرف كمان ابتدي ازاي لو عملت التصميمات ، انا عندي ترزي كويس اوي ممكن يفصلي التصميمات بإذن الله لكن التسويق هيكون ازاي ؟؟؟
يار يت تفيدوني أفادكم الله
علماً بإني عايزة اسوق من البيت
وربنا يوفقنا كلنا ويرزقنا رزق حلال طيب .. اللهم آمين

انا عضوه جديده معاكو انا بصمم مفروشات عرايس تجنن و ببيع
و لو تحبو ارع لكم صور اوكى دى اول صوره

Black[/SIZE]"] السلام عليكم ورحمه الله وبركاته اخواتى فى منتدى عروس عندى فكره مشروع وهى جيمنزيم فى الغردقه للسيدات وممكن من خلااله اعمل تسويق لمنتجات كتير بس للاسف محتاجه لشريكه عندها خبره وعلشان تقريبا فى ناس كتير بقيت بتخاف من المجازفه مش عارفه اعمل ايه محتاجه اقتراحتكم

موفقات اخواتي

مسلمة موحدة;6809808:
السلام عليكم ورحمة الله وبركاته
انا عايزه خدمه منكم ومش عارف ابتدي ازاي
سبحان الله ... النهارده فعلا كنت بفكر اني اعمل مشروع يكون من البيت وفكرة في الاكسسورات بس لقيت ان في ناس كتير ما شاء الله بتعملها وعندهم خبرة
انا الحمد لله دايما كنت بصمم لبسي ولبس اخواتي زي تونيكان وعبابات وجيبات من كذا سنه وليا معرفه الحمد لله كويسه في القماش قبل ما افصله وبفكر اني بإذن الله اعمل بس انا مش برسم كويس اوي
انا عايزه حد يقولي اتعلم الرسم كويس عشان اصمم كويس ازاي ؟؟؟
انا بفكر جدا في المشروع ده وعايزه اعرف كمان ابتدي ازاي لو عملت التصميمات ، انا عندي ترزي كويس اوي ممكن يفصلي التصميمات بإذن الله لكن التسويق هيكون ازاي ؟؟؟
يار يت تفيدوني أفادكم الله
علماً بإني عايزة اسوق من البيت
وربنا يوفقنا كلنا ويرزقنا رزق حلال طيب .. اللهم آمين

انتي منين


لو في الاسكندرية اعرف مكان

مسلمة موحدة;6809808:
السلام عليكم ورحمة الله وبركاته
انا عايزه خدمه منكم ومش عارف ابتدي ازاي
سبحان الله ... النهارده فعلا كنت بفكر اني اعمل مشروع يكون من البيت وفكرة في الاكسسورات بس لقيت ان في ناس كتير ما شاء الله بتعملها وعندهم خبرة
انا الحمد لله دايما كنت بصمم لبسي ولبس اخواتي زي تونيكان وعبابات وجيبات من كذا سنه وليا معرفه الحمد لله كويسه في القماش قبل ما افصله وبفكر اني بإذن الله اعمل بس انا مش برسم كويس اوي
انا عايزه حد يقولي اتعلم الرسم كويس عشان اصمم كويس ازاي ؟؟؟
انا بفكر جدا في المشروع ده وعايزه اعرف كمان ابتدي ازاي لو عملت التصميمات ، انا عندي ترزي كويس اوي ممكن يفصلي التصميمات بإذن الله لكن التسويق هيكون ازاي ؟؟؟
يار يت تفيدوني أفادكم الله
علماً بإني عايزة اسوق من البيت
وربنا يوفقنا كلنا ويرزقنا رزق حلال طيب .. اللهم آمين

حبيبتي في موضوع هنا بنوته ربنا يكرمها عماله موضوع عن التصميم وتعليمه
وده اللينك بتاعه
http://www.3roos.com/forums/t341308.html
http://www.3roos.com/forums/t342276.html
يارب يفيدك
وكنت عايزه اعرف انتي منين يا قمر

[GLOW="FF0099"]فكرتكم جميله يا بنات وشكلي كده هشترك معاكم في المشاريع دي[/GLOW]

بصوا يا بنات انا فكرت اعمل مشروع انا وقريبتى سوا هيكون عباره عن ( طرح + برفانات + اكسسوارات ) وممكن نضيف ملابس لانجيريهات وكده
بس انا من المنصوره وعايزه اماكن فى القاهره تكون اسعارها رخيصه
احنا عندنا فى محلات بتبيع الطرح ب 5جنيه ياترى فى القاهره ارخص عشان اقدر ابيعها هنا برضه ب4 جنيه وكمان البرفانات التركيب هنا رخيص برضه بشتري ب7 جنيه
ياريت حد يقولى علىاىاماكن رخيصه فى القاهره عشان اقدر اشترى البضاعه من هناك

داليا فى محلات بالجملة فى الموسكى ممكن تشترى منها وبيبيعوا اكسسوارات برضه

شكرا اختى على ردك وياريت لو اسماء محلات

اخواتي حابة اساعدكم بلي افدر عليه لان انا كمان اريد ان يكون لي مشروع خاص بي...عندي كتير افكار تنفع معاكم....لي حابة التفاصيل تراسلني على الخاص

سلام يا بنات مشاريعكم كلها هاااااااااايله ورائعه بجد
انا بشتغل ميكب ارتيست بمكيج عرايس فى الكوافيرات
يعنى لما بيكون فى عروسه فى كوافير صاحب لكوافير يتصل بيا امكيجها وامشى
بس المشكله انى بتعامل مع كوافيرات قليله جدا
وكل فين وفين لما تجيلى عروسه
ومش عارفه اعمل ايه
وكمان عايزه اتعلم فن الاكسسوار فى مركز يكون فى الزيتون او قريب منه
ده انا حتى عملت جروب على موقع الياهو خاص بتسويق السلع والمنتجات والاعلان والدعايه
بس لسه ما اعلنتش عنه
ساعدونى وقولولى اعمل ايه
ربنا يوفقكم

ماشاء الله يابنات أفكاركم جميلة ورائعة وربنا يوفقكم وبالنسبة للبنات اللى بيعملوا المشاريع ومابيعرفوش يسوقوها فين انا أعرف ان كتيرمن الجامعات فى مصر بتعمل معارض دائمة فيها واللى حابة تعرف أكتر ترا سلنى وان شاء الله أفيدها
أنا عندى مشروع جميل نفسى أعمله بس محتاج رأس مال وهو انى أعمل أتيليه لتأجير فساتين الأفراح والسواريهات أعتقد ان دة مشروع أرباحه كويسة خصوصاً ان الغالبية أصبحوا بيأجروا الفساتين دى ياريت تقولوا لى رأيكم ولوعندكم أفكار تقولوها

بصراحه مشروع جميل الاتيليه بس هيكلفك كتييييييييييير لانى فعلا كنت بفكر فيه قبل مشروع الطرح والاكسسوارات والمكياج بس لقيته هيحتاج راس مال كبير وكمان لو عملتى فى جنب تاجير للبدل للعريس يعنى تضمى الاتنين سوا بكده ميطلعش بره محلك بس هيكلفك جامد