يلا يابنات مصر نعمل جزء لينا ونشجع بعض لكى نصبح سيدات اعمال

السلام عليكم ورحمة الله وبركاته
بارك الله فيكو يا بنوتات
أنا بفكر أعمل مشروع صغير
وهو عمل الملايات
فياريت أصحاب الخبره يفيدوني من حيث
مكان شراء ماكينة الخياطه ونوعها و أسعارها وهل في ماكينه بتخيط وطرز في نفس الوقت
ومكان شاراء المواد الخام زي القماش والخيوط وكل لوازم عمل الملايات
معلش هتعبكو معايا كتير

roza بالنسبه لطبلك بخصوص الماكينه معرفش بصراحة فين في القاهرة بس اهم حاجة ما تشتريش حاجة صيني لو انتي ناويه يكون مشروع مستمر لاني المكن الصيني عايز شغل خفيف

و الافضل الياباني عندك مثلا جاجوار او براذر دول كويسسن جدا بس اسعارهم غاليه يعني ممكن 1500 تقريبا

و الخامات عندك الوكاله و الازهر و بالتوفيق

جزاكي الله خيراأ
بس هو مفيش ماكينات أرخص شويه
وياريت لو حد يقدر يقولي ممكن الأقي الماكينات فين

انت ممكن تتبتدي بالمكن العادي من غير غرز تطريز خياطه عاديه زي سنجر او تجيبي مكن سنجر اللي بغرز بس هو صيني يعمل حوالي 500 تقريبا يعني لحد ما تشوفي الموضوع معاكي اخباره ايه و اذا لقيتي الموضوع ماشي معاكي كويس اشتري الياباني
و بالتوفيق و اظن ان ممكن يكون في العتبه ورا عمر افندي اسالي في المنطقه ديه .

السلام عليكم انا محتاجه مساعدتكم انا عايزه اماكن تجار جمله لبيع لبس البيت بديهات برمودات حاجات الدلع دي اسعار رخيصه يعني انا من المنصوره وعرفش اي حاجه في كيرو عايزه حد يساعدني

اذيك يا بنوته مصر

ايه اخبارك وفينك غايبه من زمان

انا زيك من المنصوره بس بسمع ان اللبس بيكون رخيص فى العتبه

بس انصحك نصيحه

روحى المحله افضل وهناك سوق للمستورد واسعارها طبعا حلوه

وكمان سوق التجار فى دمياط او سوق الجمله مش فاكره اوى

وكمان عندك ف المنصوره شارع النجار اللى جانب الملكه ومقابل للحاجه الشارع ده كله اسعاره رووووووووووووووعه

وحاجاته تجنن وفيه محلات كتير جدا

لو احتجتى حاجه انا فى الخدمه

ازيك ياقمر عشق السماء شارع النجار عارفاه هو فيه حاجات حلوة بس مش بالجمله يعني غاليه اعتقد مفيهاش مكسب اما المحله بقا نشوف بس انتي جبتي حاجه من المكان ده ولا سمعتي عنه

اهلا يا بنوته انتى عايزه تتاجرى فيهم

؟؟؟؟؟؟؟؟؟؟

انا جبت من شارع النجار وكمان من المحله

واعرف ناس جابوا من دمياط

بس المحله والمنصوره اسهل لك

انتى لو سافرتى هتتضيعى المكسب فى السفر والشيل وهتتعبى نفسك اوى

بس انتى لما تروحى ليهم عرفيهم انك جمله وهما هيعاملوكى جمله

وخدى باللك من المحلات اللى فى الشوارع الجانبيه بتكون ارخص

وحاجتهم حلوه بجد

ومجرباها بس انتى اختارى القماشه الاوزل بعدين الشكل

اذيكوا يا بنات بلدي حلو اووي الفكرة ما شاء الله وربنا يوفق الجميع يااااااااارب انا عايزة اعرف اماكن تبيع الحاجات الحريمي فرداني بس بسعر الجملة انا مش هتاجر بس عشان الجهاز ان شاء الله في محلات بتبيع كده ؟؟؟؟ او مثلا يبيع اقل حاجه تلات قطع برده ماشي بس يكون حاجات نضيفه واصليه فيييييييين وانا من القاهرة اه بسأل عن اي حاااااجه اللي تعرف تقول الله يكرمها يعني ملابس داخليه حاجات كارينا اكسسوارات حتى اي حاجه حريمي ان شاء الله وشكرا مقدما وربنا يسعدكوا ويهنيكوا

kasndra;9059994:
اذيكوا يا بنات بلدي حلو اووي الفكرة ما شاء الله وربنا يوفق الجميع يااااااااارب انا عايزة اعرف اماكن تبيع الحاجات الحريمي فرداني بس بسعر الجملة انا مش هتاجر بس عشان الجهاز ان شاء الله في محلات بتبيع كده ؟؟؟؟ او مثلا يبيع اقل حاجه تلات قطع برده ماشي بس يكون حاجات نضيفه واصليه فيييييييين وانا من القاهرة اه بسأل عن اي حاااااجه اللي تعرف تقول الله يكرمها يعني ملابس داخليه حاجات كارينا اكسسوارات حتى اي حاجه حريمي ان شاء الله وشكرا مقدما وربنا يسعدكوا ويهنيكوا

مبررروك حبيبتي وان شاء الله ربي يكملك على ألف خير

انت ممكن تعملي زيارة لبوسعيد
هناك الحاجات الحريمي اللانجيري والأنردوير والبراهات رخيصة وحاجات عرايس وشيك
وكمان في باديهات تقليد كارينا واكسسورات بالهبل وكل حاجة وكمان كل مستلزمات المطبخ

يعني هتلاقي كل حاجة ان شاء الله

بالتوفيق حبيبتي

بنت مصر11;9043082:
السلام عليكم انا محتاجه مساعدتكم انا عايزه اماكن تجار جمله لبيع لبس البيت بديهات برمودات حاجات الدلع دي اسعار رخيصه يعني انا من المنصوره وعرفش اي حاجه في كيرو عايزه حد يساعدني

هتلاقي قي بورسعيد ناس بتوع الجملة وحاجاتهم رووووعة وخامات تحفة

السلام عليكم ورحمة الله وبركاته

هتلاقي قي بورسعيد ناس بتوع الجملة وحاجاتهم رووووعة وخامات تحفة

اختي يعني انتي اشتريتي من هناك ولو اشتريتي من اماكن معينة ياريت تقوليها وهل فيه جمرك ولا لا ؟

ياريت ننفذ الموضوع ده انا عن نفسى احب الاشتراك فى موضوع جدى احقق من خلاله طموحى وارجو مراسلتى من الجادين وللى ليهم افكار جاده ومحترمه

ارجو المشاركه وللافكار الجاده ارجو مراسلتى

قرأت كلامك وبصراحة مبسوطة جداً من الحماس وفيض العطاء اللى بتتمتعوا بيه ده وده شجعنى أنى أطلب المساعدة فأنا من محافظه قنا عندنا هنا حضانات أمكانياتها على قدها خالص ويمكن من غير أى جذب للأطفال ففكرت أعمل حضانه حتى سن 4 سنوات تكون فيها وسائل تكنولوجيه ومكتبة والعاب كثيرة ومختلفه ومتناسبة مع الأعمار الموجودة لدى وسراير للاطفال بس بصراحه أنا مش عارفه أبدأ منين عندى فى العمارة مخزن مساحته كبيرة جداً فكرت أنى أأقفل مدخلة بشاببيك واخلى المدخل من جوه العمارة وأقسمه لغرفتين وصالة وطبعاً حجيب جهاز تكيف وشفاطات هواء ياريت تساعدونى بأفكاركم أو بدراسة جدوى مبدئية وأكون شاكرة جداً ليكم

اختى شيماء

اهلا بيكى وارسلت لكى بعض الافكار


اختى ام عبده

فكرتك حلووه اوى

يا ريت تطوريها وتنفذى اللى بتحلمى بيه

وربنا يوفقك

الأخت ..عشق السماء
من الأفضل طرح الأفكار في الموضوع حتى يكتمل تميز موضوعك بتبادل الخبرات ةالفائده للجميع

roza626;8892680:
السلام عليكم ورحمة الله وبركاته
بارك الله فيكو يا بنوتات
أنا بفكر أعمل مشروع صغير
وهو عمل الملايات
فياريت أصحاب الخبره يفيدوني من حيث
مكان شراء ماكينة الخياطه ونوعها و أسعارها وهل في ماكينه بتخيط وطرز في نفس الوقت
ومكان شاراء المواد الخام زي القماش والخيوط وكل لوازم عمل الملايات
معلش هتعبكو معايا كتير

شوفى اختى
اعرف صديقة لى اشتغلت فى نفس المشروع
وللاسف انتهى بالفشل لاسباب
وهى انها اشترت خامات غالية وصنعتها بطريقة عادية فظهر المنتج انه بدون قيمة عالية
وطبعا ده قلل من سعر المنتج مما ادى للخسارة
اهم شئ ابحثى فى الاسواق جيدا عن اسعار الملايات وانواعها وانواع الاقمشة
وطريقة التطريز وجودة الانتاج
وابحثى على تصميمات جديدة ومميزة

طب وأنا محدش معبرنى حتى لو فكرتى وحشى ردوا وفهمونى الأسباب

السلام عليكم ورحمة الله وبركاته
ام عبده كان نفسي افيدك لكن للاسف معنديش فكرة