يلا يابنات مصر نعمل جزء لينا ونشجع بعض لكى نصبح سيدات اعمال

up up

ربنا يوفقكم يابنات ويارب تحققوا احلامكم

انا عندى فكرة يا جماعة ونفسى الاقى تشجيع :(
المشكلة كمان ان مش معايا راس مال
بس ممكن تتدبر بس عايزة اخد رأيكم

انا بعرف اعمل شمع ملون حلو اوى
طبعاً مش زى اللى ف السوق بس مش بطال
وكمان بعرف ارسم ع الأزاز حلو اوى
وبعمل تعتيق للورق

كنت بفكر اعمل مشروع ف البيت للحاجات دى
واسوقها على المنتديات ومن خلال اصحابي

ايه رأيكم هتمشى ولا لأ ؟

السلام عليكم يا سيكو
افكارك جميلة جدا و ممكن تعرضى اللى بتعمليه على اى موقع بيهتم بكده زى اى باى وده موقع امريكى او موقع استى وده برضه موقع امريكى بيشترط ان اللى تعرضيه يكون هاند ميد بايدك انت و بياخد مقابل حوالى 50 قرش على عرض المنتج لمدة 4 شهور

cico;7971286:
انا عندى فكرة يا جماعة ونفسى الاقى تشجيع :(
المشكلة كمان ان مش معايا راس مال
بس ممكن تتدبر بس عايزة اخد رأيكم

انا بعرف اعمل شمع ملون حلو اوى
طبعاً مش زى اللى ف السوق بس مش بطال
وكمان بعرف ارسم ع الأزاز حلو اوى
وبعمل تعتيق للورق

كنت بفكر اعمل مشروع ف البيت للحاجات دى
واسوقها على المنتديات ومن خلال اصحابي

ايه رأيكم هتمشى ولا لأ ؟

السلام عليكم ورحمة الله وبركاته

اختي الغاليه سيكو مشروعك جميل ماشاء الله وبلفعل ان شاء الله يمشى وممكن كمان تسوقى لمحلات الجمله الشمع والورق المعتق

انا كان عندي سؤال الورق المعتق ده قصدك بيه زي اللى بيتعلقوا فى العربيات والحجات ديه ولا ايه ياريت تقوليليى لأن لو كده عندي ليكى كم سؤال وممكن نستفيد من بعض

يابنات انا اتعلمت اعمل اشغال البروسلين اللى هى حجات السبوع بس بعمل علب وتحف غير روحيه يعنى مش بعمل عرايس
وان شاء الله هبدأ المشروع ده فى البيت ادعولي
يابنات عندي فكره كل واحده عندها مهاره او فكره مشروع وتلاقى حد تاني عنده نفس الفكره او قريب من فكرتها ويبقوا فى نفس البلد او المكان ممكن يساعدوا بعض وبكده ممكن مشروعهم يكبر

يعنى مثلا انا من اسكندريه اتعلمت حرفه البروسلين وكنت عاوزه اكمل واتعلم حرفه تصنيع الشمع وعجينة السيراميك اللى بيتعمل منها الإكسسوارات بس قررت انى مااتعلمش حاجه تانى غير لما ابدأ اشتغل فى اللى اتعلمته واسوقه
وفى نفس الوقت لو حد بيعرف يعمل شمع او عجينه السيراميك للإكسسوار وحابب يتعلم البروسلين ممكن نساعد بعض بكده يعنى انا اعلمها البروسلين وهى تعلمني حاجه من الاتنين دول وفى نفس الوقت نسوق بضاعتنا سوا او لو هى عندها مشكله فى التسويق ممكن اساعدها

ايه رأيكم فى الفكره ياترى قدرت اوصلكم قصدي ايه

مستنيه ردكم

وحشتونى بقالى كتييييييييييييييييييير مدخلتش المنتدى
حبيت اسلم عليكم
و ان شأ الله اتابع اللى فتنى فى الموضوع

انا محتاجة لجميع منتجاتكم الهاند ميد
واللي عنده مهارة ممكن اساعدة مادينة
يعني تبادل منفعة
ايه رايكم

mesk_2005;7977316:
يابنات انا اتعلمت اعمل اشغال البروسلين اللى هى حجات السبوع بس بعمل علب وتحف غير روحيه يعنى مش بعمل عرايس
وان شاء الله هبدأ المشروع ده فى البيت ادعولي
يابنات عندي فكره كل واحده عندها مهاره او فكره مشروع وتلاقى حد تاني عنده نفس الفكره او قريب من فكرتها ويبقوا فى نفس البلد او المكان ممكن يساعدوا بعض وبكده ممكن مشروعهم يكبر

يعنى مثلا انا من اسكندريه اتعلمت حرفه البروسلين وكنت عاوزه اكمل واتعلم حرفه تصنيع الشمع وعجينة السيراميك اللى بيتعمل منها الإكسسوارات بس قررت انى مااتعلمش حاجه تانى غير لما ابدأ اشتغل فى اللى اتعلمته واسوقه
وفى نفس الوقت لو حد بيعرف يعمل شمع او عجينه السيراميك للإكسسوار وحابب يتعلم البروسلين ممكن نساعد بعض بكده يعنى انا اعلمها البروسلين وهى تعلمني حاجه من الاتنين دول وفى نفس الوقت نسوق بضاعتنا سوا او لو هى عندها مشكله فى التسويق ممكن اساعدها

ايه رأيكم فى الفكره ياترى قدرت اوصلكم قصدي ايه

مستنيه ردكم

ربنا يوفقك يا قمر ان شاء الله بصي انتي ممكن تعرضي منتجاتات عند محلات الحلوياتو المكتبات الكبيرة او مثلا عند مفيد لاني بيجهز حاجات السبوع اما موضوع السيرميك والاكسسور في جمعيات نسائيه بتعلم الاشغال اليدوية
بالتوفيق

الله معاكم يارب ويارب يوفقكم ان شاء الله

يعطيك العاااااااافيه

السلام عليكم يا قمرات مصر انا عندي فكره مشروع جميله هي قمصان نوم تصميم وتفصيل انا عندي فكره في التصميم والقص ونفسي اعمل المشروع دا من زمان بس انتوا شجعتوني اناسالت عن اماكن بيع القماش عرفت ان فيه مكان في العتبه اسمه التربيعه بيبيع باسعار حلوه ان شاء الله انا هبدا في المشروع بس بعد شهر واحد لاني عندي امتحانات الكليه بتاعتي في اخر شهر واحد وانا عندي قطع قماش حلوة جيالي من بره هعملها الاول ليا لان فرحي قرب يعني اول انتاج ان شاء الله هيكون ليا وكمان هشتري شويه قماش محتاجاه زي التل الاسترتش بيكون حلو اوي وبعد كده لو الشغل بتاعي عجبني ان شاء الله هعمل واسوق يالالا يا بنات شجعوني يا بنات اللي تعرف اماكن قماش سعرها حلو في القاهره او المنصوره تبعتلي علي الخاص ويارب يوفقنا جميعا

domo3ward;8077372:
انا محتاجة لجميع منتجاتكم الهاند ميد
واللي عنده مهارة ممكن اساعدة مادينة
يعني تبادل منفعة
ايه رايكم

ممكن توضيح اكثر

cico;7971286:
انا عندى فكرة يا جماعة ونفسى الاقى تشجيع :(
المشكلة كمان ان مش معايا راس مال
بس ممكن تتدبر بس عايزة اخد رأيكم

انا بعرف اعمل شمع ملون حلو اوى
طبعاً مش زى اللى ف السوق بس مش بطال
وكمان بعرف ارسم ع الأزاز حلو اوى
وبعمل تعتيق للورق

كنت بفكر اعمل مشروع ف البيت للحاجات دى
واسوقها على المنتديات ومن خلال اصحابي

ايه رأيكم هتمشى ولا لأ ؟

ربنا معاك
حاولى فى كمية صغيرة الاول لو الحال مشى اعملى كميات
وربنا يوفقك يا قمر

فعلا مشروع الشمع حلو اوي والازارا الملون اعملي شوية وصوريهم وان شاء ناخد منك

[quote=shary-m;7369065]اختى الغالية انا عضوة جديدة من القاهرة فى هذا الوقت كنت ابحث عن فكرة مشروع صغير ابداء به حتى يكبر واحدة واحدة ووجدت انا واختى شخص معرفه عنده مصنع لملابس الاطفال ممكن يدينا القطعة ب 25 جنيه لتباع 55 جنيه فلو عندك مكان تسوقى فى الملابس ممكن اتفق معاكى ابعتلك كمية من ملابس الاطفال وانتى تبيعيها ولسه بافكر فى حاجات تانية بس لما اجد فكرة حلوة هابعتلك على طوe0]
حبيبتي ممكن تبعتي لنا صور المنتجات وممكن نساعدك في تسويقه

انتو فين يا بنات المنصوره رحتوا فين عاوزه تفاعلات واهلا لاي بنات تقول افكار جديده فيه مشاركه عجبتني من اخت جميله انها بتقول اننا كل بنات محافظه يتجمعوا مع بعض يابنات احنا مش هنعمل حاجه من غير تعارف يالالا يابنات انا هبدا بنفسي انا من المنصوره كلنا نتعرف ونحدد مكان ونتجمع كلنا مع بعض ونتعرف ولا رايكم ايه يالالالا عاوزين تفاعل

مايا احمد;8162264:
[quote=shary-m;7369065]اختى الغالية انا عضوة جديدة من القاهرة فى هذا الوقت كنت ابحث عن فكرة مشروع صغير ابداء به حتى يكبر واحدة واحدة ووجدت انا واختى شخص معرفه عنده مصنع لملابس الاطفال ممكن يدينا القطعة ب 25 جنيه لتباع 55 جنيه فلو عندك مكان تسوقى فى الملابس ممكن اتفق معاكى ابعتلك كمية من ملابس الاطفال وانتى تبيعيها ولسه بافكر فى حاجات تانية بس لما اجد فكرة حلوة هابعتلك على طوe0]
حبيبتي ممكن تبعتي لنا صور المنتجات وممكن نساعدك في تسويقه

اهلا مايا
والله اظاهر كدا ان الموضوع بقى مجرد كلام وردود كجبران خاطر وخلاص وزى مانتى شايفة التفاعل ايه ولا حتى بقى فيه تحمس ومحدش بيعمل حاجة
وبالنسبة للاخت اللى عرضت موضوع ملابس الاطفال تقريبا كلنا قولنا لها زيك ابعتى صور
يعنى لو هى بعتت لنا وردت وخدت نسبة مننا والله موش هتحتاج تدور على مشروع هتعمل دخل وهى فى البيت من غير لاتروح ولا تيجى بس هى فين

السلام عليكم ورحمة الله وبركاته
اخواتى اعضاء المنتدى الجميل ازيكم جميعا
اكيد نسيتونى ونسيتوا كنت اتكلمت على ايه قبل كدة باختصار كنت اتكلمت على عمل يدوى وقلت اللى عايزة تتعلم وتعمل فى البيت ويكون لها دخل وكنت قبل كدة قلت سوف اصور العمل لكى تشاهدة الاخوات بس كنت منتظرة لما يخلص العمل اللى معايا علشان اصورة
ودى الصور






اللى حابه تعمل انا منتظرة بس ياريت تكون من داخل القاهرة وشكرا لقراتكم الموضوع