يلا يابنات مصر نعمل جزء لينا ونشجع بعض لكى نصبح سيدات اعمال

Loli2003;7773501:
اموله الاحلام يا تري ايه المشروع دة لو سمحت

حبيبتي امولة الاحلام ياريت تفيديني انا نفسي اعمل حاجة في البيت وجزاك الله خيرا

يابنات انا عندى موهبه فى التفصيل بجد والله وبعمل ملايات وكفرات لسرير وستاير وذوقى حلو فى الاقمشه واختيار الموديلات والالو ان بدات مشروع صغير من منازلهم كده يعنى بس مش عارفه اسوق منتجاتى اعمل ايه وممكن حد هنا يشاركنى ويساعدنى فى موضوع التسويق لانى بكسف جدا مع ان الحاجت بشهاده الجميع حلوه جدا واسعارها حلوه
يالله الهمه يابنات مين معايا يقدر يفيدنى اعمل ايه:21_184:

حبيبتي مشامي 79 هل ممكن تعملين ملايات مطرزه كبيره وصغيره وبكميات كبيره


وشكرا يا حبيباتي على الردود طبعا زوجي قلي على المحله بس ميعرفش حد فيها فياريت اللي تعرف اماكن او تلفونات او عناوين مصانع هناك ياليت تدلني عليهم وحتى مصانع فوط وطرح مصريه شيك انا سمعت ايضا ان في في العاشر من رمضان مصانع للملايات واللي تعرف مثلا حدود الاسعار لاتبخل عليه بالرد طبعا بالجمله من التاجرات اللي في المنتدى وشكرا على ردودكم الحلوه وجزاكم الله خيرا

مجتمعين على الخير أن شاء الله
أرجو الألتزام بالهدف من الموضوع وهو تبادل الآراء والتشجيع
حتى لايكون الموضوع أشبه بشات
تمنياتي لكم بالتوفيق

الاخت ام اتونى
ممكن طبعا بس كبيره ازاى لو مهتمه ابعتى لى على الخاص ونتفق

امولة الاحلام;7766820:
السلام عليكم ورحمة الله وبركاته
اخواتى الفاضلات
اللى عايزة تتعلم وتعمل فى البيت ويكون ليها دخل وتشغل وقت فراغها بحاجة مفيدة
ياريت اللى جادة تكلمنى وانا هشرح نوعية العمل
وشكرا لصاحبة الموضوع وعلى الفكرة نفسها وربنا يوفقها

amola ya reet teb3tely 3ala el khas (f)eltafaseel please

ربنايوفق الجميع
يلايابنات عايزه الكل يخرج من الموضوع لاقى نفسه

اخواتى الافاضل
اسفة كتير على التأخير معلش النت كان عندى فاصل والجهاز ماكانش مظبوط
ارجو تقبل اعتذارى وشكرا لكل من سأل عن تفاصيل العمل
هو عبارة عن عمل يدوى من ا لقماش لصناعة الخوداديات عليها رسوم اسلامية وفرعونية واللى راحت الخيامية او الحسين هتعرف العمل اللى بتكلم علية لانه مشهور جدا هناك وبيتباع للسياح
فا اللى حابة تتعلم العمل والمشاركة بالعمل وهى فى بيتها بس ياريت معلش يكون داخل القاهرة لان اى مكان تانى خارج القاهرة هيكون بعيد
وبكدة تتعلمى حاجة جديدة ولكى دخل وانتى فى البيت بجد العمل ممتع بس اللى تكون حابه الخياطة لانه كلة شغل يدوى بالابرة ولو حبيتو ابقى انزل لكم صورة من العمل مافيش مشاكل
اترككم عل كل خير

امولة يا قمر انتى الرسائل الخاصة معطلة عندك
ياريت لو تنزلى صور وتوضيح اكثر لان الشغل بالابرة انواع زى ما انتى عرفة
يعنى هو شغل سيرما يدوى ولا تطريز عادى
فى انتظار توضيحك يا قمر

انا كمان معاكم وعايزين تشجيع برضه

شكرا علي ردك حبيبيتي اموله ولكن للاسف انا من الاسكندريه وجزاك الله خيرا

موضوع حلو يا امولة بس انا من اسكندريةةةةةةةةة

السلام عليكم ورحمة الله وبركاته
اخواتى الاحباب برضوا معلش بعتذر على التأخير غصب عنى الشغل والوقت بيجرى فمعلش اعذرونى
اختى كريستالة النيل بالنسبة للشغل هو شغل يدوى بالقماش يعنى قماش بيتخيط على قماش تانى بالابرة زى غرزة السراجة اة الغرزة السحرية لو تعرفيها
وانشاء الله هنزل صور بس مستنية اخلص الشغل اللى معايا علشان اصورة
اخواتى حياة رائعة وashrafpop
ميرسى لمشاركتكم الجميلة وكان نفسنا تكونوا فى القاهرة بس اسكندرية برضوا جميلة تحياتى لكم وبالتوفيق
اى اسئلة انا انشاء الله مش هتأخر تانى
سلام يا احلى اخوة وصحبة

الله كلامكم حلو يا صبايا
قرات جميع الصفحات
كل مشاريعكم حلوه وافكاركم اكثر من رائعه لكن مواضيع الاكل قليله
ذكرت موضوع الاكلات لان ده مشروعي
ولو كان فيه تخصص يكون احسن مثلا تحاولي انك تتخصصي في مثلا الاتفاق علي اعداد مائدة حفلات اعياد الميلاد مثلا اكل العرائس وده تخصصي وخلي مكسبك قليل لانك حتكسبي ناس وحدور عجلة العمل بسرعه
وكمان باشتغل فساتين اطفال كروشيه وتكلفتها قليله مقارنه لو اشتريتيها جاهزه لكن ابداو وربنا معاكم

مساء الخير يا احلى بنات فى الدنيا انا كمان جواية طاقة كبيرة ونفسى اعمل حاجة بس مش عارفة ابدى منين وازاىانا كنت اشتغلت فترة فى موضوع المفروشات وكان ماشى كويس واللحمد للة بس لانى برضوة مابعرفش طرق للتسويق وقف لانى كنت بسوق على الاقارب انا بفكر انى ارجع اشتغل فى الموضوع تانى ونساعد بعض يعنى اللى عاوزة تشتغل معايا تقولى وانا اجيب لها البضاعة بسعر الجملة وهى تبعها والمكسب بالنص

يابنات انا محتاجة واحدة تكون بتعرف تخيط كويس جداااااااااااااااااا علشان نتعاون مع بعض يعنى انا هجيب لها القماش والخيوط وهوديهم لها لغاية عندها ونتفق على انها تفصلى 50 قطعة فى الشهر وتاخد 600 جنية يعنى هى مش هتتعب ولا حاجة كل اللى هتعملوة انها فى وقت فارغها تشتغل الحاجات دية بس لازم تكون بتفصل كويس قوى لانى انا هختار لها المودلات من على النت وانزل لها الصور وهى تعمللى زيها ياريت اللى تعرف تفصل او تعرف حد يفدنى يا بنات وجزاكم اللة خيرا

السلام عليكم أخواتى الكريمات
عندى شوية نقط عايزة أقولها معلش أستحملونى
1-ممكن لكل الأخوات انهم يسوقوا عن طريق النت على الفيس بوك يعملوا جروب باسم اى واحدة و يعلنوا عن مكان للتجمع او لرؤية البضاعة و تعملوا اوبن داى
2-الأخوات اللى رأسمالهم قليل ممكن اللى رأس مالهم كبير شوية هما اللى يشتروا بالجملة و يدوا بالتقسيط لأصحاب راس المال القليل يعنى مش لازم انا املك مشروع من الألف للياء ممكن انا امول جزء و يبقى فيه وسطاء مش كتير علشان السعر ما يبقاش عالى بس ممكن 2 او 3 بالكتير
3-يا ريت بقى تحلولى مشكلتى انا بشتغل ايتامين كويس قوى و الحمد لله بس المشكلة اللى لاحظتها 1-الشغل طويل طبعا و محتاج صبر و تركيز2-الخامات المستخدمة غالية نوعا ما فلو عملت قطعة جميلة لما أحط على ثمنها ثمن مجهودى هتبقى غالية قوى ما فيش حد او ناس قليلين اللى ممكن يشتروها
4- يا ريت اى اخت من الأخوات التاجرات تكلمنا شوية عن التجارة فى المنتديات كيفية شحن البضاعة و كيفية الحصول على ثمنها لأنى لاحظت ان كتير قوى تكون الأسعار حلوة لكن الشحن من مكان لآخر بيرفع ثمنها قوى
معلش انا طولت عليكم بس بجد انا كمان نفسى اعمل مشروع من البيت و فكرت انا و اختى فى حكاية الأوبن داى دى و اننا نسافر سوريا او تركيا نشترى هدوم و لانجيرى و مفارش سرير و نعرضهم فى الأوبن داى لكن خايفين او مش عارفين ازاى نتصرف فى الجمرك و كمان منين نشترى بضاعة حلوة

بنات ازيكم عاملين ايه وحشتوني قوي معلش الفترة اللي فاتت كنت مشغوله شويه .
:87457::87457:

عجبتني فكرتك يا اميرة و انا ممكن ازود عليها اقتراح
انك ممكن تعملي الاوبن داي و تشركي معاكي حد يعمل منتجات تانيه و بكدة الموضوع يبقي في تنوع اكتر و دة هيجمع ناس اكتر و كمان هيخفف الرسك عليكي من ناحيه التاجير و الدعايه و كدة لانها هتتقسم علي المشاركين
بس عايزة اسالك سوال ايه موضوع الفيس بوك اختك جاهله في المواضيع ديه يا ريت توضحيلي اكتر

السلام عليكم أختى لولى
بصى يا ستى موضوع الفيس بوك ده موقع مشهور كل واحد بيدخل عليه و يعمل فيه اشتراك مجانى و يبقى له صفحة و ممكن كمان يعمل فيه مجموعات لأى موضوع
كتير جدا من البنات خصوصا فى مجال الماكياج و لفات الطرح و الأشغال اليدوية و تقريبا كل ما تتخيلوه
كمان دايما بيعلنوا عن الأوبن داى و عن التجارة عن طريق النت و يحددوا الميعاد و المكان