يلا يابنات مصر نعمل جزء لينا ونشجع بعض لكى نصبح سيدات اعمال

فكرة جميلة جدااااااااابس عايزين تشجيع

فكرررره حلوه برافو عليكى .. عايزين افكار جديده

بسم الله ما شاء الله
موفقين باذن الله يا قمرات
و اهم حاجة عشان يبقا الموضوع دسم يبقا كل واحدة عندها فكرة صغيرة او كبيرة و مش عارفة تروح و لا تيجى فيها تكتب هنا اللفكرة و كل البنات يحاولوا يمدوها باى معلومة و بالتالى الموضوع يبقا فية قاعدة بيانات حلوة و مرجع لاى واحدة ممكن تدخل بعد كدا يا حلوييييييين

فكرة حلوة جدا وفعلا ده هيكون مرجع لينا كلنا
مين عارف ؟ مش يمكن كلنا نبقى تاجرات كبار أنا عن نفسى بكده ممكن أتشجع وأعمل زيكم يالا ورونى الهمة

جميله الفكره

وعلى فكره انا نفسى اشتغل فى الغردقه جدا اخبار الشغل فيها ايه؟

حلوه اوى الموضوع ده بجد تسلم اديكى عليه انا كمان عندى فكره لمشروع ومش عارفه ابدأ ازاى ولا منين

يلى نبدأ بقى كل واحده تقول فكرتها

موضوع مميز يا منال برافو عليكى

السلام عليكم.. انا عندى فكره بس مش عارفه هتنفع ولا لاء؟ انا جوزى بيشتغل فى السعوديه وانا بروح هناك واجى اجازات وهناك ملابس الاطفال رووووووعه ورخيصه جدااا , فكرت انى افتح محل ملابس للاطفال واجيب الملابس من هناك جوزى يشحنهالى واعرضها هنا فى محل . ايه رايكم؟

يعطيكم العافية يا كل بنات مصر الحبيبة


وأنا أول وحدة من خارج مصر مستعدة اوقف معاكم


يمنع التسويق لغير تاجرات عروس ... المشرفة
وبارك الله في كل خطوة تخطونها يارب (f)



(c)

belle_fille;6434927:
السلام عليكم.. انا عندى فكره بس مش عارفه هتنفع ولا لاء؟ انا جوزى بيشتغل فى السعوديه وانا بروح هناك واجى اجازات وهناك ملابس الاطفال رووووووعه ورخيصه جدااا , فكرت انى افتح محل ملابس للاطفال واجيب الملابس من هناك جوزى يشحنهالى واعرضها هنا فى محل . ايه رايكم؟

فكره حلوه جدا وكمان ممكن تجيبى الجلبيات القصيره او الكت بتاعة البيت برده هناك رخيصه اوى
والشوزات والاكسسوارت اللى فى محلات 2 ريال دى بتبقى حلوه وارخص من هنا
انتى ابدأى الاول بملابس الاطفال وان شاء الله مشروعك يكبر وزودى عليه حاجات تانيه وربنا يوفقك ان شاء الله


انا كمان عايزه اعمل مشروع
بعرف اعمل كريمات فى البيت كلها طبيعيه كنت بعملها لنفسى وواحده قريبتى جربتها وعجبتها اوى
ففكرت انى اعمل منها وابيع بس المشكله انى مش عارفه ابدأ ازاى
غير كده ان فى ناس قالتلى طالما انتى اللى هتعمليها يبقى لازم اطلع ترخيص من وزارة الصحه علشان اعرف ابيعها فياريت اللى عندها خبره فى الموضوع ده تفيدنى

نا بقى مشكلتى مختلفه تماما

انا بعرف اعمل كريمات للبشره والجسم وبمكونات عشيبه وبجرب فى الكلام ده من زمان ودى دراستى اصلا فى كليه العلوم جامعه القاهرة وبعمل ابحاث فى الاعشاب الطبيه للبشرة والشعر

وعندى حاجات جباره بس مشكلتى فى التمويل

راس المال هو ازمتى الوحيده وكل يوم بيعدى بتحسر على حالى


الحمدلله

بنوته سكر انتى منين
لو انتى من طنطا ممكن نعمل المشروع ده مع بعض

monmon* تسلميلى حبيبتى على ردك وفعلا الهدوم هناك عامة رخيصه , أما بالنسبه لموضوع الكريمات دا مشروع حلو بردو وعايز تسويق جامد بس معنديش فكره عن ترخيص وزارة الصحه , طيب انتى ممكن تسوقى عن طريق صحباتك وقرايبك زى مثلا اللى بيعملو برفانات مركبه فى البيت اول ما بداو كان عن طريق المعارف وبعد كدا اتعرفو وشغالين الحمد لله كويس جدا

مش عارفه اقولكم ايه بجد حاسه بدافعه قويه جدا وبالنسبه للشغل فى الغردقه اعتقد ان التجاره فيها رائجه جدا جدا لان السياحه فيها لم تعد مواسم بل اصبحت طول العام وفيه توافد من الاخوه العرب والمصريين كمان وده بيخالنى افكر فى عمل مشروع محل مجمع هدوم اطفال ادوات مكياج وكمان هدوم داخليه للسيدات بطريق مبتكره ومفهاش ابتزال بس بتقابلنى مشكلتين اولا الايجارات العاليه جدا فى الامكان الى فيها رواج سياحى ثانيا الامداد من البضاعه الى لازم يبقى متوفر بصوره مستمره وبا سعار تطلع هامش ربح كويس يلا يا بنات عايزه افكار جامدة

منال على;6447705:
مش عارفه اقولكم ايه بجد حاسه بدافعه قويه جدا وبالنسبه للشغل فى الغردقه اعتقد ان التجاره فيها رائجه جدا جدا لان السياحه فيها لم تعد مواسم بل اصبحت طول العام وفيه توافد من الاخوه العرب والمصريين كمان وده بيخالنى افكر فى عمل مشروع محل مجمع هدوم اطفال ادوات مكياج وكمان هدوم داخليه للسيدات بطريق مبتكره ومفهاش ابتزال بس بتقابلنى مشكلتين اولا الايجارات العاليه جدا فى الامكان الى فيها رواج سياحى ثانيا الامداد من البضاعه الى لازم يبقى متوفر بصوره مستمره وبا سعار تطلع هامش ربح كويس يلا يا بنات عايزه افكار جامدة

برافووووووووووا عليكي فكرة حلوة جدا يا منال والشكر الكبير ليكي انك قدرتي تجمعي نسبة معقولة من البنات في موضوع مهم زي دا والاهم ان اهدافنا طلعت واحدة باننا يكون لينا شغل خاص بينا
وطبيعي جدا ان الايجارات لازم تكون عالية لان الغردقة مدينة سياحية ماشاء الله
بس عندي كام سؤال عايزة اجابة عليهم
يا تري الايجارات في الغردقة نظامها ازاي قديم والا جديد؟؟؟؟؟؟؟
وبتبدأ من كام لكام سواء كانت شقة من غرفتين او محل مساحته مناسبة؟؟؟؟؟؟؟؟
وايه انواع البضاعة اللي محتاجينها في الغردقة سواء كان من اهلها او من السياح؟؟؟؟؟؟؟؟
كمان احب اعرف الغردقة بتشتهر بايه من الصناعات او المكونات البيئية اللي موجودة فيها ومش موجودة في القاهرة او في اي محافظة تانية؟؟؟؟؟؟؟؟؟
واخيرا تقبلي مروري المتواضع

انا متشكره جدا لعاطفه جياشه ونفسى كل البنات المصريين الى فىالمنتدى يشاركو معانا ويكون عندهم عزيمه قويه علىالتكاتف وتحقيق حلمنا فاننا نصبح سيدات اعمال نا جاحات كل واحده فىمكانها وممكن نبئا مؤسسه كبيره مترابطه والله اعلم اما عن ايجارات المحلات فىالغردقه المحلات الى فى امكان تواجد المصريين تتراوح مابين 3و4 الاف فى الشهر مع دفع خلو سنه اما الاماكن السياحيه اسعار خياليه 20 ممكن كمان 30 الف فى الشهر ودى بيستحوز عليها تجار البازرات الذهب والفضه والجلود ودى ملاذ الاجانب فى التسوق اما الشقق فزوجى يعمل فى المقاولات ايجار الاماكن الكويسه 1000جنيه فى الشهر مفروش وممكن اكتر على حسب الفرش اما شقه فاضيه 700 ا600 ده فى الماكن المعقولة على العموم انا الحمد لله دارسه السوق فى الغردقه كويس وبحاول اختار الشىء المناسب ويلا تشجيع جامد بقى(y):groupwave:

monmon*;6442624:
بنوته سكر انتى منين
لو انتى من طنطا ممكن نعمل المشروع ده مع بعض

انا من الجيزة يا منمونه
تفتكرى كده ممكن ينفع؟؟؟؟

بيلى ليف شكرا يا جميل على ردك

بنوته سكر حاسه ان كده هتبقى صعبه شويه
ولو نفع هنشتغل مع بعض ازاى او نبدأ ازاى

بناااااااااااااااااااااات مصر عندى ليكم فكرة بيزنس تجنن
وهتتعلمى منها حاجات تخليكى سيدة اعمال بحق وحقيق
المهم بس يكون فى راس مال للبدا فى المشروع
السنة اللى فاتت راس مالى كان 11 الف والسنة دى فى حدود 50 الف
ممكن اوضح تفاصيل البيزنس بس على الخاص عشان مش عارفة اذا كان ينفع على العام او لاء