التوظيف في وزارة التربية (بنات البحرين)

بنات في احد سمع منكم اي خبر عن التربيه؟

Miss Ba7rain;6725991:
مساء الخير
طبعا انا خريجة تربية وكل يوم ادخل ويصير نفسي ارد بس اتكيسل اسوي اشتراك
بس لفت نظري كلامك وقلت لاختي برد بأسمها
بالنسبة لطيران الخليج
انا كنت مقدمة عندهم من زمان من شهر 2 او 1 ما اذكر بالضبط
بقولك وش اللي صار بس ما ابيك تتحبطين بالعكس ابيك تاخذين احتياطك من الحين وتستعدين للامتحان
طبعا الامتحان مو سهل ابدا ابدا ابدا
انا وحده قبلي كانت مقدمة وخبرتني عن نوعية الاسئلة فاستعديت وذاكرت له
بس هذي ما نجحت بالامتحان عشان جذيه ما كانت تعرف بعدها وش بيصير من اجراءات
ظلينا من 8 الصبح ليت 2 الظهر امتحان ورى الثاني تقولين بيخلونا مدراء حق هذا كله
يعني بالمختصر صهرونا وياريت اخذونا بعدين بس صداع على الفاضي
المهم انا بقولك بالضبط وش اللي بيجي
الامتحان اساسه انجليزي ورياضيات وجفرافيا
من البداية راح تقولك اللي مسؤلة عنه اللي ما تعرف تطلع برى ولا تضيع وقتنا في التصحيح (كانت قمة في النزاره) واللي بيتأخر دقيقة بيتعرض لاحراج منها
الانجليزي كان قواعد وريدنج
الرياضيات بدون الة حاسبة تسوين عمليات على رواتب موظفين او تطلعين نسبة مؤية لربح الشركة في الشهر مثلا
الجفرافيا بيكون له القسم الاكبر
انا سويت شي نفعني وااااااااااايد
دخلت على موقعهم بالنت وشفت الرحلات اللي تقوم فيها طيران الخليج
توقعت انهم ما راح يجيبون على دول مالهم رحلات فيها
وفعلا هذا اللي جانا
تحفظين خريطة كل بلد+خريطة العالم ومواقع الدول اللي تسيرها طيران الخليخ على الخريطة
على فكرة الخريطة تجي لحالها يعني مو تعتمدين على البحار او الدول المجاورة عشان تعرفينها
احنا جتنا خريطة تايلند
وجانا سؤال على درجات كثيرة اللي هو ان مسافر بيسافر على طيران الخليج كل الرحلات دايركت مو ترانزيت ويبي يسافر 7 دول تبدأ بحرف k وتذكرينهم
بعدها تطلعون ساعة بريك وترجعون
بيقولون اللي نجح واللي يرسب يتوكل
كنا حوالي 160 اللي نجحنا حوالي 10 بس
بعدها بتسوين برزنتيشن للشخص اللي جالس جنبش
وهذا مهم جدا جدا حاولي تتكلمين بكل شي بحيث تبينين طلاقة اللسان في اللغة
بعدها يقسمون مجموعات وتسون امتحان ما عليه درجات بس يبون يشوفون كل فرد وش شخصيته مع المجموعه هل هو مسيطر او مستبد او ماسك زمام الموضوع او خجول وساكت
ولا تستهينين فيه لانها احرجت واحد قالت له انه مستبد وما ياخذ راي المجموعه
والامتحان الاخير بيكون 150 سؤال تحلينه في 10 دقائق يقيس سرعة البديهه عندك
سهل جدا
طبعا انا سويت كل هذا والامتحان الاخير بالذات محد خلصه غير انا وواحد كان جالس قدامي
وبالاخير محد منا انقبل
ليش مدري
دقوا علي وقالوا لي انتي نجحتي بكل شي بس البرزنتيشن وتعالي مره ثانيه قدميه هو بس عشان نقبلك
انا حسيته تلكيك وما رحت ولا عورت راسي
ولليوم يسون الامتحان هذا واللي يدخلون بالمئات واللي ياخذونهم واحد والا اثنين
مع انهم محتاجين كثير حوالي 300 موظف بس استغربت ليش هالتعجيز
اسفه حبيبتي اني طولت بس حبيت اقولك تجربتي عشان تروحين وانتي مستعدة زيييييييييييين
لا تعطينهم فرصة يتلككون عليك
والله يوفقك يا رب

هلا خيو ماقصرتين بالشرح ولعلمش اني مو من النوع اللي يتحبط اقول اذا ما نجحت اهي تجربة ومريت فيها واكيد اذا ما نفعت ما راح تضر ..... وحليو الواحد يمر بتجارب تراها تعلم ولا شرايش

ومبين فعلا ان الامتحان يبغي ليه الواحد يكون مطلع على واجد امور يله بحاول استعد يمكن السنارة تصيد ليها سمكة :D >>>>>>>>> اشو صارت بحارة واحنا ما ندري

ومشكورة خيو على الشرح الوافي احس ينفع عدل على فكرة نسخته في صفحة وورد لوقت الحاجة :wink:

الله يوفقكم ياااارب جميعا

لآلئ.........اعتقد مس بحرين ما قصرت شرحت اليش الامتحان كااااااااااااااااااااااااامل.........يالله همتش عاد...عشان ياخدونش..ونفتك من وحدة مقدمة في التربية...>>>>>>>>>امزح وياش مو تزعلين..
بالتوفيق

هههههههههه زهرة ايامي ضحكتيني ياريت بس اني اللي اخفف عليكم اطلبي من الله اللي بالي بالش يتبعادون وسوون ليكم مجال

وبالنسبة لمس بحرين صج ما قصرت يعطيها العافية

اي والله صادق لآلئ .....الله يستر منهم ......ترى بس بلغ السيل الزبى

بنفجر عليهم اذا ما اخذونا هالسنة لمتى يعني...؟؟اذا شيبنا

صاحبة الظل .........وزارة التربية لا حس ولا خبر تلفونهم كله مشغووووووووووووووووووووول .......شغلهم ربي

بس اني عندي رقم واحد من داخل وكل مرة اغربله واتصل عليه ...سيده يشيله وقال الي انه النتايج شهر 8 ووحدة قالت انه 5\8 بالتحديد.......

ما باقي شي ......الله يستر

هلا رحت اليوم الوزارة ،، حتى نتايج المقابلات ما طلعت يقولون على الاسبوع الجاي
موفقين

الله يستر ...

الله ييسر ليكم يارب وتتوظفون وتبشرونه بالبشارة الحليوة بحق محمد وآل محمد

لآليء البحرين;6719697:


وقبل لا أنسى جماعة ادارى اعمال واللي مسجلين في وزارة العمل سجلو لدورة التأمين بعد واجد مغرية طبعا فيها بعد امتحان انجليزي ومقابلة
اذا تحبون اشرح التفاصيل اني حاضرة

مللتكم من الهدرة له ما عليه سامحوني بس يمكن افيد احد

بالعكس عطيتينا معلومات بس شلون نسجل في الدورة مالت الـتأمين؟؟؟؟؟؟؟؟؟؟؟؟؟؟؟

الماسية 2004;6736622:
بالعكس عطيتينا معلومات بس شلون نسجل في الدورة مالت الـتأمين؟؟؟؟؟؟؟؟؟؟؟؟؟؟؟

هلا خيو

أول شي لازم تكونين مسجلة في وزارة العمل وطبعا تكونين جامعية وتخصصش ادارة أعمال أو التابع ليها من محاسبة , Banking ........الخ

ثاني شي لازم ال GPA مايكون أقل من 2.4

اذا كنتين مستوفيه لهذي الشروط تروحين يوم الأحد الجاي للفرع اللي انتين تابعة ليه من وزارة العمل وتاخذين وياش ال CV ونسخة من كشف الدرجات والبطاقة السكانية والجواز وتعطينها للمشرف اللي انتين تتعاملين وياها وطبعا تخبرينها عن ان عندش رغبة بدخول هذي الدورة

انزين الحين بعطيش تفاصيل الدورة وهذه المعلومات اني اخذتها مباشرة من مسؤلة في وزارة العمل شرحتها بالتفصيل

طبعا بعد ما يتاكدون من استيفائنا للشروط وياخذون أوراقنا لمعهد BIBF وبيقدمون لينا امتحان في الانجليزي مثل التوفل Tofel طبعا لازم ننجح فيه

والخطوة الثانية ان الوزارة تتعامل مع شركات تأمين بتوزعنا عليها حتى تسوي لينا مقابلات وتختار المجموعة اللي تبغاها

الخطوة الثالثة تبدأ الدراسة شهر نوفمبر ولمدة ستة أشهر وبتكون دورة مكثفة فيها 5 مواد ندرسها صباحي بس وقد تطلب بعض الشركات ان احنا نحضر عندها بعض ايام الاسبوع والبعض الاخر مو شرط نحضر عندهم انزين طبعا في هذي الفترة كأنش تشتغلين فتستلمين من الوزارة 150 دينار ومن الشركة 200 دينار =350 دينار :tongue:

بعد الستة اشهر الاولى ما تخلص في الدراسة نحضر عملي في الشركة نفسها لمدة ستة اشهر ثانية اهني الوزارة تدفع لينا 200 دينار والشركة 200 = 400 دينار :tongue::tongue:

اللي أهم من هذا كله ان في هذي الفترة ما تطبق علينا قوانين الاجازات طبعا وقت الدراسة في المعهد اكيد في ايام اجازة والشركة بعد بس انش تاخذين اجازة حالش حال الموظفين ما يصير وحتى قالت سالفة وحدة حامل وبتوضع وتبغي اجازة ما تصير ( يعني الحوامل لا يروحون ) اي ولا تقولين مقدمة في وزارة ثانية وبتطلعين ما يصير

طبعا بعد انقضاء هذي السنة يمكن تثبتش الشركة ويمكن تصرفش بس على حسب كلام الموظفة تقول معظمهم يخلونهم وهني انتين تبدأين في التفاوض على زيادة معاشش وانتين وشطارتش

انشاءالله ما كون طولت عليش بالهدرة وتكونين استوعبتين الفكرة

وبالتوفيق يارب ليكم ولينا وللكل (y)

لالى البحرين مشكوورة ما قصرتي
بس الدراسة بتكووون بمعهد BIBF والا وين ؟؟؟
يصير الي مو تخصصهم بزنسز يسجلون فيها

كتكوتة زرقة;6738416:
لالى البحرين مشكوورة ما قصرتي
بس الدراسة بتكووون بمعهد BIBF والا وين ؟؟؟
يصير الي مو تخصصهم بزنسز يسجلون فيها

هلا خيتو كتكوته زرقة

لا شكر على واجب احنا هني حتى نتعاون

بالنسبة لسؤالش عن المعهد اي بتكون في المعهد الذي ذكرتينه وهو موقع في الجفير معهد عريق وراقي وغالي لعلمش ، واني اشوفها فرصة ذهبية

بالنسبة للسؤال الثاني اني اللي فهمته لتخصص ادارة اعمال بس شرايش تتصلين يوم الاحد وتسألينهم وتعطينا الخبر يمكن باقي الاخوات اللي في تخصصات ثانية يستفيدون من هالفرصة

ويمكن في فرص من نوع ثانية ترى اي وحدة تروح تراجع تسأل اذا في لتخصصها دورات او لا ترى كلها من هالنوع
واللي عرفته انش لازم تسألينهم عن هالاشياء ترى بالنسبة لهذي السالفة اني اللي سألت ولا لو عليهم ما يخبرون بشي

صديقتي اللي كانت وياي بالدراسة راحت ولا حتى فتحوا ليها الموضوع

اللي ابغي اقوله خلكم على اتصال وياهم على طول ولا تملون على طول اسألو وراجعوا >>> ألحين بيقولون هذي جاسوسة من وزارة العمل :D

لا بس عن جد الحياة علمتني (( من لج ولج)) يعني الالحاح يجيب نتيجة ولازم ما نيأس وراهم وراهم

خيرنا لازم ما يروح لغيرنا ولا بنسمح لأحد يسحب اللقمة من بوزنا واحنا نتفرج :mad:

صح ولا لأ :wink:

لآليء البحرين;6738011:
هلا خيو

أول شي لازم تكونين مسجلة في وزارة العمل وطبعا تكونين جامعية وتخصصش ادارة أعمال أو التابع ليها من محاسبة , Banking ........الخ

ثاني شي لازم ال GPA مايكون أقل من 2.4

اذا كنتين مستوفيه لهذي الشروط تروحين يوم الأحد الجاي للفرع اللي انتين تابعة ليه من وزارة العمل وتاخذين وياش ال CV ونسخة من كشف الدرجات والبطاقة السكانية والجواز وتعطينها للمشرف اللي انتين تتعاملين وياها وطبعا تخبرينها عن ان عندش رغبة بدخول هذي الدورة

انزين الحين بعطيش تفاصيل الدورة وهذه المعلومات اني اخذتها مباشرة من مسؤلة في وزارة العمل شرحتها بالتفصيل

طبعا بعد ما يتاكدون من استيفائنا للشروط وياخذون أوراقنا لمعهد BIBF وبيقدمون لينا امتحان في الانجليزي مثل التوفل Tofel طبعا لازم ننجح فيه

والخطوة الثانية ان الوزارة تتعامل مع شركات تأمين بتوزعنا عليها حتى تسوي لينا مقابلات وتختار المجموعة اللي تبغاها

الخطوة الثالثة تبدأ الدراسة شهر نوفمبر ولمدة ستة أشهر وبتكون دورة مكثفة فيها 5 مواد ندرسها صباحي بس وقد تطلب بعض الشركات ان احنا نحضر عندها بعض ايام الاسبوع والبعض الاخر مو شرط نحضر عندهم انزين طبعا في هذي الفترة كأنش تشتغلين فتستلمين من الوزارة 150 دينار ومن الشركة 200 دينار =350 دينار :tongue:

بعد الستة اشهر الاولى ما تخلص في الدراسة نحضر عملي في الشركة نفسها لمدة ستة اشهر ثانية اهني الوزارة تدفع لينا 200 دينار والشركة 200 = 400 دينار :tongue::tongue:

اللي أهم من هذا كله ان في هذي الفترة ما تطبق علينا قوانين الاجازات طبعا وقت الدراسة في المعهد اكيد في ايام اجازة والشركة بعد بس انش تاخذين اجازة حالش حال الموظفين ما يصير وحتى قالت سالفة وحدة حامل وبتوضع وتبغي اجازة ما تصير ( يعني الحوامل لا يروحون ) اي ولا تقولين مقدمة في وزارة ثانية وبتطلعين ما يصير

طبعا بعد انقضاء هذي السنة يمكن تثبتش الشركة ويمكن تصرفش بس على حسب كلام الموظفة تقول معظمهم يخلونهم وهني انتين تبدأين في التفاوض على زيادة معاشش وانتين وشطارتش

انشاءالله ما كون طولت عليش بالهدرة وتكونين استوعبتين الفكرة

وبالتوفيق يارب ليكم ولينا وللكل (y)

[GLOW="FF0000"]مشكورة ما قصرتي
بس أنا مب تبع ادارة الأعمال تبع التربية(تكنولوجيا تعليم ومعلومات( وبجرب حضي وأن شاء الله خير[/GLOW]

الماسية 2004;6743111:
[GLOW="FF0000"]مشكورة ما قصرتي
بس أنا مب تبع ادارة الأعمال تبع التربية(تكنولوجيا تعليم ومعلومات( وبجرب حضي وأن شاء الله خير[/GLOW]

الله يوفقكم يارب

انشاءالله ما تخلص هالسنة الا كلنا متطمنين على روحنا ومتوظفين يااااااااااااااارب:wink:

زهرة ايامي;6732348:
صاحبة الظل .........وزارة التربية لا حس ولا خبر تلفونهم كله مشغووووووووووووووووووووول .......شغلهم ربي

بس اني عندي رقم واحد من داخل وكل مرة اغربله واتصل عليه ...سيده يشيله وقال الي انه النتايج شهر 8 ووحدة قالت انه 5\8 بالتحديد.......

ما باقي شي ......الله يستر

انه الي قلت تاريخ 5

ان شاءالله كلنا نتوظف

هالاسبوع احسه صاير طويل مو راضي يجي شهر 8 ..

ان شاء الله خير .. و نبشركم ..

Sm!LeY;6749374:
هالاسبوع احسه صاير طويل مو راضي يجي شهر 8 ..

ان شاء الله خير .. و نبشركم ..

صادقة ......

ملينا من الانتظار.......الله كريم يفتحها علينا ويسر لنا كل امر عسير:)

مراحب بنات شخباركم .................... معى ان وجودي ثقيل على ناس بس يالله ما يهم بصير احسن منهم
دعواتي لكم ان شاء الله بالتوفيق والقبول .................... بس اللي ذابحين روحهم على التربية ما فكرتوا في اماكن ثانية غيير ........يعني يمكن ما في اشغال بالديرة بس من جد وجد يعني ما يصير اتعلقون كل املكم على الوزراة ...... انتظار سنوات اشتغلوا مؤقت في اي مكان لين ترد عليكم الوزارة .............

قبل ماروح امانة للكل خلوا شعاركم الارزاق بيد الرزاق ........ يعني كل واحد وله رزقه لا تحطون في بالكم ان احد يقدر ياخذ فرصكم وتحقدون عليه

بالنسبة لنتائج التوظيف اللي تسمع شي تخبرنا وانا باحاول اشوف اي احد اعرفه في الوزراة واجيب خبر .........و الله المستعان

نسيت اقولكم ............ جماعة البيزنس بنك الHSBC عندهم توظيف الحين لانهم بيفتحون فروع جديدة
رواتبهم زينه توصل 800 دينار جربتوا ترحون تقدمون ..........انا رحت قدمت ونادوني بعدها بكم يوم للمقابلة وانقبلت ورحت المقابلة الثانية مع مسؤل في البنك وبعد تجاوزتها الحمدلله المفروض اداوم هاليومين بس مترددة للحين لانه الدوام شفتين وانا متزوجة وعندي بنوته صغيرة ......روحوا قدموا فرصة ما تتعوض وخصوصا للي مو متزوجات ....... السوق الحرة بعد ياخذوون للي يحب

ضحكة كذوووووووووبة;6756725:
نسيت اقولكم ............ جماعة البيزنس بنك الHSBC عندهم توظيف الحين لانهم بيفتحون فروع جديدة
رواتبهم زينه توصل 800 دينار جربتوا ترحون تقدمون ..........انا رحت قدمت ونادوني بعدها بكم يوم للمقابلة وانقبلت ورحت المقابلة الثانية مع مسؤل في البنك وبعد تجاوزتها الحمدلله المفروض اداوم هاليومين بس مترددة للحين لانه الدوام شفتين وانا متزوجة وعندي بنوته صغيرة ......روحوا قدموا فرصة ما تتعوض وخصوصا للي مو متزوجات ....... السوق الحرة بعد ياخذوون للي يحب

HSBC ماينفع لانه بنك ربوي

بنات انا بعد قدمت او سويت امتحان مال التربية والتعليم لكن مادري عن النتيجة الصراحة

بنات مافي شغل اقزر فيه مؤقت ملييييييييييت