التوظيف في وزارة التربية (بنات البحرين)

عبير من بيت الحايكي انتين؟؟

هلا وغلا اختي بحرينية لا عادي بس شفت الكل متفاعل مع المقابلات وانا مسكينه امطنشيني
الحمدلله كانت المقابلة ممتازة او ل ماندخل في علبة نختار منها ورقة .... هذي الورقة فيها عنوان موضوع بالعربي والانجليزي على حسب نوع المقابلة وخبروني هناك ان اللي راحوا مقابلات كلية المعلمين هم احرز درجات عالية في المتحان وهذا من شروط القبول

اول ما دخلت كاعادة عرفي نفسج خخخخخخخخخخخخ عاد انا اشتغلت بالتفلسف
بعدين ذبحوني اسئلة تربويه مثل هل التدريس مهنة صعبة وليش... اشرايج في الكلية مدارس المستقبل

ليش اخترتي التدريس واي مرحلة اتحبين تتعاملين معاها .... قول لي لنا مواقف تربوية واشلون اتسيطرين عليها .............. اشرايج في بعض المدرسات اللي يشرحون الدرس بدون تحضير .... طبعا الاسئلة كثيرة ومتشعبة بس عادي الكل يقدر يجاوبها واخر شي قالوا اتكلم عن الموضوع اللي اخترته وكل المواضيع متعلقة بالبحرين .... وبما اني تخصص لغة انجليزية فكل اللي دار من كلام كن بالانجليزي بصراحة مع اني كنت خايفة موت قبل ما ادخل استمتعت في المقابلة وطلعت وانا فرحانة خخخخخخخخخخخخ مع اني مادري بيقبلوني والا لا
بس بصراحة لازم نحط في بالنا ان الهدف من المقابلات هو قياس شخصياتنا وهل نصلح للتدريس او لا و هالفترة صايرين يشددون لان صراحة في اعداد كبيرة من المدرسين والمدرسات اشلون توظفوا مادري صج عار على المهنة ما يعرفون اي شي ... على ايامنا مانعرف الدروس الخصوصية والحين حتى الي في صف الاول ياخذون .... هذا غير الرسوب

والشي الثاني لاحد ياخذ المقابلة مقياس للقبول والله لو بتيبون علامة كاملة في الامتحان والمقابلة اذا الله مو كاتب محد يقدر يوظفكم .. وثاني شي شوفوا التخصص يعني هل هو مطلوب في تخصصات وايد عندهم اكتفاء ولو طلبوا وتقدمت اعداد كبيرة من قدامى و جدد طبعا الوزارة ماراح تاخذ على االاولوية في التقديم الا بعد ما تنقي الافضل من حيث المستوى .... يعني بصراحة وين انتوا بعد التخرج .............. اش سويتوا مو معقولة متخرجين من 5 سنين ومستواكم نفسه واقفين عليه لا زم تتطورون تدرون هاليومين ما شاء الله ما صايرة الشهادات الجامعية مثل الحلاوة الكل عنده ............. لازم تاخذون دورات تدريبة او كورسات عشان لو دخلتوا مقابلة يعرفون ان انتوا مو بس واقفين على الوزارة الواحد يتوقع الاسوأ ساعات..... انا اسألوني انتي تبين التدريس عشان الراتب وحسيت ان السؤال وراه معنى ثاني قلت لا ............ انتبهوا كل الاسئلة لها اهداف غير اللي تظنون ... ساعات نجاوب بحسن نية خخخخخخخخخخخخ وهالجواب يطيحنا من القائمة .... في الثانوية قدمت لكلية العلوم الصحية يوم قدمت جبت اعلى مجموع لامتحانات القبول ومع اني كنت متقدمة للتمرض العام دخلوني بسبت هالدرجة ل 3 مقابلات التمريض والصيدلة والمختبر ....واخر شي مقابلة شخصية خخخخخخخخخخخخخخ وشوفوا ارفضوني ليش لاني في اخر مقابلة سالوني تكلمي عن حالتكم الاجتماعية والاسرية وكم جامعة قدمتي فيها غير كلية العلوم ا عاااد انا خذت راحتي وقلت كل شي ...... ولاني جايبة امتياز في الثانوية قدمت لبعثات في جامعة البحرين وكمان خارج البحرين ... غير تقديمات لجامعات خرجية على حسابي ..........يوم راجعت العميد ليش رفضوني مع اني استحق قال لي بما انه علاماتك مرتفعة ومستواك ممتاز توقعنا قبلوج في اي جامعة من اللي قدمتي عليهم و قلنا نعطي مجال لغيرج من اللي ما يقدرون يضمنون قبولهم بمكان غير ... يعني على لله والكلية خخخخخخخخخخخخخخخخخخخخخخخخ لليوم وانا اضحك لما اتذكر هالموقف واحطه في بالي لين ادخل المقابلة لان ما توقعت انه الصدق في بعض المواقف يضيع فرص ولاني كنت اعرف العميد شخصيا قالي ليش ما سالتي قبل عشان تعرفين سياستهم عاد انا قلت له مو مستعدة اخذ الكذب عادة عشان اوصل للي ابيه ........... توكلوااااااا على الله الرضا والتوكل هي اللي بتريحكم حبيت اسال قبل ماروح لاني ادري بانحذف خارج المنتدى بسبت هذرتي خخخخخ اللي ينتظرون على القوائم في وزارة التربية قدمتوا مكان غير ......... ادري بتقولون ما في اشغال بس قدمتوا في اي مكان
و



دعواتي لكم بالتوفيق ............................... والله يسهل كل اموركم يا ربي وانا بعد وياكم يسهل اموري:8884::8884::8884::8884::8884::8884::8884:

زهره وشرايش تراسليني بالخاص :)

أختي ضحكه كذووبة ،، بالتووفيق ان شاء الله

سألت اختي تقوول ماياها رقمهم ،، شكلها مانجحت في الامتحاان خخخخخخخ

وصح كلامج ،، ترى الصج معااهم ماينفع ،، لازم تكونين سياسيه في اجووبتج ،، ومو شرط النجاح يعني القبول بالوظيفة

بنات التكنو اتصلولكم حق التوظيف او لا ؟؟

انه ماسمعت الا هني انه بنات اتصلولهم من كلام هذيان

وزارة التربية اتوظف حتلى خرجيجن معهد التدريب شلون ماندري

صاحبة الظل الخفي;6653205:
بنات التكنو اتصلولكم حق التوظيف او لا ؟؟

انه ماسمعت الا هني انه بنات اتصلولهم من كلام هذيان

في احد اتصلوا ليه عشان التوظيف .. خبري بس راعيه الفراري اتصلو ليها .. و هي مقدمه من شهر 4 ..

التكنو و الفنون قدمنا تونا المقابله .. معقوله طلع التعيين .. اللي اعرفه على شهر 8 بتنزل قوائم التعيين..

سمايلي

جيكي موضوع بطاله البحرين

هذيان كاتبه انه نادوا

سلام عليكم ، يوو بدو ينادون الوزاره ؟؟؟؟

شكلها واسطه هذي اول مرة اسمع مال شهر 4 نينادونهم خبري على شهر 6

هلا خواتي ،، امس رحت مكتب المراجعين اللي بالمنامة وسألتهم عن نتائج المقابلة قال لي اللي هناك النتائج بعدها ما وصلتهم لأن المقابلات لحين ما خلصت ونتايج التوظيف شهر 8 يعني اللي توظفوا هم اللي قدموا امتحان شهر 4 وما نادوهم لامتحان شهر 6 ،، الله كريم ،، والفال ليكم

خواتي انا قلت لكم اني قدمت امتحان ومقابله شهر 4 وانا كنت من ضمن الاسماء اللي في وزارة العمل ،، وكل اللي كان مسجل في وزارة العمل ( مشروع التوظيف ) نادوهم بس مو الكل اللي مسجل من زمان لي شهر 1-2007 بس واللي سجلو عقب هذي الشهر مانادوهم
والحمدلله صارت لي فرصه ،،
وهذي اول مرة تصير لان قرار من جلالة الملك بتوظيف 500 عاطل على حسب حاجات الوزارة ،،

وعقب انتوا اللي قدمتوا الحين شهر 6 ،، وهذي التقديم اللي يصير كل سنة

وعلى فكرة يوم كنت اكمل اجراءات التوظيف كان معاي بنات تكنولوجيا وعلم نفس وفنون توظفوا
يعني اذا سمعتوا اي احد توظف واقبلوه هذي من ضمن وزارة العمل اما الحين اللي قدموا راح يطلع التعييين شهر 8 في الجريده وشهر 9 راح نبتدي يعني كملنا الاجراءات فقط


يعني احنا قدمنا امتحان ومقابله وكملنا وعقب انتوا قدمتوا يعني عقبنا
الله يوفقكم يارب

راعية الفراري.......انا قدمت امتحان ومقابلة شهر 3 ونجحت بعد وكنت من اوائل المسجلين في مشروع التعطل واسمي من ضمن قائمة وزارة العمل والجامعيين العاطلين 1912

وما خذوني ورديت عدت الامتحان شهر 6 ونجحت وسويت المقابلة...والله كريم
مع العلم يمكن هذي المرة الخامسة الي اسوي فيها امتحان ومقابلة وانجح فيهم
ونزلولي مبلغ التعطل 6 شهور وقطعوه لاني كملت المدة.............ربك كريم

الله كريم يا بنات

عيل فلحنه .. شهالاخراطه الحين طلبات شهر 3 ويه طلبات شهر 6 تخربط ولا يدرون ويش يبون هالوزاره :(

زهرة ايامي;6662162:
راعية الفراري.......انا قدمت امتحان ومقابلة شهر 3 ونجحت بعد وكنت من اوائل المسجلين في مشروع التعطل واسمي من ضمن قائمة وزارة العمل والجامعيين العاطلين 1912

وما خذوني ورديت عدت الامتحان شهر 6 ونجحت وسويت المقابلة...والله كريم
مع العلم يمكن هذي المرة الخامسة الي اسوي فيها امتحان ومقابلة وانجح فيهم
ونزلولي مبلغ التعطل 6 شهور وقطعوه لاني كملت المدة.............ربك كريم

اني مثلج اختي زهره ايامي ..

قدمت شهر 4 و نجحت و قالو لي اسمش في الويتنغ لست .. و بعد فتره رحت قالو لي توظفوا ثنتين .. و اسمج مو من ضمنهم .. و الحين رديت قدمت من جديد .. و الله كريم ..

الدنيا ارزاق و حظوظ و واسطه ..

ان شاء الله خير .. يارب هالمره انكون من ضمن القائمه اللي بتتوظف..

سمايلي ............صدقتين ...

الدنيا ارزاق وحظوظ وواسطة..

لكن لينا رب كريم ما ينسانا مهما سوت فينا هالوزارة...

وما نقدر انقول غير الحمد لله........تفائلو بالخير تجدوه

أني قدمت امتحان ومقابلة شهر 4 ونجحت فيهم وقالوا لي على الويتنج لست ، والله مامداني أخذ نفسي على الويتنج لست :rolleyes: ، والا امتحان ثاني شهر 6 والنتيجة رسوب وطبعا انتظار لاعادة الامتحان :o .. خربطة وزارة التربية .. مافي حل يعني ؟؟ :confused:

نزين انه بسافر شهر 8 ، واذا نزل اسمي ويه الليسته >> تحلم البنيه >> ما يشطبونه بعدين ؟؟؟

الله يوفقكم يارب ان شاء الله

abeer عادي سافري واذا طلع اسمج روحي لهم عقب وكملي مايقولون شي انا جذي سافرت شهر 6 وماكملت الاجراءات ويوم رجعت كملتهم