التوظيف في وزارة التربية (بنات البحرين)

هلا خواتي العرايس ... صج الي راح المعرض يخبرنا .. إتشاءالله منه فايدة !!
ومشكورة أخت نور على هالكلام الي يخلي الواحد يتفائل ...

بصراحه رحت ونفس كل مره مافي شي عدددددددددل

نفس الشركات نفس الوظايف الي تنعرض كل مره

اتوقع نفس البوستر مال لوظايف مايغيرونه بس اللون ويطبعون تاريخ يديد

الشغل كله يبون صبيااااااان كله اشيا مهنيه والبي اس كله شفت حق مهندسين ،، ولا الي قاعده تقولي اذا عجبج شي منهم راجعي بالوزاره عن الشغله !!! عيل ليش مرتزين بالمعرض دام نروح الوزاره ،، شي يبط الجبدددددد

خربت نومتي بس ههههههههههه

ان شاءالله يارب نتوظف

الله كريم

الله يعطيكم على قد نياتكم وتتوظفون كلكم يارب .... في القريب العاجل

الله يوفقنا كلنا نشالله

صباح الخير بنات .... تعرفون متى بتطلع نتايج المقابلات ؟؟؟؟؟

سلاام عليكم

عندي سؤال خوواتي


لو بقدم الى وزاة العمل في مشروع العاطلين شنو الاوراق اللي اوديها وياي


اروح اقدم والله ما في امل الي واقعد مكاني احسن

بنات من اللي يدري متى راح تطلع نتائج التوظيف يخبرنا لان فيه مجموعه من البنات اللي ماقدموا امتحان بالاضافه حق اللي رسبوا للحين ماتصلوا فيهم حق يعيدونه لهم وفيه اخت كاتبه ان نتائج التوظيف تطلع 5\8

مااعتقد اختي ان في امتحان للراسبين والي ماقدموا في هاذي الفترة خصوصا ان موعد النتايج قريب وبالتوفيق للجميع:)

السلام عليكم

أني رحت المعرض اليوم

اول ما دخلت كل ما امشي على الطاولات مكتوب الوظائف المطلوبة حارس امن قلت يه شالسالفة وش صاير يخلونه نجي من المنامه لهني على هالحجي الهرار

المهم لين وصلت طاولة طيران الخليج قلت للموظف ها عندكم شي لإدارة أعمال فعلى طول تشجع وقال لي استريحي استريحي كتبي اسمش في هالورقة ورقمش الشخصي ورقم تلفونش وعطاني ورقة مكتوب فيها المسمة الوظيفي اللي يبغونه وهو Graduate Entry Managment وشرح لي الفكرة بإن راح يكون فيه تدريب لمدة سنتين براتب 500 دينار وبمررون الموظف على كل الاقسام حتى يتعلم وعقب هالسنتين يثبتونه ويخلونه يختار القسم اللي يبغي يشتغل فيه وبعدها يصير الراتب 800 دينار لكن قبل هذا كله لازم يمر بامتحان ومقابلة طبعا وقال لي بس تروحين البيت دخلي على موقع طيران الخليج وقدمي للوظيفة وعقب راح يتم الاتصال فيش واخر موعد الى 31 يوليو 2008 ولا تقولون كله هرار لان صديقتي من قبل مرت بالتجربة والحين تشتغل عندهم واجد مرتاحة

وحدة مسكينه واني واقفة انتظر جت سألت تبغون مال جغرافيا قال ليها بصراحة لا لكن وش رايش تسجلين يمكن تستفيدين .........

وبعدين رحت اخذت ملف من موظف وزارة العمل مطروح فيه وظايف واجد وبأسعار لبعض الوظايف مغرية بس كلها للذكور , المهم دورت دورت إالين ما حصلت شي هه يعني وهي شركة كانو لما ادري ويش وسجلت بعد لكم وظيفة وعلى الله

وقبل لا أنسى جماعة ادارى اعمال واللي مسجلين في وزارة العمل سجلو لدورة التأمين بعد واجد مغرية طبعا فيها بعد امتحان انجليزي ومقابلة
اذا تحبون اشرح التفاصيل اني حاضرة

مللتكم من الهدرة له ما عليه سامحوني بس يمكن افيد احد

ملاك
مااعتقد اختي ان في امتحان للراسبين والي ماقدموا في هاذي الفترة خصوصا ان موعد النتايج قريب وبالتوفيق للجميع:)

لآلئ مشكورة على نقل اخر اخبار المعرض....والله يوفقش وياخدونش طيران الخليج احسن اليش من التربية واريح

لآليء البحرين;6719697:
السلام عليكم

أني رحت المعرض اليوم

اول ما دخلت كل ما امشي على الطاولات مكتوب الوظائف المطلوبة حارس امن قلت يه شالسالفة وش صاير يخلونه نجي من المنامه لهني على هالحجي الهرار

المهم لين وصلت طاولة طيران الخليج قلت للموظف ها عندكم شي لإدارة أعمال فعلى طول تشجع وقال لي استريحي استريحي كتبي اسمش في هالورقة ورقمش الشخصي ورقم تلفونش وعطاني ورقة مكتوب فيها المسمة الوظيفي اللي يبغونه وهو Graduate Entry Managment وشرح لي الفكرة بإن راح يكون فيه تدريب لمدة سنتين براتب 500 دينار وبمررون الموظف على كل الاقسام حتى يتعلم وعقب هالسنتين يثبتونه ويخلونه يختار القسم اللي يبغي يشتغل فيه وبعدها يصير الراتب 800 دينار لكن قبل هذا كله لازم يمر بامتحان ومقابلة طبعا وقال لي بس تروحين البيت دخلي على موقع طيران الخليج وقدمي للوظيفة وعقب راح يتم الاتصال فيش واخر موعد الى 31 يوليو 2008 ولا تقولون كله هرار لان صديقتي من قبل مرت بالتجربة والحين تشتغل عندهم واجد مرتاحة

وحدة مسكينه واني واقفة انتظر جت سألت تبغون مال جغرافيا قال ليها بصراحة لا لكن وش رايش تسجلين يمكن تستفيدين .........

وبعدين رحت اخذت ملف من موظف وزارة العمل مطروح فيه وظايف واجد وبأسعار لبعض الوظايف مغرية بس كلها للذكور , المهم دورت دورت إالين ما حصلت شي هه يعني وهي شركة كانو لما ادري ويش وسجلت بعد لكم وظيفة وعلى الله

وقبل لا أنسى جماعة ادارى اعمال واللي مسجلين في وزارة العمل سجلو لدورة التأمين بعد واجد مغرية طبعا فيها بعد امتحان انجليزي ومقابلة
اذا تحبون اشرح التفاصيل اني حاضرة

مللتكم من الهدرة له ما عليه سامحوني بس يمكن افيد احد

مشكوره لآلئ على هالشرح .. لا مللتينا و لا شي .. الا استفدنا ..

ممكن تطرشين لي موقع طيران الخليج و عادي اسجل في الموقع بدون ما اروح المعرض .. هل هالتدريب السنتين يغيرون بطاقتنا الى موظف او لا .. و اذا رحنا التدريب مجبرين نشتغل عندهم .. و ما تدرين دوامين او دوام واحد ..

يارب التربيه تاخدني .. و افتك .. آآبي اشتغل مدرسه :confused:

اي فديتش نبي موقع طيران الخليج ومشكوووورة

بنات ما في اخبار عن الوزارة ؟؟؟... محد كلمهم او اتصل فيهم ... لاني احاول كل يوم وما يردون ....

هلا ياعرايس

هذا الموقع http://go.3roos.com/NYK674Ysfet

سجلو في الموقع وبعدين املئي المعلومات المطلوبة منش ياخذ وقت شوي

ممكن تطرشين لي موقع طيران الخليج و عادي اسجل في الموقع بدون ما اروح المعرض .. هل هالتدريب السنتين يغيرون بطاقتنا الى موظف او لا .. و اذا رحنا التدريب مجبرين نشتغل عندهم .. و ما تدرين دوامين او دوام واحد ..

Sm!LeY

طبعا عادي تسجلين بدون ما تكونين رايحة المعرض عن تغيير البطاقة ما أدري بس اتصور بما اني من طرف الوزارة اكيد بعد يبون يعتبرون اني توظفت وانشطب من عندهم وبالنسبة للتدريب ترى كأنش تشتغلين بس اللي اعرفه دوام واحد صديقتي تقول بعض الاحيان يبدأ الدوام الساعة 10 صباحا الى 3 او أكثر بس ما أعتقد تروح زام ثاني

لآلئ مشكورة على نقل اخر اخبار المعرض....والله يوفقش وياخدونش طيران الخليج احسن اليش من التربية واريح

لا شكر على واجب زهرة ايامي والله يوفق الجميع اي اني شكلي ما أبغي اروح وزارة التربية واقعد اعلق نفسي بآمال كذابة واتلف اعصابي ما اتحمل

الحين اني عندي فرصتين

الاولى طيران الخليج و 500 دينار

ودورة التأمين وبدرب من خلال شركة تأمين وبمبلغ 150 من وزارة العمل و200 دينار من الشركة نفسها يعني = 350 في اول ستة أشهر وبعدها بستلم 400 لما ادرب عند الشركة نفسها

بس قبل هذا لازم اجتاز الامتحان والمقابلة

وشرايكم اي وحدة افضل؟؟؟ هذا في حالة اجتزت الاثنين >>>>تجهز الدوا قبل الفلعة ههههههه

لآلئ من الظاهر الينا يتراولي اذا اجتزتين المقابلة والامتحن فيهم اثنينهم ...اامممممم

طيران الخليج هي الافضل على الاقل بس شغل مو شغل وهو دورة يعني مثل دراسة ويا شغل...
وثانيا الراتب افضل ومستقبل طيران الخليج حلو...
بس ما يمنع انه تبحثين اكثر عن دورة التأمين يمكن اليها مستقبل زين بعد ويخلونش تكملين دراسات عليا..

انتين اول قدمي وبعدين فكري شنو تختارين ..ركزي الحين على التقديم

زهرة ايامي;6722851:
لآلئ من الظاهر الينا يتراولي اذا اجتزتين المقابلة والامتحن فيهم اثنينهم ...اامممممم

طيران الخليج هي الافضل على الاقل بس شغل مو شغل وهو دورة يعني مثل دراسة ويا شغل...
وثانيا الراتب افضل ومستقبل طيران الخليج حلو...
بس ما يمنع انه تبحثين اكثر عن دورة التأمين يمكن اليها مستقبل زين بعد ويخلونش تكملين دراسات عليا..

انتين اول قدمي وبعدين فكري شنو تختارين ..ركزي الحين على التقديم

خيو عدل كلامش يبغي لي اسأل أكثر عن الاثنين حتى تكون المقارنة صحيحة وموفقة انشاءالله

الله يوفقني ويوفقكم يارب وتتوظفون قاااااااااادر ياكريم

GULF1404-Graduate Entry Management

Thank you for considering Gulf Air as your next career move!


مشكورة لآليء البحرين.. انا من المعارض الاخير عطوني موقع طيران الخليج بس ماكان يصير اسجل
اليوم عاد سجلت بعد الكلام لي قلتيه

والله يوفق الجميع يارب ونتوظف ونرتاح من هل تلته

لآليء البحرين;6723275:
خيو عدل كلامش يبغي لي اسأل أكثر عن الاثنين حتى تكون المقارنة صحيحة وموفقة انشاءالله

الله يوفقني ويوفقكم يارب وتتوظفون قاااااااااادر ياكريم

مساء الخير
طبعا انا خريجة تربية وكل يوم ادخل ويصير نفسي ارد بس اتكيسل اسوي اشتراك
بس لفت نظري كلامك وقلت لاختي برد بأسمها
بالنسبة لطيران الخليج
انا كنت مقدمة عندهم من زمان من شهر 2 او 1 ما اذكر بالضبط
بقولك وش اللي صار بس ما ابيك تتحبطين بالعكس ابيك تاخذين احتياطك من الحين وتستعدين للامتحان
طبعا الامتحان مو سهل ابدا ابدا ابدا
انا وحده قبلي كانت مقدمة وخبرتني عن نوعية الاسئلة فاستعديت وذاكرت له
بس هذي ما نجحت بالامتحان عشان جذيه ما كانت تعرف بعدها وش بيصير من اجراءات
ظلينا من 8 الصبح ليت 2 الظهر امتحان ورى الثاني تقولين بيخلونا مدراء حق هذا كله
يعني بالمختصر صهرونا وياريت اخذونا بعدين بس صداع على الفاضي
المهم انا بقولك بالضبط وش اللي بيجي
الامتحان اساسه انجليزي ورياضيات وجفرافيا
من البداية راح تقولك اللي مسؤلة عنه اللي ما تعرف تطلع برى ولا تضيع وقتنا في التصحيح (كانت قمة في النزاره) واللي بيتأخر دقيقة بيتعرض لاحراج منها
الانجليزي كان قواعد وريدنج
الرياضيات بدون الة حاسبة تسوين عمليات على رواتب موظفين او تطلعين نسبة مؤية لربح الشركة في الشهر مثلا
الجفرافيا بيكون له القسم الاكبر
انا سويت شي نفعني وااااااااااايد
دخلت على موقعهم بالنت وشفت الرحلات اللي تقوم فيها طيران الخليج
توقعت انهم ما راح يجيبون على دول مالهم رحلات فيها
وفعلا هذا اللي جانا
تحفظين خريطة كل بلد+خريطة العالم ومواقع الدول اللي تسيرها طيران الخليخ على الخريطة
على فكرة الخريطة تجي لحالها يعني مو تعتمدين على البحار او الدول المجاورة عشان تعرفينها
احنا جتنا خريطة تايلند
وجانا سؤال على درجات كثيرة اللي هو ان مسافر بيسافر على طيران الخليج كل الرحلات دايركت مو ترانزيت ويبي يسافر 7 دول تبدأ بحرف k وتذكرينهم
بعدها تطلعون ساعة بريك وترجعون
بيقولون اللي نجح واللي يرسب يتوكل
كنا حوالي 160 اللي نجحنا حوالي 10 بس
بعدها بتسوين برزنتيشن للشخص اللي جالس جنبش
وهذا مهم جدا جدا حاولي تتكلمين بكل شي بحيث تبينين طلاقة اللسان في اللغة
بعدها يقسمون مجموعات وتسون امتحان ما عليه درجات بس يبون يشوفون كل فرد وش شخصيته مع المجموعه هل هو مسيطر او مستبد او ماسك زمام الموضوع او خجول وساكت
ولا تستهينين فيه لانها احرجت واحد قالت له انه مستبد وما ياخذ راي المجموعه
والامتحان الاخير بيكون 150 سؤال تحلينه في 10 دقائق يقيس سرعة البديهه عندك
سهل جدا
طبعا انا سويت كل هذا والامتحان الاخير بالذات محد خلصه غير انا وواحد كان جالس قدامي
وبالاخير محد منا انقبل
ليش مدري
دقوا علي وقالوا لي انتي نجحتي بكل شي بس البرزنتيشن وتعالي مره ثانيه قدميه هو بس عشان نقبلك
انا حسيته تلكيك وما رحت ولا عورت راسي
ولليوم يسون الامتحان هذا واللي يدخلون بالمئات واللي ياخذونهم واحد والا اثنين
مع انهم محتاجين كثير حوالي 300 موظف بس استغربت ليش هالتعجيز
اسفه حبيبتي اني طولت بس حبيت اقولك تجربتي عشان تروحين وانتي مستعدة زيييييييييييين
لا تعطينهم فرصة يتلككون عليك
والله يوفقك يا رب

لآلئ.........اعتقد مس بحرين ما قصرت شرحت اليش الامتحان كااااااااااااااااااااااااامل.........يالله همتش عاد...عشان ياخدونش..ونفتك من وحدة مقدمة في التربية...>>>>>>>>>امزح وياش مو تزعلين..
بالتوفيق