((الرابطة الأولى للعصقولاااات تجمع رقـــ(1)ــم))

مرحبا يا حلوات

اني من شفت توقيع وحدة من العضوات مادري اي عضوة على طوووووووووول جيت ادور الموضوع

الله يسلمكم اني كنت طوووووووووووووول عمري من النحيفات و الكل كان معقدني ضعيفة و ضعيفة و امتني شوي و مو حلو جدي الكل ربعي و بيتنا

مللوني بهالحجي بس اني احس روحي ما اقدر اسوي شي

لحد الصيف الي طاف يوم سافرنا كنا احنا و ويانا الاهل و كانت لمة حلوة

المهم كنا طوووووول الوقت ناكل بشكل مو طبيعي كل شوي جبسات و كولات و دونات و كيك و مادري شنو هذا غير ان الاهل كانو مدلعينا عدل في الاكل شهر كامل كل يوم فطور فيه كل ما لذ و طاب اجبان و خضرات و بيض و عسل كل الي يجي على بالكم وجبة الفطور الي اهملناها كنا كل يوم ناكلها

و الغدا كل يوم طبخة شكل و كنا ناكل بشراهة مو طبيعية اكلتنا طبعا بالنسبة لي بشراهة بس هو كان المستوى الطبيعي حق غير خخخخخخخ

و نحلي كل اليوم و فواكه ما تلحق تخلص و نجيب غيرها

هذا غير العشيات الي مخلوط من البيت و من برا

يعني باختصار كنا ناكل بدووووون حساب و كنا نمشي بعد واجد في هالفترة كان المشي يفتح شهيتنا



يعني هالله هالله في الاكل السنع و المشي ترى واااجد مفيد و اي مو تخلون وجباتكم الاساسية 3 نونو سووها 5 او 6 كل شوي اكلو و بتمتنووون و بلا فاتح شهية و ابر صينية او حبوب تمتنن بصراحة هالشياء تخوف و ما منها امان


اني الله يسلمكم طولي 158 و وزني كان تقريبا 45

بس من رجعنا من السفر و وزني بين 52 و 57 <<< مو عارفة جم وزنها بالضبط ميزنا مخرف خخخخ

احس جسمي صاير حلو يعني مستانسة عليه حدي بس لين شفت وزني في الخمسين اتخرع هههههههههه احس تو مج اقول حق واااجد متينة صرت ههههههه

ان شاء الله ما ثقلت عليكم :)

و الله يوفقكم و يمتنكم

moon spirit

يا هلا وغلا فيش حبيبتي

والله كلامش مية المية .. الأكل برووحه يمتن بالذات لما يكون الشخص مرتاح نفسيا ومبسوط


اني اول ما انخطبت كان جسمي حلو ومتناسق وخصري حلو
وببداية الخطووبة متنت اكثر وزاد وزني تقريبا 4 كيلو او 3


وصرت مربربة تقربيا والكل يشوفني يقوول اووه متنتش الخطووبة

واني استانس على روحي

بعد بعدين صادتني ظروف .. ودراستي صارت صعبه وصرت ماشوف خطيبي وايد ولا اقعد معاه وايد بسبب ظروف شغله


وكل هالامور أثرت على نفسيتي للأكل .. وضعفت


هذاني انتظر زواجي بشهر 8 وبفجر روحي من الاكل وان شاء الله ارتاح بالزواج اكثر



تسلمين على مرورش الي رفع معنوياتنا

السلام عليكم ..

الله يسلمكم انا فيني نحافه مزمنه من يوم انا بالابتداائي ومامتنت كليش

طولي 163

ووزني مابين 42 وساعات يوصل مثل الحين قبل دقايق يوم اوزن 43

ماعرف شنو الحل .. ماآكل وجبات اساسيه الا نادر

كل خرابيط واكثر شي حلويات

احس في بطني شي يآكل الاكل !! ومستحيل امتن

ضمووني لـ رابطتكم وادعوا لي امتن

ابي على الاقل يوصل وزني 55 ان شاء الله .. مب شرط عندي ان وجهي يمتن المهم الجسم

اهئ

والله انا تعبت من النحف بس في وحده اعرفها راحت عند دكتور باطني ويعمل رجيمات للنحاف والسمان وقالت انه الحين بيعطيها ابر بروتين او ما ادري وشو المهم انها ابر لان تقول ان قبل كذا اعطاها فاتح شهيه وزادت 5 كيلو وبعدين راحو منها على طوووووووووول
لاكن اش رايكم بالابر هذا واساسا مين قد سمع عنها؟؟؟؟؟؟؟؟؟
بصراحه انا مرررررره نحيفه .... او بالاحرى انا عظم وعليه جلد الحمد لله على الصحه والعافيه بس انا نفسي اصير زي بقيه البنات اللي فيهم جسم بصراحه لما اشتري الفستان ويكون حلو واول ما اجي البسه يصير مررررررررررره مو حلو بس اول ما تجي وحده ثانيه تلبسه ماشاء الله وش زينه ؟......؟....؟
ارجوكم انا معاكم في الرابطه بس ابي حل خلال شهر نفسي احضر فرح صديقتي وانا متربربه ومليانه واساسا بعد الفرح بشهر ملكتي .... اتخيلو شكلي وانا اتزف والايادي تخرغ كانها من مجاعه مو معقوله البس اكمام طويله عشان لاتبان .....الله يخليكم ابي 7 كيلو بس

لا تنسون تسون لي توقيع مثلكم انا ابي ادش ها الرابطه وما ابى اطلع منها الا وانا في رابطه اللي يبون ينحفون,,,,,,,,,,,,,
طولي 164
وزني الحال 43
الوزن المطلوب 50

سيدة عمان;5785742:
حبيبتي بس انتي كتبي انك تبين تكونين من الرابطة ما يحتاج تفعيل ... والتوقيع الاخت كارميلا ممكن تسويلك انتي كتبي الطول والوزن و كم تبين تزيدين ..

حبيبتي سمعتي عن د.فاتن .. الي كانت في القمة للرعاية الطبية؟

هلا بك حبيبتي......... انا كتبت قبل وراح احط مرة ثانية ان شالله مع ردي ل اصغر عروسة ...
لا حبيبتي ماسمعت عنها ....... انا احس حبوب الفيتامينات متعبة والافضل نهتم بالنوم المتوازن والاكل الصحي اللي يزيد الوزن ......... نبي وصفات بطاطا :)

اصغر عروسة;5787338:
ان شاء الله تتحسن ظروف الاخت كراميل وتتفرغ شوي من دراستها

راح تسوي لج التوقيع عزيزتي بس كتبي طولج ووزنج الحالي والوزن الي تمحين له


ويا هلا وغلا فيج وفي مرووج الرابطة تحت امركم

اصغر عروسة ........ ان شالله تجي كراميل وتحط لنا رابط التوقيع واحنا رح ناخذه ونحطه حقنا ... انا وزني الحالي 42 وطولي 161 واريد وزني يصير 46 بالكثــــــير :) ويلة نفيد بعض ... اسألكم مين جربت حليب انـــــــــشور ؟؟؟

حبيبتي نسام بالعكس لازم تاكل فيتامينات لان نحن العصاقيل ما ناكل عدل وفينا نقص للفيتامينات ..حتى حبيبتي الناس الاصحاء والي جسمهم زين بعد ياخذو فيتامينات ..روحي واشتري فيتامينات مثل زيت كبد الحوت واااااااااايد يمدحوه ..اما عن حليب انشور احد من الاهل جربه وقال انه حلو ..انا كل ما ادور عليه يقولولي بس في طعم الفانيلا وانا ما احب الفانيلا احب شكولاته :)

حبيبتي د.فاتن يمدحوها كثير وناوية اروحلها هي كانت تشتغل في القمة للرعاية الطبية ..ولكنها تطلع ..

موووووووون سبيرت صح كلامش اذا النفسية مرتاحة الواحد ياكل زين ..

سؤال مييييييين جرب حبوب الخميرة ...ومن وين احصله في عمااااااااان ...بليييييييز ساعدوني

واذا ما في..هل ممكن من الاخوات في البلدان الشقيقة تشتريه لي وطبعا انا برسلها المبلغ مع الشحن ...لووووووووووووو سمحتوا


الله يجعلها في ميزان حسناتكم

ابصراحة عيبني موضوعكم حلو ... وان شا الله كلكم بتمتنون

هههه ... أما عني أنا ضعفت كيلوين وابى اردهم هذا كله بسبة الرضاعة وانتو اتعرفون في ناس يمتنون من الرضاعه والأغلبيه يضعفون ....

طولي 163 وزني الحالي 60 وأبى أستوي 62 بس ما أبى أكثر هههههه

مع ان بنات وااااااااااايد أيووووووووووع وااااااايد آآآآآكل لكن الرضاعه وضريبة الرضاعه

ما عليه بشجعكم عالمتن ...

بصراحة من كثر ما تطرون حليب بالكاكاو ....... اتوحم عليــــــه الله يسامحكم أخاف أزيد وايد

احبك ليه انا ما ادري؟؟;5795711:
لا تنسون تسون لي توقيع مثلكم انا ابي ادش ها الرابطه وما ابى اطلع منها الا وانا في رابطه اللي يبون ينحفون,,,,,,,,,,,,,
طولي 164
وزني الحال 43
الوزن المطلوب 50

ههههههههه صج تخيلي تدور الايام ونسوي لنا رابطة للتنحيف ههههه واو

تسلمين حبيبتي ويا هلا فيج بهالرابطة

وان شاء الله توقيع يجهز بأقرب وقت

RED EARTH;5798977:
بصراحة من كثر ما تطرون حليب بالكاكاو ....... اتوحم عليــــــه الله يسامحكم أخاف أزيد وايد

لا حبيبتي انتي وزنج حلوو ما اعتقد لازم تمتنين ..

بس على راحتج لا تكثرين وايد

اصغر عروسة

اي الكل في الخطوبة ترى يمتن كل الي اعرفهم عقب الخطوبة يمتنون

و صدق النفسية تلعب دوور

و الدراسة حدث ولا حرج تسد النفس

و ان شاء الله تمتنين جم كيلو للزواج

و عقب الزواج تنتفخين بعد خخخخخ في حدود المعقول يعني عشان ما تصيرين دبة


سيدة عمان

اي النفسية ترى عامل كبييير اهتموا في روحكم و فرفشوا ولا وحدة تكتأب




و ان شاء الله يا بنات بمر عليكم في الويك اند و اذا شفت اكلات تمتن اكييد بحطها ليكم هني الله يوفقكم و يمتنكم ان شاء الله

اي ناس واجد اذا ينخطبون يمتنون مافيي أالاا ني

والله من أنخطبت ضعفت واااااااااااااجد وعرست وحملت وضعفت أزيد والله قههههر

حبي الغالي;5803314:
اي ناس واجد اذا ينخطبون يمتنون مافيي أالاا ني

والله من أنخطبت ضعفت واااااااااااااجد وعرست وحملت وضعفت أزيد والله قههههر

انتين خوب حالة استثنائية ..هههه جان اني متنت ورديت ضعفت

انتين خير شر

اني خلاص شكلي أيست الحين ما بمتن .. جان عقب العرس

ماحب اكل واجد8____8

وش اسوي نفسيتي كله مسدودة .... يعني لازم اخذ حبوب ولا ما يصير ؟؟

اصغر عروسة حبيبتي اخذي مسيجور ..والله فتح مفسيتي للاكل ..بس انا بعد شهرين حسيت ان جسمي تعود عليه والحمدلله زدت عليه 4 كيلو ..

وعشان نفسيتج ما تنسد سوي رياضة ...انا مشكلتي اني في فقر دم واعب اذا سويت جهد كثير فما اقدر اسوي رياضة يمكن شوي امشي برع وقت العصر

اليوم العصر بروح عيادة الصينية

بجرب الابر الصينية عشان يخفف لي التوتر الي في :(

وعسى ربي يخففها وتنفتح نفسيتي

على فكرة عندي لكم خبر حلوووووووووووووو كثيررررررررررر

وهو سالت احد يسوي حجامه اذا فيه حجامه خاصة لزيادة الوزن قالي ايه في بس يعتمد على قابلية الجسم لها ..لكن للاسف ما عندنا في عمان حريم يسوا الحجامة :(

ثالي في الامارات فيه ...المهم تو ادعولي بالشفاء وان شاء الله تنفتح نفسيتي للاكل

ايوة حبيت اعرف من جرب cypro-vita
واذا احد عنده صورته ينزلها عشان اشوفها ....شكرااااااااا