زوجي خطب بنت عمة بموووت

حبيبتي بنت البحرينيه :

لو انك جايبه صور بنتك وحاطتها في براويز وموزعتها على كبر الشقه يمكن يححن الرجال بس اهم شي لاتحطينها عند طاولة المكتب ولا عند راسه ، يمكن هالشي ينقلب عكسي عليه لما يشوفها وقت الدراسه ويقول هي سبب كل اللي صااار .
عموماً خلج معاه سمن على عسل وان شاء الله لين كملت بنتج سنه اقنعي فيه تجيبينها عندج ، ووقت دراسته طلعي وتمشي معاها وخصصي لها غرفة العاب تلهى فيها ، بعد سنه صج تزيد حركة الياهل بس يقل بكائه

وربي يهديه إن شاء الله

وانتي دوم قولي له البنت تشبهك حتى لو ماكانت تشبه قولي هالكلمه يممممكن يحس ان شاء الله ، واول ماتنطق كلمة بابا نادييييه وسمعيه وان شاء الله يحن قلبه عليها .

واذا رحتي السوق خليه يختار معاج بدلات لها ، وقولي له انت اختار على ذوقك وحتى لو ماعجبج معليه خليه يختار شركيه في تربية البنت وتلبية احتياجاتها حتى لو انتي بعيده عنها

والله يلم شملكم إن شاء الله

بنت البحرينية
حبيبتي الله يخليج طمنيني عنج والله جالسة احاتيج
حتى هالاسبوع عندي شبكتي ومشغووووووولة بس كل شوي ادخل اشوف سصار بموضوعج

انا اشوف الله يخليها ويحفظها [COLOR="Red"]عيون زوجي ابد مومقصرة ان شا الله تفيدج
انا بعد بقول لج خليييييييج هالحين شوي معاه وحاولي تفهمينه انه يطنش الحمارة بنمت عمه
والا بتسووووء حالته
الله يخلي لج بنتج يارا يهبل اسمها
ودي اشوفها
اكيد حلوة مثلج
فديتكم كلكم
حبيبتي انا علي اني ادعي لج والباقي عليج[/COLOR]

Noor1979;5648770:
السلام عليكم ورحمه الله وبركاته ..

اعوذ بالله من الردود الي تبط الجبد ...

الحين بالله عليكم من الي يتعوض .... الريال ولا الضنا .... الريال بداله عشره ,, و الضنا يتعوض ولا لا ؟

الاخت الي سألت عن عمر الياهل كم ..عمره خمس شهوووووووووووووووور .. مب خمس سنوات ..

ما تدرون ان الياهل نفسيته حساسه .. وان اقل شي يأثر فيه .. بدون ما احنا انحس ...

انا بنتي ابوها كان مسافر ست شهور .... بعيد عنها .. وخذا لها وقت لين تعودت عليه ... وبالموت صارت زينه معاه ..

كيف امها الي تبعد عنها سنوات دراسه ..... وترجع لها بعد ما يصير عمر بنتها 3 سنوات او اكثر ...

وتقولها انا امج .. وين تفكيركمك . كل همكم الريال اصلا هو ما همه الا نفسه ,,,

واناني وجحود .... ولو يهمه مستقبل عيلته م سوى فيها الي سواه .. يبي يتزوج .. بالي يحفظه ..

خله يونس عمره ....

لكن البنت شنو ذنبها .. والله يابنات .. خلي في علمكم شي .. في حرمه كانت بالعمل معانا ..جات حق زوجها بعثه .. بس هي ما تقدر تترك عملها وعندها بنت عمرها سنتين..يعني اكبر ...من عمر بنت اختنا ...

لكن والله زوجها قالها معلش قعدي ربي عيالي ... وتعالو زوروني في الاجازات ...

هذي الزوج الي يقدر .... مب يقولها بتزوج عليج ومادري شنو وانتو تقولون لها لحقيه .. على شنو ياحسره .... بخيل و يخون والحاله حاله .......

اقول واعيد وزيد الريال الي ما فيه خير في بنت الناس مافيه خير في احد من عياله او اي شي الضنا غالي .. وشوفو المحرومات شلون قلبهم يتقطع على ضنا يربونه ... وانتو تقولون لها تعالي قطي ضناج عند ام ريلج او امج .... انا بنتي ماخليها عند امي الا في الشديد القوي ,,,

وبسبب ظروف العمل واالاجازه بنتي كله عندي.... وماعطيها احد .... ولا يهون علي احد يمسكها غيري....

وايد بنت جذي ... بس عشان سواد عيونه تهد ضناها .. وشدعوه بيقدر هو مشاعرها ... وبيترك بنت عمه الي ناوي على الغلط مستحيل يتركه .. وهي شماعه يعلق عليها خيانته اصلا.

تحياتي
ام جنى

ام جني .. لافض فوك ... انا اقرا الموضوع ومقهورة ... اشلون صاحبة المشكلة ... يعني يابنات ترضونها لروحكم ... ترمون عيالكم ... لا تقولون عند مرة ابوها ... الياهل ماعنده الا امه ... انا اقرا الموضوع واتخيل نفسي مكان صاحبته اقدر اترك بنتي واروح لريلي ... لا والف لا ... بنتي مايفرقني عنها الا الموت مو عشان ريال اناني ماهمه الا نفسه ... البنات يقولون خلي بنتك وروحي لريلك تعصميه من الحرام ...طيب البنت تنحرم من ابوها وامها في وقت واحد مو برضه حرام ؟؟ ... انزين الريال يقول ماكان بدى عيال بس ربك حكم وعطاك بنوتة بدل ماتحمد ربك على النعمة ... بدك ترميها ؟؟؟ اعوذ بالله من هالتفكير

السلام عليكم ورحمه الله وبركاته..

اختي بالنسبه لموضوع الاكتئاب اول .. انتي مثل ما قلتي بالبدايه زوجك معيش نفسه في وهم نفسي ان هو في حاله نفسيه وتعود على الحبوب .. والشغله ثانيه واضح جداً ان زوجك ايمانه ضعيف .. زوجك يصلي ؟ .. اتمنى يصلي . الصلاه تمنع المحرمات.... كثير ....

بالنسبه للغربه .. اختي مثل ما قالو بعض الاخوات زوجك لاهو اول ولا اخر واحد يدرس برع .. ياما شباب درسوا برع وصانو نفسهم .. منهم متزوجين ومنهم مب متزوجيه ومنهم خاطبين ...
بنت عمك غلطانه .. وهي مو راعيه شرف ..بس الغلطان الاكبر هو زوجك ... لان عطاها مجال متحجج بالاكتئاب النفسي ومتحجج .. بالغربه ..ومتحجج ببنته ومتحجج ومتحجج ..وبتحجج زياده ..

اختي وضحت لج اخت عيون زوجي شلون بعض النسوان متشفقين على كلمه حامل .. انا ساكته كنت اتمنى انج تردين بكلمه عن موضوع بنتج .. بس للحين ماصار شي .. وكانت سمعتي بنفسك المكالمه .. يعني .. لو يبي يقصرها من اخرها كان قالها يابنت الناس اناكلمت ابوج ومالج كلام معاي الحين .. ويسكر التليفون .. والافصل لو يغيره ...

طبعا موال الجنس والغربه ما بتخلصين منه .. وبتعذر بألف عذر .. شرحي له الموضوع .. بكل جديه .. وبحب .. واصري بشكل لطيف ان وجود بنتج مهم .. وان كان يتعذر .. اوعديه انج بتهيئين له الجو ..وانج ما بتطلبين الا قد .. الحاجه ولا اكثر ,,,

عطيه الحلول الممكنه وحطي ورقه وقلم كتبي الي في خاطرج .. وحطي كل سؤال واجابه .. وشوفي ... رده ..مع اني ما تصور ان في رد بيطلع منه .. عموما اختي ... انتي في نظري سويتي الي عليج واكثر ... ووضحتي له انج شاريه مب بايعه على حساب بنتج .. وبنت عمه .. صدقيني لو هو زوجك ماحط لها رادع ,,هي بتظل بينكم ......لين هو الي يطردها من حياته ..

هذا كل الي ببالي الحين

تحياتي
وننتظر اخر اخبارك
ام جنى

بعد عمري يالبحرينية انه مع كلام عيون زوجها .. كلامها صحيح مليوووووووووون بالميه

يا حبيبتي .. في الزواج مافي كرامة و عزة نفس .. و ديننا علمنا هالشي .. لما الريال يشد لازم انتي ترخين
و لما انتي تشدين هو يرخي ..
الحين انتي ارخي الحبل له ..و ارضخي له .. و وقفي معاه .. و ما عليج من اللي يقولون لج كرامتج.. المره مالها بالدنيا غير زوجها .. وهو الحين اكيد متفشل منج .. استغلي هذي الفرصة عشان تذووبينه فيج .. و تمسكينه من رقبته .

بس مثل ما فالت وحده من الخووات .. قولي له بس طلبي اني كل فتره امر على بنتي و ارد لك . و جيبي صورها للبيت .. بس لا تكلمينه في موضوعها لما هو يتكلم عليها ..
و قولي له لما البنت تصير حليوه و اكبر .. يعني بعد سنة نجيبها.. عشان تونسج انتي في الغربة و تكبر بين امها و ابوها .. و بس
و ارجووج لا تزيدين الكلام عن البنت .. و لا تجيبين طاري أي شي يضايقه ..
ضمني انه يكون بمخباج مثل ما نقول ;) بعدين اللي في خاطرج قوليه ..
و لا تذكرين له انج بترجعين مع ابوووج .. و الله تحملي .. هو الحين بعد اللي سويتيه عشانه و جيتي لي عنده بيقدرج بشكل ما تتصورينه ..

و ياااااااااا ربي يسخره لج و يعقله

و لا تنسين قراءة سورة البقرة ;)

:):) و ان شاء الله نسمع الاخبار الحلوة منج على طوول

الله يفرجها عليكي يا رب...

متفاعلة معك...من أول الموضوع

كل ما أرضع سارة بنتي أتذكر يارا بنتك...أحس إني بصيح...أقول كيف هالبنت مرة واحدة فقدت أمها و هي مش عارفة السبب...و لقت نفسها وحيدة في الدنيا...حتى رضاعة أمها و حنانها و دفءها فقدته...

تصعب علي بنتك...و أحس بغصة الأم في قلبي...و أدعي ربنا يصلح الحال يا رب...

انا زوجي مغترب 4 سنوات دراسه وهذاني خذيت عيالي كلهم وحامل وتركت اهلي وناسي وديرتي بسسسسس علشانه والله يا بنات الغربه كربه وقلبي كل يوم يتقطع ع روحي وع اعيالي مالنا احد هنيه غير الله ثم زوجي وابصراحه لعيال امسويين ازعاااااااج لابوهم بالذات الصغيره مسكينه تلاعب بروحها ليل نهار محد معاها وشقتنا غرفتين نوم وصاله ومطبخ وبسسسس يعني تصوروا حياتنا ضيييييق ف ضيييييييق زوجي مسكين يضطر يقعد من فجر الله واحنا نايمين علشان يقدر يدرس ويركز ف دروسه والله راحمته بس شسوووووي ما بيدي شي ما اقدر اتركه ابروحه طول هالسنين.
سوووووووووووووووووووري دخلت عررررررررض والسموحه من صاحبه الموضوع بس حسيت ابي افضفض لانها عايشه نفس وضعي بس هي من دون بنتها الله يساعد قلبها ويهدي زوجها والجميع ان شاء الله.

حبيبتي بنت عمي مخليه وراة 5 عيال ماقالت شيء تعوذي من الشطيان وروحي مع زوجك

اولا كان الله فى عونك ويصرك على بعد بنتك يارب

ثانيا الخطوات الماخذوه للان سليمه ولكن هناك بعض الملاحاظات التى يجب عليك اخذها فى الاعتبار

الرجل بعادته طف اكثر شئ ياسره ويعلقه المراه الحنان ثم الحنان فما بالك لو ان يعانى ايضا من الاكتئاب ؟؟؟؟ اذن فجرعه الحنان وااهتمام يجب ان تضاعف وبعدين اعترافه ى حد ذاته ك دلي قوى وصريح على حبه لك وقربك منه لان مثل هذه الامور من الصعب ابوح بها لاى شخص كان


راعى ظروف زوجك وقفى الى جانبه وصدقينى ما انت فيه ما هو الا سحابه صيف تمر مر الكرام

صالحى زوجك وساعديه وقفى الى جواره واستحملى بعد بنتك لفتره وهو مع الوقت سيتحرك قلب الاب فيه ودائما اكثرى من الصلاه والدعاء وصلى دائما ركعتين قضاء الحاجه بغرض ان يهدى الله زوجك وينزل الحنان والحب فى قلبه لابنته وان يشفيه واكثرى من قراءه سوره البقره ويس

واتمنى قريبا تسمعينى خبر كويس

بس سؤاال يا بناات ليش ما تقدرين تاخدين بنتك معاك لعند زوجك شو المانع يعني ؟؟؟؟

حبيبتي طمنينا عنك اليوم كلش ماشفنااااك

باقول لكم انشاءالله كل شي بكره بالتفصيل لان الحلو مو مخلني بحالي كللللش

انا اعتقد

ان الامهات يحسون باحساس الام

عشان كذا تعاطفوا

اما البنات اللي ماتزوجوا مو حاسين ان الام ماتقدر تفارق ولدهاااااااااا

انا من رايي ترسل امها تكلم زوجهاااااا

وتقول ان البنت تبكي ومفتقدة امهاااااااااااااااا

وانها موقادرة تتحمل

وتحرجة وتقولة ليش ماتاخذ بنتك

وتزن على هذا الموضوع لين يستحي على دمة

وتقولين لزوجك ولله امي صادقة مو معقول نخلف وغيرنا يربي

الله يعينك و يفرج كربك و البنات ما قصرن الله يجازيهن خير .
طمينينا عنك .

انا قريت الموضوع من اوله والحين امورك تحسنت كثير بالأول ما كنت اقدر اقول لك شي ولا انصحك بشي بس الحين امورك كويسه الحين تروحين لا تستنين اسبوع او اثنين تقولين له بجيب بنتنا عشان تعيش معانا يعني معقول 5 سنوات عايشه عند اجدادها وانتم عايشين وبعدين بيتكم كبير شوفي عسووووله ما عندها طفل واحد بس وغرفتين ومتحملين زوجك قاعد يتدلع عنده اكتئاب ما يخالف انا احيانا تجيني حالات اكتئاب ومابي احد لكن عيالي انا لازم اكون معاهم هو مو مسؤل عنهم مثلي اتمنى تكوني فهمتي هو عليه يدرس ويصرف عليك وعلى بنته وانتي توفرين له الراحه وتسعديه وما تخليه يحتاج شي وانتي ما تقدرين هذا وبنتك بعيده عنك دايم بيكون تفكيرك معاها وهي بنت وحده ما راح تزعجه الحين هي 5 شهور تقدري تنظمين نومها و"انا لو مكانك اول ما جيت وبغاني انام معه و... كان قلت له اخاف احمل وبعدين انت بنفسك ترجعني لبيت اهلي وتقول ما تبي عيال"

يعني انا ما اتوقع انه ما يقدر يتحمل بنته انا اعرف وحده تغربت عشان زوجها ومعاها ولد وبنت وهم مزعجين بشكل وهو اللي جابهم تخيلي تقول ان البنت اول ما شافت ابوها جلست تبكي وما تبيه يشيلها ما عرفته وكان عمرها 8شهور وجلست 6 شهور عشان تتعود عليه والحين هم هنا عايشين مع بعض ومبسوطين على الآخر وهو عنده ازعاجهم عسل لمن يكون عنده مذاكره تجلس معاهم وتخليهم يبعدون عنه يلعبون واذا جاء الليل لازم ينامون والله مرتاحه بس هي تشتاق لأهلها وتجيها اوقات نفسيتها تتعب لأنها بعيده عن اهلها كيف انتي واللي بعيده عنك بنتك الرضيعه

لازم تكلمينه الحين وتقررون

يا قلبي و الله ما تصدقين شكثر مستانسه حق حالج اللي يسر ان شاء الله

و يا ربي يديم عليج السعاده و يهنيج معاه و يصلحه لج :)

و صدقيني خليه فتره شوي لا تكلمينه عن البنت خليه هو الي يستغرب منج انج ما تتكلمين عنها و يروح يكلمج و يسألج عنها بنفسه :)

و يا ربي يصبرج على بعدها ان شاء االله :)

شوفي يا اختي بنتك اولى و هدا ادا ما عندو قلب على بنته ما راح يكون عنده قلب عليك .....
مو مصدقة انه اب انا كنت مفكرة انها بنت من زواج تاني

انا اعرف الاباء يمووتوون على ولاادهم موووت اسمعي زوجك هاد مدلل ادا يبي يتزوج بنت عمه الله معه بنتك ما راح تساامحك على فراقها ما قلنا عندها عام او عامين لسة ما قفلة السنة يا عاالم شلون تخليكي مع زوجك و تتركيها ادا هو مو سائل عن بنته ما بيستاهل انك تضحين عشانه

بعدين ما افهم ليش ما تجيبوها معكم على هولندا

شكثر ضااااااااايقت من سمعت عن هالمنحووووسة بنت عمه ..... شنوو هاذي والله استحييييييك على الي سوته بزوجك اعوذ بالله ....عداك العيييب اهي الي كانت جارية وراه لتضمن مكانها الله يخزيها .... صدج الي حاكوه البنات كلش وانتي اصبري وكوني متأكدة ولا شيييي راح يحصل غيير الي كاتبه لك الله سبحانه وتعالى
وطمنينا عليييييك حبيبتي قاعدين نحاتي عليك ....

هلا والله مشكورين كل الي ردووو علي
والي يسالون ليش ما تجيبيها عندج لان زوجي متعقد ولدت فيها حزة الاختبارات النهائيه عنده ماعرف يذاكر ولا شي وانا احتجت انه يساعدني فترك الكتب وتفرغ لي بعد ماخلصت النفاس جا لي زوجي وقال لي انتي لازم ترجعين عشان البنت انا ماقدر اوفق بين الدراسه وبنت احسها مسؤليه كبيره
الحين هو في باله ان بنتي دوم تصيح ودوم تبي ترضع فحاس يمكن انه شي كبير عليه وعلي
وطبعا النتايج جت كلها زفت
فصار طول الوقت يلومني لان انا الي قلت له ابي عيال مو اهو
والله اهو دايما يحط العازل وحريص جدا
ماعلينا ارجع لمحورنا الاساسي
زوجي يغاااار علي مره مره امس جو لينا ناس خليجيين رجال وحرمته
وجلسو معانا تعرفون في اوربا انفتاح نجلس جميع بس يعني سوالفنا تكون محترمه
كنا نسولف عن غلاء الاسعار طبعا انا احب ابدي رايي وجلست اتكلم وكذا بعدين زوجي احسه مره مره منقهر مايبيني اتكلم حسيت من ملامح وجهه بعدين قال لي قومي اعملي قهوة على بندق مشتهيها وكل شوي قومي جيبي شي عرفت الاخ مايبيني اجلس في الصالح بعدين انا قلت للحرمه قومي اوريك الاغراض الي شريتها من البلد وجات معاي
بعد ماطلعو جا وجلس معاي قلت ليه كذا تسوي فيني الحرمه حست فيك جلس يقول لي انا ماحب تكونين جالسه ومعانا غريب وانتي تتكلمين هو يطالع في وجهك وكانة بياكلك انا انقهرت قلت زين حرمته بعد جلست تتكلم وانت تطالع قعد يقول لا نظره عن نظره غير انا سكت مابي اسوي مشاكل يضيق خلقي
المهم جلس جنبي وجلسنا نسولف بعد ما طلعو وصار يقول انا اسف على الي سويته فيج انتي ماتستاهلي ماشفت منك الا الخير واصبري علي لين اخلص الدراسه لا تفكريني اكره لعيال بس ابي اامن مستقبلي مابي عيالي يقولون نبي وانا ماعندي مابي احرمهم من شي مابي الحين شي يخرب دراستي
وقالي لا تفكرين الحين انا مو مشتاق ليارا انا احبها واموت فيها اهي بنتي لاني احبها ابي اامن مستقبلها وتعرفين انا ماقدر اوفق بين البيت وبين الدراسه
وبعدين قلت له بس حرام بنتي محتاجه حليب مني وحنان مني ومنك والبنت ماحد بيكون حنون عليها غير امها وابوها جلس يطالع فيني نظرات مثل المتأسف المهم ماليكم بطويله
انكان اقوله اتخيل تمرض وتلعوز مرت ابوي وابوي ويمكن يزهقون منها بس ابوي مابيقول
قلت له انت والله جيبها مابخليك تجيب شي او تسوي شي لها وتكلمت كثير
وقال لي زين بس عندي شروط
قلت قول
قال تدرسين توديها حضانه قلت ماعليه
قال تهتمين فيني وفيها مره وحده قلت ليش خير تغار منها قال لا بنتي اشدعوه اغار منها بس هالله هالله فيني انا محتاج حنانك بعد وهو يضحك بعد
المهم قال وشرطي الاخير ان تجي البنت في الصيف وييييييييي شتقول انا ابيها الحين مابي افطمها صغيره وكدا وكدا وقال هدا الي عندي انا ابي اجيبها في العطله عشان نكون متفرغين ليها
وقالي انا بنفسي الي بنزل اجيبها واجي
انا فرحانه وحزنانه
ماقدر اصبر كم شهر احس مابصير فيني عافيه منيه للصيف شنو تقولون