زوجي خطب بنت عمة بموووت

الله يكون في عونك

أنا من رايي تتمسكي بالاثنين بنتك وزوجك وما همتني كل الردود
أنا أم واعرف شعور الام لوخسرتي زوجك بيدج بتعيشين الندم طول عمرج
بنتك صغيرة وماتفهم من الدنيا غير حضن دافي يضمها بحنان وانسانة تعرف ترعاها وتعطيها اللي هي محتاجته
ولا تنسي انها بكرة بتكبر وبتلومج على خسارتها لعائلة سعيدة تعيش في بيت واحد

الله يحل مشكلتك على خير

و الله أختي أنا شايفة كلامه لك مفصّل على بنت عمه...

موضوع الدراسة و المسؤولية و زوجة متفرغة من غير عيال

يعني أحس روحتك ما بتقدم و لا تأخر...و بنتك المسكينة بتضرر بشدة لو تركتك...

قوليله راح آجي و أترك البنت...شوفي كيف ردة فعله

إن شاء الله خير

Noor1979;5648770:
السلام عليكم ورحمه الله وبركاته ..

اعوذ بالله من الردود الي تبط الجبد ...

الحين بالله عليكم من الي يتعوض .... الريال ولا الضنا .... الريال بداله عشره ,, و الضنا يتعوض ولا لا ؟

الاخت الي سألت عن عمر الياهل كم ..عمره خمس شهوووووووووووووووور .. مب خمس سنوات ..

ما تدرون ان الياهل نفسيته حساسه .. وان اقل شي يأثر فيه .. بدون ما احنا انحس ...

انا بنتي ابوها كان مسافر ست شهور .... بعيد عنها .. وخذا لها وقت لين تعودت عليه ... وبالموت صارت زينه معاه ..

كيف امها الي تبعد عنها سنوات دراسه ..... وترجع لها بعد ما يصير عمر بنتها 3 سنوات او اكثر ...

وتقولها انا امج .. وين تفكيركمك . كل همكم الريال اصلا هو ما همه الا نفسه ,,,

واناني وجحود .... ولو يهمه مستقبل عيلته م سوى فيها الي سواه .. يبي يتزوج .. بالي يحفظه ..

خله يونس عمره ....

لكن البنت شنو ذنبها .. والله يابنات .. خلي في علمكم شي .. في حرمه كانت بالعمل معانا ..جات حق زوجها بعثه .. بس هي ما تقدر تترك عملها وعندها بنت عمرها سنتين..يعني اكبر ...من عمر بنت اختنا ...

لكن والله زوجها قالها معلش قعدي ربي عيالي ... وتعالو زوروني في الاجازات ...

هذي الزوج الي يقدر .... مب يقولها بتزوج عليج ومادري شنو وانتو تقولون لها لحقيه .. على شنو ياحسره .... بخيل و يخون والحاله حاله .......

اقول واعيد وزيد الريال الي ما فيه خير في بنت الناس مافيه خير في احد من عياله او اي شي الضنا غالي .. وشوفو المحرومات شلون قلبهم يتقطع على ضنا يربونه ... وانتو تقولون لها تعالي قطي ضناج عند ام ريلج او امج .... انا بنتي ماخليها عند امي الا في الشديد القوي ,,,

وبسبب ظروف العمل واالاجازه بنتي كله عندي.... وماعطيها احد .... ولا يهون علي احد يمسكها غيري....

وايد بنت جذي ... بس عشان سواد عيونه تهد ضناها .. وشدعوه بيقدر هو مشاعرها ... وبيترك بنت عمه الي ناوي على الغلط مستحيل يتركه .. وهي شماعه يعلق عليها خيانته اصلا.

تحياتي
ام جنى

كلامك أقنعني و الله أم جنى...

الله يحفظ لك بنتك يا رب

ماقوول الا الله يكون بعوونج

انه اول شي رديت رد غير لان ما كنت ادري انه بنت صغيرة واييد ضنيتها اكبر
لا تخلينه مهما كان لان الندم ما بينفع انه اتفق مع الاخت الي قالت الريال بداله الف لكن الظنا ما يتعوض الريال الي يسوي هالسوالف اناني ما يفكر اله بنفسه وبرغباته يعني هذي بنته شلون هانت عليه Noor1979 انه اتفق مع الاخت 100%
وخلج قوية والله يساعدج

السلام عليكم
الى يسأل عن احوالي انا جيت لزوجي وحالتي ماتسر عدو
طبعا جيت مع ابوي واول ما وصلت رحت نمت بالغرفه طبعا انا كنت تعبانه جدا لان كان صعب فراق بنتي
المهم ونمت تقريبا اربع ساعات وجالي وجلسني من النوم كانت عيوني من البكي حمره وصايره صغيره ومنتفخة يقول لي يالله صبري احنا لازم نضحي عشان الدراسه ونحسن مستقبلنا وبنتج في ايدي ناس امينه ولا تخافي انا بكيت وبكيت لين قلت بس وجيت له بالحنان وقلت ابي بنتي ماقدر اعيش بدونها والله حرام الي قاعد يصير لها مسكينه وهو طبعا سكت وهو كل شوي يجيلي يبغاني بس انا اقوله ماقدر تعبانه قلبي ضايق وصدري كله حليب
بنات انا الحين ابي ارجع لبنتي ماقدر اعيش بدونها بموووت صدري كله حليب وانا كله صياح ماقدر ابوي يهدي فيني يقولي اصبري اقوله ماقدر الحين بعد سبوع ابوي بينزل لانه عنده عمل مايقدر يطول فانا ابي اقنع زوجي اني ارجع مع ابوي وجيب بنتي واجي بس ادعو لي الله يمسح على قلبه ويهديه ويحنن قلبه
والله اني كل شوي اقوله بنتي الحين ماتصيح ودايما تلعب وطلع ليها اسنان وتضحك ابي يحن ليها ماكوو ابد
خلاص بنات اذا ما رضى اجيب بنتي يلعن ابو هاذي عيشة برجع واذا بيتزوج الله يهنيه مابيه عفته
والله نفسيتي تعباااانه واجد ابي بنتي
ونذالته فتحت معاه موضوع بنت عمه قلت له انا ماحبك زي لول قالي ليش قلت الي يخوني ويبدلني انا بعد بخونه وببدله
قال الاسلام حلل اربع وانا معذور في غربه وبنت عمي تبيني وباخذها قلت هذاني جيت لك قال ويش الفايده مو معطتني وجة قلت له لان ابي بنتي وبرجع لك احسن من اول والله احس انة معمول له عمل على بنته مايحبها مايداني يسمع عنها شي هذا الي احسه
اي نسيت اقولكم بعد يوم راح الجامعه رحت فتحت ايميله لان هو مسوي له حفظ للباسورد ودخلت ورحت للرسائل المرسله وشفت راسل لها دخلي الانترنت ضروري انا لما قريتها انقهرت بس لان انا جسد بلا روح على بنتي ماحس نفسي اتاثرت كثر بالي مايحفظهم ولا يهنيهم
وهي راسله رسايل كثيييير هو مافتحها وانا خفت افتحها علشان لا يحس اني فتشت في ايميله والي قاعدة اشوفه ان هالبنت حقيره وقاطه نفسها قطه من خلال كثر الرسائل وهو لو مهتم انكان فتحهم
والي قاعدة اشوفه هو معاي في حالة عنااد شديد انا ابي بنتي وهو يعاند والله يهديه

السلام عليكم ورحمه الله وبركاته ...

اختي مرموم ... قالت لج .. روحتج ما بتقدم ولا بتأخر ..واخذيها من الاخر ... ردي مع ابوج .. رضى ولا ما رضى ... دام ان يبيها عشان الغربه .. يمكن بعد الغربه ... يمل منها ... خلج مع بنتج .. ارجع واقول خلج معاها ...

الاخت الي قالت بنتج ما بتحاسبج ... لا اختي بتحاسبها الف حساب .... انها عشان اول سنين عمرها بعقد نفسيه وكل دمعه وكل ضحكه .. وهي بعيده عنها احنا ما نتكلم عن اسبوع او شهر احنا نتكلم عن سنوات دراسه .... ليش محد فاهم .. ؟؟؟

ثانيا لو رجعتي اختي حق بنتج لا تعطينها الحليب الي في صدرج .. واذا تقدرين طلعيه احسن لآن هرمونات الحزن بتأثر حتى في الحليب .. فأحسن تسحبينه ......

صممي على رجعتج مع ابوج افضل .. ودام هو ناوي .. على قولتج بالي ما يحفظ ...

تحياتي
ام جنى

هلا والله قلبي معاك
والله يفرج كربك ويزيل همك
ويجمع شملك ويحنن قلب زوجك
ويسمعنا اخبار عنك تسرنا يارحمن يارحيم..

الله يكون في عووونج ... ويفرج عليج همج وغمج ويرد بنتج وريلج في حظنج

الزوج رايحه يدرس ماهو رايح يتفسح.......

وبعدين اكيد هذي احسن حق مستقبل بنتج

وبعدين هذول إلي يقصون عليج يقولون لك بدال الريال عشره
من يبيج بعدين وانتي مطلقه وعندج بنت.. يعني فرضاً صار.. هذي الريال بحب البنت نفس ابوها طبعاً لااااااء.......

وبعدين شلفايده رايحتله وقاعد اتدلعين ماتعطينه ويه
مو المفروض روحتج عشان تكسبينه....

الصراحه ما يستاهلج.. هو يستاهل وحده توقف وياه في الغربه
الغربه مب سهله.....

وبعدين إذا انتي تفاكرين في بنتج صج اهتمي بعلاقتج وياه لان إلي تبيه البنت
ان امها وابوها معاها مب بيت مهدوم ام في صوب ولابو في صوب..

ومعليج من إلي يبون بخربون بيتج بقولون بنتج بتزعل لما تكبر
أصلاً شدراها لما تكبر......... وحتى لوووو........... قولولها ان ابوها راح يدرس حق يقدر يشتريلها ألعاب ويعيشها احســـن........... بالعكس البنت وايد بتستانس وبتحس ان الوالدين ظحوا عشانها.....

رايي من راي الاخت ام جني ما شاءالله
ما قصرت كفت ووفت
الله يجزيها الخير
وانت اختي اللهم يسخركم لبعض ويبعد عنكم اولاد الحرام
طمنينا عنج اختي بارك الله فيج

أذا ما بينكم زعل ويبيك معاه بالغربة روحى وانتى مغمضة وقعدى على قلبه واخذي البنت معاج ... واذا قال خليها عند امى اللي هي امه خليها عند امه وهى بأمانة امه ما اعتقد ما بتهتم فيها وروحى لها..... لحقي على عمرك بأسرع وقت شنو ناطره ...

السلام عليكم ورحمه الله وبركاته ..

أولا ( هذول ) اتمنى تناديني اختي بأم جنى او نور .. افضل..


ثانيا : محد يتحمل عيال احد لو كانت امها .

ثالثا : الريال بايع ومخلص ... وشالي يضمن انها لو رجعت حق ريلها وقطت بنتها .. ان مايرجع يكلم بنت عمه ويظل على اتصال معاها ....

رابعا: محد قال لها تطلقي ... لكن لو يبي يتزوج عشان عذر الدراسه ... خله يتهنى ومحد ماسكه ..

وغلطانه اختي كندل اذا تقولين ان الياهل ما تحس ... ولا هي ما تستاهل ... وبعدين مسأله انها تتدلع عليه او تزعل منه.. ما نلومها , ولا نقولها انها ما تستاهله .... لان الريال جرح كرامتها .. مهما كانت غلطه الحرمه .. مو المفروض يكافئها بالخيانه .....

انا مادري عنج اختي متزوجه او غير متزوجه ... لكن لو متزوجه وعندج عيال ما عتقد بتقولين هالكلام.... والمادة عمرها ماكانت مصدر سعادة ...

( أكرم السامعين . ) خدامه الوالده .. يايه تخدم وهدت ولدها وهو عمره 5 سنوات .. طبعا تربيه ام زوجها وزوجها ... الولد مفهمينه ان الماما رايحه تجيب لك العاب وهدايا ... والخدامه طبعا ما بترجع الا بعد اربع سنوات والحين توها مكمله سنه ...

الياهل قام يتصل فيها يترجها ترجع ما يبي فلوسها ولا يبي هداياها الي تطرشهم يبيها ترجع وبس .. كل شهر صياح على نفس الحال ... لين صار الولد يمرض كل اسبوع .. وبدل ما تشتري له هدايا صارت تطرش الفلوس حق علاج ...

هذي الخدامه .. فما بالكم هالبنت الصغيره .... وتقولون ما بتحس .. من يقول ما تحس ...
القرار الاول والاخير مب لي ولا لكم ... القرار حق امها

والله يصلح الحال

تحياتي
ام جنى

انا عايشه في غربا و اعرف واااااايد حريم يتركون عيالهم عند اهلهم كل انشان و له ظروفه الي تفرضه عليه

سوي الي يقوله زوجك و شوفي وين بيوصل ...هو قال خالي البنت ويا امي خلاص اتصلي الحيلنه و احجزي تذكره و روحي عند زوجك و خلي البنت عند امه مثل ما يقول و شوفي شو بيصير ...يمكن اصلا امه تتصل لكم و تقول تعالوا خذوا البنت

صلي استخاره و اسمعي كلام زوجك و شوفي شو بيصير

الله يكون في عووونج ... ويفرج عليج همج وغمج ويرد بنتج وريلج في حظنج

وكلام اختي ام جنى يريح القلب وماقصرت

يعطيها العافيه

الله يعينج سالفتج تفر الراس
أنا من رايي بما انج عنده وابوج بيقعد اسبوع يعني عندج فرصة تشوفي مايته يمكن صج محتاجك معه وبالنسبة لبنتج اذا كان الريال شاريج هو منه ومن نفسه بيقول جيبيها
لكن حذاري تحرميه دوسي على قلبج وصبري بس هالاسبوع وحسسيه انج تحبيه وتتمني تعيشي انتي وبنتج معاه وبآخر الاسبوع قرري
أتمنى انج ترجعين مع ابوج تاخذين بنتج وتردين له

شوفي حبيبتي انا رايي كان من راي الاخت مجهولة والاخت ام جنى

لكن بما انج رحتيله

هو الحين بيحاول يختبر صبرج

والله اني حاسه فيج فديتج

والله فراق الضنى مب هين

شوفي الغالية صبري عليه شوي وامسحي دموعج انا حاسه انه هو يبي يطلعج انتي الغلطانة وانج انتي تخليتي عنه

لكن لا تعطيه فرصة طلعي معه ناقشيه

وقوليله ابي اكمل دراستي

ولا تجيبي سيره بنتج لكم يوم بس

وكانه مو هامج كلش

يختي والله اقولج هالكلام وانا حاسه بالمج لانه فراق الياهل مب هين والله(خاصة انه بنتي ف عمر بنتج)

بس عشان تقهرين ريلج

شوفي سلوكه بعد كل اللي تسوينه

شوفيه تقبل والا نفس الحالة يعني مصر ع بنت عمه!!


اذا شفتيه مصر يعني هو بس يتعذر بالبنت وردي لبنتج احسن لج ولها

واذا شفتيه بدا يتغير ابدي كلميه عن بنته وراويه صورها وكلميه عنها


وربي يجمعج بابنتج مع ريلج عاجلا غير اجل يارب العالمين

حبيبتي اصبري ومالج الا ربج
ادعي وادعي وادعي ان الله الين قلبه ,, عليج بسورة ياسين لانها تيسر الامور وربج ايسهل امورج
عطيه حقوقه ولو كارهه هالشي عسب تبرين ذمتج وماتنسالين
فديتج اعتبري نفسج انتي في معركه لازم انتي الي تنتصرين فيها
هذا اختبار من ربج وربج يعرف انج قدها وقدوود
وتصبري فديتج وادعي .. وانا بعد بدعيلج وان شاالله بنفسه يقولج يبي البنت

تدرين من رايي لو كنتي يايبه صورها ولا فيديو هو روحه بيتوله عليها لانها ظناه والظنا غاااالي لو شو
حاولي تضحكين وتبتسمينله عسب نفستيه تنشرحلج يوم ترمسينه عن بنتكم

حسسيه ان هو غالي عندج .. سبحان الله الريال مثل الياهل حتى انه يغار من عياله مرات
وانج مستعده تسوين اي شي عشانه .. هالتصرفات والكلمات تونسهم

من كلامج حسيت ان ريلج وايد كان مخطط يكمل دراسته ومصر على هالشي لدرجة مايبغي شي يخرب على حلمه.. شكله هو وايد اشياء كان يخططها وماصارت عسب جيه مب قادر يتحمل هالحلم بعد مايتحقق والله يعلم
على العموم لاتحسسينه ان بنتكم عقبه جدامه وقوليله بالاجازات تروحون لها

وخل علاقتج قويه مع ربج.. صدقيني الناس ماتفيدج الي يفيدج هو ربج

طمنينا عليج