زوجي خطب بنت عمة بموووت

السيدة ملعقة;5627751:
شوفي حبيبتي الريال اول ما يتزوج يعني بالملجة يركز ع الجمال
ولما يعيشون مع بعض يبدا يهتم اكثر بالشخصية , الجمال والاهتمام فيه مطلوب بس اكثر شي
يسلب وياخذ قلب الرجل احترام الزوجه له وطاعتها له وحكمتها وهدوؤها ومحاولتها بشتى الطرق انها تريحه وترضيه وتسعده ,
روحي معاه بدون بنتج , ع الاقل تفاهمي معاه ليش كلم بنت عمه بس بكل هدوء لاتفقدين اعاصبج وتصرخين
قولي له انج بتسوين كل شي عشان ترضينه , وانتي حاولي ترضينه وشوفي شو يحب ومايحب
اكشفي شو يحب وشو مايحب خلج رومنسية وحنونة ودلوعه , بعدين لما تشوفينه تغير وصار اكثر هدوء وقربا منج ,اقنعيه ان ييب بنتج

حبيبتي ترا الريال اهم شي تعرفين متى لازم تكلمينه او تطلبين منه الشي اللي تبينه وتتوقعين منه الرفض
شوفي وقت يكون هادي ومستانس وكلميه بهدوء وبدلع

بصراحه انا معاها في كلامها وهذه بنت عمه الله لا يوفقها يارب اللي بتخرب بتكم
والله ما تخاف من ربها والله يعينك حبيبتي على بلوتك

توي من شوي كلمت زوجي رد علي بخياست نفس وزفني وقالي كلام جارح قالي انتين الي خربتين حياتج بيدج انا قايل لج مابي عيال وانتين اصريتي على انج تجيبين والحين تحمليني المسؤلية انا مابي اخسر دراستي
وقال لي انا ابي وحده تدرس حالها من حالي ونتعب علشان نكون مستقبلنا بس الضاهر انتي انسانه مو متطوره تبين تخلفين عيال وبس هاي الي يهمج
بناااات والله فيني العبره من كلامه ليش كذا يكرهني احسه مايحبني تفكيره كل بالمستقبل والدراسه ماعمره قالي كلام حب وغزل وفوق هذا كله يبي يتزوج بنت عمة
خلاص انا الي كرهته انا الي الحين مابيه ماحس نفسي اقدر اخلي بنتي واروح عنها على حسابه
بناااات الله يوفقكم ساعدوني شوفو لي حل بنتي كل ما اطالعها اصيح كيف اتركها وهي روحي وحياتي كيف اقعد بالليل وهي مو جنبي بنتي عمرها خمسة شهور تحتاج حناني تحتاجني والله ضلم ليش كذا حسبي الله على ضالمين يااااربي ساعدني يارب ماقدر اخلي بنتي واروح انكان زين كلامه وحبه لي يشجعني اني اترك بنتي واروح له المشكله انه اناني ومايفكر الا براحته
تتخيلو يا امهات انكم تتركون ضناكم انكان زين مع امي الا مع مرت ابوي هيه حنونه وكل شي بس مو زي الام غير
الله يساعدني ربي ارحم على العبد من نفسه

مكن البنات كلهم بيزفوني وبيقولون لا تسمعين كلامها

وأنا اقول لج سامحيني اذا بغلط بكلامي

بس لو انا مكانج مستحييييييييييييل اترك ضناي

عندي ولد عمره تقريبا ستة شهور

ما اقدر اني اتخيل يغيب عن عيني لحظة

كل مكان اروح اخذه

حتى عمتي ام زوجي تقول لي خليه معاي وطلعي مع ريلج اذا بنتسوق

وارفض

ما اقدر اتركه لان روحي فيه

اعذرج والله

بالنسبة لريلج

روحي له وجربي تنسينه بنت عمه واذا نسى ( وانا ما اعتقد ) لان الريال اذا حط شي في باله خلاص

المهم اذا نساها قربيه من بنته خليه يشوف صورها وعلميه باخبارها

مثلا احسبي عمرها بالايام يعني اليوم عمرها خمسة شهور وكذا يوم

وقولي له جرييب بتجلس وبتحبي وبتسوي جذي

يمكن يحن لها

لكن اذا ما فيه فايدة اتركييييييييه لا تعذبين نفسج وتعذبين بنتج

اذا خسرتي سعادتج معاه اشتري سعادتها

بس لا تتربى بعيد عنج حرام

انا جربت اليتم وهو يقطع القلب

لييييييييييييت امي موجودة واعيش معاها طووووول العمر

الله يوفقج خيتي ويسعدج ويحنن قلبه عليج وعلى الصغيرونة فديتها

الله يفرج همك

الله يصبرج و يفرج همّج

الله يساعدك

بالصراحه مادري شنو اقول .... ادعي ربك يسخر لك زوجك

انا اقول مثل البنات بالضبط روحي مع زوجج وخلية يبعد عن الحرام في الغربة ولا تخلين بنتج اهنية هذا اهم شيء اخذيها ... حراااااااااام البنت بعيدة عن الام حراااااااااام ...

وحسبي الله ونعم الوكيل

والله كلام البنات 100% صح الله يعينك

رايي:

تخلين بنتج عند حرمة ابوج و تسافرين عند ريلج و حاولي انج تكسبينه و لا تبينين ان الوضع مضايقنج و لا حتى فراق بنتجبالعكس بيني له انه كل شي في حياتج و سعادته فوق كل شي و هو لج و انتي له و كملي دراستج عندهم حتى لو كانت دورات المهم شي تحبينه مثلا تصميم ازياء

و تذكري (( كوني له امةً يكن لك عبداً) و يوم بتملكين قلبه مستحيل يرفض طلب ان بنتج تعيش وياكم

و خلال هالفترة ترا بنتج في ايادي امينه والوضع ماظن انه بيطول اكثر من شهور و هذا مقدور عليه و لا انج تفقدين ريلج و بنتج تعيش بعيده عن ابوها ،، لو ريلج الحين معاند في النهاية هو ابو و بيحن على بنته ،،

و بنت عمه مستغله الوضع اللي بينكم هذا كله و تبين له انه الشي اللي يباله بيحصله عندها لو هو كان يباها جان خذاها قبل هي بنت عمه شو اللي يمنع انه ياخذها بس هو ما خذاها و خذاج انتي فلا تكبرين المواضيع كلها ايام و امورج بتتيسر ...

حبيبتي لحقي على ريلج و حاولي قد ما تقدرين انج تستمتعين بالايام هاي اللي انتي وياه و باجر بتذكرون هالايام و بتتولهون عليها و لا تكبرين موضوع بنتج و تحملي الا هي فترة ة بتعيش بين ابوها و امها و يا كثر ما ناس يخلون عيالهم و يسافرون هم رياييلهم اعتبري الفترة هاي سفرة و يا ريلج تتجددين فيها حياتج و استغلي وجودكم و يا بعض لين ما الله يسر امورج و ادعي الله يحنن قلبه على بنته

و طمنينا عليج

الله يكون بعونج

الله يعينك ويرد لك زوجك ردآ جميلا
طيب روحي معه ودراستك تتئجل المهم زوجك مايتزوج عليك
الله يووفقك يالغلا

الله يفرج همك

حبيبتي ليش مكبرة الامر ؟؟

تقدرين تخلين بنتج عند مرت ابوج .. اذا على كلامج حبيبة و بتكون امينة عليها ..
جربي الوضع لو اسبوعين .. ما بين غمضة عين و انتباهتها يغير الله من حال الى حال !
بنتج منتي قاطتها بالشارع الحمدلله بيت عند انسانة لها قدرها عندج ..
روحي و لا كأن صاير شي و لمن توصلين قعدوا قعدة طويلة .. و تفاهموا ..
لبسي كشخي طبخي .. و ماعليه بنتج فترة قصيرة و بتردين لها .. ماراح تخلينها طول العمر !
ادري مو شي سهل .. بس ماعليه .. جربي اسبوعين بس .. مو وايد .. و لا انج تخسرين الحق اللي بتعطينه لبنتج بانها تعيش حياة طبيعية ..
والله يعينج

الله يعينك ويرد لك زوجك ردآ جميلا

اختي لحقيه نصيييييييييحه.. راح تندمين قد شعر راسج قطعي تذكره وروحيله وخلي بنتج كم يوم عند امه حاولي تتفاهمين معاه... علشانها.. بس لاتخربين بيتج بيدج وتقولين ياليت اللي جرا ماكان..روحيله وحطي النقط على الحروف.. هذا زوجج.. ومن حقه يتزوج اذا انت ما انت قادره تكونين معاه بالغربه..
توكلي على الله وربج بيسر امرج ان شاء الله

ما يصير اتروحين تدريسين بعد؟

وبيعدين هو كان يقولج ان يبيج معاه وانتي اتقولينله مافي امل....... ألخ

انقهر الريال...... فعذريه ولااااااازم اتروحين ترا.........

البنات ماقصروا كفوا ووفوا

والمره وانا اختك تتبع زوجها حتى لو على ظهر بعير

ومايجوزلك تعصين زوجك في كل الاحوال والواجب عليك طاعته

مالم يامرك بشيء فيه معصية لله

والله يهديك ويهديه لطريق الصواب

الله يعينج حبيتي بس الله يهديج ليش مارحتي معاه لانه الريال مايبي يروح للحرام فاذا كان عشان البنت كان حاولتي تقنعينه عشان تروح معاكم والحين حاولي تكلمينه وتراضينه وتقولين له انج ماعندج مانع تروحين له والبنت حطيها عند اهلج اكيد السفره مب مطوله والله يصلح بينكم انشالله

طمننا عليكي يا بنت بحرينية والله قلبي معاكي

البنات كفوووو ووفوووو

روحي معاه بدل ما يجيب لك شريكه